Morgunblaðið - 30.12.1981, Blaðsíða 2
2
MORGUNBLAÐIÐ, MIÐVIKUDAGUR 30. DESEMBER 1981
Ákvörðun tekin um nýtt
síðdegisblað í dag?
FUNDUR verður haldinn með öllum
þeim, samtals 50—60 manns, er lagt
hafa fram hlutafjárloforð í nýtt síð-
degisblað í dag, að því er Guðmund-
ur Árni Stefánsson, blaðamaður,
sagði í samtali við Morgunblaðið í
gær, en Guðmundur hefur verið
nefndur sem ritstjóri hins nýja blaðs
ef af verður.
Guðmundur sagði fundi hafa
verið haldna í undirbúningsnefnd
um blaðstofnunina á aðfangadag
og í fyrradag, en fundur með
væntanlegum hluthöfum í dag
myndi að öllum líkindum ráða úr-
slitum um hvort af stofnun nýs
dagblaðs yrði eða ekki. Ef af yrði,
sagði Guðmundur að mannaráðn-
ingar hæfust þegar eftir áramót,
og væru margir menn þar nefndir
til starfa á ritstjórn, bæði nýliðar
í blaðamannastétt og reyndir
menn, „og margir þeirra enn fast-
ir annars staðar", eins og Guð-
mundur orðaði það.
Mynd Mbl. Júlíus.
Lögreglumenn tóku hinn ölvaða ökumann við Umferðarmiðstöðina.
Eltingaleikur við ölvaðan ökumann
ÖLVAÐUR ökumaður olli tals-
verðu tjóni, þegar hann ók sendi-
bifreið sinni á kyrrstæða bifreið
og auk þess á ljósastaur. Það var
um kl. 16 að tilkynning barst
um, að ekið hefði verið á kyrr-
stæða bifreið við Hringbraut 47.
Ökumaður bifreiðarinnar beygði
síðan suður Grenimel og hvarf
sjónum.
Fjórir lögreglubílar voru
sendir til að hafa upp á hinum
ölvaða ökumanni, sem ók siðan á
ljósastaur við Hagatorg.
Skömmu síðar fréttist af mann-
inum Við Umferðarmiðstöðina
og þar var hann tekinn, án þess
að sýna nokkurn mótþróa. "*
Samkomulag við kenn-
ara f öldungadeiidum
SAMKOMULAG hefur náðst á miHi
öldungadeildakennara og fjármála-
ráðuneytisins um kaupgreiðslur fyrir
öldungadeildakennslu. Samkomulag
þetta náðist 22. des., en daginn eftir
voru haldnir um það fundir öldunga-
deildakennara í þeim skólum sem
slfk kennsla fer fram.
Samkomulagið var samþykkt
með miklum meirihluta í öllum
skólunum. Verður því ekki af
fyrirhuguðu verkfalli kennara í
öldungadeildum, sem gert var ráð
fyrir að hæfist í byrjun vorannar
nú eftir áramót.
Að sögn Jóns Hnefils Aðal-
Þorsteinn Bergsson:
Tel umráðarétt Torfusamtak-
anna yfir útitaflinu ótvíræðan
steinssonar, formanns Hins ís-
lenska kennarafélags, gildir sam-
komulag þetta aðeins til enda
næstu vorannar. Samkomulagið er
að miklu leyti eins og Hamrahlíð-
arsamningurinn sem áður gilti, og
kveður m.a. á um 60 prósent álag á
laun fyrir öldungadeildakennslu. I
samkomulaginu er einnig ákvæði
þar sem segir að þeir kennarar
sem vilja geti fengið greitt eftir
samningnum sem gerður var 6.
nóv. Hópur kennara eins og
stunda- og skyldukennarar geta
komið betur út í launum ef þeir
fara eftir því samkomulagi að því
tilskildu að yfir 20 nemendur séu í
hóp. Var þessu ákvæði komið inn í
samkomulagið svo enginn kennar-
anna lækkaði í launum en Hamra-
hlíðarsamningurinn hefði haft
slíkt í för með sér fyrir þessa
kennara. Samkomulagið verður
sennilega undirritað í dag.
