Morgunblaðið - 30.08.1981, Blaðsíða 28
76
MORGUNBLAÐIÐ, SUNNUDAGUR 30. ÁGÚST 1981
„VASKURINN VAR STiPLAÐUR."
Ast er...
fyrir tvo.
TM Rag. U S. Pat. Oft —ail rlghts rasarvad
• 1079 Lo« Angetes Tlmes Syndicate
Oísale^t — Ostakar
l>etta naín geri ég ódauðlegt!
HÖGNI HREKKVÍSI
„ *r/a. ng jArnðA ..
Athugasemd frá formanni stjórnar SVR
vegna skrifa um strætisvagnabiðskýli
GUÐRÚN Ágústsdóttir, formaður
stjórnar Strætisvagna Reykjavík-
ur, hringdi vegna skrifa um að-
stöðu (eða aðstöðuleysi) strætis-
vagnafarþega á biðstöðvum. „Það
sem ég hef um málið að segja er
þetta," sagði hún. „Við létum fara
fram hugmyndasamkeppni nýlega
um nýja gerð af strætisvagna-
biðskýlum og verið er að hanna
eitt slíkt tilraunabiðskýli til að sjá
hvernig það reynist. Smíði þess
hefur því miður tafist nokkuð
vegna tæknilegra erfiðleika, sem
upp hafa komið, en vonandi kemst
það upp sem allra fyrst.
Varðandi biðskýlið við Bern-
höftstorfu, þá varð að fjarlægja
það vegna framkvæmda viö úti-
taflið. Upphaflega hugmyndin var
að byggja nýtt biðskýli þarna og
sameina þá símklefa og strætis-
vagnabiðskýli. Póstur og sími
hafnaði hins vegar þessari hug-
mynd þegar til kom. Símklefinn
verður því settur upp eins og hann
var, en borgarverkfræðingur mun
sjá um að þarna verði sett upp
nýtt biðskýli áður en langt um
líður. Við vonum auðvitað að það
verði komið í gagnið sem allra
fyrst.
Þessi hugmyndasamkeppni sem
fór fram hjá okkur var i því fólgin
að fá fram góða hugmynd að
gangstéttarbiðskýli en slík bið-
skýli hafa verið töluvert vandamál
hjá mörgum þjóðum. Er einmitt
verið að hanna eitt slíkt biðskýli
eins og ég talaði um. Ef það
reynist vel er hugmyndin að slík
biðskýli verði sett upp víða um
borgina, m.a. hinum megin í
Lækjargötunni þar sem fólk
stendur núna hlífðarlaust fyrir
rigningunni. Þessi skýli eru hönn-
uð með það í huga að hægt verði
að hafa ljós í lofti þeirra og
upphitun. Það er mjög spennandi
að gera þessa tilraun en þessi
skýli eru auðvitað dýrari.
Eg hefði viljað að þetta væri
komið lengra áleiðis en vegna
tæknilegra örðugleika getur þetta
ekki orðið tilbúið fyrr en eftir
nokkurn tíma. Þetta tilraunaskýli
verður líklega sett upp einhvers
staðar við Lönguhlíð," sagði Guð-
rún.
Misheppnað framsóknarferðalag:
„10 rútur villtust
þar fram og aftur
, Ég vil taka undir með gömiu
konunni sem hringdi í Velvak-
anda 19. ágúst sl. Eg var ein af
þeim sem fóru í ferðalag með
, Eramsóknarflokknum og eins
I og hún segir var reyndin sú að
utan dagskrár og fóru að sýna
fólkinu Skúðarétíír, sem verða
100 ára 29. ágúst og eru snilld-
arlega hlaðnar. Ekki var minnst
á hver væri svona mikill snill-
ingur að hlaða veggi, en það er
Sigurþór Skærinvsson
Á refaslóðum rúturnar
í ráðaleysi byltust.
Fóru að dæmi Framsóknar
— fram og aítur villtust.
Ilákur.
Óreglufólk meðal leigjenda:
„Afleiðingin að leigusalar
og húsfélög gefast uppu
Velvakandi sæll!
Nú um skeið hafa húsnæðis-
vandamál leigjenda verið ofar-
lega á baugi og ekki að ástæðu-
lausu.
Einhliða þykir mér málflutn-
ingur þeirra, er koma fram fyrir
hönd leigjenda. Þar er sökin
aðeins á eina hlið, þeirra er
leigja út íbúðir annarsvegar og
hinsvegar vanræksla hins opin-
bera í byggingarmálum. En hér
er ekki allt sem sýnist.
