Morgunblaðið - 01.05.1984, Blaðsíða 32
Opiö öll fimmtudags-, föstudags-.
laugardags- og sunnudagskvöld
AUSTURSTRÆTI 22,
INNSTRÆTI,
SÍMI 11633
Opið alla daga frá
kl. 11.45-23.30.
AUSTURSTRÆTI22,
INNSTRÆTI,
SÍMI 11633.
I’RIÐJIJDAGUR 1. MAÍ 1984
VERÐ í LAUSASÖLU 20 KR.
Mikill eltingarleikur lögreglu við eggjaþjófa í Gilsfirði:
Þýsk hjón handtekin
með átta fálkaegg
Morjfunblaöid/ Ol.K.Mag.
Spáð björtu
veðri í dag
Margir notuðu góða veðrið Suðvest-
anlands í gær til útiveru. í dag er
spáð bjartviðri um allt land og verða
þá eflaust margir á ferli. Myndin var
tekin í Sundlaug Vesturbæjar í gær.
UNG ÞÝSK hjón voru handtekin í
Gilsfirði í Barðastrandarsýslu í
gærkvöldi. I»au höfðu í fórum sínum
átta fálkaegg, sem þau höfðu rænt úr
hreiðrum á Kellsströnd í Dölum.
Hjónin voru handtekin eftir mikinn
eltingarleik fyrir Klofning, sem lauk
með því að þau voru stöðvuð í Gils-
fírði og færð til Búöardals.
í ljós hefur komið, að fimm
fálkahreiður í Þingeyjarsýslum
voru rænd um helgina. Fálkar
verpa að jafnaði þremur til fimm
eggjum svo ljóst er að fjölmörgum
eggjum hefur verið stolið. Ljóst er
að mikil verðmæti eru í húfi, því
reikna má með að fyrir hvern tam-
inn fálka, sem seldur er, fáist allt
að hálf milljón króna. Hjónin, sem
handtekin voru í gærkvöldi, voru á
ferð í Þingeyjarsýslum um helgina
og féll grunur á þau og leit hafin.
Á Akureyri skiptu þau um bifreið
og héldu á Blazer-jeppa vestur í
Dali. Grunur leikur á, að sam-
verkamenn hafi tekið við eggjun-
um, sem stolið var fyrir norðan, en
auðvitað er einnig hugsanlegt að
aðrir hafi verið þar á ferð.
„Fylgst var með hjónunum í dag
úr fjarlægð, því við höfðum of lítið
í höndunum til þess að láta til
skarar skríða. Þau fóru inn
Fellsströnd og síðan fyrir Klofn-
ing. Þar létum við til skarar
skríða, en þau komust undan inn
Gilsfjörð en náðust þar. Þjóðverj-
inn neitaði að snúa til Búðardals,
svo taka varð bílinn traustataki og
færa þau til Búðardals," sagði Pét-
ur Þorsteinsson, sýslumaður, í
samtali við Mbl. í gærkvöldi. Kggin
fundust á konunni, en í bifreiðinni
fundust áhöld til þess að varðveita
egg, fjallgöngubúnaður og fleira.
I samtali við Mbl. í gærkvöldi
sagði Ævar Petersen, fuglafræð-
ingur, að vonlítið væri að setja egg
í hreiður á nýjan leik. „Möguleiki
er að setja eggin í útungunarvél og
ala ungana upp og sleppa siðan. Sá
galli er, að foreldrar kenna ungun-
um listina að bjarga sér í náttúr-
unni og þess fara þeir á mis við,“
sagði Ævar Petersen.
í Búðardal í gærkvöldi: Frá vinstri: Viðar Waage, lögreglumaður í Búðardal, Skarphéðinn Njálsson, aðstoðarlögregluvarðstjóri í Reykjavík, Pétur
Þorsteinsson, sýslumaður, Búðardal, með snyrtiboxið sem útbúið var sem hitakassi, Ólafur Gunnarsson, héraðslögreglumaður á Skarði, sem handtók
fólkið, og Steinar Birgisson, lögreglumaður úr Reykjavík. A myndina vantar Kristin Jónsson, lögreglumann, Skarði, og Kristján Sæmundsson,
hreppstjóra á Skarði. A hinni myndinni má sjá Skarphéðin Njálsson með fálkaeggin. Morgunblaðið/RAX
Morgunblaðið:
Björn Bjarnason
aðstoðarritstjóri
Árni Jörgensen
fulltrúi ritstjóra
STJÓRN ÁRVAKURS HF., útgáfufélags Morgunblaðsins, hefur ákveðið að
ráða Björn Bjarnason, blaðamann, aðstoðarritstjóra Morgunblaðsins og
Árna Jörgensen, blaðamann, fulltrúa ritstjóra.
