Morgunblaðið - 12.06.1981, Blaðsíða 10

10
MORGUNBLAÐIÐ, FÖSTUDAGUR 12. JÚNÍ1981
Ný Biblíuútgáfa í haust:
Prentun lokið og
unnið að bókbandi
LOKIÐ ER nú í Þýzkalandi
prcntun nýrrar hihlín útxáfu,
som í undirhúninKÍ hefur verið
síðustu árin <»k er nú unnið að
hokhandi þar. Ilermann I>or-
steinsson, framkva'mdastjóri
Hins ísl. hihlíufélaKs. er sér um
útKáfuna. tjáði MorKunhlaðinu
að ekki væri unnt að sej?ja með
nákva-mni fyrir um útkomudaK-
inn, en hann gæti orðið eftir tvo
til þrjá mánuði.
Hermann Þorsteinsson sagði að
nálega 200 milljónir gamalla
króna hefði kostað að undirbúa
útgáfuna, setja texta og lesa
prófarkir, en setningu annaðist
Prentstofa G. Benediktssonar.
Nýtur Biblíufélagið nokkurs fjár-
hagslegs stuðnings Sameinuðu
biblíufélaganna. Fyrsta upplag
hinnar nýju biblíuútgáfu er 8
þúsund eintök og kvað Hermann
stefnt að því að söluverðið yrði
tæpar 300 kr. eintakið í almennu
bandi, en Biblían verður einnig
fáanleg í skinnbandi. Þá sagði
Hermann að næsta verkefni væri
að gefa út Nýja testamentið ásamt
Davíðssálmum í hinni endurskoð-
uðu útgáfu.
Hljómsveitin Friðryk
leikur á Akranesi
HLJOMSVEITIN Friðryk sem
Pálmi Gunnarsson, Pétur Hjaite-
sted, Tryggvi Húbner og Sigurður
Karlsson skipa, hefur að undan-
förnu unnið að upptöku á sinni
fyrstu hljómplötu sem kemur
væntanlega út í lok júlimánaðar.
Hljómsveitin Friðryk hyggst nú
taka sér frí frá hljómplötugerð að
sinni en ætlar að taka til við dans
og tónleikahald. Fyrstu tónleik-
arnir munu verða á Akranesi
föstudagskvöldið 12. júlí og í
Miðgarði laugardagskvöldið 13.
júní.
Gönguleiðin á sunnudag er í Reykjanesfólkvangi, mjög margbreytileg og litrík. Er Ferðafélagið að vekja
með þvi athygli á þeim geysilegu möguleikum, sem hann hefur að bjóða i sambandi við gönguferðir og
Útiveru. Ljónm. Grétar EiríksNon.
Göngudagur Ferðafélagsins
í Reykjanesfólkvangi í ár
SUNNUDAGINN U. júní verður
Ferðafélag íslands með sinn ár-
lega göngudag. Þetta er þriðja
árið í röð, sem slíkur dagur er
haldinn. Valin hefur verið göngu-
leið i Reykjanesfólkvanginum.
m.a. til þess að vekja athygli á
þeim geysilegu möguleikum, sem
hann hefur upp á að bjóða i
sambandi við gönguferðir og
útiveru.
Ekið verður um Krísuvíkurveg
og langleiðina að Djúpavatni, þar
sem bílunum verður lagt, síðan
verður gengið um Lækjarvelli
fyrir endann á Djúpavatni um
Grænavatnseggjar að Græna-
vatni, framhjá Spákonuvatni og í
Sogaselsgíginn. Þar er kjörinn
áfangastaður til að taka upp
nestið sitt, fá sér kaffisopa og
hvílast litla stund. Síðan verður
gengið áfram um Sogin og komið
niður aftur við endann á Djúpa->
vatni. Þetta er leið, sem er mjög
auðveld og allir eiga að geta
gengið, bæði ungir sem aldnir.
Þeir sem léttir eru á sér geta tekið
á sig krók og gengið um Græna-
vatnseggjar og ef til vill lengra.
Leiðin er mjög litrík og marg-
breytileg, Sogaselsgígurinn er all
stór og í honum voru áður fyrr að
minnsta kosti 3 sel frá bæjunum á
Vatnsleysuströndinni. Þar er
hægt að finna skjól í flestum
áttum. Leiðin verður merkt með
stikum svo að engin hætta er á að
fólk villist, einnig verða allmargir
vlSBT spurt og svarad
Lesendaþjonusta MORGUNBLAÐSINS
Hafliði Jónsson garðyrkjustjóri svarar
spurningum lesenda um garðyrkjumál
Halda skal eigninni
í óbreyttu horfi
Kristinn Kristjánsson, Há-
vallagötu 53, hringdi og spurði
hvað væri til ráða þar sem
leigjendur í næsta húsi við hann
hirtu ekkert um garðinn sem
íbúðinni fylgdi og væri nú svo
komið að illgresið úr þeim garði
væri farið að vaxa yfir í hans
garð. Hvað á að taka til bragðs í
svona málum?
SVAR:
Að sjálfsögðu geta verið
ákvæði í húsaleigusamningum
sem undanskilja þrif húss og
lóðar, og ef svo er þá ber
húseigandi alla ábyrgð á því sem
miður fer.
Sé hinsvegar ekkert tekið
fram um lóð eða almenn þrif og
viðhald hinnar léðu íbúðar eða
húseignar, ber að líta svo á að
leiguhafa beri skylda til að halda
eign þeirri sem hann fær afnot
af í óbreyttu horfi og gæta þess
að ekki gangi úr sér vegna illrar
umhirðu eða umgengni. Um lóð
gilda nákvæmlega sömu reglur
og aðrar vistarverur hússins.
