Morgunblaðið - 01.11.1980, Side 24

24
MORGUNBLAÐIÐ, LAUGARDAGUR 1. NÓVEMBER 1980
MORGUNBLAÐIÐ, LAUGARDAGUR 1. NÓVEMBER 1980
25
JWtr|pimMró»i§>
Útgefandi hf. Árvakur, Reykjavík.
Framkvæmdastjóri Haraldur Sveinsson.
Ritstjórar Matthías Johannessen,
Styrmir Gunnarsson.
Ritstjórnarfulltrúi Þorbjörn Guömundsson.
Fréttastjóri Björn Jóhannsson.
Auglýsingastjóri Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar:
Aöalstræti 6, sími 22480. Afgreiösla: Skeifunni 19, sími 83033.
Áskriftargjald 5.500.00 kr. á mánuði innanlands. í lausasölu 280
kr. eintakiö.
Hringlið með
Frumvarp um þreföldun „tímabundins olíugjalds" hefur
mætt verulegri andstöðu bæði á Alþingi og í samtökum
sjómanna. Þetta er í þriðja sinn á einu og sama árinu sem
stjórnvöld hringla með olíugjaldið. í janúarmánuði sl. var þetta
gjald ákveðið 5%. í marzmánuði lagði núverandi sjávarútvegs-
ráðherra fram frumvarp, sem fól í sér lækkun olíugjaldsins í
2,5%, m.a. á þeirri forsendu, að því er sagt var, að gasolíuverð
færi lækkandi. Reyndin varð allt önnur. Og hagur útgerðar í dag
er allt annar og mikið verri en verið hefði, ef marz-frumvarp
sjávarútvegsráðherra hefði ekki náð fram að ganga. Talið er að
vanskilaskuldir útgerðarinnar séu ekki undir 25 til 30
milljörðum króna á líðandi stund.
I nefndaráliti stjórnarandstöðu um þetta þriðja frumvarp
ársins til breytinga á olíugjaldinu segir m.a.: „Þetta frumvarp
gerir ráð fyrir að þrefalda tímabundið olíugjald og talið er, gróft
reiknað, að þessi hækkun, sem fer fram hjá skiptaverði til
sjómanna, sé um 6 milljarðar króna og er þá loðnuaflinn ekki
tekinn með í þeirri upphæð“.
I nefndarálitinu segir ennfremur: „Við fiskverðsákvörðun,
sem gildir frá 1. október sl., er verulega gengið á sjómenn. Það
er því ekki óeðlilegt, að í þeirri stétt gæti vaxandi óánægju
þegar stjórnvöld standa hvað eftir annað að því að láta kjör
þeirra ekki fylgja kauphækkunum annarra vinnustétta. Auk
þess má minna á, að aðgerðir stjórnvalda til að draga úr sókn í
veigamestu fisktegundir leiða til kjararýrnunar sjómanna og
útvegsmanna, sem þeir hafa tekið bótalaust og án mótmæla".
„Við undirritaðir nefndarmenn teijum óskynsamlegt að rýra
kjör sjómanna enn frekar en gert hefur verið, en teljum að hlut
útgerðarinnar vegna hækkunar á olíuverði eigi að bæta með
sameiginlegum aðgerðum sem nái til allra landsmanna, og erum
við reiðubúnir til samráðs við sjávarútvegsráðherra um að leysa
vanda útgerðarinnar með þeim hætti“.
Samstarf íslendinga
og Grænlendinga
Matthías Bjarnason, fyrrverandi sjávarútvegsráðherra,
hefur, ásamt fleiri þingmönnum, lagt fram á Alþingi
frumvarp um Grænlandssjóð, til að stuðla að nánari samskipt-
um og samvinnu Islendinga og Grænlendinga. Frumvarpið
kveður nánar á um fjármögnun og tilgang, sem spannar
margskonar samskipti og stuðning við þessa grannþjóð, sem
nýlega hefur fengið heimastjórn en á við margháttaða erfiðleika
og vandamál að etja.
