Morgunblaðið - 20.01.1984, Blaðsíða 16

MORGUNBLAÐIÐ, FÖSTUDAGUR 20. JANÚAR 1984
17
16
MORGUNBLAÐIÐ, FÖSTUDAGUR 20. JANÚAR 1984

Útgefandi
Framkvæmdastjóri
Ritstjórar
Fulltrúar ritstjóra
Fréttastjórar
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson,
Björn Jóhannsson.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar: Að-
alstræti 6, sími 22480. Afgreiðsla: Skeifunni 19, sími 83033. Áskrift-
argjald 250 kr. á mánuði innanlands. í lausasölu 20 kr. eintakið.
Nýjar leiðir —
atvinnuuppbygging
Okkur sýnist ljóst að
, upp sé komið ástand
víbvarandi atvinnuleysis,"
sagði Þórir Daníelsson,
framkvæmdastjóri Verka-
mannasambands íslands, í
blaðaviðtali í gær. „í nóv-
ember sl. gerðum við könnun
sem sýndi að eitt þúsund, eða
fjögur prósent af félags-
mönnum VMSÍ, væru at-
vinnulausir, en atvinnuleysi
hefur síðan aukizt mjög.“
Meirihluti þeirra, sem misst
hafa atvinnu, eru úr röðum
almenns verkafólks. Fjórð-
ungsminnkun þorskafla 1984,
sem ráðgerð er, ýtir ekki
undir bjartsýni um atvinnu-
horfur. Hún styrkir heldur
ekki rekstrarstöðu fyrir-
tækja í sjávarútvegi, veiða og
vinnslu, sem rekin hafa verið
með verulegum halla og
skuldasöfnun á heildina litið
undanfarin ár.
Svipull er sjávarafli og ís-
lendingar hafa fyrr séð fram
á sveiflur í sjávarútvegi,
bæði í veiðum og verðþróun,
sem skekið hafa undirstöður
lífskjara í landinu. Þorskur-
inn er hinsvegar það mikil-
vægur í þjóðarbúskap og
lífskjörum íslendinga að
forða verður hruni hans með
öllum tiltækum ráðum, þ.e.
að hann sæti sömu örlögum
og síld og loðna. Þvert á móti
þarf að byggja stofninn upp í
hámarksstærð og hámarks-
nýtingu, án þess að ganga á
höfuðstólinn, stofnstærðina.
Þess vegna verður að sníða
veiðisókn að veiðiþoli. Ná
þeim afla, sem fiskifræðileg
rök heimila, með sem
minnstum tilkostnaði — og
vinna hann í sem verðmæt-
ast söluform. Það er alltof
mikið í húfi og til alltof mik-
ils að vinna til að láta skeika
að sköpuðu, þegar undir-
stöðuatvinnuvegur okkar á í
hlut. Þess verður þó að gæta
vel að fjötra ekki þá hvata
framtaks og áræðis, sem
verða hér eftir sem hingað
til, hornsteinar framfara og
velferðar í landinu.
Kreppuástand, eins og nú
ríkir, má hinsvegar ekki
stinga þjóðina svefnþorni.
Þegar svo árar sem nú er
þarf þvert á móti að leita
allra tiltækra ráða til að
finna ný tækifæri á öllum
sviðum atvinnulífsins og
blása lífi í atvinnustarfsemi,
sem fyrir er. Við höfum að
vísu glatað nokkrum árum í
þvergirðingshátt, hvað það
varðar að breyta orku fall-
vatna okkar í vinnu, verð-
mæti og gjaldeyri, en betra
er seint en ekki að huga að
þeim málum. Stórir mögu-
leikar sýnast fyrir hendi í
fiskeldi en á því sviði hafa
ýmsar þjóðir, svo sem Norð-
menn, gefið gott eftirdæmi.
Það þarf að virkja það hugvit
og áræði sem með þjóðinni
býr og leysa ýmsa kerfis-
hnúta í atvinnu- og
efnahagslífi, sem haldið hafa
framtaki og lífskjörum í
landinu niðri.
