Morgunblaðið - 26.09.1979, Blaðsíða 2
2
MORGUNBLAÐIÐ, MIÐVIKUDAGUR 26. SEPTEMBER 1979
S jálfstædismenn á móti
íbúðarbyggð í Laugardal
og við Suðurlandsbraut
„VIÐ, FULLTRÚAR Sjálfstœðisflokksins i skipulagsnefnd, lýstum
andstöðu okkar við því að taka þessi svæði til íbúðarbygginga og
óskuðum eftir að afgreiðslu yrði frestað, svo að okkur gæfist tóm til
að leggja fram bókun þar sem við gerðum grein fyrir skoðunum
okkar. Tillaga vinstri flokkanna biður því afgreiðslu i skipulags-
nefnd,“ sagði Birgir ísleifur Gunnarsson, er Mbl. leitaði upplýsinga
hjá honum um hvað liði meðferð skipulagsnefndar á hugmyndum á
þéttingu íbúðarbyggðar i Reykjavikurborg.
„Á vegum Þróunarstofnunar
hefur að undanförnu verið unnið
að athugunum á íbúðarbyggingum
á auðum svæðum innan borgar-
markanna og hefur athyglin eink-
Féllaf svöl-
um hótels í
Búlgaríu
STÚLKAN sem lést af slysförum
i Búlgariu á laugardaginn, hét
Ester Hafdis Jónasdóttir, 19 ára
gömul. Hún var til heimilis að
Engjavegi 16 á Selfossi.
Samkvæmt upplýsingum sem
Morgunblaðið fékk í gær hjá
utanríkisráðuneytinu varð slysið
með þeim hætti að Ester féll fram
af svölum hótelsins sem hún bjó á
og beið bana. Ekki er enn vitað
nánar um tildrög slyssins. Hótelið
sem Ester bjó á nefnist Hotel
Moskva, og er á baðströnd á
sumarleyfisstað í Búlgaríu, en hin
látna var þar á ferðalagi á vegum
Ferðamiðstöðvarinnar.
íslendingar hafa ekki sendiráð í
Búlgaríu, og því hefur sendiráðinu
í Sovétríkjunum verið falið að
fylgjast með rannsókn málsins.
um beinst að fimm svæðum. Þau
svæði eru: í Fossvogi, nálægt
Borgarspítala; við Öskjuhlíðar-
skóla; á Laugaráshæðinni; við
enda Laugardals, vestan við
Glæsibæ og íþróttahús T.B.R. og
svæðið milli Miklubrautar, Skeið-
arvogs og Suðurlandsbrautar.
Athugunum þessum er ekki
lokið, en á fundi í skipulagsnefnd
fyrir rúmlega hálfum mánuði
lögðu fulltrúar Alþýðubandalags,
Alþýðuflokks og Framsóknar-
flokks fram tillögu þess efnis að
taka nú þegar tvö þessara svæða
til deiliskipulagningar með það
fyrir augum að byggja þar íbúðar-
hús. Þessi tvö svæði eru svæðið við
enda Laugardals, vestan við
Glæsibæ og T.B.R.-húsið í átt að
Laugardalshöll og svæðið milli
Miklubrautar, Skeiðarvogs og
húsaraðarinnar, sem stendur
norðan við Suðurlandsbraut, en
tilheyrir Gnoðarvogi. Tillaga þessi
bíður, eins og ég sagði í upphafi,
afgreiðslu vegna okkar óska.“
— En hvað með hin svæðin?
„Að því er snertir svæðið á
Laugarásnum þá er beðið eftir
umsögn Náttúruverndarráðs, en á
háhæðinni eru verðmætar
náttúruminjar. Að því er svæðið
við Öskjuhlíð snertir þá hefur
menntamálaráðuneytið nú óskað
eftir lóðarstækkun fyrir Öskju-
hliðarskólann, en sú stækkaða lóð
myndi ganga inn á það svæði, sem
fyrirhugað var að taka til íbúðar-
byggðar. Viðræður þurfa því að
fara fram við menntamálaráðu-
neytið um það mál. Varðandi
svæðið við Borgarspítalann er það
að segja, að endanleg afmörkun
lóðar spítalans hefur ekki farið
fram og meðan það hefur ekki
gerst er illmögulegt að afmarka
endanlega það svæði, sem hugsan-
lega gæti komið þar til íbúðar-
byggðar."
Þessi mynd er af svæðinu við Suðurlandsbraut, þar sem vinstri
meirihlutinn i borgarstjórn vill að byggð verði ibúðarhús, en
sjáifstæðismenn eru á móti.
