Morgunblaðið - 16.07.1980, Page 5

MORGUNBLAÐIÐ, MIÐVIKUDAGUR 16. JÚLÍ1980
5
Ferðamálastjóri:
Innlendir
aðilar vilja
vernda hags-
muni sína
ÞETTA er nú ekki í miklum mæli
ennþá, menn, sem vinna að ferða-
þjónustu hér á landi. vilja tryggja
stöðu sína og hagsmuni gagnvart
erlendum aðilum. sem skipuleggja
hingað ferðir fólks, og vilja ekki
að þeir sjái að öllu leyti um þá hér
innanlands, sagði Ludvig Hjálm-
týsson ferðamálastjóri i samtaii
við Mbl. í gær, en á Ferðamála-
ráðstefnu var samþykkt ályktun
þar sem varað er við þeirri þróun
að erlendar ferðaskrifstofur taki
að sér skipulag hópferða til ís-
lands.
Ferðamálastjóri sagði að í gildi
væri samþykkt milli Norðurland-
anna og margra Evrópuþjóða þar
sem segði að ekkert mætti gera til
að torvelda ferðir manna milli
landa, en hér væri verið að vara við
þeirri þróun að erlendir aðilar færu
um of inn á verksvið innlendra
aðila, svo sem leiðsögumanna o.fl.
er hafa með erlenda ferðamenn að
gera.
l.jó«in.
Höndlað með hamborgara i hamborgarabíl i höfuðborginni.
Við teljum að flug-
öryggi sé f ullnægt
— segir forstjóri Flugleiða
NEITUN flugumferðarstjóra á
Akureyri um yfirvinnu á kvöldin
hefur haft í för með sér vissa
erfiðleika fyrir okkur, en við
höfum reynt að bjarga okkur á
annan hátt, með því að senda
menn okkar norður til að gefa
flugvélunum nauðsynlegustu
upplýsingar um veður, vindátt,
vindstyrk o.fl., sagði Sigurður
Helgason forstjóri Flugleiða í
samtali við Mbl.
— Ég tel fráleitt að hér sé
verið að stofna öryggi farþega og
flugvéla í hættu. Öryggisnefnd
FÍA er hvorki mótfallin né sam-
þykk þessu fyrirkomulagi, hún er
hlutlaus og því teljum við að
öryggi sé fullnægt. Enda myndum
við ekki leggja út í neina tvísýnu
og gengjum ekki í berhögg við
vilja öryggisnefndarinnar, sagði
Sigurður. Hann kvaðst ekki vita
til að lausn þessa máls væri í
sjónmáli og sagði hann Flugleiðir
brátt íhuga breytta áætlun ef
sýnilegt væri að ekki rættist úr.
— Annars eru þessar sífelldu
deilur við einstaka starfshópa
mikið áhyggjuefni og valda þær
erfiöleikum i allri skipulagningu
ferðaþjónustu, hélt Sigurður
áfram. — Tíðindin spyrjast út og
menn eru farnir að vantreysta
íslendingum þegar um er að ræða
ferðamál, því verkföll geta hvenær
sem er skollið á og skemmt fyrir,
enda ber þau mjög oft upp á mesta
annatíma. Erlendir ferðaskrif-
stofumenn eru farnir að hrista
höfuðið þegar sölumenn okkar
koma til að kynna landið og ferðir
hér, og samdrátt í komu ferða-
manna hingað má án efa rekja að
nokkru til þessa álitshnekkis.
Var að forð-
ast árekstur
í FRÉTT í þriðjudagsblaðinu var
missagt að bifreiðarstjóri sendi-
ferðabifreiðar hafi misst stjórn á
bifreið sinni á Karlabraut svo að
hún valt. Hið rétta er að hann var
að forða árekstri við vinnutæki,
sem ekið var út á götuna. Maður-
inn meiddist í baki og á hendi.
Siguröur Helgason um nýtingu flugmanna:
Samanburður okkar
gefur rétta mynd
ÉG VEIT ekki hvoru megin
sönnunarbyrðin liggur, en töl-
ur okkar eru íengnar af sam-
anburði við flugmenn annarra
áætlunarflugfélaga á leiðinni
yfir Norður-Atlantshaf og mér
finnst því að flugmenn ættu að
leggja fram tölur sínar, sagði
Sigurður Helgason forstjóri
Flugleiða, er hann var spurð-
ur um viðbrögð við áskorun
formanns Félags ísl. atvinnu-
flugmanna að hann sannaði
tölur um verri nýtingu flug-
manna Flugleiða en annarra
flugfélaga.
— í þessum tölum er ekki
notaður samanburður við leigu-
flugfélög, enda gæfi slík viðmiðun
ekki rétta mynd, sagði Sigurður
ennfremur, — en samanburður á
Flugleiðum og öðrum flugfélögum
á Norður-Atlantshafsleiðum gefur
fyllilega rétta mynd. Sigurður
Helgason kvað lagða á það mikla
áherslu af hálfu Flugleiða í yfir-
standandi samningaviðræðum við
flugmannafélögin, að ná betri
nýtingu flugmanna, en slíkt væri
nauðsynlegt til að Flugleiðir sætu
við sama borð og önnur flugfélög á
sömu leiðum og að félagið væri
samkeppnisfært. Kvað hann í
þessu sambandi launin ekki skipta
höfuðmáli, nýtingin væri það sem
mest væri um vert að fá lagfært.
Hlé er nú á samningaviðræðum
Flugleiða og félaga flugmanna
fram í ágústbyrjun.
Palle Fischer gest-
ur Norræna hússins
NORRÆNA húsið í Reykjavík
hefur veitt danska rithöfundin-
um Palle Fischer styrk til að
gista ísland og er hann væntan-
legur á næstunni. Palle Fischer
er fæddur í Kaupmannahöfn
1928 og var móðir hans sænsk.
Danski rithöfundurinn Palle
Fischer.
Að loknu háskólanámi var
hann um hrið lektor í dönsku í
Stokkhólmi.
Fyrsta skáldsaga hans, „Skal vi
gifte os med Miss Simpson", kom
út árið 1963 og sú næsta, „Ikke
særlig merkelig aften", tveimur
árum seinna og vöktu þær báðar
mikla eftirtekt í Danmörku.
Nokkrar fleiri skáldsögur hafa
komið út eftir hann svo og
ritgerðasafn. í haust er væntanleg
ný bók, „Den store badedag". Segir
í frétt frá Norræna húsinu að verk
Palle Fischer einkennist mjög af
áhuga hans á manninum og eðli
hans, hann dragi mjög fram hinar
dýrslegu hvatir mannsins og þar
sem hann komi mjög auga á hið
kátlega í fari mannsins verði
lestur bóka hans ekki til að vekja
með lesendum leiða og þunglyndi,
miklu fremur samúð með mannin-
um og umhverfi hans.
Þá segir i frétt Norræna hússins
að það muni halda áfram eftir
föngum að bjóða norrænum lista-
mönnum styrki til að sækja heim
ísland í því skyni að kynna sér
land og þjóð.
Herraskór í úrvali
Stæröir 40—45
1. Ljósir, kr. 29.900.-
2. Brúnir, kr. 29.900.-
3. Brúnir, kr. 35.800.-
4. Hvítir, kr. 25.500.-
5. Ljósbrúnir, kr. 29.900.-
6. Ljósgráir, kr. 33.500.-