Morgunblaðið - 28.05.1980, Side 16

16
MORGUNBLAÐIÐ, MIÐVIKUDAGUR 28. MAÍ 1980
1000 manns í Þórsmörk
um helgina — 300—400
manns í Þjórsárdalnum
MIKIL umferö var á veKum á
Suð-Vesturlandi um hclgina og
laKÖi fjöldi fólks leið sina meöal
annars til Þinsvalla, upp í bjórs-
árdal inn í Þórsmörk. AÖ sögn
iögreglunnar á Hvolsvelli er talið
aö í Þórsmörk hafi verið um 1000
manns, þegar flcst var þar á
lauKardagskvöld. Töluverð ölvun
var meðal fólksins en ekki er vitað
um nein meiriháttar óhöpp þar.
Gott veður var í Þórsmörk um
heÍKÍna sem annars staðar á Suð-
urlandi nema hvað á annan í
hvítasunnu fór að hvessa og kólna
af norðri.
Mikil umferð var á vegum í
Árnes- og Rangárvallasýslum.
Margt fólk lagði leið sína til
Þingvalla og þegar bílafjöldinn var
mestur um miðjan dag á sunnudag
lá við umferðaröngþveiti, að sögn
Tómasar Jónssonar, varðstjóra hjá
lögreglunni á Selfossi. Tómas sagði,
að umferð á Þingvöllum hefði
sjaldan verið meiri en um helgina,
nema þegar einhverjar stærri sam-
Dreka-
flugmenn á
æfingamóti
SVIFDREKAFÉLAG Reykjavíkur
gekkst fyrir æfingamóti um s.l.
helgi, svökölluðu „Fly-in“-móti.
Drekaflugmönnum utan af landi
var boðið til þátttöku og alls munu
10—12 drekar hafa verið á flugi á
mótinu.
Þátttakendur höfðu aðsetur í
Víkingsskálanum í Hamragili en
flogið var við Miðfell í Þingvalla-
sveit. Veður var fremur hagstætt til
drekaflugs og uppstreymi gott.
íslandsmótið í drekaflugi fer fram í
júlí n.k. og verður líklegast haldið á
Þingeyri. Meðfylgjandi myndir af
drekaflugmönnunum tók Pétur J.
Johnsen.
komur hefðu verið á svæðinu. Að
sögn Tómasar var mikið um að fólk
færi Þingvallahringinn og kæmi við
á Selfossi og í Hveragerði.
í Þjórsárdal voru að sögn Tómas-
ar Jónssonar milli 300 og 400
manns, þegar flest var, en all margt
fólk var komið þar strax á föstu-
dagskvöld og flest var farið á
mánudagsmorgun. Bæði var þarna
fjölskyldufólk og ungt fólk, sem
einkum tjaldaði á svæði því, er
útisamkoman „vor í dal“ var haldin
á fyrir nokkrum árum. „Æði marg-
ir voru duglega ölvaðir þarna,“
sagði Tómas og bætti við að stöku
bíleigandi hefði kvartað yfir því að
unnar hefðu verið skemmdir á
bílum þeirra. Einkum hefðu það
verið rúðubrot og einn eigandinn
hefði tekið það ráð að laga bílinn
sinn til með sleggju. Ohöpp í
umferðinni hefðu ekki orðið önnur í
Þjórsárdalnum en banaslys það,
sem sagt er frá á öðrum stað í
blaðinu. Tómas tók fram að lögregl-
an hefði ekki þurft að hafa afskipti
af fjölskyldufólkinu, sem flest hefði
tjaldað inni í skóginum.
Lögreglan í Árnessýslu tók um
helgina 23 ökumenn grunaða um
ölvun við akstur og var um helm-
ingur þeirra tekinn í Þjórsárdaln-
um.
Að sögn lögreglunnar í Reykjavík
var einnig talsverð umferð um
Vesturlandsveg í Hvalfirði um
helgina. Kjartan Sigurðsson varð-
stjóri hjá lögreglunni á Akureyri,
sagði hins vegar að þar hefði ekki
verið mikil umferð, hvorki innan-
bæjar né í nágrenninu.
Stálu 145
þúsund kr.
NOKKUÐ var um innbrot í
Reykjavik um helgina en ekki er
vitað til að miklum f jármunum hafi
verið stolið á innbrotsstöðunum að
sögn lögreglunnar.
Þannig var brotist inn í húsnæði
Iðnfræðsluráðs að Suðurlandsbraut
6, brotist var inn í verslunina
Kirkjumuni við Kirkjutorg og einnig
var brotist inn í verslun í Mosfells-
sveit og stolið þaðan sælgæti og gosi.
Þá tók lögreglan tvö drengi, sem
reyndust hafa á sér 145 þúsund
krónur og kom síðar í Ijós að þeir
höfðu tekið þessa peninga ófrjálsri
hendi.
