Morgunblaðið - 30.08.1981, Blaðsíða 29

MORGUNBLAÐIÐ, SUNNUDAGUR 30. ÁGÚST 1981
77
12 gíra hjól með
baksýnisspegli
luktarsetti, standara, bögglabera, lás, pumpu, bjöllu,
glitaugum, drykkjarflösku og verkfæratösku meö
verkfærum.
Karl- og kvenhjól.
Staögreiösluverö án spegils 1695.
Staögreiösluverö meö spegli 1770.
Hagstæð greiðslukjör.
Varahluta- og viðgerðaþjónusta.
Póstsendum.
Opiö kl. 17—20.
G. ÞÓRÐARSON
Sævangi 7 — P.O. Box 424
222 Hafnarfjorður
Draslaraskapur í Reykjavík
„Finnst ykkur þessi málningar-
dós vera bæjarprýði?“ spurði
Breiðhyltinaur nokkur er kom að
máli við Velvakanda i tfsrr.
„Hún hefur legið þarna óáreitt
síðastliðna tvo mánuði án þess að
hreinsunardeild borgarinnar hafi
fundist taka því að ónáða hana.
Hvernig sem á því stendur virðist
draslaraskapur hér í borginni hafa
aukist að mun síðasta ár — eða er
það bara ímyndun mín.
T.d. þessi málningardós. Hún hef-
ur greinilega oltið af bíl sem hefur
komið þarna úr beygjunni og máln-
ingin skvettst úr henni um allan
veg. Fyrir tveim mánuðum. En
enginn hefur sinnt um að þrífa
þetta upp!!
Þessir hringdu . . .
Ekki bara
gamalt fólk
sem hlustar
5034—4231 hringdi og hafði
eftirfarandi að segja: „Það var
einhver kona sem tjáir sig um það
í Velvakanda sl. föstudag að henni
finnist „Praxis" óþverra saga sem
ekkert erindi hafi átt til okkar. Ég
vildi bara koma því á framfæri að
mér þótti sagan góð og eiga erindi
til okkar. Hún lýsir mjög vel
staðreyndum lífsins — bæði fyrr
og nú. Útvarpið ætti að flytja
meira af svona efni — því það er
ekki bara gamalt fólk sem hlustar
á útvarp. Semsé, þetta er góð saga
og mættu koma fleiri."
Góður útvarps-
þáttur — strætis-
vagnabiðskýli i
ólestri en nægir
peningar í útitafl
K.S. hringdi og hafði eftirfar-
andi að segja: Mig langar til að
koma á framfæri þakklæti til
útvarpsins fyrir flutning dag-
skrárliðar á fimmtudagskvöld.
Var það þátturinn „Þú mæra list,
ó, hafðu þökk“. Þar söng Sigríður
Ella Magnúsdóttir lög eftir
Schumann við ljóð í þýðingu
Daníels Á. Daníelssonar. En síðan
las Jónína Sigurðardóttir úr þýð-
ingum Daníels á sonnettum
Shakespears. Þetta var alveg
framúrskarandi þáttur og ég vona
svo sannarlega að hann verði
endurtekinn.
Mikið þætti mér gaman ef
einhver gæti upplýst mig um
hvort þýðingar Daníels á sonnett-
um Shakespears hafa verið gefnar
út í bók og vona að hægt verði að
birta það í Velvakanda.
Svo er það annaö málefni sem
.iw
mig langar til að tjá mig um. Það
er nú að bera í bakkafullan lækinn
að minnast á þetta Torfutafl eða
þá framkvæmd, sem er svo yfir-
gengileg að orð ná ekki yfir það.
Mig langar hins vegar til að það
komi fram hvernig þessir yfir-
borguðu menn, sem við þetta unnu
komu fram gagnvart strætis-
vagnafarþegum, sem biðu þarna
rétt hjá meðan á verkinu stóð.
Þarna var tekið burt strætis-
vagnabiðskýli, sem hluti fólksins
er beið gat staðið af sér rigning-
una í, og settur bekkur í staðinn.
Einu sinni er ég þurfti að bíða
þarna í sumar var búið að hlaða
einhverjum búkkum á bekkinn
þannig að fólkið gat ekki notað
hann. Þetta framtak fannst mér
ekki yfirborgunarvert.
Það eru sumir að hrósa þessu
tafli núna en mér finnst það
bæjarskömm. Svona milljónabrölt
er ekki forsvaranlegt þegar ekki er
hægt að byggja almennileg skýli
fyrir strætisvagnafarþega. Borgin
virðist hafa efni á svona vitleysu
en á meðan stendur maður skýlis-
laus í kuldanum, því að alltaf er
vindstrengur eftir Lækjargötu,
hvaða átt sem er.
Þetta fólk sem að taflinu stend-
ur ætti svo að prófa að ganga
niður Hverfisgötu. Gangstéttin
meðfram Arnarhólnum er hrein-
lega ónýt. Varla myndi það nú
kosta neina milljón að kippa henni
í lag en samt hefur það verið
trassað á annað ár.“
e2P SlGGA V/öGA fi AilveRAW

~ ) -
ö
PéturGuóiónsson
IÐUNN
BÓKIN UM HAMINGJUNA
eftir Pétur Guðjónsson
Bókin um hamingjuna hjálpar fólki til að lifa
fyllra og hamingjuríkara lífi. Hún er samin á
aðgengilegu máli og lýsir því hvernig öðlast má
sjálfsþekkingu og vinna bug á streitu.
Pétur Guðjónsson nam félagsvísindi við
Harvardháskóla og hefur starfað sem háskóla-
kennari og kennt stjórnmálafræði í Kaliforníu
og sálarfræði í New York. Hann hefur flutt fjölda
fyrirlestra um allan heim og ennfremur haldið
reglubundin námskeið hér á landi á vegum
Stjórnunarfélags íslands.
Bók
Bræðraborgarstíg 16.
Símar: 12923*19156
semþú
býrð að...
VflQW £\<KI
Y/l\WE/v \\
' <bT£/N- I1