Morgunblaðið - 04.07.1984, Blaðsíða 3

3
MORGUNBLAÐIÐ, MIDVIKUDAGUR 4. JÚLÍ1984
LAXVEIÐIN gengur upp og ofan
þessa dagana, léleg sums staðar,
góð annars staðar, er að glæðast,
versna og allt þar á milli. Friðrik
Stefánsson framkvæmdastjóri
SVFR lúrði á nýjum og nýlegum
fréttum úr nokkrum af ám félags-
ins.
21-pundari úr
Stóru-Laxá
„Það veiddist 21 punds hæng-
ur við Bergsnös á 2. svæði í
Stóru-Laxá í Hreppum á mánu-
daginn. Veiðimaðurinn heitir
Terry Douglas og tók laxinn 18
gramma svartan Toby-spón.
Laxinn greip agnið klukkan 11
um morguninn og náðist ekki
fyrr en fimm korterum síðar og
tveimur kílómetrum fyrir neðan
veiðistaðinn," sagði Friðrik.
Hann gat þess einnig, að milli
150 og 160 laxar væru komnir á
land sem væri ákaflega góð
veiði. 67 höfðu veiðst á svæði 1
og 2, milli 20 og 30 á svæði 3 og
68 laxar á svæði 4. Meðalþung-
inn er mjög góður og mikill lax í
ánni.
Blanda, Svartá og Laxá
Friðrik sagði að nú væru
komnir um 120 laxar á land úr
Blöndu og hefði verið jöfn veiði I
henni, kannski minni að undan-
förnu en verið gæti vegna
slæmra skilyrða. Stærsti laxinn
24 punda, sem fyrr hefur verið
greint frá. Meðalþunginn hár að
hætti Blöndu. Þá eru yfir 200
laxar komnir upp fyrir laxastig-
ann þannig að horfurnar i
Svartá eru góðar.
Veiðin hófst einmitt í Svartá á
sunnudaginn og fyrsta daginn
veiddust þrír vænir laxar, sá
stærsti 14 pund. Eitthvað sáu
menn af fiski þannig að ástæða
er til bjartsýni.
SVFR er einnig með á leigu að
hluta til Laxá í Refasveit, en þar
Friðriks hefur veiðin byrjað vel í
þeirri fallegu á, í gær voru 25
laxar komnir á land, margir
þeirra 10 til 14 punda. Á þessi
var slök í fyrra þannig að byrj-
unin nú hefur gert lukku.
Nær Reykjavík
Veiðin hófst í Leirvogsá á
sunnudaginn og veiddust 3 laxar
fyrsta daginn. Lítið sáu menn af
laxi, en framkvæmdir fyrir neð-
an Vesturlandsveg og einnig
fyrir ofan Tröllafoss kunna að
hafa fælt laxinn og gert bæði
löxum og veiðimönnum erfitt
fyrir.
Friðrik hafði ekki nýjar tölur
úr Elliðaánum, en af þeim er það
þó að frétta, að veiði hefur
glæðst mjög upp á síðkastið og
líf að færast í laxagöngur á ný.
Tugir laxa hafa „skráð sig“ í
teljaranum síðustu sólarhringa.
Friðrik frétti af tveimur veiði-
félögum sem voru heilan dag í
ánum fyrir skömmu, annar átti
árdegið, hinn síðdegið og skiptu
þeir með sér stönginni. Þeir
veiddu 15 laxa.
Þá eru það nýjustu tíðindi úr
Soginu, en þar hófst veiðin 20.
júní. f gær höfðu 14 veiðst fyrir
landi Ásgarðs, 5 frá Syðri-Brú, 2
fra Bildsfelli, en ekki bein frá
Alviðru. Þar hafði þó sést fiskur
og einhver hafði sett í lax en
misst hann. Vænn lax á þessum
slóðum. Friðrik gat þess að vel
yrði fylgst með selnum í Soginu
að þessu sinni, en mikið var af
sel í fljótinu í fyrra og spillti
veiði. Sogið er venjulega heldur
seint til og er því enginn farinn
að örvænta þar eystra enn sem
komið er. — gg.
Anna Gissurardóttir á Volkswagen Golf
árgerð 1984. Petta erannar „Golfinn" sem
hún eignast, hún veit nefnilega að beir á
smurstöð Heklu hf. nostra við bílinn, pegar
hann er smurður, en það tryggir örugga
endingu.
Mikilvægur þáttur í viðhaldi „Golfsins"
er TMO - tímamótaolían frá Shell.
TMO: Tvímælalaust smurolían fyrir Golf
'84 og aðra slíka.
GOTT FÓLK
Yfirburðir Shell TMO felast einkum í:
• Auðveldari gangsetningu. TMO er
þunnfljótandi 10W/30 smurolía.
• Minna sliti. Skjótari smurning í
gangsetningu í kulda.
• Betri meðferð á rafgeymi og
ræsi. Minna viðnám ívélinni minnkarálag
á rafgeymi og ræsi.
• Hreinni vél. í TMO eru engin
fjölþykktarbætiefni sem falla út á
stimpla og ventla.
• Hámarks smureiginleikum. TMO
heldur seigjueiginleikum sínum sérstaklega
stöðugum.
• Eldsneytissparnaði. MeðTMO næst
allt að 3% sparnaður miðað við hefðbundn-
ar smurolíur.
Skeljungur h.f.
Einkaumboð fyrir Shell-vörur á íslandi