I greinargerð með frumvarpinu segir, að árið 1982 séu 1000 ár
frá fyrstu heimsókn Eiríks rauða til Grænlands. Virðist full
ástæða til að íslendingar minnist þessa afmælis og um leið hins
merka þjóðfélags Islendinga í Grænlandi næstu aldir eftir fund
landsins, með þeim hætti að treysta samstarfsbönd milli
þessara grannþjóða.
I greinargerðinni segir ennfremur að nánari kynni og
samskipti Grænlendinga og íslendinga verði báðum aðilum til
hags, bæði á sviði menningar- og efnahagsmála. Samskipti á
sviði fiskverndar- og fiskveiðimála skipti báðar þjóðirnar miklu
og margt bendi til þess að íslendingar geti í framtíðinni fengið
ýmis verkefni í tengslum við uppbygginguna á Grænlandi sem
íslenzk atvinnufyrirtæki nytu góðs af.
Þetta frumvarp Matthíasar Bjarnasonar og fleiri þingmanna
hefur vakið verðuga athygli með þjóðinni. Vonandi fær það
óskabyr gegnum þingið, enda flutningsmenn úr öllum þingflokk-
um. Það getur orðið vísir að miklum samskiptum milli þjóðanna,
ef rétt er á málum haldið og báðum til framtíðargiftu. Færi vel
á því ef þetta frumvarp yrði að lögum fyrir áramót þann veg að
framkvæmd efnisatriða yrði komin vel á veg er Grænlendingar
minnast 1000 ára afmælis íslenzks landnáms árið 1982, sem
ráðgert mun að sögn Henrik Lund, bæjarstjóra í Kakortok
(Juleanehaab) í viðtali við Grönlandsposten fyrr á þessu ári.
Gagnfræðaskóli Akureyrar var stofnaður
með lögum nr. 48, 19. maí 1930 og settur í
fyrsta sinn hinn 1. nóvember sama ár. Fyrsti
skólastjóri var Sigfús Halldórs frá Höfnum,
sem gagngert hafði flust frá Vesturheimi
fyrir hvatningu Jónasar Jónssonar frá
Hriflu til að taka við þessum starfa.
Skólinn var fyrstu árin til húsa í Lundar-
götu 12, í náinni samvinnu og sambýli við
Iðnskóla Akureyrar. Þótt undarlegt megi
virðast var hinum nýja gagnfræðaskóla
fálega tekið af sumum. Þó átti skólinn
hauka í horni og er á engan hallað í því
sambandi þó séu nefnd nöfn þeirra Halldórs
Friðjónssonar ritstjóra og tónskáldsins
ágæta Áskels Snorrasonar. Bæjarstjórn
Akureyrar var þá og harla tómlát um
velferð stofnunarinnar en minna má þó á, að
þá voru erfiðir tímar á íslandi. Fyrstu
kennslutækin voru keypt haustið 1930, en
þau voru: Hnattlíkan, 2 kort af Evrópu og 1
af hverri hinna heimsálfanna.
sjálfur í bæjarstjórn til að hrinda
málinu í framkvæmd. Hann var
kjörinn bæjarfulltrúi árið 1942 og
komst þá fyrst verulegur skriður á
málið, er hann fékk meiri hluta
bæjarstjórnar til að samþykkja að
hafist yrði handa við að reisa
skólahús. Einnig naut Þorsteinn
stuðnings Jónasar frá Hriflu,
fornvinar síns og samherja.