Herstöðvaandstæðingar;
Fá ekki leyfi til fundar-
halds á KeflavíkurfLugvelli
en boða til fundarins eftir sem áður
„LEYFI HEFUR ekki verið veitt, og
verður ekki veitt,“ sagði Þorgeir
Þorsteinsson lögreglustjóri á Kcfla-
víkurflugvelli i samtali við blaða-
mann Morgunblaðsins í gær, er
hann var spurður hvort miðnefnd
herstöðvaandstæðinga yrði heimilað
að halda útifund á flugvallarsvæð-
inu.
Þorgeir kvaðst hafa sent skeyti til
herstöðvaandstæðinga í gærmorgun,
þar sem þeim hefði verið tilkynnt
framangreind ákvörðun. Lögreglu-
stjóri sagði að sér hefði aldrei borist
nein beiðni um leyfi til fundarhalds á
flugvallarsvæðinu. Hins vegar hefði
sér borist tilkynning á mánudag frá
herstöðvaandstæðingum, þar sem
skýrt hefði verið frá því, að ákveðið
hefði verið að halda fundinn. Tilkynn-
ingu þessa sagði hann hafa verið
senda í símskeyti, dagsettu á föstu-
dag, en sér hefði hún borist á
mánudagsmorgun.
Helgi Ágústsson hjá varnarmála-
deild utanríkisráðuneytisins hefur
sagt að fundir af þessu tagi hafi
aldrei verið leyfðir innan flugvaliar-
svæðisins, en væntanlega sé ekkert
því til fyrirstöðu að halda fundinn
utan girðingar, með leyfisýslumanns.
Ásmundur Ásmundsson, verkfræð-
ingur og formaður miðnefndar her-
stöðvaandstæðinga, hafði þetta um
málið að segja er blaðamaður Morg-
unblaðsins ræddi við hann í gær-
kvöldi:
„Við bregðumst þannig við þessari
ákvörðun lögreglustjórans, að við
höldum við okkar aðgerðir eins og
upphaflega var áformað. Við bendum
á það, að almenningi hefur verið
hleypt stjórnlaust inn á fundi sem
haldnir hafa verið með velvilja her-
stjórnarinnar eða utanríkisráðuneyt-
isins eða hvers þess er þar stjórnar.
Reglum hefur þá ekki verið beitt, ef
einhverjar eru, en nú dúkka upp
reglur, skyndilega, þegar halda á
fundi sem ekki njóta þessa velvilja.
Þetta sýnir það, að ekki er hægt að
túlka þetta öðruvísi en geðþótta-
ákvörðun, og ekki er gætt þess
almennt viðurkennda atriðis að sam-
ræmi skuli ríkja er lögum og reglum
er framfylgt. Þessi boð og bönn eru
án allra útskýringa, og í skeyti
lögreglustjórans bannar hann fund-
inn án útskýringa. Komið er í ljós, að
þessar reglur, sem settar hafa verið á
vallarsvæðinu, eru til þess að þeir
geti deilt og drottnað."
Ásmundur kvaðst ekki vita til þess
að áður hefði verið farið fram á það
að halda fund á flugvallarsvæðinu.
En fundur þessi væri skipulagður til
þess að fylgja eftir þeim aðgerðum
sem efnt var til í Sundahöfn í
Reykjavík, er mótmælt var komu
flota Nato.
M
Kaupmáttarskerðingin:
„Hörmuleg niðurstaða fyrir
láglauna- og millitekiufólk”
Morgunblaðið hefur leit-
að álits fjögurra fulltrúa
launþega og spurt þá,
hvað þeir vilji segja um
kaupmáttinn í ljósi þeirra
hækkana, sem orðið hafa
undanfarið, m.a. á land-
búnaðarvörum. Svör
þeirra fara hér á eftir.
Verðhækkanirnar
hrikalegar og
ógnvekjandi
Bjarni Jakobsson, formaður
Iðju, félags iðnverkafólks, sagði
eftirfarandi:
— Það ber að vísu að viður-
kenna, að sumt hefur verið efnt að
nokkru sem stjórnarflokkarnir
lofuðu og verður þá að hafa í huga,
að þeir hafa ekki verið ýkja lengi
með stjórnartaumana. En hitt er
þó öllu alvarlegra, hvað margt er
laust í reipunum og annað farið
gjörsamlega úr böndum, saman-
ber kaupmáttinn, en hann er nú
9,9% minni en hann var í júní
1978. Þá var kaupmáttur verka-
mannalauna 118,8%, en er nú
kominn niður í 108,9%. Og það
raunalega er, að allar horfur eru
á, að hann komi til með að
hraðminnka og muni verða orðinn
allverulega lægri frá því sem nú
er, þegar líður nær árslokum.
