Morgunblaðið - 10.12.1980, Blaðsíða 12

12
MORGUNBLAÐIÐ, MIÐVIKUDAGUR 10. DESEMBER 1980
John Lennon og Yoko Ono. Mynd þessi var tekin i New York i ágúst sl.
John Lennon
— myrtur við upphaf nýs tónlistarferils
tími hefði verið sá erfiðasti í lífi
sínu. „Ég var að því kominn að
drekkja mér í áfengi og eiturefn-
um. Dag sem nótt tók ég líbríum
eða eitthvað annað og drakk að'
minnsta kosti eina flösku af
vodka á dag og hálfa flösku af
konjaki," sagði hann.
En Yoko kom aftur og sagði
John að það hefði bjargað lífi
sinu. „Án hennar hefði ég ekki
orðið að neinu."
Allt til ársins 1975 starfaði
John einn, samdi lög og gaf út 11
plötur. En þá dró hann sig í hlé
frá umheiminum í 5 ár.
„Ég var ekki ánægður með það
sem ég var að gera,“ sagði John í
viðtali. „Ég var orðinn að eins
konar vél sem fólk bjóst við að
framleiddi eitthvað sem réttlætti
tilveru mína.
En á þessum fimm árum gat ég
losað mig við það sem hindraði
mig í að vera eðlilegur og gera
það sem ég vildi. Ég gerði mér þá
grein fyrir því að draumurinn var
búinn. Ég hafði sagt skilið við
Bítlana líkamlega en ennþá hvíldi
á mér sú mara að fólk vænti
einhvers af mér. Þessi draugur
hvarf frá mér á þessum 5 árum.“
Það viðtal sem hér var vitnað í
var tekið í tilefni þess að fyrir
nokkrum vikum kom John fram í
sviðsljósið að nýju og sendi frá
sér nýja plötu með lögum eftir sig
og Yoko Ono. Platan, sem ber
nafnið Double Fantasy, hefur
fengið frábæra dóma gagnrýn-
enda og var talin lofa góðu um
áframhaldandi starf Johns á tón-
listarsviðinu.
„Mestu tónlistar-
menn aldarinnar“
John Lennon samdi vinsælustu
lög Bítlanna ásamt Paul
McCartney. Þeir sömdu hundruð
laga sem höfðuðu til fólks á öllum
aldri og má segja að sum þeirra
séu orðin klassísk. Hver man ekki
lög eins og Yesterday, Help,
When I’m Sixty-four og Lucy in
the Sky with Diamonds. Margir
gagnrýnendur telja að plata Bítl-
anna „Stg. Pepper’s Lonley He-
arts Club Band“ sé besta rokk-
platan sem út hefur komið.
Ef litið er á lagasmíðar þeirra
Pauls ög Johns frá upphafi má
sjá vissa þróun sem hefur átt sér
stað. Þegar ýmsir tónlistarmenn
reyndu að líkjá eftir Bítlunum
voru þeir komnir út í eitthvað
nýtt. Þeir byrjuðu á poppi, fóru
yfir í rokk og þaðan í ballöður og
lög sem báru indverskan blæ.
Ymsir heimsfrægir söngvarar,
svo sem Ella Fitzgerald og Frank
Sinatra hafa sungið lög Lennons
og McCartneys og sinfóníu-
hljómsveitir víða um veröld hafa
flutt lög þeirra í ýmsum útsetn-
ingum. „Lennon og McCartney
eru mestu tónlistarmenn sögunn-
ar,“ var haft eftir ritstjóra jap-
ansks tímarits, sem nýverið birti
mikla grein um John, þegar hann
frétti af morðinu.
Verður minnst
sem „bítils“
John Lennon var þenkjandi
maður og var alltaf talinn vera sá
„gáfaði" meðal Bítlanna. Hann
var sá sem stjórnaði.
New York, London, 9. des. — AP.
„ÉG VIL deyja á undan Yoko. Ég
gæti ekki lifað án hennar," sagði
John Lennon í viðtali við banda-
ríska útvarpsstöð nokkrum
klukkustundum áður en hann var
myrtur fyrir utan heimili sitt í
New York sl. mánudagskvöld. í
viðtalinu sagðist John vera
bjartsýnn á framtíðina en hann
hafði nýverið snúið sér aftur að
tónlistinni eftir að hafa helgað
sig fjölskyldunni, konu sinni
Yoko Ono og syni þeirra Sean, í 5
ár.