Húsameistara ríkisins var falið
að undirbúa bygginguna og valdi
hann skólahúsinu stað. Vegna
frábærrar elju og ákafa Þorsteins
var verkinu hrundið af stokkum
og hófst byggingarvinna í júlí-
mánuði 1942 og hélt áfram sumar-
ið 1943, og urðu þá meiri háttar
tímamót í sögu skólans. Haustið
1944 var allt húsið tekið í notkun,
en endanlegum frágangi utandyra
lauk sumarið 1946. Var þá húsið
eitt hið stærsta og best búna
sinnar tegundar á öllu landinu. Að
svo vel skyldi til takast sem raun
ber vitni er mest og best að þakka
frábærri atorku og ósérhlífni
Þorsteins M. Jónssonar auk for-
manns byggingarnefndar og
skólanefndar Guðmundar Guð-
laugssonar.
Þótt ýmsir teldu, að húsnæðis-
þörf skólans væri fullnægt um
langa framtíð reyndi Þorsteinn M.
Jónsson að gera sér grein fyrir
þróun mála og þóttist hann sjá að
um verulega fjölgun nemenda yrði
að ræða á næstu árum og því ekki
vanþörf á að huga strax að
byggingu viðbótarhúsnæðis. Af
ýmsum orsökum miðaði fram-
kvæmdum hægt og var látið
nægja að byggja 1 stofulengd
sunnan við skólahúsið og aðeins
neðstu hæðina. Loks var lokið við
bygginguna árið 1956—58.
Menn sáu brátt að nauðsynlegt
reyndist að stækka skólann, þar eð
nemendafjöldi óx ár frá ári og
aðstaða til kennslu og félagsstarfs
versnaði að sama skapi, og þurfti
að grípa til gamals ráðs, að fá
leiguhúsnæði, nú í Húsmæðra-
skólanum. Enn var þungt fyrir
fæti en nú sem fyrr naut skólinn
góðs leiðtoga. Með frábærri elju-
semi og dugnaði tókst Jóhanni
Frímann að þoka málinu af stað
svo að framkvæmdir hófust við
nýbyggingu skólans í ágústmánuði
1962. I þessum nýja áfanga skyldi
vera auk almennra kennslustofa,
Eins og að framan er sagt, var
Gagnfræðaskóli Akureyrar fyrstu
árin í húsnæði Iðnskólans í Lund-
argötu 12 þannig, að Gagnfræða-
skóli Akureyrar starfaði að degin-
um, en Iðnskóli Akureyrar var
kvöldskóli. Kennslustofur voru
tvær fyrstu fjögur árin. Þarna
voru höfðustöðvar skólans og
meginheimkynni þar til draumur-
inn um eigið húsnæði rættist og
skólinn fluttist í það haustið 1943
eða 13 skólaár alls.
Um miðjan þriðja áratug aldar-
innar hafði nemendum fækkað
mjög, en eftir það varð vart við
greinilega fjölgun nemenda, sem
gerði nauðsynlegt að afla viðbót-
arhúsnæðis og um skeið var skól-
inn samtímis til húsa á 3 stöðum í
bænum. Auk Lindargötu 12 var
kennt í Gránufélagsgötu 9, sem
skólinn siðar keypti („Verslun-
armannafélagshúsið"), og fimleik-
ar voru kenndir í samkomusalnum
í Skjaldborg, Hafnarstræti 67 (nú
Prentsmiðja Björns Jónssonar) og
einnig áður í leikfimihúsi Mennta-
skólans á Akureyri.
Þorsteinn M. Jónsson vann af
kappi að húsbyggingarmáli skól-
ans og fékk ýmsa menn til liðs við
hana. Var þó róðurinn þungur og
þótti sumum sem hægt miðaði,
einkum þó Þorsteini sjálfum, sem
brá á það snjallræði að fara
Núverandi hús G.A. við Laugargötu
Gránufélagsgata 9
Lundargata 12
ný kennarastofa og skrifstofu-
húsnæði skólans, eðlisfræðistofa,
íbúð húsvarðar og langþráður,
stór samkomusalur.
