Morgunblaðið - 20.03.1983, Page 29

MORGUNBLAÐIÐ, SUNNUDAGUR 20. MARZ 1983
29
formaðurinn markaði með sam-
starfinu við kristilega demókrata.
Hægri stefna flokksins
Það er deginum ljósara að FDP
hefur á undanförnum mánuðum
færst til hægri i stjórnmálum
undir handleiðslu helsta efna-
hags- og hugmyndafræðings
flokksins, Ottó Lambsdorffs, sem
gegnir stöðu viðskiptaráðherra í
stjórn Kohls. Nú vill flokkurinn
minnka hlut ríkisvaldsins sem
kostur er í aðgerðum til að reisa
við efnahaginn, en láta hin frjálsu
öfl markaðarins ráða ferðinni. í
kosningabaráttunni lögðu t.d.
frjálsir demókratar á það áherslu
að skattur sá, sem lagður var á
hátekjumenn í janúar í þeim til-
gangi að örva atvinnulífið, skyldi
síðar endurgreiddur eins og
stjórnarflokkarnir höfðu reyndar
komið sér saman um. Kristilegir
demókratar féllu hins vegar frá
þessari samþykkt með þeim rök-
um að allar þjóðfélagsstéttir yrðu
að færa fórnir á tímum efnahags-
örðugleika.
Sú áróðursherferð frjálsra
demókrata í lok kosningabarátt-
unnar að hvetja kjósendur til að
greiða landslista flokksins annað
atkvæði sitt, en helmingur þing-
manna er kjörinn hlutbundinni
kosningu, hefur vafalaust borið
ríkan ávöxt. Það hefur ef til vill
einnig haft áhrif að með því að
kjósa frjálsa demókrata yrði
tryggt að hinn umdeildi stjórn-
málamaður, Strauss, tæki ekki við
stöðu utanríkisráðherra af
Genscher og framhald yrði á nú-
verandi stefnu í utanríkismálum.
Áhrif græningja
Það er ljóst að græningjar sóttu
mest fylgi til ungs fólks í kosning-
unum, en einnig má ætla að
óánægðir sósíaldemókratar hafi
veitt þeim stuðning. — T.a.m. er
það útbreidd skoðun að hin mikla
fylgisaukning græningja eigi sér
þær skýringar að margir kjósend-
ur, sem í raun voru hliðhollir um-
hverfisverndarsinnum, hafi í
kosningunum 1980 greitt sósíal-
demókrötum atkvæði sitt, til að
koma í veg fyrir að þáverandi
kanslaraefni kristilegu flokkanna,
Strauss, kæmist til valda. Það,
sem styður þessa tilgátu, er að
græningjum sem fengu aðeins
1,5% atkvæða 1980, gekk mun bet-
ur í fylkiskosningum sama ár.
Erfitt er að segja til um hver
áhrif græningja verða á þingi, en
þeir hafa þó gefið í skyn að þing-
menn hinna flokkanna eigi ekki
náðuga daga fyrir höndum. T.a.m.
hafa græningjar í hyggju að skrá
fjarvistir þingmanna á Sam-
bandsþinginu og birta „skrópatöl-
urnar" opinberlega með reglulegu
millibili. Ástæðan er sú að þeir
telja að þingmenn hafi ekki tekið
starf sitt nógu alvarlega til þess.
Græningjar hafa einnig lýst yfir
því að þeir ætli ekki að leyna al-
menningi upplýsingum um þá
staði sem fyrirhugað er að koma
fyrir bandarískum eldflaugum, ef
samkomulag næst ekki um af-
vopnunarmál í Genf. Þessi afstaða
bendir til að harðvítugar deilur
um utanríkismál séu í uppsiglingu
á þinginu, enda hafa kristilegir
demókratar gagnrýnt græningja
harðlega fyrir uppljóstrunar-
áformin og sakað þá um ábyrgðar-
leysi. En græningjar ætla ekki að
láta þar við sitja, heldur hyggjast
þeir beita sér fyrir því að þing-
nefnd rannsaki hið svokallaða
Flick-mál, en það snýst um hvort
stórfyrirtækið Flick hafi veitt
þingflokkunum fjárstuðning með
ólöglegum hætti. Með þessu vilja
græningjar stíga fyrsta skrefið í
þá átt að útrýma fjármálaspill-
ingu, sem þeir segja að „rótgrónu"
flokkarnir séu gegnsýrðir af.
Eins og áður sagði á framtíðin
eftir að skera úr því hvort græn-
ingjar fái miklu framgengt á sam-
bandsþinginu, en það ræðst senni-
lega að miklu leyti af því hvernig
samskiptum þeirra og sósíaldemó-
krata verður háttað i stjórnar-
andstöðu.
Fyrirpáska
ferNói
í hörku samkeppní
við hsentimar!
Páskaeggin frá Nóa og Síríus, - eggin hans Nóa,
hafa ýmislegt fram yfir þan „páskaegg" sem hænumar
eru að kreista úr sér þessa dagana. Eggin hans Nóa fást í 6 stærðum,
þau eru fagurlega skreytt og búin til úr hreinu súkkulaði.
Þau hafa Iíka mun Qölbreyttara innihald en egg keppinautarins,
t.d. brjóstsykur, karamellur, konfekt, súkkulaðirúsínur og kropp,
að ógleymdum málshættinum.
Þrátt fyrir þessa kosti mælum við ekki með eggjunum
hans Nóa í bakstur, ofan á brauð eða með beikoni!
Eggin hans Nóa eru gómsæt, - og úr hreínu súkkulaði!
JMOi^Miröœ