Borgin hefur ekki staðið við skuldbindingar sínar um fjárstuðning
„l»AÐ er rétt, að Reykjavíkurborg
hefur ekki viljað standa við
skuldbindingar sínar varðandi
fjárhagsstuðning til endurbygg-
ingar húsanna á Bernhöftstorf-
unni. Það var skilyrði Torfusam-
takanna og ríkisins, sem umráð
hafa yfir lóðunum framan við hús-
in, fyrir uppsetningu útitaflsins að
borgin stæði við skuldbindingar
sínar. I*ar sem svo hefur ekki orð-
ið telja ríkið og Torfusamtökin sig
eiga fullkominn rétt yfir svæðinu
framan við húsin, þar með talið
útitaflinu“, sagði Þorsteinn
Bergsson, formaður Torfusamtak-
anna, í samtali við Morgunblaðið,
er hann var inntur eftir stöðu
mála í uppbyggingu húsanna og
gangi mála vegna útitaflsins.
„Forsaga þessa máls er sú að
á þessu ári hafa staðið yfir
samningaviðræður Torfusam-
takanna, ríkisins og Reykjavík-
urborgar um uppbyggingu hús-
anna á Bernhöftstorfunni. Töldu
ríki og Torfusamtökin eðlilegt
að borgin legði fram fé til upp-
byggingarinnar, en það sættu
borgaryfirvöld sig ekki við. Inn í
þessar umræður blönduðust
fljótlega umræður um útitaflið
og fljótlega eftir að hugmyndir
borgarinnar um að staðsetja það
á svæði Torfusamtakanna komu
’fram, þá fóru sjónarmið ráðu-
neytis og Torfusamtakanna
saman um það að báðum þessum
aðilum fannst það fullkomlega
óeðlilegt að setja þarna allveru-
lega fjármuni í svæðið fyrir
framan húsin meðan að ger-
samlega væri óútséð um það
með hvaða hætti yrði staðið að
endurbyggingu sjálfra húsanna
í framtíðinni.
I samningi Torfusamtakanna
og ríkisins er kveðið á um það að
á samningstímanum, sem var 12
ár, hafi Torfusamtökin fullan
yfirráðarétt yfir lóðum beggja
húsanna, það er Bankastræti 2
og Amtmannsstíg 1. Þegar þessi
útitaflshugmynd kom fram af
hálfu Reykjavíkurborgar
reyndu bæði Torfusamtökin og
fjármálaráðuneytið að skilyrða
samþykki sitt fyrir því að borg-
in færi með það inn á lóðir ríkis-
sjóðs, með því að borgin gengi
inn á þá samninga um fjár-
stuðning, sem þá voru í bígerð.
Að þessum skilyrðum gefnum,
sem vissulega voru borginni
ljós, heimiluðu bæði Torfusam-
tökin og ráðuneytið að farið yrði
af stað með uppsetningu taflsins
á lóð Torfusamtakanna.
Eftir að hafa sett upp útitafl-
ið hefur borgin síðan ekki viljað
sæta þeim skilyrðum, sem sett
voru fyrir uppsetningu þess og
því hafa viðræður þessara
þriggja aðilja siglt í strand og
því er svo komið málum nú,“
sagði Þorsteinn.
Gott ár fyrir
haförninn
Á ÁRINU komust tuttugu arnar
ungar upp úr átján hreiðrum og var
þetta ár því gott haferninum. Tíu
hreiður misfórust af ýmsum ástæð-
um, en alls urpu tuttugu og átta
arnarpör og fer útbreiðslusvaeði
hafarnarins stækkandi, að sögn
talsmanns Kuglaverndunarfélags
Islands.
Tala fullorðinna arna mun nú
vera um 78, auk þess sáust 23
ungir ernir á árinu og 14 sem
ekki var vitað hvort væru full-
orðnir.
Fjórir ernir fundust dauðir,
tveir fóru í grút frá loðnuverk-
smiðju, einn var skotinn og óvíst
er hvernig dauða fjórða arnarins
bar að.