Þrátt fyrir þessa miklu stækkun
húsnæðisins rak að því, að vax-
andi nemendafjöldi sprengdi það
utan af sér, og varð enn að leita
leigurýmis annars staðar, svo sem
í Húsmæðraskólanum, Iðnskólan-
um, íþróttahúsinu og skátaheimil-
inu Hvammi. Nemendur urðu
flestir skólaárið 1971/1972, en þá
voru í skólanum 846 nemendur í 32
deildum.
Hin síðari ár hefur nemendum
fækkað vegna stækkunar og fjölg-
unar annarra skóla í bænum, enda
má nú heita, að skólinn sé sjálfum
sér nógur um húsnæði. Heimilis-
fræði er þó enn kennd í húsi
Hússtjórnarskólans og ein bekkj-
ardeild er vistuð hluta dagsins í
leiguhúsnæði í félagsheimili Ein-
ingar.
Starfslið
í upphafi voru fastráðnir starfs-
menn Gagnfræðaskóla Akureyrar
aðeins 2, þ.e. skólastjóri og einn
fastakennari, en frá upphafi hafa
starfað um 250 kennarar við
skólann. Nú starfa þar um 70
manns, kennarar og annað starfs-
lið.
Jafnan hefur gengið vel að fá
starfslið að skólanum og menn
hafa gjarna orðið þar rótfastir,
enda um helmingur núverandi
kennara gamlir nemendur skól-
ans.
Félagslíf
nemenda
Félagslíf nemenda Gagnfræða-
skóla Akureyrar hefur lengst af
staðið með blóma, að vísu misjafn-
lega fjörmikið frá ári til árs, en
alltaf með allföstu sniði. Skóla-
stjórar hafa stutt þessa starfsemi
ötullega og kennarar hafa verið
leiðbeinendur og hjálparhellur
nemenda í félagsmálum þeirra.
Nemendasamband Gagnfræða-
skóla Akureyrar var stofnað
haustið 1935 og starfaði það oft af
miklu fjöri fyrstu árin.
Skíðaferðir hafa alla tíð verið
stundaðar og fyrstu árin var farið
á Glerárdal og þá gist-eina nótt í
skála Skíðafélags Akureyrar,
Skíðastöðum. Mikil þátttaka var
jafnan í ferðum þessum. En sum-
arið 1944 keypti Gagnfræðaskóli
Akureyrar ásamt Iðnskóla Akur-
eyrar hermannaskála, og var harn
fluttur upp í Hlíðarfjall. Skáli
þessi, sem hlaut nafnið Ásgarður,
var síðan notaður sem fjallaskáli
til gistingar nemendum Gagn-
fræðaskóla Akureyrar í skíðaferð-
um þeirra á hverjum vetri til
ársins 1953, en þá var hann orðinn
mjög úr sér genginn og hefði þurft
mikillar viðgerðar við, svo að
hann var þá seldur. Næstu ár, eða
þar til Skíðahótelið í Hlíðarfjalli
tók til starfa, voru aðeins farnar
dagsferðir árlega til útivistar og
skíðaferða, ýmist í fjalllendið
vestan Akureyrar ellegar í Vaðla-
heiði, og hefur sá siður haldist æ
síðan. Nú fara 9. bekkingar í
tveggja daga ferð á vetri hverjum,
auk tilfallandi útivistar, ef gott er
veður.
Vorferðir nemenda (gagnfræð-
inga) að loknum prófum hófust
vorið 1942 með ferð heim að
Hólum í Hjaltadal. Upp frá því
fóru gagnfræðingar í nokkurra
daga ferðalag á hverju vori í fylgd
með nokkrum kennara sinna. Síð-
an hafa skólaferðalög verið árviss
og fimm sinnum hefur verið farið
til annnarra landa.
Nemendur Gagnfræðaskóla Ak-
ureyrar hafa jafnan verið skóla
sínum til hins mesta sóma. í
þessum ferðum hefur nemendum
og kennurum gefist gott tækifæri
til nánari kynna og oft voru
bundin þar vináttubönd sem hald-
ist hafa æ síðan.
