Morgunblaðið - 19.06.1981, Blaðsíða 19
MORGUNBLAÐIÐ, FÖSTUDAGUR 19. JÚNÍ1981
19
Kristín Sigurðar-
dóttir - Minning
Það kom eins og reiðarslag yfir
okkur hjónin er við spurðum
andlát Kristínar Sigurðardóttur,
eða Stínu eins og hún var nefnd.
Við höfðum verið hjá henni tveim-
ur dögum áður og notið hlýju
hennar og gestrisni. En sá slyngi
sláttumaður með ljáinn er ekki
lengi að bera að.
Hún var fyrir fáum dögum
komin austan frá Fáskrúðsfirði
þar sem hún var við jarðarför
Björns bróður síns svo það var
skammt stórra högga milli. Krist-
ín var fædd eins og áður segir 6.
október 1906 í Hafnarnesi við
Fáskrúðsfjörð. Hún var ung gefin
Sigurði Karlssyni og bjuggu þau í
Hafnarnesi þar til þau fluttu til
Vestmannaeyja 1953 en þá voru
börnin öll uppkomin og farin að
heiman, flest til Vestmannaeyja
og flest á faraldsfæti í Hafnar-
nesi. Kristín var dóttir Sigurðar
Eiríkssonar hins mikla sægarps
og Þuríðar Níelsdóttur. Ung
missti hún föður sinn er hann
fórst í fiskiróðri að haustlagi að
talið var á Nýjaboða útaf Skrúð og
tvo bræður sína mikla efnismenn.
Kristín var sómakona, vel greind,
hannyrða- og matreiðslukona með
afbrigðum góð. Hún var mjög
hreinlát, hreinskilin, en blíðlynd
og hjálpfús. Það sópaði að henni
hvar sem hún kom á mannamót.
Ekki voru kjör þeirra Sigurðar og
Kristinar kræsin í Hafnarnesi
frekar en annarra, en þau komu
börnum sínum til manns án þess
að þiggja af sveit. Sigurður var
veiðimaður góður eins og flestir
Hafnnesingar og lifibrauðið mest
fiskur og fugl, einnig höfðu þau
nokkrar kindur sér til skurðar.
Börnin voru 10, en eitt dó ungt,
drengur, Jón að mig minnir að
hafi heitið. Mann sinn, Sigurð,
missti Kristín fyrir nokkrum ár-
um, en hann var harmdauði flest-
um því hann var skemmtilegur
maður og drengur góður. Það var
því jafnræði milli þeirra hjóna.
Eftir lát Sigurðar bjó Kristín
fyrst ein að Fagurhóli, en síðan
með Rafni syni sínum og ól að
nokkru leyti upp son hans Yngva.
Hafði Kristín ofan af sér með
ræstingu í versluninni Tanganum,
en einnig mun Sigurður ekki hafa
skilið við hana á vonarvöl því
hann vann mikið og fór vel með fé.
Snemma tókst góð vinátta með
þeim Kristínu og Sigurði og for-
eldrum mínum, sem entist alla tíð,
einnig var hún mér og konu minni
Guðlaugu betri en engin og drukk-
um við margan góðan kaffisopann
hjá henni ásamt hennar góða
meðlæti yfir minningum að aust-
an því þó lífsbaráttan væri þar
hörð voru margir ljósir glampar,
sem vert var að minnast. Eins og
fyrr segir var lífsbaráttan fyrir
austan mjög hörð og mikið afrek
að koma 9 börnum til manns, en
Sigurður var duglegur bæði til
sjós og lands og ekki bruðlaði
Kristín. Allt varð að mat í hennar
höndum og það góðum því eins og
fyrr segir var hún matreiðslukona
frábær. Sambúð þeirra Sigurðar
og Kristínar var mjög góð. Bæði
voru þau glaðlynd og góð heim að
sækja. Þau höfðu yndi af dansi og
söng og nutu þess að koma á
samkomur. Kristín var mjög
glæsileg kona, fríð sýnum og alltaf
vel klædd. Börn Kristínar og
Sigurðar voru María, Emil, Jór-
unn, sem er látin fyrir allmörgum
árum, Óskar, Erna, Rafn, Asta,
Fjóla, Valgerður, auk Jóns, sem
eins og fyrr er getið lést ungbarn.
