Morgunblaðið - 25.01.1984, Side 29

MORGUNBLAÐIÐ, MIÐVIKUDAGUR 25. JANÚAR 1984
29
VELVAKANDI
SVARAR í SÍMA
10100 KL. 11—12
FRÁ MÁNUDEGI
TIL FÖSTUDAGS
TnunMtiZruiri'UU
Ég ákæri ykkur
Anna skrifar:
Kæri Velvakandi og kæri gamli
Moggi, tvíburasystir mín eða
bróðir. í tilefni þess að við áttum
stórafmæli í sumar ætla ég að
leyfa mér að mögla svolftið við
þig, svona í góðu. Þú mátt ekki
móðgast við mig, Moggi minn, en
þú ert orðinn alltof stór. Það er
Moggi hér og Moggi þar og Moggi
alls staðar, úrklippur um allt og
Lesbókin fyllir hvern krók og
kima. Alltof gott efni í henni til
þess að henda í öskutunnuna. Ef
ég ætti nú bara hús, en ég á ekki
einu sinni íbúð.
Jæja, þakka þér samt fyrir að
lækka verðið við mig og aðra á
þínum aldri. Það er vel gert,
Moggi minn, nú á þessum síðustu
og verstu tímum, þegar talnaleikir
eru mikið í tísku. Nú, hér kemur
þá einn til viðbótar. Ég þarf að
lifa af 8.281 krónu á mánuði (elli-
lífeyri, tekjutryggingu og uppbót).
Af þessu borga ég húsaleigu, síma,
rafmagn, mat, lænishjálp, meðul,
sápur, strætómiða og annað til-
fallandi. Ég tóri en lifi ekki; um
mannsæmandi líf er ekki að ræða.
Og það sem hjálpar mér til að tóra
er að ég bjó erlendis í mörg ár. öll
stríðsárin og lengur. Þá varð mað-
ur að spara og það hef ég gert
allar götur síðan. Ég vorkenni
þeim sem aldrei hafa lært að
spara og nú er verið að svelta í hel
með fádæma hörku og rangsleitni.
Matur og aðrar vörur hafa
hækkað um 30—50% á meðan við,
launalægsta fólkið hér á landi,
fáum 4% hækkun. Þetta er ekki
lýðræði og þið sem setjið þessi lög
ættuð að spara sjálfir. Bílakaup,
bensín, frían síma, ferðastyrki og
húsaleigupeninga. Þið sem eigið
hér stórar villur, þó að þið látið
skrá ykkur úti á landi. Ég ákæri
ykkur. Sparið þið og hættið að lifa
eins og kallarnir í Kreml og þá
verður kannski hægt að ná verð-
bólgunni niður, því að það eruð þið
sem eruð eyðsluseggirnir en ekki
við sem tórum.
Já, svo var það kokkurinn í sjón-
varpinu í haust með grænmetið.
Hann var með pasternak-rófur.
Ég hef leitað að þeim með logandi
ljósi, síðan ég fluttist heim, en
hvergi fengið. Og núna síðast, þeg-
ar ég spurði, var sagt við mig:
Pasternak? Býr hann ekki í Rúss-
landi? — Jú, sagði ég, — en ég
ætlaði að kaupa rófur en ekki rit-
höfund. Góði kokkur: hvar fást
pasternak-rófur?
Fyrirfram þökk.
P.s. Ég skrifa þér aftan á kvitt-
anir frá Tryggingastofnun ríkis-
ins. Þetta er að kunna að spara,
nota ekki dýran pappír, heldur að-
eins það sem maður hefur við
höndina. Það er líka að kunna að
spara að vera bíllaus og hafa gam-
alt svart-hvítt sjónvarp. En ég
játa, að mig dauðlangar í litasjón-
varp. Ég ætla að fá mér það í
næsta heimi, þar sem allir eru
jafnir. Bless. A.S.“
í ríkum mæli. Allt þetta, sem upp
er talið, og ríflega það, hleður
utan á sig. Þar verða þessar
hækkanir að koma á móti.
í DV í haust varð Svarthöfða
mikið um nærri 15% kauphækk-
anir til sauðfjárbænda (eins og
hann orðaði það). En þeir fengu
aðeins 4%. Hvert hafa hin rúm-
lega 10% farið?
Það er kannski ekkert athuga-
vert við það, að tekið sé af fóð-
urbætisverði sem mjólkurfram-
leiðendur greiða, til að borga
með mjólkursamlögum, áburðar-
verði, gærum og ef til vill fleiru.
