Morgunblaðið - 16.07.1982, Page 28
MORGUNBLAÐIÐ, FÖSTUDAGUR 16. JÚLÍ1982
28
Sinn fyrsta opinbera leik lék Zoff með Udinese 24. september 1961, og segist
hann hafa verið 78 kíló að þyngd allar götur síðan. Á því má sjá að ekki hefur
hann setið aðgerðarlaus í öll þessi ár, og hér má sjá kappann á einni af
fjölmörgum æfingum sínum.
ER Á HÁTINDI
FERILS SÍNS
FERTUGUR
DINO Zoff á hátindi ferils síns. Hér hampar hann heimsmeistarastyttunni, eftir að hafa leitt ítala til sigurs yfir
Vestur-Þjóðverjum í úrslitaleik HM á sunnudaginn. Zoff hefur nú leikið 106 landsleiki fyrir Ítaiíu og segist tilbúinn
að leika með liðinu í HM eftir fjögur ár. Eitthvað mikið má gerast ef hann slær ekki fljótlega landsleikjamet Svíans
Björn Nordquist, sem er 115 leikir.
Tottenham hefur
áhuga á Giresse
Eins og kunnugt er, seldi enska
félagið Tottenham, argentínska
knattspyrnumanninn Osvaldo Ardil-
es nýlega til París st. Germain í
Frakklandi. Fékk félagið fyrir kapp-
ann upphæð sem svarar til 11,2 millj-
óna króna íslenskra.
Keith Burkinshaw, fram-
kvæmdastjóri Tottenham, er nú
þegar kominn á stúfana í leit að
manni í stað Ardiles, og telur
hann sig hafa fundið þann rétta.
Er það Alain Giresse, litli Frakk-
inn, sem stóð sig mjög vel í HM á
Spáni. Hann leikur með Bordeaux
í heimalandi sínu og bíða menn nú
spenntir, hver viðbrögð liðs hans
verða. Hann hefur sjálfur lýst því
yfir, að hann hafi áhuga á að leika
á Englandi.
Fram-dagurinn
Sunnudaginn 18. júlí nk. mun
Knattspyrnufélagið FRAM halda
sinn árlega FRAM-dag, á félags-
svæði sínu við Safamýri.
Dagskrá FRAM-dagsins mun fara
fram með hefðbundnu sniði. Spiluð
verður knattspyrna frá kL
12.30—17.30, og er þar á meðal leik-
ur Oldboys í knattspyrnu og hrað-
mót yngstu knattspyrnumanna fé-
lagsins.
FRAM-konur munu sjá um kaffi-
veitingar sem verða í Félagsheimil-
inu frá kl. 14.00.
Ákveðið hefur verið að hefja fram-
kvæmdir á 2. áfanga félagsheimilis-
ins, og að lokinni verðlaunaafhend-
ingu í hraðmóti 6. flokks, mun for-
maður félagsins ásamt 2 drengjum
úr 6. flokki félagsins taka fyrstu
skóflustunguna. Aætlað er að það
verði um kl. 15.15.
Dagskrá FRAM-dagsins:
GRASVÖLLUR - KNATTSPYRNA
kl. 12.30 6. n. hraðmót: Fram A — Fram B
Fylkir — Stjarnan
kl. 12.55 5 fl. B: Fram — Valur
kl. 13.40 6. fl. hraómót: Fram A — Stjarnan
Fram B — Fylkir
kl. 14.05 5. n. A: Fram — Valur
kl. 14.50 6. fl. hradmót: Fram B — Stjarnan
Fram A — Fylkir
kl. 15.30 Oldboys: Fram - KK
kl. 16.30 4. n.: Kram - IR
Hinar rómuðu
kaffiveitingar
FRAM-kvenna
verða á boðstólum
frá kl. 14.00.