Út af Sigurði og Kristínu er
kominn stór og mannvænlegur
ættbálkur. Kristín var afreks-
kona. Þó hún ætti síðustu árin við
vanheilsu að striða, bar hún hana
með hetjulund. Guð blessi minn-
ingu hennar.
Magnús Jóhannsson
frá Hafnarnesi.
wLát þú mÍK hcyra miskunn þina aó
morxni daKs.
því ad þór treyati ók;
Kjör mér kunnan þann vok. er ók ó að
KanKa,
þvi að til þin hef ók sál mína.“
(Sálmarnir 143. 8)
Mann setur ætíð hljóðan er
fregnin um lát einhvers berst, sem
maður metur mikils og er annt um
þó svo að það sé gangur lífsins.
Amma mín, Kristín Sigurðardótt-
ir, fæddist að Hafnarnesi við
Fáskrúðsfjörð þann 6. okt. 1906.
Ung að árum kynntist hún Sigurði
Karlssyni sem síðar varð hennar
eiginmaður og fylginautur. Um
1953 fluttu þau hjónin búferlum
til Vestmannaeyja, sem varð
þeirra heimili til hinstu stundar.
Alls áttu þau tíu börn, Maríu,
Emil, Jórunni (sem lést 1967),
Óskar, Rafn, Jón (sem lést á fyrsta
ári), Ernu, Ástu, Fjólu og Val-
gerði. Byrjun áttunda áratugsins
var henni mikill erfiðis róður.
Þann 12. ágúst 1972 féll Sigurður
frá og varð það henni mikill
missir og harmur, og ekki batnaði
það er gosið á Heimaey braust út í
janúar 1973. Ekki lét hún bilbug á
sér finna og sneri skjótt aftur
enda fannst henni hún ekki eiga
heima annars staðar en þar.
Kristín var öllum góð móðir,
amma og langamma og þó svo að
ég hafi þekkt hana vel þá hefði ég
viljað þekkja hana betur, en oft er
ætlunin að framkvæma hlutina
þegar það er um seinan.
I dag er hin hinsta stund okkar
saman, er við ættingjarnir, sem
saman komnir eru á einn stað til
að fylgja þér til hinstu hvílu,
göngum undir hliðið á kirkjugarði
vorum sem ber þessi orð: „Ég lifi
og þér munuð lifa“; svo að við
sjáumst aftur er ég kem þá leið
sem þú leggur upp í í dag.
É* þckki vck. hann viss uk kIokkut er.
ei viliist neinn. er eftir honum [er.
En þyrnar vaxa þessum veKÍ á.
hann þrunKur er. en samt hann rata má.
Hann leidir oss i frið, i frið
ok flytur oss aA drottins hjevri hliA.
(Steindór Briem)
Hávarður Bernharðsson
ATHYGLI skal vakin á því, að afmælis- og
minningargreinar verða að berast blaðinu með góðum
fyrirvara. Þannig verður grein, sem birtast á í
miðvikudagsblaði, að berast í síðasta lagi fyrir hádegi
á mánudag og hliðstætt með greinar aðra daga.
Greinar mega ekki vera í sendibréfsformi. Þess skal
einnig getið, af marggefnu tilefni, að frumort ljóð um
hinn látna eru ekki birt á minningarorðasíðum
Morgunblaðsins. Handrit þurfa að vera vélrituð og
með góðu línubili.
Taktuekki óbarfa áhættu!
Sölu og þjónustumaður Þjálfaöur viðgerðarmaður yfirfer allt gangverk og Blllinn afhentur kaupanda I
Bllaborgar h.f. tekur við bll öryggisbúnað og lagfærir það sem þörf er á. 7. flokks ástandi og með 6
til sölumeðferðar. mánaöa ábyrgð.
Notaöir Mazda bílar með 6 mánaöa ábyrgð.
Þeir sem kaupa notaöan Mazda bíl hjá okkur geta veriö fullvissir um
aö bíllinn sé yfirfarinn, nýstilltur og í fullkomnu lagi og aö ef leyndir.
gallar kæmu íIjós myndi Bílaborg h.f. lagfæra þá að kostnaöarlausu.
Firriö yöur óþarfa áhættu í kaupum á notuðum bíl...
Kaupið notaöan Mazda meö 6 mánaöa ábyrgð.
BÍLABORG HF.
Smiöshöföa 23, /sími 812 99.