í þeirri viðleitni vegur að
sjálfsögðu þungt að skapa
skilyrði til innlends sparnað-
ar, en fjármunir eru vinnu-
tæki sem atvinnulífið þarfn-
ast. Það þarf einnig að stýra
þessum sparnaði, ef til verð-
ur, út í atvinnulífið, m.a. með
því að þannig ráðstafaður
sparnaður njóti skattalegs
jafnréttis við annan sparnað,
t.d. spariskírteini ríkisins.
Stöðugleiki í efnahagslífi,
verð-, gengis- og vaxtaþróun,
skiptir og alla atvinnu-
starfsemi og áætlanagerð um
atvinnuuppbyggingu höfuð-
máli. Það hefur verið unnið
þrekvirki við að ná verðbólgu
niður í svo ríkum mæli sem
raun ber vitni um. Það er
mjög mikilvert að glutra ekki
þessum árangri niður, eins
og gerðist 1977/1978 með
óraunhæfum kjarasamn-
ingum þá. Þess vegna verður
að finna leiðir til að bæta
kjör hinna lægst launuðu og
verst settu án þess að vænt-
anleg launaþróun næstu mis-
seri setji verðbólguskriðuna
af stað á ný. í því efni er
aðilum vinnumarkaðarins,
sem og þingi og ríkisstjórn,
mikill vandi á höndum.
Óábyrg stjórnmálaöfl reyna
eflaust að veiða fylgi í grugg-
ugu vatni, þar sem þessi við-
kvæmu mál eru. Þau öfl eru
jafnan þeim verst á borði
sem þau „unna“ mest í orði.
Þjóðin verður að halda ró
sinni, þó á móti blási, enda
hefur hún alla burði til að
vinna sig upp úr vandanum.
Til þess þarf hún að vísu að
„senda út á sextugt djúp,
sundurlyndisfjandann". Til
þess þarf hún að leita uppi ný
tækifæri á öllum sviðum at-
vinnulífsins. Og til þess þarf
hún að varðveita, en ekki
glutra niður, þeim árangri í
verðbólguhjöðnun, sem fyrir
hendi er.
Almavíva greifi og Bartóló keppa um hylli yngismeyjarinnar Rósínu og gengur þar á ýmsu. Jón Sigurbjörnsson,
Kristinn Hallsson, Kristinn Sigmundsson og Júlíus Vífill Ingvarsson í hlutverkum sínum.
Islenska óperan frumsýnir:
„Rakarinn í Sevilla“
ÍSLENSKA ÓPERAN frumsýnir gamanóperu Rossinis “Rakarinn í Sev-
illa“ í kvöld, 20 janúar, kl. 20.00. Frumsýning á óperunni átti aö vera 6
janúar, en var frestað vegna veikinda Kristins Sigmundssonar söngvara.
Rakarinn í Sevilla er ein vin-
sælasta ópera Gioacchino Ross-
ini. Samdi hann hana á þrettán
dögum í janúar 1816 eftir sam-
nefndu leikriti frakkans Pierre-
Augustin Caron de Beumarcha-
is. Leikurinn snýst um yngis-
meyna Rósínu sem ungur greifi,
Almavíva, fellir hug til og beitir
hann ýmsum brögðum til að ná
hylli hennar og nýtur til þess að-
stoðar rakarans og þúsundþjala-
smiðsins Fígarós. En Almavíva
er ekki einn um aðdáun sína á
Rósínu því fjárhaldsmaður
hennar Bartóló íhugar alvarlega
að biðja hennar og Basílíó
söngkennari hennar leggur hon-
um lið.