Danir móta sömu afstöðu til
Jan Mayen og Íslendingar
í REGLUGERÐ þeirri. sem Ank-
er Jörgensen forsætisráðherra
Dana undirritaði og út var gefin
14. maí s.l. um útíærslu fiskveiði-
lögsögunnar við Grænland frá og
með 1. júní nörðan 75. breidd-
argráðu við Vestur-Grænland og
G7. hreiddargráðu við Austur-
Grænland. er að finna samskonar
ákva“ði um gildi útfærslunnar
gagnvart Jan Mayen og voru í
reglugerð þeirri sem mælti fyrir
um 200 mílurnar umhvcrfis
ísland og tók gildi 15. október
1975.
Reglugerðin, sem gefin er út á
grundvelli laga frá 17. desember
1976 um fiskveiðilögsögu danska
ríkisins, mælir fyrir um miðlínu
milli Grænlands og Svalbarða. En
um Jan Mayen segir, að á meðan
ekki annað verði ákveðið gildi
miðlína milli Grænlands og eyjar-
innar, þar sem fjarlægðin milli
grunnlínupunkta er minni en 400
sjómílur. En eins og kunnugt er
eru fyrirhugaðar viðræður milli
Dana og Norðmanna um stöðu Jan
Mayen og draga Danir í efa, að
Grænland fái 200 mílur í sinn hlut
en Norðmenn það, sem þá verður
eftir frá þeirri línu að Jan Mayen.
Svæði það, sem þannig er um deilt
nær yfir rúmlega eitt hundrað
þúsund ferkílómetra.
í reglugerðinni er ekki að finna
nein sérstök ákvæði er varða
Kolbeinsey, sem er einn af
grunnlínupunktum íslands gagn-
vart miðlínu á móti Grænlandi, en
Danir háfa mótmælt því, að Kol-
beinsey geti verið grunnlínu-
punktur. Telja þeir eyjuna „klett"
samkvæmt skilgreiningu drag-
anna að Hafréttarsáttmála og
mótmæla lögsögu út frá henni á
sömu forsendum og þeir mótmæla
því til dæmis, að Rockall geti verið
grunnlínupunktur. Um langan
aldur hefur Kolbeinsey verið einn
af íslensku grunnlínupunktunum.
Nái krafa Dana fram að ganga
færast mörkin milli íslensku og
grænlensku lögsögunnar 35 kíló-
metra nær Islandi. Um miðlínuna
milli íslands og Grænlands segir
það eitt, að komi ekki til sérstakra
samninga skuli miðlína gilda frá
næstu grunnlínupunktum við
strendur hvors lands. Skilja Danir
þetta ákvæði svo, að Kolheinsey sé
ekki grunnlínupunktur.
í síðustu viku ræddi sendinefnd
frá íslandi, sem í áttu sæti
Hannes Hafstein, skrifstofustjóri
í utanríkisráðuneytinu, Þórður
Ásgeirsson skrifstofustjóri í sjáv-
arútvegsráðuneytinu, Jón Jónsson
forstjóri Hafrannsóknarstofnun-
arinnar og Einar Ágústsson sendi-
herra þetta mál við fulltrúa
danskra stjórnvalda í Kaup-
mannahöfn. Mun skýrsla viðræðu-
nefndarinnar lögð fyrir ríkis-
stjórnina og rædd af henni, áður
en frekari aðgerðir verða í málinu.
Eftir að Danir hafa fært lögsög-
una út verður það Efnahags-
bandalag Evrópu, sem fer með
yfirráðin yfir auðlindunum innan
lögsögunnar og úthlutar afla-
magni þar. Engar viðræður hafa
verið ákveðnar milli Islendinga og
Efnahagsbandalagsins um þetta
mál, en áhugi er á því, að íslensk
skip fái að stunda veiðar a úthafs-
rækju á þeim sióðum, sem eru
innan grænlensku lögsögunnar og
einnig gengur loðna inn í lögsög-
una á sumrin.
Hörð keppni í 350 metra stökki. Hér koma að marki Þóttur,
knapi Tómas Ragnarsson (t.v.). Móri, knapi Harpa Karlsdóttir
og Sesar, knapi Oli Herbertsson. Ljósm Guðjón.
Hvítasunnukapp-
reiðar Fáks
ÁRLEGAR Hvítasunnukappreiðar Fáks. fóru fram á annan í
hvítasunnu á skeiðvelli félagsins á Víðivöllum. Auk kappreiða var
keppt í tveimur fiokkum unglinga og gæðingar voru sýndir, og
verðlaun afhent en gæðingarnir voru dæmdir á laugardeginum fyrir
hvítasunnu. Töluvert rok var á meðan kappreiðarnar fóru fram og
mótvindur. sem dró úr árangri í hlaupagreinunum.
