Morgunblaðið - 08.01.1982, Blaðsíða 22

54
MORGUNBLAÐIÐ, FÖSTUDAGUR 8. JANÚAR 1982
„ Éo veit ekki hvaá petta er; en )?aá er
nýtt 09 endurbaett, si/o pao hlýtur
a5 vercx. gott."
Ég skal leika við hann þegar hann
er farinn að skjóta gneistum!
Formaður kaþólskra:
Þekkir ekki muninn
á austri og vestri
EJ. skrifar:
,Velvakandi sæll.
I 1. desember blaði stúdenta
birtist grein eftir Torfa Ólafsson,
sem er titlaður „formaður kaþ-
ólska safnaðarins". Ég þykist viss
um það, að fyrir ýmsum velunnur-
um kaþólsku kirkjunnar hafi farið
eins og mér, að þeim hefur brugðið
í brún við lestur greinarinnar.
Það kemur sem sé á daginn, að
Torfi Ólafsson leggur að jöfnu
harðstjórnarríkið í austri, Sovét-
ríkin, og stórveldið í vestri,
Bandaríkin. Þessu til stuðnings
vitna ég í grein hans, en þar segir
m.a.: „Vandinn hvað Evrópu
snertir, eru stórveldin tvö, í austri
og vestri. Sagan sýnir, að þau hafa
aldrei spurt smáþjóðir um vilja
þeirra, ef þeim hefur fundist tími
til kominn að taka til hendinni.
Smáþjóð er aldrei spurð hvað hún
vilji, hinn sterki neyðir hana til að
láta undan og lætur kné fylgja
kviði, ef hún ber sig á móti.“
Auðvitað dettur engum í hug að
halda því fram, að Bandaríkja-
menn hafi ekki sitthvað misjafnt
á samviskunni, en að spyrða þá
saman við Kremlarbúa með þeim
hætti sem Torfi Ólafsson gerir er
fyrir neðan allar hellur. Hann
hlýtur að vita, að sú ráðaklíka,
sem í Kreml situr, hrum af elli,
tók þátt í mestu glæpaverkum
mannkynssögunnar, hreinsunum
Stalíns, sem leiddu til dauða og
þrælkunar ótaldra milljóna
manna, þ.á m. milljóna kaþólskrð
manna.
Varla hefur Torfi gleymt því, að
kaþólskir menn eru ofsóttir af
kommúnistum í öllum þeim lönd-
um, þar sem þessir yfirlýstu guð-
leysingjar hafa hrifsað völdin. Er
honum ókunnugt um þær aðferðir
sem Sovétstjórnin og aðrar
kommúnistastjórnir um heim all-
an beita kristna menn og kristna
kirkju? Ætlar hann að líkja sam-
an daglegri kúgun þjóðanna í
Austur-Evrópu og skiptum
Bandaríkjamanna við Vestur-
Evrópubúa? Veit Torfi ekki, að
Vestur-Evrópuríkin, þar á meðal
öll helstu ríki trúbræðra hans í
álfunni, eru í bandalagi við
Bandaríkjamenn af fúsum og
frjálsum vilja til að verjast því
kerfi sem hann jafnar saman við
Bandaríkin? A að skilja grein
hans svo, að hann tali í nafni kaþ-
ólsku kirkjunnar? Þetta þarf að
upplýsa.
Ég minnist þess raunar, að fyrir
nokkrum árum gaf Torfi Ólafsson
út yfirlýsingar um alþjóðamál. Þá
var hann nýkominn af „friðar-
þingi“. Kom hann þá líklega fram
í nafni félags Sovétríkjavina. Ekki
get ég farið orðrétt með yfirlýs-
ingar hans en það stendur mér í
minni, að hann lýsti velþóknun á
innrás Sovétmanna í Tékkóslóv-
akíu.“
i
HÖGNI HREKKVlSI
Frábær
S.Ó.H. skrifar:
„Velvakandi.
Ég veit ekki hvort þú hefur
fylgst með breska myndaflokkn-
um sem verið hefur í sjónvarpinu
á þriðjudagskvöldum og heitir því
stutta nafni Refskák (sem hann
bar með rentu). Ef svo hefur ekki
verið, hefur þú misst af miklu, því
að þetta var vægast sagt frábær-
lega vel gerður myndaflokkur,
eins og Bretanna var von og vísa.
Ég er viss um að sjónvarpsfólk-
ið okkar, tæknimenn og leikarar,
getur mikið lært af vinnubrögðum
sem þarna voru við höfð. Og það er
mál til komið að við sendum eins
og einn eða tvo hópa út til Bret-
lands til náms hjá sjónvarpinu
þar. Við verðum að rífa okkur upp
úr áhugamennskunni á þessu sviði
og stefna hærra en gert hefur ver-
ið. Annars er hætt við að video-
æðið gangi hreinlega af þeirri við-
leitni dauðri að halda uppi ís-
lenskri dagskrárgerð.
Ekki get ég nú ímyndað mér að
Refskák hafi verið svo óskaplega
myndaflokkur
dýr í framleiðslu, svo einfaldur að
gerð sem þessi myndaflokkur var,
en það var fagmennskan sem reið
baggamuninn, afburða leikur og
sterk tök á verkefninu. Kærar
þakkir fyrir þennan þátt.“
Á starfsmannafundi hjá TSTS. Sandra Dickinson í hlutverki Zeldu, Clive
Arrindell f hlutverki Willys, Nicholaz Zonos f hlutverki Herberts, Sara porter
í hlutverlu Súsönnu og Alan Howard í hlutverki höfuðpaursins, Cragoes.