Með aðalhlutverk fara Krist-
inn Sigmundsson, Fígaró, Sigríð-
ur Ella Magnúsdóttir, Rósína,
Júlíus Vífill Ingvarsson, Alma-
víva greifi, Kristinn Hallsson,
Bartóló, Jón Sigurbjörnsson,
Basííó, Guðmundur Jónsson
Fíorelló, þjónn greifans. Þess má
til gamans geta að þeir þrír síð-
astnefndu tóku allir þátt í upp-
setningu Þjóðleikhússins á Rak-
aranum í Sevilla fyrir tæpum
þrjátíu árum, Guðmundur var
þá í hlutverki Fígarós en Krist-
inn og Jón í sömu hlutverkum og
nú. Leikstjóri er Francesca Zam-
bello, hljómsveitarstjóri er Marc
Tardue, leikmynd, búninga og
lýsingu gerðu Sarah G. Conly og
John Michael Deegan.
Bartóló fjárhaldsmaður Rósínu
fyrir utan hús sitt. Kristinn Halls-
son í hlutverki sínu.
Samningafundur BSRB og ríkisins í gær:
Fjármálaráðherra
hafnar kröfum BSRB
BSRB varar viö afleiðingum svo „einstrengingslegrar afstööu“
SAMNINGANEFND ríkisins hafnaði í gær kröfugerð Bandalags starfsmanna
ríkis og bæja, sem sett var fram á fyrsta umræðufundi samningsaðila fyrir
rúmri viku. Var vísað til fyrri afstöðu fjármálaráðherra og ítrekað, að af hans
hálfu kæmi ekki til álita að gera kjarasamninga við opinbera starfsmenn, sem
hafi í för með sér hækkun launaútgjalda umfram það sem gert er ráð fyrir í
forsendum fjárlaga. í svari samninganefndar ríkisins var þc tekið fram að
ákveðið atriði í kröfugerð BSRB gæti orðið grundvöllur að viðræðum með þeim
breytingum sem gera þyrfti til að halda honum innan fyrrgreinds ramma.
Var sérstaklega nefnt í því sam-
bandi að gerður yrði aðalkjara-
samningur sem fæli í sér allt að 4%
meðalhækkun launataxta, með
þeim fyrirvara þó, að iágmarks-
dagvinnutekjur félaga í BSRB
verði í samræmi við það sem um
hefur samist á milli ASÍ og VSÍ.
Ennfremur, að samið verði um
framlengingu óbreyttra sérkjara-
samninga og röðun í launaflokka
verði óbreytt, að öðru leyti en því,
sem um semst í aðalkjarasamningi
um breyttar uppfærslureglur á
milli lægstu launaflokka BSRB.
Samningurinn gildi í a.m.k. eitt ár
frá undirritun.
Jafnframt var tekið fram, að
verði á gildistíma samningsins
verulegar beytingar á þeim for-
sendum varðandi þróun efnahags-
og verðlagsmála, sem gengið er út
frá við gerð hans, sé fjármálaráð-
herra reiðubúinn til að taka upp
viðræður á síðari hluta samnings-
tímans um hugsanleg áhrif þeirra
breytinga á samninginn.
1 kröfugerð BSRB var m.a. farið
fram á að lágmarks dagvinnulaun
yrðu 15 þúsund krónur á mánuði,
að kaupmáttur launa yrði ekki
minni en hann var í upphafi síð-
asta ársfjórðungs 1983, sem jafn-
gildir 4—5% kjarabót, og loks að
tryggja skyldi þann kaupmátt með
grunnkaupshækkun á þriggja mán-
aða fresti.
Samninganefnd BSRB svaraði
um hæl gagntilboði fjármálaráð-
herra þar sem segir m.a. að svar
fjármálaráðherra sé algjör synjun
á sanngjörnum kröfum BSRB. Var
skorað á ráðherrann að taka svar
sitt til endurskoðunar og varað við
afleiðingum svo einstrengingslegr-
ar afstöðu til kröfu BSRB. Vænst
var svars ráðherra innan viku.
Morgunblaðið hafði í gærkvöldi
samband við Kristján Thorlacius,
formann BSRB, og innti hann eftir
því hver yrðu viðbrögð BSRB ef
svör ráðherra yrðu neikvæð.
