Morgunblaðið - 12.12.1982, Blaðsíða 1

Morgunblaðið - 12.12.1982, Blaðsíða 1
279. tbl. 69. árg. SUNNUDAGUR 12. DESEMBER 1982 Prentsmidja Morgunblaðsins Tíu létust í stórbruna Alexandríu, Kgvptalandi, 10. desember. AP. TÍU MANNS létu lífið og fjöl- margir slösuðust er eldur braust út í sex hæða hóteli í Alexandríu snemma í morgun. Að sögn tals- manns slökkviíiðs er Charlton- hótelið nú aðeins brunarústir ein- ar. Þrátt fyrir fjögurra klukku- stunda þrotlaust starf tókst slökkviliðsmönnum ekki að ráða niðurlögum eldsins fyrr en hann hafði gleypt allt heillegt í bygg- ingunni. Flestir létust er þeir stukku í örvæntingu út um glugga. Auk þeirra sem létu lífið slösuðust a.m.k. 14 manns, sumir mjög al- varlega. Setti heims- met í gadda- dyngjulegu ('ardiff, Wales 11. des. AP. SÉRA Ken Owen, 45 ára gam- all prestur, bætti í gær óvenju- legt eigið heimsmet, en um morgunmatarleytið hafði hann legið á nagladínu í samtals 105 klukkustundir. Gamla metið setti séra Owen árið 1980, er hann flatmagaði á gaddarúmmi sínu í rétt tæpar 103 klukku- stundir. Séra Owen tók á móti fréttamönnum er metið var í höfn og var hann þá enn í „hvíldarstellingum” og lét engan bilbug á sér finna. „Ég ætla að liggja svolítið leng- ur,“ sagði hann, „af því það er svo þægilegt." Hann bætti því einnig við, að galdurinn við að fara sér ekki að voða á slíkri dínu væri að hreyfa sig mjög oft og fjölbreytilega. Hann hefur drepið tímann með því að rabba við vini sína í síma, við lestur trúarrita og fleira, en hann hefur varað sig á því að leggja sig ekki lengur en í eina klukkustund í senn, ella myndi hann festast við dyngju sína. Owen, sem státar af svörtu belti bæði í júdó og karate, setti hið nýja met sitt í sýn- ingarsal í bænum Porth og var hugmyndin m. a. að safna peningum með áheitum til krabbameinsvarnarmála. A dúnmjúkri sæng hans voru 500 sex tommu naglar, ekki af bitlausara taginu. Heimsmetabók Guinnes getur þess að ýmsir fakírar úr röðum Indverja hafi með einhverjum hætti haldið lengur út á broddadyngjum sínum, til dæmis hvíldist einn að nafni Silki á silkimjúkum nöglum sínum í 111 daga. I metreglum Guinnes-bókar- innar eru fakírar hins vegar skikkaðir til að fara eftir ströngum reglum ef met þeirra eiga að fást viður- kennd. Morgunblaðið/ KÖE á* f/ < I 1 m/' 11 y FYRSTU jólasveinarnir komu til Reykjavíkur í gærmorgun og heilsuðu þeir upp á Reykvíkinga í Austurstræti. I fylgd með jóla- sveinunum voru ábúðamikil tröll, sem slógust i för með þeim á leið úr fjöllunum. Askasleikir og félag- ar komu síðan til borgarinnar um hádegisbilið, en þeir munu skemmta á þaki Kökuhússins við Austurvöll í dag. í dag, sunnudag, verður kveikt á jólatrénu á Austur- velli. Tréð er gjöf Oslóborgar til Reykvíkinga, en Oslóbúar hafa nú í rúm 30 ár sýnt borgarbúum vin- arhug með þessum hætti. Athöfnin á Austurvelli hefst kl. 15.30 með <eik Lúðrasveitar Reykjavíkur en Ijósin á trénu verða tendruð kl. 16.00. Sendiherra Noregs á ís- landi, Anne-Marie Lorentzen mun afhenda tréð, en Davíð Oddsson, borgarstjóri, veitir því viðtöku fyrir hönd borgarbúa. Athöfninni lýkur raeð því, að dómkórinn syngur jólasálma. Að lokinni athöfninni koma jólasveinar i heimsókn — Askasleikir og félagar hans munu birtast í fullum skrúða eftir að kveikt hefur verið á jólatrénu. Þeir munu koma fram á þaki Köku- hússins við hornið á Landsímahús- inu. Bannvænn sjúkdómur herjar á ungbörn Ne.wark, New Jersey, II. desember. AP. SJÚKDÓMS, sem valdið hefur læknum heilabrotum og til þessa hefur einkum gert vart við sig hjá kynvillingum og eiturlyfjaneytend- um hefur nú orðið vart í 20 börnum í New Jersey í Bandarikjunum. Fjög- ur þeirra eru þegar látin. Sjúkdómur þessi hefur þau áhrif, að hann brýtur niður mót- stöðuafl líkamans gegn bakteríum og veirupi. Fólki, sem fær þennan sjúkdóm, er mun hættara við krabbameini en öðrum. Til þessa hefur sjúkdómsins orðið vart í tæplega 800 tilfellum. Að sögn Dr. James