En hver skyldi þá vera með-
virkandi og sennilega veigamesta
ástæða þess, að skortur er á
leiguhúsnæði, svo mikill sem
raun ber vitni? Að minni hyggju
má rekja þetta ástand til þess
óorðs, sem allstór hluti leigjenda
hefur orðið valdur að varðandi
umgengni, framferði, óskilvísi,
óreglu og skemmdarverk, allt
þetta til skaða og óverðskuldaðs
áfellis gagnvart þeim, er sýna í
hvívetna sómasamlega fram-
komu og þurfa á leiguhúsnæði að
halda, en gjalda hinna mörgu
svörtu sauða.
Sá er þetta ritar á ekki og
hefur ekki átt húsnæði til að
leigja öðrum. Ég hefi hinsvegar
kynnst þessum málum vel, sök-
um þess að ég hef alllengi átt
íbúð og búið í stóru fjölbýlishúsi,
verið þar í hússtjórn og öllum
hnútum kunnugur. Þarna hafa
verið um 30 leiguíbúðir, en þó
miklu fleiri sjálfseignaríbúðir.
Ég þekki því árekstra og vanda-
mál allra í senn, þeirra er búa í
eigin íbúðum, leigusala og leigj-
enda.
Reynsla mín er þessi: Allt of
stór hluti leigufólks stendur ekki
í skilum, hvorki við leigusala né
skuldbindingar við húsfélagið.
Það greiðir ekki húsgjöld, raf-
magn, síma (ef fyrir hendi er) né
annað er tilheyrir og það hefur
lofað að standa skil á. Það
gengur sóðalega og tillitslaust
um sameign hússins og fer yfir-
leitt sínu fram án tillits til
húsreglna, sem nauðsynlegar eru
ef lifa á nokkurnveginn viðun-
andi lífi í sambýli. Það truflar
allan húsfrið með hávaða jafnt
nætur sem daga og skipast ekki
við áminningar eða aðvaranir.
Það virðist neyta áfengis meir og
oftar en almennt geist og er ekki
ósennilegt að slíkur lifnaður eigi
nokkra sök á því að því hefur
ekki tekist að eignast þak yfir
höfuðið.
Allt veldur þetta því að
árekstrar verða milli leigusala og
hússtjórna og leigjenda annars-
vegar og sjálfseignaríbúa hins-
vegar.
Vitanlega vilja allir vera lausir
við slíkt og skipist ekki leigjend-
ur við aðvaranir, verður næst
hendi að finna þá lausn, er ein
virðist duga, að vísa leigjendum
úr húsinu, en slíkt er oft ærið
tafsamt og eykur enn á þolin-
mæði og leiðindi og þegar slíkt
endurtekur sig með tilkomu nýs
leigufólks, verða afleiðingarnar
vitanlega þær að leigusalar og
húsfélög gefast upp á þeim
skpllaleik.
Ibúðir eru seldar eða standa
auðar. Þar liggur hundurinn
grafinn.
Um skaðann og fráganginn
þegar svona fólk yfirgefur sinn
fyrri dvalarstað verður ekki rætt
hér. Að tala um skaðabætur er út
i hött. Þar er sjaldnast um vilja
eða getu að ræða.
Nauðsynlegt er að undirstrika
að frá þessum alltof mörgu
slæmu dæmum, eru vitanlega
undantekningar. Á vegi manns
verður sómafólk í röðum leigj-
enda, en óvissan og happdrættið
á hverju menn kunna að lenda, er
fráfælandi.
Úr því sem komið er, verður
líklega eina lausnin stór fjölbýl-
ishús yfir þetta óróa- og van-
skilafólk, svo sterklega byggð
utan sem innan að sem minnst sé
hægt að eyðileggja. Þar verður
allt að vera úr stáli og járnbentri
steinsteypu. Sækjast sér um líkir
og þar mun þessu fólki vel líða,
þar verða engin boð né bönn.
Hver og einn má haga sér eins og
honum best líkar. Þar getur hver
matað annan og setið að guða-
veigum Bakkusar nætur og daga
við dýrlegt undirspil poppara og
pönkara. Þar verða engin klögu-
mál en hver dagur og hver nótt
kemur með fangið fullt af nýjum
fyrirheitum. Nýjum fagnaði.
Húsvörður.