Hús og lóð fylgjast að í öllu
tilliti.
Hér er um of umfangsmikið
mál að ræða, að hægt sé að gera
því fullnægjandi skil í stuttu
svari og vitanlega eðlilegra að
löglærður maður fjallaði fremur
um það en ég. En spurningin er
athyglisverð og gæti gefið tilefni
til mikillar umræðu sem beinir
spurningum að mörgu fleiru en
illgresi því sem getur valdið
nágrönnum fyrirhöfn, leiðindum
og jafnvel verulegum útgjöldum
vegna aðkeyptrar vinnu. Mig
langar að minna á að lóðareig-
andi sem vanrækir að • klippa
trjágróður er gengur út yfir
gangstétt getur orðið bótaskyld-
ur ef sannað verður að gróðurinn
hafi valdið slysi t.d. hjá blindum
eða sjónskertum og eflaust einn-
ig hjá velsjáandi fólki.
Hefur úðun áhrif
á berjamagn?
Þór Þorsteinsson, Laugarás-
vegi 50, hringdi og spurði hvaða
áhrif almenn úðun hefði á berja-
vöxt og berjamagn ríbsberja-
runna með útrýmingu á flugum.
Hvað er til ráða ef úðunin hefur
einhver áhrif?
SVAR:
Allar horfur eru á að berja-
vöxtur verði góður á þessu
sumri, þar sem blómgun er mikil
á þessu vori, en flugur eða önnui
skordýr aðstoða ekki við frjóvg-
un og hvað úðun með skordýra-
eitri varðar, hefur það ekki í
sjálfu sér áhrif á berjavöxtinn.
Óeðlilegt má telja að eiturúðun
sé framkvæmd svo snemma að
hún skipti máii. En hinsvegar
getur úðunarkraftur orðið það
mikill að skaða valdi, en þá eru
tæpast fagmenn að verki, er
kunna á notkun tækja sinna.
Mikið úrfelli og sterkir vindar
yfir blómgunartímann geta
valdið því að blóm eyðileggjast
og vorharðindi geta valdið upp-
skerubresti.
Um eiturúðun er það eitt að
segja, að hana á aldrei að
framkvæma nema hennar sé
þörf. Úðun áður en skordýrin
gera vart við sig, kemur sjaldn-
ast að miklum notum. Aldrei
skal bruðlað með hættulegt
skordýraeitur, eins og nú virðist
því miður orðið of algengt.
Teskeid af
þorskalýsi
Jóna Magnúsdóttir, Vest-
mannaeyjum, hringdi og sagðist
hafa séð í norsku blaði að kona
gaf innipálma sem var 60 ára
u.þ.b. alltaf eitt glas af laxerolíu
á vorin.
Ber hún laxerolíuna á blöðin
eða setur hún hana við rótina?
SVAR:
í blómarækt getur fólk tekið
uppá ótrúlegustu hlutum og ég
hef enga trú á að laxerolía hafi
nokkur bætandi áhrif á vöxt
plantna, hvort sem þær teljast
til pálma eða annarra tegunda.
Laxerolía er unnin úr fræi
ákveðinnar jurtar (Risenius
communis) og vinnur sjálfsagt
engan skaða sé hún hóflega
notuð, hvort heldur hún er sett í
jarðveg eða þótt blöð jurta séu
strokin með henni, til að hreinsa
þau og fá gljáa.
En ekki er mér það til efs að
mun hyggilegra sé fyrir blóm-
elskar konur að gefa pálmanum
sínum eina teskeið af þorskalýsi
mánaðarlega og spara laxerolí-
una.
Hitt hefur lengi viðgengist og
skaðar ekki, að konur sem láta
sér annt um að fá fallegan gljáa
á jurtir, t.d. pálma, liljur o.fl.,
hafa strokið varlega yfir blöð
þeirra með mjúkum klút sem
vættur hefur verið með bómolíu.
Ræktun alparósa
Jón Guðmundsson, Norður-
mýri, hringdi og spurði hvort
vitað væri til að stórar alparósir
blómstri hér í görðum í Reykja-
vík og hvernig best væri að fara
með þær?
SVAR:
Erfiðlega hefur gengið að
rækta hér úti í görðum alparós-
ir. Margir hafa reynt slíkt með
mikilli natni og fyrirhöfn en
fæstum hefur lukkast það. Kann
ég engin þau ráð sem að haldi
koma við þá ræktun. Því miður
virðast fjölmargir blómfagrir
runnar er þrífast hátt í fjöllum
sunnar í álfunni ekki þola
frostvindana á okkar landi, og
kemur að litlu gagni þótt vel sé
um þá búið að vetrinum.
Blöðin gulna
Dagmar Árnadóttir, Skiphól,
Garði, hringdi og sagðist hafa
hjá sér brekkuvíði þar sem
blöðin væru að gulna og hann
virtist vera að deyja. Getur þetta
verið af of mikium tilbúnum
áburði? Hvað á hún til bragðs að
taka?
SVAR:
Hafi óhóflega og ógætilega
verið borið á brekkuvíðinn er
ekki ólíklegt að blöð hans gulni
og jafnvel gæti plantan drepist.
Bruni bæði á rót og blöðum. Það
er ekki fátítt að fólk sýni of
mikið örlæti í áburðargjöf. Þá
getur áburðurinn verkað sem
eitur ef of mikið er gefið. Það
eina sem hægt er að gera er að
láta vatn bókstaflega flæða yfir
plönturnar og reyna á þann hátt
að veita áburðinum á brott frá
rótunum. Engin önnur ráð eru
til nema „útskolun" hliðstæð því
sem gerist er við leggjum salt-
fisk í bleyti til að losa hann við
mesta saltið áður en við neytum
hans.