M. Oleske, sem rannasakar börnin, sem smitast hafa, deyja þeir sem bera sjúk- dóminn í helmingi tilfella á innan við ári eftir sýkingu. „Það er spá mín, að sjúklingunum endist líf í hæsta lagi fimm ár eftir sýkingu," sagði hann. Þrír fjórðu hlutar þeirra sjúkl- inga, sem smitast hafa af sjúk- dómnum hafa til þessa verið kyn- villingar og 13% hafa verið eitur- lyfjasjúklingar. Börnin, sem hlut eiga að máli, hafa öll verið í snert- ingu við fólk úr þessum tveimur hópum. Hafréttarráðstefnan: Vilja hunsa Bandaríkin í öll- um undirbúningsviðræðum Montego Bay, Jamaica, II. desembcr. AP. TOMMY Koh, forseti Hafréttarráðstefnunnar og fulltrúi Singapore kvaddi sér hljóðs á ráðstefnunni og bað Kanadamenn formlega að hunsa Bandarík- in í öllum samningaviðræðum um námuvinnslu á hafsbotni á þeirri forsendu að Bandaríkin ætluðu sér að eyðlileggja þann árangur sem náðist með undirritun sáttmálans í fyrradag. Beiðni Kohs var einnig beint til annara iðnaðarlanda, sem hafa hug á að vinna hinar hnefastóru manganese-kúlur sem talið er að þeki stór svæði á fleiri landgrunnum en einu og séu margra milljarða dollara virði. Kanadamenn hafa staðið fyrir nokkrum óformlegum fundum á ráðstefnunni og boðið þangað öðr- um hagsmunaaðilum. Hefur vakað fyrir Kanadamönnum að forðast með þessu árekstra í framtíðinni. Fjórum ríkjum var heimilað á ráðstefnunni að hefjast handa við rannsóknir á landgrunni sínu og undirbúning fyrir væntanlega vinnslu manganese-kúlnanna, Sovétríkjunum, Indlandi, Frakk- landi og Japan. Á hinn bóginn hafa nokkrar þjóðir fyrir nokkru byrjað undirbúningsvinnu og eru Bandaríkin þar í hópi. Þau undir- rituðu ekki sáttmálann né Vest- ur-Þýskaland, Belgía og England, m. a. á þeirri forsendu að með því væru þau skuldbundin til tækni- legrar aðstoðar og samvinnu við þróunarlönd og kommúnistaríki. Alan Beesley, fulltrúi Kanada, hrökk sýnilega við beiðni Kohs að því er fréttir herma. Hann sat við sama borð og Koh og tjáði frétta- mönnum eftir stutta umhugsun að beiðni Kohs yrði tekin fyrir sem fyrst. „Við munum ekki bjóða Bandaríkjamönnum á fleiri fundi að sinni, en hurðinni verður þó ekki skellt í lás. Við verðum að ræða það ásamt öðrum þjóðum sem hagsmuna eiga að gæta hvort að rifa eigi að vera í dyragættinni ef einhver hefði áhuga á að taka þátt í umræðunni án skuldbind- inga,“ sagði Beesley. Hann bætti því við að Koh hefði að vissu leyti komið sér úr klípu með beiðni sinni, því hann væri forseti ráð- stefnunnar og það væri ekki í verkahring sínum að ganga í ber- högg við vilja Kohs. „Ráðríkt og gerspillt skrímsliu Övenjuleg ummæli um Díönu prinsessu valda hneykslun breskra sjónvarpsáhorfenda Lundúnum, II. desember. AP. DIANA Bretaprinsessa komst rétt eina ferðina í fréttir í gær, en að þessu sinni á annan hátt en venja bcr til. Breskir sjónvarpsáhorf- endur sátu þrumu lostnir í gær- kvöld er þeir heyrðu prinsessunni lýst sem „litlu skrímsli" sem væri orðin „ráðrík og spillt". Það er hinn þekkti slúður- dálkahöfundur Nigel Dempster hjá breska blaðinu Daily Mail sem svo lýsir Diönu. Ummæli hans voru leikin af segulbandi í sjónvarpsþættinum „Bennett bites back“ í’ gærkvöld og komu geysilega flatt upp á sjónvarps- áhorfendur. Þessi ummæli Dempsters voru upphaflega eftir honum höfð í spjalli í „Good morning Amer- _ ica“, morgunþætti ABC sjón- varpsstöðvarinnar í síðasta mánuði. Dempster segir Diönu hafa sett alla kunningja Karls til hliðar og þau hitti nær ein- vörðungu hennar fyrri kunn- ingja. Dempster segir einnig orðétt: „Við það að fá svo mikil völd og sjá folk bukka sig og beygja fyrir henni hvar sem hún kemur er hún orðið lítið, ráðríkt og spillt skrímsli." Ummæli Dempsters komu flatt upp á fleiri en sjónvarps- áhorfendur. Önnur bresk blöð, þar á meðal The Sun og Daily Express, sem til þessa hafa ekki þótt vönd að virðingu sinni, lýstu hneykslun sinni á ummælum Dempsters í dag.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.