í flokki alhliða gæðinga var
efstur Óskar, eigandi og knapi
Sigurbjörn Bárðarson, með eink-
unnina 8.46. Annar varð Frami,
eigandi og knapi Erling Sigurðs-
son, með einkunnina 8.41 og í
þriðja sæti Seytill, eigandi Hörð-
ur G. Albertsson, knapi Sigur-
björn Bárðarson, með einkunnina
8.40. Af klárhestum með tölti stóð
efstur Goði, eign Jóhannesar Elí-
assonar, knapi Hreggviður Ey-
vindsson og í öðru sæti varð
Ljósfaxi, eigandi Gunnar B.
Dungal, knapi Eyjólfur ísólfsson,
með einkunnina 8.62 en í þriðja
sæti varð Brynjar, eigandi Hörð-
ur G. Albertsson, knapi Sigur-
björn Bárðarson, með einkunnina
8.58.
Unglingar kepptu í tveimur
aldursflokkum og í flokki 12 ára
og yngri stóð efst Dagný Ragn-
arsdóttir á Glotta, með einkunn-
ina 8.41. I öðru sæti varð Guðrún
Hjartardóttir með einkunnina
7.27 og í þriðja sæti Sigurður H.
Teitsson á Feng með einkunnina
7.13. í flokki unglinga 13 til 15
ára stóð efstur Tómas Ragnars-
son á Dofra með einkunnina 8.23
og í öðru sæti varð Jenný Magn-
úsdóttir á Sendingu með eink-
unnina 8.13 og þriðji varð Magn-
ús Arngrímsson á Svarta-Blesa
með einkunnina 8.08.
I 250 metra skeiði sigraði
Adam, eign Harðar G. Alberts-
sonar, knapi Sigurbjörn Bárðar-
son á 24.1 sek. Annar varð Þór
Þorgeirsson Jónssonar, knapi
Trausti Þór Guðmundsson á 24,6
sek. en næstu tveir hestar voru
með sama tíma, og með samþykki
knapanna reyndu þeir með sér til
úrslita, en Þór hafði fengið
tímann 24,6 sek. í báðum sprett-
unum og því unnið réttinn til
annarra verðlauna. Hestarnir,
sem kepptu um þriðju verðlaunin
voru Villingur, eign Harðar G.
Albertssonar, knapi Trausti Þór
Guðmundsson og Hrannar, eig-
andi og knapi Gunnar Árnason,
og varð Villingur hlutskarpari.
Frúarjarður Unnar Einars-
dóttur, knapi Kristinn Guðnason,
sigraði í 800 metra brokki á 1.
mín. 42.8 sek. og annar varð
Tvistur, eigandi Heiða Guð-
mundsdóttir, knapi Guðmundur
Clausen, á 1. mín. 43.0 sek. en í
þriðja sæti varð Faxi Eggerts
Hvanndal, knapi Sigurbjörn
Bárðarson, á 1. mín. 46.7 sek.
í 800 metra stökki sigraði
Reykur Harðar G. Albertssonar,
knapi Hörður Harðarson, á 61.4
sek. og annar varð Gnýfari, eign
Jóns Hafdal, knapi Guðmundur
Ingibergsson, á 62 sek. en í þriðja
sæti varð Þróttur, eigandi og
knapi Tómas Ragnarsson, á 62.2
sek.
Úrslit í 350 metra stökki urðu
þau að fyrst varð Glóa, eign
Harðar G. Albertssonar, knapi
Hörður Harðarson, á 25.5 sek.
Annar varð ÓIi, eigandi Guðni
Kristinsson, knapi Steingrímur
Ellertsson, á 25.9 sek. og í þriðja
sæti varð Stormur, eigandi Haf-
þór Hafdal, knapi Sigurður Sig-
urðsson, á 26.1 sek.
í 250 metra unghrossahlaupi
sigraði Lýsingur, eign Fjólu Run-
ólfsdóttur, knapi Eiður Kristins-
son, á 19.1 sek. og annar varð
Hrímnir, eign Óla og Ásgeirs
Herbertssona, knapi Ásgeir Her-
bertsson, á 19.4 sek, en í þriðja
sæti varð Hnallþóra, eigandi
Svanborg Magnúsdóttir, knapi
Leifur Helgason, á 19.6 sek.
Á kappreiðunum var tekin upp
sú nýbreytni að tímasetja fyrir-
fram hvert hlaup og mæti knapar
ekki með hross sín á réttum tíma
fá þeir ekki að taka þátt í
hlaupinu. Er þetta gert til að
hraða mótahaldinu og veita
þátttakendum og starfsmönnum
meira aðhald. Þótti þessi
nýbreytni gefa góða raun en
dæmi voru um að knapar misstu
af hlaupum vegna þessara reglna.