Morgunblaðið - 13.05.1984, Qupperneq 10

58
MORGUNBLAÐIÐ, SUNNUDAGUR 13. MAÍ 1984
Hver urðu örlög
Grænlandsfaranna
fyrír nær 80 árum?
Danskur leiðangur hyggst finna svarið í sumar
Brotna línan sýnir leiö þá, sem
stimarleiðangrinum er ætlað að
fara. Lagt verður af stað frá gröf
Brönlunds í Lambert Land, það er
að segja, farið verður öfuga leið
miðað við leiðangurinn fyrir tæp-
um 80 árum og förinni nú lokið,
þar sem sá leiðangur hóf ferð sína
í grennd við Danmark Fjord.
Mylius-Erichsen
N.S. Preben-Andersen, stjórnandi fyrirhugaðs leiðangurs, er majór í
lífverði Danadrottningar. Hér sést hann í fararbroddi fyrir lífverðinum.
N.P. Höeg Hagen
Jörgen Brönlund
Kaupmannahöín, 26. marz. Frá frétUritara MorKunblaAsiiu, N. J. Bruun.
DANSKUR leiðangur hyggst í
sumar reyna að leysa gátuna um
hvarf tveggja heimskautafara á
norðausturhluta Grænlands 1907.
Menn þessir voru Mylius Erichsen
og Höegh Hagen, báðir frægir menn
á sínum tíma. Með þeim var þriðji
maðurinn, Grænlendingurinn Jörg-
en Brönland.
Lík Brönlands fannst 1963, en
lík hinna tveggja hafa aldrei
fundizt. Með líki Brönlands fund-
ust einnig dagbækur, sem sýna,
hvernig leiðangursmenn urðu að
lúta i lægra haldi fyrir kuldanum.
Segir Brönland í dagbók sinni, að
Hagen hafi dáið 15. nóvember og
Erichsen 10 dögum síðar og að
unnt ætti að vera að finna lík
þeirra fyrir framan jökulbrúnina
í firði einum.
Það er talið mjög ólíklegt, að
mennirnir tveir hafi lagzt fyrir á
ísnum í þessum firði til þess að
deyja, enda hafa lík þeirra aldrei
fundizt. Þeir höfðu öll rannsókn-
argögn sín hjá sér og því er talið
sennilegra, að þeir hafi farið með
þau í land, svo að þessi gögn færu
ekki forgörðum með þeim sjálf-
um, er þeir sáu að stund þeirra
var runnin upp. Aðrir könnuðir
hafa gjarnan reist vörður við
sömu kringumstæður, en ekkert
slíkt hefur fundizt eftir þá Er-
ichsen og Hagen.
Leiðangurinn, sem á að kanna
örlög þeirra, verður undir stjórn
dansks majórs, Preben Ander-
sens, en alls munu þátttakendur í
leiðangrinum verða ellefu. Þeirra
á meðal verður danski rithöfund-
urinn Vagn Lundby, sem skrifað
hefur bók um leiðangurinn, er
farinn var fyrir nær 80 árum.
Gert er ráð fyrir, að kostnaður við
leiðangurinn ,nú nemi um 700.000
d.kr. (um 2 millj. ísl. kr.). Ýmsir
sjóðir hafa heitið leiðangrinum
framlögum, en hann mun leggja
af stað í för sína síðast í júlí og
koma til baka um mánaðamótin
ágúst-september.