En hastarlegt er það, þegar
eggjaframleiðendur, kjúklinga-
og svínabændur verða að sitja
við sama borð. Fyrst og fremst
átti að stjórna mjólkur- og
kindakjötsframleiðslunni með
þessum aðgerðum (fóðurbætis-
skattinum). Nú má það ekki ger-
ast, að byggð verði ein höllin til
(eggjahöll) fyrir peninga úr fóð-
urbætissjóði. Það er meiri árátt-
an hjá þessum mönnum að vas-
ast með peninga fram og til
baka. Ef þeir eru í vandræðum
með penii igar a í þessum sjóði, þá
skulu þeir hætta að leggja svona
á fóðurbætinn. Þá hefðu bændur
meiri afgang, verðlag á vörunni
yrði kannski stöðugra.
Bændur voru hvattir til að
framleiða nautakjöt, sem þeir
fengu seint og illa borgað fyrir.
Þeir urðu sumir að sitja uppi
með kjötkvóta sem tekinn var af
mjólkurkvóta í óþökk. Afurða-
lánin þyrftu bændur að fá í sínar
hendur, en það verður að segjast
eins og er, að þeir hafa lítinn
áhuga á því. Það er verið að
drepa metnað og áhuga í þeim.
Vonandi fara eggin ekki einok-
un.“
Þessir hringdu . . .
Kvæðið er eftir
Hannes Hafstein
Ásgerður Gísladóttir frá Bolung-
arvík, Júlíanna Björnsdóttir, Hall-
dór Kristjánsson, Sigríður S. Bjark-
lind og Björg Þorleifsdóttir höfðu
samband við þáttinn og upplýstu
okkur um vísurnar sem spurt var
um hér í þættinum föstudaginn
20. janúar.
Öll þekktu þau vísuna „Nálin
mín“, en ekki höfund hennar að
öðru leyti en þvi að hafa heyrt
nefnt að ung stúlka, sennilega tólf
ára gömul, hefði samið hana.
Einnig þekktu sumir lag við vís-
una, sem í heild mun vera svona:
Nálin mín, nálin mín,
en hvað þú ert smá og fín.
Augað þitt, yndið mitt,
ekki get ég hitti.
Þú ert alltaf þæg og létt,
þýð í spori, prýðisnett.
Mjúk og hál, áþekk ál,
allra besta nál.
Smávægilegur munur var þó á
útgáfum þeirra. Sumir höfðu
heyrt „NEI, hvað þú ert smá og
fín“ í stað „EN hvað þú er ..."
Eins könnuðust sumir við „þýð í
spori, YNDISnett" í stað „PRÝÐ-
ISnett“.
Þá vorum við upplýst um síðara
kvæðið, sem er eftir Hannes Haf-
stein og er meðal annars að finna
í bók hans „Ljóð og laust mál“
(bls. 116). Hún heitir „í ung-
mennagildi" og í áðurnefndri bók
er það skráð svona:
Heill sé oss, því hjá oss gista
himinbornar systur tvær,
allar sorgir af oss kyssa
æska og gleði heita þær.
Gleðin hvetur ætíð æsku
ung að vökva lífsins blóm.
Því skal og sem oftast lyfta
æskusterkum gleðiróm.
Gleðin á hvert unglingshjarta
óspillt sál er henni gædd,
og hún býr í öllu fögru
ásamt hinu sterka fædd.
Eins hún kvikar innst I brjósti
ungrar meyjar, létt og hýr,
eins og blikar bezt í veigum
bjarminn sólar, hreinn og skír.
Eins og vorblær ljúft I laufi
léttar raddir vakið fær,
þannig og í ungu hjarta
ótal strengi gleðin slær.
Eins og vorblær ísa þíðir,
unz hann kyssir mjúka jörð,
þannig einnig æskugleðin
elliböndin þíðir hörð.
Því skal gleðjast, því skal fagna,
því skal veifa glösum hátt.
Vínið glóir, glampa skálir,
gleðin alla kyssir brátt.
Hún er þegar hingað komin,
horfir hverju auga frá!
Heilir bræður, henni fögnum,
henni ekki leiðast má.
Björg Þorleifsdóttir upplýsti
okkur einnig um að lagið sem
sungið væri við kvæðið væri eftir
Bellman.
Ný sending:
Dagkjólar
Stuttir kvöldkjólar
Síöir samkvæmiskjólar
Bladburðarfólk
óskast!
Austurbær
Ármúli 1 — 11
Síöumúli
Þingholtsstræti
Vesturbær
Bauganes
Úthverfi
Gnoöarvogur frá 44—88

ALLTAFÁ FIMMTUDÖGUM
BROSTU!
MYNDASÖGURNAR
Vikuskammtur af skellihlátri
AUGLVSlftóASTOFA kbistínar hf