John Winston Lennon var
fæddur í Liverpool á Englandi 9.
október 1940. Faðir hans hét
Alfred Lennon og móðir hans
Julia. Hjónaband foreldra hans
stóð stutt og John bjó lengst af
hjá frænku sinni Mimi.
Lennon stundaði nám við gagn-
fræðaskóla árið 1955 er hann
stofnaði hljómsveit sem bar
nafnið „The Quarrymen". Paul
McCartney gerðist meðlimur
hljómsveitarinnar ári síðar og
George Harrison árið 1958. Ringo
Starr kom til sögunnar árið 1962.
Árið 1959 breyttu þeir nafni
hljómsveitarinnar í „Jhonny and
the Moondogs" og ári seinna í
„Silver Beats", samkvæmt hug-
mynd Johns. Sumarið 1960 héldu
þeir félagar til Hamborgar og
fengu þar nafnið „The Silver
Beatles" sem síðar varð „The
Beatles", eða Bítlarnir.
í desember 1960 héldu Bítlarnir
til Englands á ný og slógu þar í
gegn árið 1961 er lag þeirra
„Please, Please Me“ komst í efsta
sæti vinsældalistans. Það varð
hins vegar ekki fyrr en árið 1964
að vinsældir þeirra náðu til
Bandaríkjanna er þeir sendu frá
sér lagið „I Want to Hold Your
Hand“.
Árið 1963 breiddist svokallað
Bítlaæði út um England og náði
fljótt út um allan heim.
Bítlaæðið náði hámarki árið
1965 og fengu Bítlarnir þá orðu
breska heimsveldisins fyrir fram-
lag þeirra til tónlistar og útflutn-
ings á hljómplötum.
Síðar tók John mjög mikinn
þátt í baráttu gegn stríði og
Eftir að hann sagði skilið við
Bítlana átti baráttan fyrir friði í
heiminum allan hans huga og
báru plötur hans þess glögg
merki. Hann fékk mikið lof gagn-
rýnenda fyrir „að reyna“ að vinna
sjáifstætt og nokkur laga hans
þóttu góð, meðal annars „Give
Peace a Chance".
En hann náði aldrei langt, að
minnsta kosti ekki eins langt og
McCartney með hljómsveit sína
„The Wings".
Hans mun því í framtíðinni
verða minnst fyrst og fremst
fyrir það sem hann gerði sem
„bítill". Fyrir þátt sinn sem
gítarleikari hljómsveitarinnar og
söngvari og fyrir lög sín og
McCartneys sem Bítlarnir fluttu.
Þetta er ef til vill mesti harmleik-
urinn við hinn óvænta dauða
John Lennons. Hans verður
minnst sem „bítilsins" John
Lennons, þótt hann hefði áreið-
anlega ekki viljað að svo yrði.
Hann lést áður en hann gat reynt
aftur.
ofbeldi í heiminum og skilaði þá
orðu sinni aftur til að mótmæla
því að bresk stjórnvöld studdu
Nígeríustjórn í stríðinu við
Bíaframenn og til að mótmæla
stuðningi Breta við Bandaríkja-
menn í Víetnamstríðinu.
Fimm ára
„einangrun“
Árið 1962 giftist John Lennon
stúlku að nafni Cynthia og átti
með henni einn son, Julian, sem
nú er 17 ára. Julian hyggst feta í
fótspor föður síns á tónlistar-
brautinni og leikur á gítar eins og
John. Hjónaband Cynthiu og
Johns fór út um þúfur árið 1968.
Árið 1970 giftist John Yoko
Ono frá Japan. Tveimur árum
síðar hættu Bítlarnir að spila
saman og hafa sumir, meðal
annars fyrrum opinber talsmaður
Bítlanna, kennt hjónabandi
Johns og Yoko um að svo fór.
Eftir brúðkaupið tók John upp
nafn konu sinnar og kallaði sig
John Ono Lennon. Árið 1974
skildu þau um 15 mánaða tíma og
sagði John síðar í viðtali að sá
John Lennon ásamt félögum sinum í „The Beatles“ þegar þeir voru mestu átrúnaðargoð unglinga um
allan heim.