Morgunblaðið - 11.08.1982, Blaðsíða 8

36
MORGUNBLAÐIÐ, MIÐVIKUDAGUR 11. ÁGÚST 1982
Helgi Sæmundsson skrifar frá Stuttgart:
Þing
alþjóðasambands
myndlistarmanna
og sýning
Dieter Rot
í haust verður haldið 10. al-
þjóðaþinK myndlistarmanna. I
því tilefni má minnast á 9. al-
þjóðaþingið, sem haldið var í
StuttKart. SÍKríður Björnsdóttir
var góður ok virðulegur fulltrúi
íslands á því þingi.
Alþjóðafélagsskapur mynd-
listarmanna er samband félaga
myndlistarmanna í 46 löndum
heims, sem sendu 46 fulltrúa á
þingið. Sambandið starfar
mikið með UNESCO. í forsal
þingsins setti Sigríður Björns-
dóttir upp upplýsingatöflur um
íslenzka myndlist. Slíkt er mjög
vel þegið, því íslenzk myndlist
er vissulega lítið þekkt úti í
heimi. Á þinginu kynnti Sigríð-
ur íslenzkt listalíf og vakti
mikla eftirtekt, enda var hún af
fáum kvenfulltrúum sú glæsi-
legasta.
Borgin Stuttgart lagði sig
fram um að gera sem fegurstan
ramma utan um þingið. Hún
gerði mögulegar fjölmargar
sýningar á myndlist og opinber-
ar umræður um myndlist,
menntun listamanna, kennslu á
list í skólum og listmenntun
fullorðinna. Fjölmiðlar gerðu
mikið til að auka þátttöku al-
mennings í þessum viðburðum.
Stærsta sýningin var hin ár-
lega sýning félags myndlist-
armanna í Þýzkalandi, en sam-
sýning 50 gailería eða lista-
verkasala frá ýmsum löndum
heims var líka mjög stór.
Samt var ein sýning, sem
vakti einna mesta athygli. Það
var sýning Dieter Rot í lista-
safni ríkisins í Stuttgart. Það er
í fyrsta sinn sem ríkislistasafn-
ið leyfir listamanni að setja
sjálfur uppeigin sýningu í safn-
inu. Aðsókn að sýningunni varð
svo mikil, að það varð að fram-
lengja sýningunni.
Á sýningunni voru teikn-
ingar, Ijósmyndir, grafik, objekt
t.d. vinnuborð listamannsins og
svo hljóðmyndir. Sumar af
SigríAur Björnsdóttir (t.h.) í viðræóum við starfsstúlku á þingi alþjóðasanibands myndlistarmanna.
Dieter Rot
hljóðmyndunum eru
segulbandsupptökur gerðar með
aðstoð barna hans, Björns og
Veru. Hugmyndaflug Dieters er
óstöðvandi. Hann er ekki
smeykur að velja nöfn á lista-
verkin. „Sjálfsmynd sem
hundaskítur í Stuttgart" og
„sjálfsmynd sem snemmvaxin
kartafla" eru góð dæmi um
þetta. Sýningarskráin inniheld-
ur 600 ljósmyndir af verkum
hans, margar í litum.
Gagnrýnendur virðast vera
sammála um að Dieter Rot sé
einn bezti grafik-listamaður
okkar tíma. Þýzkt tímarit gerði
fyrir nokkru lista yfir fremstu
listamenn heims og notaði til
þess punktakerfi, sem tók tillit
til þess hve þekktur listamaður
var, hve mörg verk hans voru í
hve mörgum opinberum söfnum
um allan heim o.fl. Á þessum
lista var Dieter í 42. sæti, en
helmingur nafnanna á listanum
var frá USA og byrjaði á Robert
Rauschenberg.
Dieter Rot er af svissneskum
og þýzkum ættum og var
kvæntur Sigríði Björnsdóttur.
Hann bjó í mörg ár eingöngu á
íslandi, en nú virðist hann búa í
Stuttgart, Reykjavík og víða um
heim. Hann notar í myndum
sínum oft efni frá Islandi. Fyrir
Dieter er það mikill heiður að
hann var valinn sem fulltrúi
Sviss í Biennale í Feneyjum í ár.