íþróttir hafa alla tíð skipað
stóran sess í skólalífinu og margt
ágætra íþróttamanna verið í hópi
nemenda. Nokkrir þeirra hafa
komist í landslið í hinum ýmsu
íþróttagreinum. Ekki mun á neinn
hallað þótt nöfn Haralds M. Sig-
urðssonr og Þórhöllu Þorsteins-
dóttur séu nefnd í því sambandi.
Leiklist og tónlist hafa og verið
mikill og ánægjulegur þáttur í
félagslífi nemenda og mikill
menningarauki.
ára
Einn er sá þáttur í félagslífi
skólans, sem vert er að minnast
sérstaklega, en það er dansleikja-
hald í skólanum. Til undantekn-
inga má telja, að skóli haldi uppi
svo fjölbreyttu og reglulegu dans-
leikjahaldi í samkeppni við hina
almennu skemmtistaði. M.a. má
þar nefna veglegan áramótadans-
leik á nýársnótt og hina árlegu
árshátíð skólans, sem er í raun
sameiginleg samkoma nemenda og
kennara.
Að lokum skal þess getið að
hugaríþróttirnar skák og bridge
hafa lengst af verið mikið stund-
aðar. Málfundahald hefir lengi
verið nokkurt, svo og útgáfa skóla-
blaða svo sem Neista og Frosta.
Skólahaldið
Eins og áður er getið var
Gagnfræðaskóli Akureyrar settur
í fyrsta sinn hinn 1. nóvember
1930 og voru þá reglulegir nem-
endur í skólanum 46. Einnig var
haldið kvöldnámskeið fyrir þá
nemendur, sem eigi áttu þess kost
að sækja skóla að degi til.
í upphafi var Gagnfræðaskóli
Akureyrar tveggja ára skóli og
var svo fyrstu fjögur árin. Árin
1934—1949 var námsfimi til gagn-
fræðaprófs 3 ár, en frá 1950—1977
4 ár.
Haustið 1948 tóku til starfa
verknámsdeildir þar sem aukin
áhersla var lögð á verkmenntun og
-þjálfun. Síðan verður ekki breyt-
ing á hinu almenna gagnfræða-
námi fyrr en 1970, að komið var á
fót verslunardeildum í 3. og 4.
bekk. Er framhaldsdeildir komu
til sögunnar 1969, bættist 5. náms-
árið við, en nú getur samfelldur og
eðlilegur námstími lengstur orðið
6 ár, 3 í grunnskóla og 3 í
framhaldsskóla.
Skipan gagnfræðanáms hélst
óbreytt allt til þess að gagnfræða-
próf var síðast þreytt árið 1977, og
lauk þar með einum merkasta
þætti íslenskrar skólasögu á 20.
öld. Skólinn útskrifaði 2803 gagn-
fræðinga, en alls eru nemendur
orðnir 7210 á þessu hálfrar aldar
tímabili.
Landspróf miðskóla var upp
tekið við Gagnfræðaskóla Akur-
eyrar samkvæmt fræðslulögum
frá 1946 árið 1950 og það ár
þreytti prófið einn nemandi og
stóðst það með prýði. Síðan störf-
uðu landsprófsdeildir allt til þess
tíma að landsprófið rann saman
við gagnfræðaprófið árið 1974, en
var síðast háð árið 1976. Nú tekur
við samræmt grunnskólapróf með
lögum frá árinu 1974. Það er tekið
í færri grelnum, nær til allra
nemenda 9. árgangsins (9. bekkur
— gamli 3. bekkur) og er tekið á
öðrum tíma á skólaárinu.
Grunnskólapróf var haldið við
Gagnfræðaskóla Akureyrar í
fyrsta sinn árið 1977 og hefur
verið þreytt hér í fjögur skipti
alls, með ágætum árangri.