Verðbólgunni átti að koma niður í
30%, en allar líkur benda nú til, að
hún geti farið í allt að 60%.
Viðbrögð
fulltrúa
launþega
— Verðhækkanirnar undanfar-
ið eru vægast sagt hrikalegar og
ógnvekjandi. Hver hækkunin kem-
ur í kjölfar annarrar. Ríkisstjórn-
in samþykkti m.a. á fimmtudag-
inn var gífurlegar hækkanir á
landbúnaðarvörum. Minnsta
hækkunin var á osti 20%, en aðrar
mjólkurvörur hækkuðu um 27%
og um rúm 38%. Kjötvörur hækk-
uðu um 22% og allt upp í 32%. Það
sér hver maður, að svona nokkuð
getur ekki gengið lengur. Þessar
hækkanir koma til með að hafa
geysileg og neikvæð áhrif á af-
komu heimilanna. Ég hygg, að
hverjum og einum hrjósi einnig
hugur við öllum þeim hækkunum,
sem orðið hafa að undanförnu á
opinberri þjónustu.
— Vextir hafa hækkað allveru-
lega á stuttum tíma. Flestir
þeirra, sem eru að berjast við að
eignast íbúð, hafa verið óviðbúnir
þessum háu vöxtum og þeim er því
allverulega íþyngt. Húsnæðismál-
astjórnarlánin og lífeyrissjóðslán-
in koma til með að létta róðurinn
fyrst í stað, ef ful! verðtrygging
kemst á, en það mun ef að líkum
lætur verða skammgóður vermir.
Aftur á móti munu þeir, sem
neyðzt hafa til að taka bankalán,
finna mjög fljótlega fyrir okurv-
öxtunum. Fyrr en síðar koma svo
atvinnuvegirnir til með að fá að
velta vöxtunum út í verðlagið og
verður það því enn til að auka
hraða óðaverðbólgunnar, þegar
það gerist samhliða hinu hraða
gengissigi. Það er talað um, að það
sé verið að vernda fé sparifjáreig-
enda, en það er öðru nær að svo sé,
því að með ört vaxandi verðbólgu
rýrnar það líka þrátt fyrir hærri
vexti. Verða því þessar aðgerðir
einar sér og án hliðarráðstafana
nær eingöngu til bölvunar.
— Að lokum vil ég gefa vænt-
Bjarni Jakobsson
anlegum frambjóðendum við
næstu alþingiskosningar það ráð
að lofa minnu en reyna fremur að
vera menn til að efna meira.
Kaupmáttur launa-
fólks rýrnar
Eðvarð Sigurðsson, formaður
Verkamannafélagsins Dagsbrún-
ar, sagði eftirfarandi:
— Eg hef ekki stúderað þetta
neitt nákvæmlega, en það er
aldeilis augljóst, að frá því að
hækkunin var á landbúnaðarvör-
unum, bera launþegar þær óbætt-
ar til 1. desember að öllu óbreyttu.
Það er talið, að þessi hækkun nemi
fast að 4% í vísitölu. Það er einnig
augljóst, að 1. desember fá launþ-
Eðvarð Sigurðsson
egar ekki þessa hækkun alla bætta
vegna ákvæðanna um, að hækkun
á launalið bóndans skuli vera
undanskilin, en það mun vera
nálægt 1%, sem ekki verður bætt.
Af þessum sökum og einnig vegna
hækkunar á söluskattinum og
vörugjaldinu, sem einnig verður
ekki bætt fyrr en 1. desember, þá
er sjáanlegt, að kaupmáttur laun-
afólks rýrnar sem þessu nemur á
þessu tímabili. Það er náttúrlega
augljóst, að það er afleitt þegar
verðbreytingar verða, þegar kaup-
hækkun hefur nýlega orðið og
menn verða að sitja með óbreytt
kaup fast að þremur mánuðum.
Launastefnan hefur
stórskaðað launafólk
Guðmundur H. Garðarsson,
formaður Verzlunarmannafélags
Reykjavíkur, sagði eftirfarandi:
— Það hefur komið í ljós, að
kaupmáttur taxtavísitölu verka-
manna var í ágúst sl. kominn
niður í 108,9 stig og allar horfur á
því, að hann verði kominn niður í
104,9 stig í nóvember n.k. sam-
kvæmt spám þeirra, sem gjörst