'O
INNLENT
Fisksalar fá
ekki að róa
Sjómannasambandið sam-
þykkti í gær undanþágubeiðni
vegna báts, sem komast þurfti
frá Snæfellsnesi í slipp í
Reykjavík, en vegna verkfalls
sjómanna þurfti undanþágu til
að sigla bátnum á milli staða.
Hins vegar hafnaði Sjómanna-
sambandið beiðni þriggja fisk-
sala í Reykjavík, sem vildu fá
undanþágu fyrir bát til að afla
fiskjar fyrir verzlanir þeirra.
Friðjón Þórðarson dómsmálaráðherra:
Ég kæri mig ekki um að
Rússar fái fleiri húseignir
Telur að sovéska sendiráðið hafi þegar keypt húseign, án lögboðins leyfis frá honum
„ÉG MIJN ekki beita mér fyrir því
að Rússar lcggi undir sig höfuð-
borgarsvæðið. Rússarnir eiga nú
þegar flest hús erlendra sendiráða
á höfuðborgarsvæðinu og ég tel að
umsvifum sendiráða eigi að halda
innan hæfilegra marka. Ég kæri
mig ekki um að Rússar fái fleiri
húseignir," sagði Friðjón Þórðar-
son dómsmálaráðherra er Mbl.
spurði hvað hann hefði í huga með
afgreiðslubeiðnir frá sovéska
sendiráðinu um kaup á húseigninni
við Sólvallagötu 55 í Reykjavík, en
beiðni um kaupin hefur legið óaf-
greidd í dómsmálaráðuneytinu í
nokkurn tíma.
Friðjón sagði einnig: „Ég get
ekkert sagt um hvenær gengið
verður frá þessari umsókn. Málið
er í athugun og ég tel ekki rétt að
segja neitt á þessu stigi. Það ger-
ir málið óneitanlega erfitt í með-
förum að kaupin eru allt að því
gerð. Ég hefi að minnsta kosti
heyrt, að búið sé að ganga frá
kaupunum."
Samkvæmt lögum nr. 30 frá 22.
maí 1980 um breytingu á lögum
frá í apríl 1966 þarf samþykki
dómsmálaráðherra að liggja
fyrir til að erlend sendiráð geti
fest kaup á hérlendum fasteign-
um, en Sovétmenn munu þegar
fluttir inn í húseignina við Sól-
vallagötu og eftir því sem
dómsmálaráðherra upplýsir hef-
ur verið gengið frá kaupum,
þrátt fyrir að hann hafi ekki
veitt sendiráðinu tilskilið leyfi.
Húseignin Sólvallagata 55
mun samkv. heimildum Mbl.
vera 934 rúmmetrar að stærð, en
hjá utanríkisráðuneytinu fékk
Mbl. þær upplýsingar í gær, að í
eigu erlendra sendiráða væru í
dag, samkvæmt skýrslum þar, 21
fasteign, sem eru samtals 33 þús-
und rúmmetrar að stærð. Sov-
éska sendiráðið á þar langstærst-
an hluta eða fjórar fasteignir:
Garðastræti 33 og 35, einnig
Túngötu 9 og 24, samtals rúm-
lega 7.200 rúmmetra. Sólvalla-
gata 55 yrði því fimmta húseign
Sovétmanna og rúmmetrafjöldi
eignanna þá samtals rúmlega
8.100.
Kínverjar eru aðrir í röðinni
með þrjár fasteignir, samtals
4.800 rúmmetra. Þá koma Banda-
ríkin með tvær fasteignir, að
rúmmetrafjölda 3.900. Sam-
bandslýðveldið Þýzkaland er í
fjórða sæti með tvær fasteignir,
samtals 3.700 rúmmetra. Sendi-
ráð Svía á tvær fasteignir, 2.800
rúmmetra, Frakkland tvær, 2.700
rúmmetra og Noregur tvær, sam-
tals 2.400 rúmmetra að stærð.
Danir eiga eina fasteign, sem er
rúmlega 3.000 rúmmetrar. Aðrar
þjóðir, sem hér hafa sendiráð,
eiga eina fasteign hver, nema
Pólland, sem er í leiguhúsnæði.
Húseignir þeirra eru allar minni
en þeirra þjóða sem frá greinir
hér að ofan.