Kristján sagði:
„Um það get ég ekki sagt á þessu
stigi, samninganefnd okkar mun
koma saman og marka stefnu í því
máli. En eitt get ég þó sagt: Kröfur
okkar eru sanngjarnar og í algeru
lágmarki, enda höfum við sætt
mikilli gagnrýni frá félagsmönnum
fyrir að ganga ekki nógu langt. Og
ef ríkið breytir ekki afstöðu sinni,
þá komumst við ekki hjá þvi að
endurskoða kröfugerð okkar, og
það liggur í hlutarins eðli, að sú
endurskoðun getur aöeins verið á
einn veg, því lægra getum við ekki
farið."
Á fundi með fréttamönnum síð-
degis í gærdag sagði Haraldur
Steinþórsson, varaformaður BSRB,
að svar fjármálaráðherra hefði
verið langtum verra en hann hefði
átt von á. „Kröfur okkar hefðu þýtt
útgjaldaaukningu frá fyrsta janúar
á bilinu 8 til 9 prósent. En þessi 4
prósenta meðalhækkun sem ráð-
herra leggur til hrekkur varla til
hækkunar lágmarkslauna upp í 15
þúsund á mánuði þótt allri upp-
hæðinni væri varið í það. Auk þess
er verðtrygging engin."
Þær upplýsingar fengust hjá
Birni Arnórssyni hagfræðingi
BSRB að fjöldi stöðugilda innan
BSRB þar sem laun væru undir 15
þúsund kfonum á mánuði væri um
28%, en í félaginu væru alls um 17
þúsund manns.
Sverrir Hermannsson iðnaðarráðherra:
Mikinn áhuga á að fá
frekari upplýsingar
.„ÉG KEM AF fjöllum. Ég hef ekki heyrt eitt einasta orð um þetta á
ævinni fyrr, en ég hef náttúrulega mikinn áhuga á að fá frekari upplýs-
ingar," sagði Sverrir Hermannsson iðnaðarráðherra, er blm. Mbl. bar
undir hann efni viðtals í Mbl. við dr. Einar I. Siggeirsson í gær, en þar
segir Einar m.a. að rannsóknir við Bláa lónið bendi til að unnt sé að reisa
þar lífræna pappírsverksmiðju, sem yrði mun ódýrari í byggingu en
pappírsverksmiðja sú sem áætlað hefur verið að reisa við Húsavík.
I viðtalinu við Einar kemur auk einu orði um Bláa lónið. Ég hef
þess fram, að örverurannsóknir í komið þangað, en aldrei haft
Bláa lóninu sýni fram á hugsan- spurnir af neinu nema þessum
lega ýmsa aðra möguleika, svo heilsusamlega mætti þess. Ég vil
sem framleiðslu lyfja og gjarnan frá upplýsingar frá þeim
brennsluspíritus. Sverrir sagði sem vita um málið og ég mun
ennfremur: „Eins og ég sagði þá spyrjast fyrir um þetta,“ sagði
hef ég aldrei heyrt minnst á þetta hann að lokum.
Skipt um „lykilmenn“ á Tímanum:
Ritstjóri og framkvæmda-
stjóri ekki endurráðnir
— verulegar breytingar nauðsynlegar á blað-
inu og rekstri þess, segir Magnús Ólafsson,
sem verður ritstjóri 1. apríl
RITSTJORA og framkvæmdastjóra Tímans, Elíasi S. Jónssyni og Gísla
Sigurðssyni, var í gær tilkynnt að þeir yrðu ekki endurráðnir af stjórn
Nútímans, hins nýja útgáfufélags blaðsins. Magnús Ólafsson, hagfræðingur,
hefur verið ráðinn ritstjóri frá 1. apríl næstkomandi og Sigurður Skagfjörð
Sigurðsson, rekstrarhagfræðingur, hefur verið ráðinn framkvæmdastjóri frá
sama tíma. Þórarinn Þórarinsson, stjórnmálaritstjóri Tímans, sagði starfi
sínu lausu um sl. áramót frá 1. október næstkomandi. Ekki hefur verið
ákveðið hver mun taka við starfi hans, skv. upplýsingum, sem blaðamaður
Mbl. aflaði sér í gærkvöldi.