Björn Bjarnason er fæddur 14.
nóvember 1944, sonur hjónanna
Sigríðar Björnsdóttur og Bjarna
Benediktssonar forsætisráðherra.
Hann varð stúdent frá Mennta-
skólanum í Reykjavík 1964 og
lögfræðingur frá Háskóla íslands
1971. Á háskólaárum var hann
formaður Stúdentaráðs og starf-
aði sem blaðamaður á Morgun-
blaðinu. Hann var útgáfustjóri Al-
menna bókafélagsins 1971—1974,
fréttastjóri erlendra frétta á Vísi
1974, en síðari hluta þess árs varð
hann deildarstjóri og síðar
skrifstofustjóri í forsætisráðu-
neytinu. Björn Bjarnason sagði af
sér embætti og gerðist blaðamað-
ur á Morgunblaðinu í október
1979. Björn er kvæntur Rut Ing-
ólfsdóttur fiðluleikara og eiga þau
tvö börn.
Árni Jörgensen er .fæddur í
Siglufirði 6. ágúst 1949, sonur
hjónanna Gunnars Jörgensen
fyrrverandi póst- og símstjóra þar
og Freyju Árnadóttur.
Að loknu námi hér heima hélt
hann til framhaldsnáms í Köln í
V-Þýskalandi, þar sem hann lagði
stund á útlit og vinnslu dagblaða.
Árni Jörgensen hóf störf hjá
Morgunblaðinu 18. júní 1973 og
hefur undanfarin ár starfað sem
verkstjóri hönnunardeildar blaðs-
ins. Kiginkona Árna er Sigrún
Karlsdóttir.
Sjá nánar: Til lesenda á bls. 2.
Björn Bjarnason
Árni Jörgensen
Freista þess að
bjarga Gretti af
75 metra dýpi
TILRAUNIR til að bjarga dýpkunarskipinu Gretti, þar sem það liggur á
74—76 m dýpi 28 sjómílur VNV af Gróttu hefjast um miðjan júní að öllu
forfallalau.su. Það er Köfunarþjónustan, sem ætlar að reyna að bjarga skip-
inu. Þessa dagana standa yfír samningaviðræður á milli fyrirtækisins og
Brunabótafélagsins, sem á skipið, um kaup á því. Að sögn Kristbjörns
Þórarinssonar hjá Köfunarþjónustunni verður Grettir að líkindum seldur úr
landi lánist að koma honum upp á yfírborðið. Sagði hann lítil sem engin
verkefni fyrir dýpkunarskip að hafa hérlendis.
Við björgunartilraunina sagði
Kristbjörn að beitt yrði mjög full-
komnum köfunar- og ljósmynda-
búnaði, en Gretti yrði lyft úr sjó
með björgunarpramma, sem hefði
allt að 1.000 tonna lyftigetu. Þá
yrði dráttarbátur einnig notaður.
Grettir vegur um 400 tonn. „Það
er ljóst að þetta verður feikilega
mikil vinna. Sennilega munu átta
manns koma til með að vinna að
þessu og ég á ekki von á að þetta
taki skemmri tíma eri mánuð,"
sagði Kristbjörn. Skipi hefur ekki
áður verið bjargað af hafsbotni
hér við land svo vitað sé.
Möguleiki er á að Köfunarþjón-
ustan taki einnig að sér björgun
annars skips af hafsbotni á þessu
sumri. Það er grænlenski togarinn
Sermelik, sem liggur á um 40
metra dýpi í mynni Patreksfjarð-
ar. Þrír einstaklingar af Patreks-
firði keyptu skipið á sínum tíma af
trygginarfélagi og vilja nú freista
þess að ná því upp.
Ekið á hjól-
reiðamann
HJÓLREIÐAMAÐUR var flutt-
ur a slysavarðstofuna seint í
gærkvöld eftir að bifreið hafði
verið ekið aftan á hjól hans er
hann var að fara yfir brúna yfir
Kópavogslækinn. Við árekstur-
inn kastaðist hann á brúar-
stólpa og slasaðist talsvert. Ekki
var nánar vitað um meiðsli hans
er Mbl. fór í prentun.