Morgunblaðið - 16.09.1979, Blaðsíða 15

MORGUNBLAÐIÐ, SUNNUDAGUR 16. SEPTEMBER 1979
47
Dagurinn
ídag
Drottinn —
aðeins að þú sæir
daginn eins og hann var
í dag.
Innra með mér.
Hugur
fylltur angist
og óróleika og ég
megnaði ekki
að spenna greipar —
í bæn
til þín.
hörmulegar hugsanir.
Óhugsandi
að lúta þér.
I>ú varst
svo f jarri mér.
Ég verð að segja það
á þennan hátt
til þess að vera heiðarlegur.
Og nú finn ég aftur að
þú kemur til mín
A erfiðum degi.
(Þýtt úr norsku)
Brot úr sögu f orseta
George Washington, fyrsti forseti Banda-
ríkjanna, fekk orð fyrir að vera góður sonur
foreldra sinna. Móðir hans gaf honum jafnan
þann vitnisburð.
Eitt sinn lét hún svo ummælt:
„Ég hef engar áhyggjur af því, sem George
gerir. Hann er ávallt góður sonur!“
Áður en hann tók við embætti forseta, fór
hann til móður sinnar, sem þá var háöldruð og
rúmliggjandi.
„Mamma,“ sagði hann. „Þjóðin hefur kosið
mig sem forseta Bandaríkjanna. Áður en ég
tek við því starfi, langar mig að koma og
kveðja þig. Undireins og ég hef tíma til kem ég
aftur og...“
Lengra komst hann ekki. Hetjan hrausta gat
ekki hugsað þá hugsun til enda að skilja við
móður sína. Hann brast í grát við rúm móður
sinnar. En móðir hans hughreysti hann og
sagði:
„Þú munt ekki sjá mig framar. Ég á ekki
langt eftir í þessum heimi. Ég finn, að nú er
minn tími kominn að fara heim til Guðs.
Farðu nú, sonur minn, og þjónaðu þeirri
köllun, sem Guð hefur kallað þig til. Megi
blessun Guðs og móður þinnar ávallt fylgja
þér.“
Þetta voru kveðjuorð góðrar móður til sonar
síns. Áður en hann fékk aftur tækifæri til að
heimsækja æskustöðvar sínar, var móðirdians
látin, 85 ára. Kveðjuorðum hennar gleymdi
George Washington aldrei. Þau urðu honum
oft til styrktar og hvatningar á þeim erfiðu
átta árum, sem hann var forseti hinnar ungu
þjóðar og mótaði stefnu hennar um ókomin ár.
Góður sonur metur alltaf mikils ráð foreldra
sinna hvort sem er móður eða föður, og er
þakklátur fyrir blessunarbænir þeirra.
Heimsmet!
Indverji nokkur, Masurija, á
heimsmet í að safna yfirvar-
arskeggi. Það er 259 sm á lengd.
Það tók hann 13 ár að safna
skegginu, frá 1949 til 1962.
Franskur maður að nafni
Jules Dumont, var cigandi
lengsta skeggs sem um getur í
sögunni. Það var 365 sm. Hann
hefur sennilega losnað við að
bursta skóna sfna!
> <
n ! > <
rv
i
) < >
Stríðnis-
eldspýtustokkurinn
Fáðu þér eldspýtustokk eins og sýnt er á myndinni. Settu
tvöfalda teyju utan um skúffuna og festu síðan broti af
eldspýtu í teyjuna, þannig að eldspýtan geti snúist. Rífðu
síðan niður fjölda af litlum. þunnum sneplum og settu í
stokkinn. Þá skaltu snúa eins mikið upp á teyjuna og þú
þorir og loka siðan eldspýtustokknum. Næst þegar einhver
þarf á eldspýtum að halda, sýnir þú kurteisi eins og
venjulega! — og býður þeim eldspýtustokkinn.
Um leið og henn er opnaður, þyrlast sneplarnir út um allt
eins og snjór.