Starfsmenn á ritstjórn Tímans
hafa harmað ákvörðun stjórnar
Nútímans hf. um að ganga fram
hjá Elíasi og telja þá ákvörðun
með öllu óskiljanlega, að því er
segir í yfirlýsingu frá þeim. Hauk-
ur Ingibergsson, framkvæmda-
stjóri Framsóknarflokksins, sagði
í samtali við blm. Morgunblaðsins
í gærkvöld, að talið væri æskilegt
að gera breytingar á skipan lyk-
ilmanna á blaðinu þegar nýir aðil-
ar tækju við rekstri þess.
Elías S. Jónsson, hefur verið rit-
stjóri Tímans tæp þrjú ár. Hann
sagði í gærkvöldi að það væri „að
sjálfsögðu stjórnar Nútímans að
ráða hvern þann, sem hún vill.
Hinsvegar tel ég þessa ákvörðun
mjög ómaklega og öll vinnubrögð í
því sambandi þeim, sem þar eiga
hlut að máli, til lítillar sæmdar",
Æskilegt að skipta
um lykilmenn
Hákon Sigurgrímsson, stjórn-
arformaður Nútimans hf., sagði að
stjórnin mæti það svo, að miðað
við þær breytingar sem þyrfti að
gera á blaðinu og rekstri þess,
væri talið æskilegt að skipta væri
um forystu. „Við stefnum að því
að efla blaðið mjög mikið og til
þess þarf að gera miklar lagfær-
ingar á rekstrinum,“ sagði Hákon.
Haukur Ingibergsson tók í sama
streng og sagði að þar sem nýtt
félag tæki við rekstri Tímans væri
talið eðlilegt við „slík tímamót í
sögu fyrirtækja, að allt starf og
Magnús Ólafsson
skipulag þeirra sé tekið til endur-
skoðunar, þar á meðal val á
stjórnendum til þess að fá nýja og
ferska strauma. Einnig má ekki
gleyma því,“ sagði Haukur Ingi-
bergsson, „að í íslenskum fjöl-
miðlaheimi er jafnan mikill til-
flutningur á mönnum. Elías Snæ-
land Jónsson hefur á undanförn-
um árum unnið gott starf við Tím-
ann en engu að síður var talið
æskilegt að gera breytingar á
skipan lykilmanna á blaðinu við
þessi tímamót." Hann bætti því
við, að mikils væri vænst af hinum
nýja ritstjóra og framkvæmda-
stjóra í störfum fyrir blaðið.
Magnús Ólafsson, hinn nýi rit-
stjóri, hefur verið viðloðandi Tím-
ann í hartnær tiu ár, m.a. verið
blaðamaður þar á sumrin, síðast
fréttastjóri í afleysingum meðan
Jón Sigurðsson var ritstjóri. Hann
er nú að ljúka námi í hagfræði og
tölfræði við háskóla í V-Þýska-
landi en kemur heim um helgina
til að ráða ráðum sínum við stjórn
Nútímans hf. og hinn nýráðna
framkvæmdastjóra.
Afbragös blaðamaður
Magnús sagði í samtali við
blaðamann Mbl. í gærkvöldi, að
það legðist mjög vel í sig að taka
við ritstjórn blaðsins og að gaman
yrði að eiga þátt í þeim breyting-
um, sem framundan væru. „Ef vel
á að vera,“ sagði Magnús, „þurfa
þær breytingar að verða töluverð-
ar. Ég vil þó ekki ræða á þessari
stundu hvers eðlis þær verða, það
mun væntanlega koma fyrir augu
lesenda Tímans 1. apríl næstkom-
andi.“
Magnús sagði að sér hefði „ný-
lega“ verið boðið ritstjórastaðan
og að hann hefði ákveðið að taka
boðinu. „Þetta þýðir að ég þarf
eitthvað að fresta því að ljúka
mínu doktorsnámi hér ytra en ég
get vel farið í það síðar.“
- Vissir þú, að Elías yrði látinn
víkja?