Framhaldsdeildum var hrundið
af stað hér við skólann haustið
1969 og hafa þær starfað óslitið
síðan. Fyrstu deildirnar voru á
viðskipta- og tæknisviði. Hjúkrun-
ar- og uppeldissvið tóku einnig til
starfa haustið 1970 og voru þá
tveggja ára námsbrautir. Tækni-
sviðið var lagt niður árið 1973
vegna ónógrar þátttöku. Haustið
1976 var viðskiptasviði breytt með
lögum og leiddi nú til almenns
verslunarprófs eftir 2ja ára nám
og sérhæfðs verslunarprófs eftir
3ja ára nám. Eftir sérhæft versl-
unarpróf geta nemendur tekið
stúdentspróf frá mennta- eða fjöl-
brautaskóla eftir eins árs viðbót-
arnám.
Af heilsugæslubraut (heilbrigð-
issviði) voru fyrstu sjúkraliðarnir
útskrifaðir í febrúar 1979 í sam-
vinnu við Fjórðungssjúkrahúsið
og annar hópur í mars 1980 eða
alls 27 sjúkraliðar. Nú eru 28
nemendur í síðasta námsáfanga
og munu útskrifast á þessu skóla-
ári. Óhætt mun að fullyrða að einn
mesti sigur Gagnfræðaskóla Ak-
ureyrar á 50 árum var annars
vegar brautskráning fyrstu
sjúkraliðanna með fullum starfs-
réttindum og hins vegar fyrstu
nemendanna með almennu versl-
unarprófi 1978 og sérhæfðu versl-
unarprófi 1979.
Hvort tveggja markar tímamót
í sögu skólans, og gamlir draumar
rættust.
Sigfús Halldórs
frá Höfnum,
skólast jóri 1930—1935.
Sigfús Halldórs var fyrsti skóla-
stjóri Gagnfræðaskóla Akureyrar
árin 1930—1935. Hann fæddist 27.
desember 1891 á Þingeyrum í
Sveinsstaðahreppi í A-Húnvatns-
sýslu. Stúdent varð hann frá
Menntaskólanum í Reykjavík 1913
og sigldi síðan til náms í Kaup-
mannahöfn og útskrifaðist 1918
með prófi í skógræktarfræðum.
Hann starfaði í Austurlöndum
fjær fyrir danska Austur-Indíafé-
lagið á árunum 1919—1923, en þá
flutti hann til Vesturheims, en
kom heim 1930 gagngert til að
taka við skólastjórn hins nýstofn-
aða gagnfræðaskóla. Er hann lét
af skólastjórn fluttist hann til
Reykjavíkur og gerðist ritari
Áfengisverslunar ríkisins. Sigfús
lét almenn menningarmál mjög til
sín taka, en ein af ástæðum þess,
að hann lét af skólastjórn að eigin
ósk, var sú, að honum þótti nokkuð
örvænt um framtíð skólans. Eftir
Sigfús liggur fjöldi blaðagreina og
útvarpserinda. Eiginkona Sigfús-
ar var Þorbjörg Bjarnason kenn-
ari, sem lifir mann sinn. Sigfús
lést í Reykjavík sumarið 1968.
Þorsteinn M. Jónsson,
skólastjóri 1935—1955
Þorsteinn Metúsalem Jónsson
fæddist 20. ágúst 1885 að Útnyrð-
ingsstöðum í Vallahreppi í S-
Múlasýslu. Gagnfræðingur varð
hann frá Möðruvallaskóla árið
1905 og kennaraprófi lauk hann
1909. Ævistarf hans var fyrst og
fremst bundið kennslu, á Akur-
eyri, Seyðisfirði og í Borgarfirði
eystra, þar sem hann stofnaði
unglingaskóla. Skólastjóri Gagn-
fræðaskóla Akureyrar var hann
1935—1955, er hann lét af störfum
fyrir aldurs sakir. Þorsteinn hóf
ungur afskipti af þjóðmálum og
var kjörinn á þing fyrir Norðmýl-
inga 1916, og sat þar til ársins
1923. Hann var í sambandslaga-
nefndinni 1918. í bæjarstjórn Ák-
ureyrar sat hann frá 1942—1956,
lengst af sem forseti bæjarstjórn-
ar. Um áratugaskeið var hann
mikilvirkur bókaútgefandi. Hann
var bókamaður góður og átti eitt
besta einkabókasafn íslenskt.