HBS
Kirkjukór Siglufjarðar
Frá vinabsja-
mótinu. Forseti
bæjarstjórnar
Kangasala,
Pertti Tulen-
heimo heldur
ræðu. Við borð-
sendann situr
séra Vigfús Þór
Árnason.
Vinabæjamót
Siglufjarðar
haldið í Finniandi
þetta árið
SIGLUFJÓRÐUR tók þátt í móti norrænna vinabæja sinna, sem haldiö var
í Kangasala i tinnlandí fyrr i sumar, en Kangasala er finnski vinabærinn.
Mót sem þessi eru árviss viðburður og hefur Siglufjörður verið þátttakandi
í þeim í fjölmörg ár. I»au cru haldin í hinum óliku vinabæjum til skiptis,
síðast var það á Siglufirði 1979 og verður því næst 1986, þar eð vinabæirnir
eru alls 7. I»eir eru auk Siglufjarðar og Kangasala: Vanersborg í Svíþjóð,
Aland á Alandseyjum, Ejde í Færeyjum, Herning í Danmörku og Holme-
strand í Noregi, en þar verður mótið haldið næsta ár.
Oftast hefur Siglufjörður látið
nægja að senda einn til tvö full-
trúa á mótin, vegna kostnaðarins,
sem því er samfara, en í þetta
skipti varð það úr að Kirkjukór
Siglufjarðar færi ásamt sóknar-
presti, Vigfúsi Þór Árnasyni, og
voru makar einnig með í förinni.
Sungin var finnsk-íslensk guðs-
þjónusta, sem í tóku þátt sókn-
arprestar Kangasala og Siglu-
fjarðar og báðir kirkjukórar safn-
aðanna, að viðstöddu fjölmenni,
um 1000 manns hlýddu á guðs-
þjónustuna. Þar flutti kirkjukór-
inn ásamt sóknarpresti Hátíðar-
tón séra Bjarna Þorsteinssonar
tónskálds og fyrrverandi prests á
Siglufirði við mikla hrifningu
áheyrenda að sögn sóknarprests-
ins á Siglufirði, séra Vigfúsar Þórs
Árnasonar.
Þá hélt kirkjukórinn tónleika,
þar sem hann flutti íslensk sálma-
lög og íslensk veraldleg lög og var
söngnum sérstaklega vel tekið af
áheyrendum, sem voru fjölmargir,
að sögn séra Vigfúsar. Einkum og
sér í lagi vakti athygli kvintsöngur
kórsins á lögunum „Gefðu að móð-
urmálið mitt“ og „Island farsæld-
ar Frón“.
Móttökurnar í Kangasala voru í
alla staði frábærar, að sögn séra
Vigfúsar, en dagskráin var mjög
stíf alla dagana. Þetta var eini
kórinn á mótinu, því frá hinum
löndunum komu lúðrasveitir og
þjóðdansahópar og vakti því þátt-
taka hans enn meiri athygli en
ella. Kórsins var getið í mörgum
finnskum dagblöðum, þar á meðal
því stærsta.
Kangasala eða Tamerfors eins
og bærinn heitir á sænsku er 22
þúsund manna bær í Suður-
Finnlandi þar sem helstu atvinnu-
greinarnar eru iðnaður og þjón-
usta. Stærsta orgelverksmiðja á
Norðurlöndum og ein sú stærsta í
allri Evrópu er staðsett þar.
I tengslum við vinabæjamótið
var haldin listsýning, þar sem
hver bær hafði ákveðið pláss til að
sýna verk sinna listamanna.
Sýndu þar fjölmargir siglfirskir
listamenn, bæði burtfluttir og þeir
sem búa þar enn.
Kirkjan á Siglufirði verður 50
ára 28. ágúst í sumar og má líta á
ferð kórsins að hluta til sem lið í
þeim hátíðahöldum. Alls voru þeir
34 sem þátt tóku í förinni, þeirra á
meðal Sigurður Gunnlaugsson
formaður Norræna félagsins á
Siglufirði. Stjórnandi kirkjukórs
Siglufjarðar er Guðjón Pálsson,
organisti Siglufjarðarkirkju.