„Að Elías skuli fara frá blaðinu
þykir mér vera það sorglegasta við
þetta allt saman,“ sagði Magnús
Ólafsson. „Elías er afbragðs
blaðamaður og okkur hefur alltaf
komið mjög vel saman.“
Hann kvaðst reikna með að
reyna að ganga frá endurráðning-
um starfsmanna á ritstjórn blaðs-
ins í næstu viku á meðan hann
væri heima; framkvæmdastjórinn
myndi væntanlega ganga frá
endurráðningum annars starfs-
fólks. Starfsmönnum var öllum,
að Þórarni Þórarinssyni undan-
skildum, sagt upp um sl. áramót,
eins og fram hefur komið í Morg-
unblaðinu.
Furðuleg vinnubrögö?
Ákvörðun stjórnar Nútímans
hf. um að þeir Elías og Gísli færu
frá blaðinu er Nútíminn tæki við
rekstri þess var tekin á fundi
stjórnarinnar í gærmorgun. Morg-
unblaðið hefur aflað sér upplýs-
inga um að sl. föstudag hafi Há-
kon Sigurgrímsson, form. stjórn-
arinnar, kallað Elías ritstjóra á
sinn fund og þeir rætt lengi saman
um blaðið og framtíð þess. Þeim
fundi lyktaði með því að stjórnar-
formaðurinn kvaðst ætla að koma
á fundi ritstjóra og hins nýja
framkvæmdastjóra á mánudegin-
um (sl.) og fá Hauk Ingibergsson,
framkvæmdastjóra flokksins, til
að koma þeim fundi á. Á mánudag
bárust Elíasi, skv. upplýsingum
Mbl., skilaboð um að fundinum
yrði frestað. Elías vildi ekki tjá sig
um þetta atriði í gærkvöld en vís-
aði aftur til þess, er hann hefði
sagt um vinnubrögð stjórnarinnar
Elías Snæland
í þessu sambandi.
í yfirlýsingu starfsmanna á rit-
stjórn blaðsins er einnig lýst yfir
„furðu á þeim vinnubrögðum, sem
viðhöfð voru við þessa ákvörðun,"
þ.e. að endurráða ekki Elías.
Haukur Ingibergsson vísaði því á
bug að þarna hefði verið eitthvað
óeðlilegt á ferðinni, sagði um hafa
verið að ræða „ósköp venjuleg
vinnubrögð" og sagðist ekki vita
við hvað væri átt.
Blaðamenn Tímans lýsa í yfir-
lýsingu sinni „fyllsta trausti á
störf Elíasar Snæland, þau tæpu
þrjú ár sem hann hefur gegnt rit-
stjórastöðu við blaðið. Er starfs-
mönnum ritstjórnar með öllu
óskiljanlegt hvers vegna gengið
var framhjá einum reyndasta
blaðamanni íslenskra fjölmiðla
þegar ráðið var í stöðu þá, sem
Elías hefur gegnt með slíkum
ágætum undanfarin ár.“
Haraldur Steinþórsson varaformaður BSRB (t.v.) og Björn Arnórsson hag-
fræðingur BSRB á fundi með fréttamönnum í gær.
Sjálfstæð sameignar-
félög greiða mun meiri
tekjuskatt en eigend-
ur Miklagarðs
SAMEIGNARFÉLAG, sem er sjálfstæður skattgreiðandi, þarf að borga um
þrefalt hærri tekjuskatt en eigendur Miklagarðs, sem rekinn er af sameign-
arfélaginu Holtagarðar sf., en það er ekki sjálfstæður skattgreiðandi. Þessar
upplýsingar koma fram í nýjasta fréttabréfi Verzlunarráðs lslands.