Þorsteinn M. Jónsson tók mikinn
þátt í starfi góðtemplara og ung-
mennafélaga. í öllum störfum var
hann heill. Kona Þorsteins var
Sigurjóna Jakobsdóttir frá Básum
í Grímsey og er hún enn á lífi í
hárri elli. Þorsteinn M. Jónsson
andaðist í Reykjavík 17. mars
1976.
Jóhann Frímann,
skólastjóri 1955—1964
Jóhann Frímann fæddist 27. -
nóvember 1906 í Hvammi í Langa-
dal í A-Húnavatnssýslu. Hann
varð gagnfræðingur frá Gagn-
fræðaskólanum á Akureyri (nú
M.A.) 1923. Árin 1925-1927 var
hann við nám í Lýðháskólanum í
Askov í Danmörku og síðar á
ævinni fór hann ótal námsferðir
til útlanda. Meginstarf hans var
kennsla og skólastjórn við Iðn-
skólann og Gagnfræðaskólann, en
um tveggja ára skeið var hann
skólastjóri héraðsskólans í Reyk-
holti. Jóhann hafði margvísleg
afskipti af félagsmálum, var m.a.
bæjarfulltrúi á Akureyri 1934—
1939 og ritstjóri Dags um skeið.
Eftir Jóhann liggja ýmis rit og
greinar m.a. ljóðabækurnar Man-
söngvar til miðalda 1929, Nökkvar
og ný skip 1934 og leikritið Fróðá
1938. Jóhann Frímann tók mikinn
þátt í störfum ungmennafélags-
hreyfingarinnar og samvinnu-
hreyfingarinnar og gegndi þar
trúnaðarstörfum. Við vinnu voru
afköst hans með ólíkindum. Jó-
hann var arftaki Þorsteins M.
Jónssonar og gegndi skólastjóra-
starfi til haustsins 1964 en skóla-
árið 1963—1964 var hann frá
störfum vegna heilsubrests. Kona
Jóhanns er Sigurjóna Pálsdóttir
frá Staðarhóli á Akureyri.
Sverrir Pálsson cand. mag. hef-
ur verið skólastjóri frá 1963. Kona
hans er Ellen Pálsson.
Yfirkennarar
Fyrsti yfirkennari Gagnfræða-
skóla Akureyrar var Jóhann Frí-
mann. Hann var skipaður til þess
starfa árið 1952, en hafði verið
hægri hönd Þorsteins M. Jónsson-
ar og nánasti samstarfsmaður við
daglegan rekstur skólans og við
hvers konar störf að hagsmuna-
málum Gagnfræðaskóla Ákureyr-
ar.
Jón Sigurgoirsson. yfirkennari
1955—1961, sem hafði kennt við
Gagnfræðaskóla Akureyrar allt
frá 1935, tók við yfirkennarastarf-
inu þegar Jóhann Frímann varð
skólastjóri. Frá 1961 helgaði hann
sig fyrst og fremst störfum við
Iðnskólann og síðan Tækniskól-
ann.
Ármann Helgason. yfirkennari
1961—1972, sá kennari sem lengst-
an starfsdaginn á við Gagnfræða-
skóla Akureyrar til þessa. Hann
hóf störf 1938 og er nú stunda-
kennari.
Ingólfur Ármannsson. yfir-
kennari frá 1972, að skólaárinu
1974—1975 undanskildu, er hann
dvaldi við nám og störf erlendis,
en þá gegndi Áskell Jónsson
störfum yfirkennara.