^ar segir ennfremur: „Tekjur af
^kstrinum, ef einhverjar eru,
renna til eigendanna, KRON, SÍS
og kaupfélaganna í Hafnarfirði, á
Kjalarnesi og Suðurnesjum og
skattleggjast þar. Skýringin á
þessum mun er sú, að eigendur
Miklagarðs eru samvinnufélög,
sem njóta góðs af hagstæðari
skattreglum en önnur rekstrar-
form.“
í fréttabréfinu segir, að Verzl-
unarráðinu hafi að undanförnu
Hreinar tekjur
Stofnsjóðsframlag, %
Varasjóður 25%
Tekj uskattsstof n
Tekjuskattur, 65%
Eftir í fyrirtæki
borizt fyrirspurnir um hvernig
skattlagningu Miklagarðs sé hátt-
að og hvort hann sitji við sama
borð og annar sambærilegur at-
vinnurekstur. „Eftirfarandi dæmi
var því sett upp og talan 100 valin
sem hreinn hagnaður til að sýna
hlutföll milli tekna og tekjuskatts.
Tekið skal fram að hér er ekki um
raunverulegar tölur að ræða held-
ur tilbúið dæmi, sem engu að síður
segir sínar sögu.
Eigendur Sameignarrélag, Sjálfstædur
MiklagarAs skattKreiðandi
100.00 100.00
66.67 —
33.33 100.00
8.33 25.00
25.00 75.00
16.25 48.75
83.75 51.25
Ávarp vegna sjóslyss-
ins við Bjarneyjar
FRÁSAGNIR af slysförum birtast
jafnótt og slvsin verða. Öllum
mun því kunnugt um sjóslysið við
Lón í Bjarneyjum mánudaginn 31.
október 1983, þar sem 3 úr áhöfn
Hafarnar SH-122 fórust. Frásagn-
ir af því yfirgripsmikla leitarstarfi
sem hefir verið innt af höndum
frá þeim degi hafa ekki verið
miklar. Leitað hefir verið alltaf
þegar mögulegt var. Árangur leit-
arinnar er, að einn hinna látnu
fannst og mikil þekking og
reynsla hefir fallið þeim í skaut,
sem lagt hafa fram tæki, búnað
og mannafla til fjölþúsunda dags-
verka við leit. Enginn hefir hreyft
úrtölum og einbeittur hugur hefir
fylgt áreynslufrekum athöfnum
þar sem óbilandi kjarkur hefir
fengið að reyna sig við misblíðar
náttúrufarsástæður.
Það fjármagn, sem leitin hef-
ir kostað, er ótvírætt mikið og
hefir sjálfsagt komið við sjóði
þeirra björgunarsveita og ein-
staklinga, sem lagt hafa til tæki
sín og búnað, báta sína og önn-
ur flutningstæki.
Við undirritaðir heitum því á
alla velviljaða, sem lesa þetta
ávarp, að leggja nokkuð af
mörkum til þess að styðja við
veigamikil störf þeirra leitar-
og björgunaraðila, sem hér eiga
hlut að máli. Framlögum geta
þeir, sem vilja styðja þá, komið
á framfæri með því að leggja
inn á sparisjóðsávísanareikning
nr. 2214-3 við útibú Búnaðar-
banka íslands í Stykkishólmi.
Auðvelt er að gera það í hvaða
sparisjóði eða banka sem er
með C-gíróseðli.
Einnig geta þeir sem vilja
veita fjárstuðning þeim aðilum,
sem urðu fyrir verulegri röskun
á högum vegna slyssins, á sama
hátt komið framlögum sínum á
framfæri með því að ieggja þau
á sparisjóðsávísanareikning nr.
2215-1 við sömu stofnun.
Við undirritaðir viljum reyna
að skipta því sem safnast á sem
réttastan hátt milli þeirra sem
hlut eiga að máli við vertíðarlok
í vor. Við væntum að allir vel-
unnarar björgunarstarfs og
vinir Stykkishólms leggi góðu
málefni lið og þökkum fyrir-
fram sérhverjum sem leggur lóð
sitt á vogarskálina til góðs.
Guð blessi glaðan gjafara.
Jóhannes Árnason sýslumaður,
Ellert Kristinsson oddviti,
Gísli H. Kolbeins sóknarprestur.