Morgunblaðið - 05.02.1985, Page 29

MORGUNBLAÐIÐ, ÞRIDJUDAGUR 5. FEBRÚAR 1985
29
Garðar Gunnþórunn Siggeir
STUTTAR
MNGFRÉTTIR
Fisksjúk-
dómavarnir
— viðurlög
við fíkni-
efnabrotum
Garðar Sigurðsson (Abl.) tók sæti
á Alþingi í gær eftir nokkra veik-
indafjarveru. Þá tóku tveir varaþing-
menn sæti á Alþingi í gær: Gunnþór-
unn Gunnlaugsdóttir í fjarveru
Sverris Hermannssonar og Siggeir
Björnsson í fjarveru Eggerts Hauk-
dal.
Varnir gegn físk-
sjúkdómum
Vigfús B. Jónsson (S), Eyjólfur
Konráð Jónsson (S), Davíð Aðal-
steinsson (F) og Gunnar G.
Schram (S) hafa lagt fram tillögu
til þingsályktunar sem felur ríkis-
stjórninni, verði hún samþykkkt,
„að gera nú þegar gangskör að því
að varnir gegn fisksjúkdómum
verði stórefldar og ráðið verið
hæft starfsfólk til að fylgjast með
fiskeldisstöðvum og aðstoða í bar-
áttunni gegn fisksjúkdómum,
bæði í stöðvunum og hinum dýr-
mætu veiðivötnum landsins".
í greinargerð segir að aðstaða
til fiskræktar sé góð hér frá nátt-
úrunnar hendi og hún feli í sér
mikla framtíðarmöguleika. Hins-
vegar sé fiskrækt vandasöm og
viðkvæm atvinnugrein sem krefj-
ist vísindaiegrar þekkingar og
reynslu. Kerfisbundið eftirlit og
skipulagðar sjúkdómavarnir séu
nauðsynlegar.
Fíkniefni — sex ára
fangelsi
Jón Helgason, dómsmálaráð-
herra, hefur lagt fram stjórnar-
frumvarp til þyngingar á viður-
lögum gegn fíkniefnabrotum.
Samkvæmt frumvarpinu, sem
byggt er á tillögum samstarfshóps
um skipulegar aðgerðir gegn
ólöglegum innflutningi og dreif-
ingu ávana- og fíkniefna, er há-
marksrefsing þyngd úr tveimur í
sex ár. Þetta frumvarp mun taka
mið af hliðstæðri þróun í löggjöf í
nágrannaríkjum.
Skattaívilnun
vegna ættleiðingar
Hegli Seljan (Abl.) og Karvel
Pálmason (A) flytja tillögu til
þingsályktunar sem gerir ráð fyrir
því að ríkisstjórnin láti undirbúa
breytingar á tekjuskattslögum í
þá veru að „foreldrar sem ættleiða
börn erlendis frá með gífurlegum
tilkostnaði“ fái skattaívilnun.
„Kannaðar verði leiðir til lækkun-
ar útsvars af sömu ástæðu", segir
í tillögugreininni, „ennfremur
möguleikar á afturvirkni þessara
ívilnana, svo sem frekast er kost-
ur“.
í greinargerð er ættleiðing talin
hafa „varanlegt lífsgildi fyrir við-
komandi foreldra" og „einnig oft
um að ræða björgun mannslífa".
Almannavarnir
Fram hefur verið lagt frumvarp
til breytinga á almannavarnalög-
um, sem aðallega varða verka-
skiptingu ríkis og sveitarféiaga,
þannig að hún verður skýrari og
fjárhagsleg ábyrgð skipt sam-
kvæmt verkefnum.
Námskeið fyrir fatlaða
í tölvufræðum
Helgi Seljan (Abl.) og Geir
Gunnarsson (Abl.) flytja tillögu
sem felur í sér áskorun til ríkis-
stjórnar um „að hún beiti sér fyrir
því að haldin verði námskeið fyrir
fatlaða í meðferð og notkun á tölv-
um til að auðvelda þeim að fá
störf á vinnumarkaðnum. Félags-
málaráðuneytið standi fyrir þess-
um námskeiðum viðkomandi að
kostnaðar lausu".
Fiskútflutningur
í gámum
Geir Gunnarsson (Abl.) spyr
viðskiptaráðherra: 1) Hve mikið af
ferskum fiski (einstökum fiskteg-
undum) var flutt í gámum til sölu
erlendis úr einstökum verstöðvum
á sl. ári? 2) Hve mikið verð fékkst
fyrir þennan útflutning frá hverri
verstöð? 3) Hvert var meðalsölu-
verð hverrar fisktegundar að frá-
dregnum sölukostnaði?
Mývatn:
Drottning vatna
í N-Evrópu
— sagði Vigfús Jónsson
VIGFÚS JÓNSSON (S) sagði í
utandagskrárumræðu fyrir helgina
að hann fagnaði boðuðum rann-
sóknum á Mývatni; hvað valdi
þeim þverbresti sem orðinn er á
lífríki þess. Þúsundir ferðamanna
komi árlega til að skoða lífríki Mý-
vatns og Laxár, enda væri Mývatn
einstakt meðal vatna Norður-
Kvrópu. Þar að auki hafi það verið
matmóðir Mývetninga í harðri
lífsbaráttu genginna alda. Þegar
menn lifa á brjóstum íslenzkrar
náttúru, sagði Vigfús, hafa menn
sterkar taugar til hennar.
Leiði ráðgerðar rannsóknir í
ljós að lífríki Mývatns stafi
hætta af efnistöku Kísiliðju þá
er það skýrt í mínum huga, sagði
Vigfús, að það er Kísiliðjan sem
á að víkja — ekki lífríkið. Auð-
vitað er Kísiliðjan gott fyrir-
tæki, út af fyrir sig, en hún
stendur ekki til eilífðar, einfald-
lega vegna þess að hún hefur
ekki ótæmandi efni úr að vinna.
Það þarf að nota tímann, sem
gefst, til að hafa ný atvinnu-
tækifæri til staðar, þegar verk-
smiðjan hverfur úr atvinnulífi
héraðsins.
Ferðamannaþjónustan í Mý-
vatnssveit er ekki síður góð hlið-
argrein í atvinnulífi þess. Hún
gefur hátt í tvö hundruð störf
yfir ferðamannatimann. Það er
ekki svo lítið. Sú atvinnugrein
getur verið viðvarandi, ef rétt cr
á málum haldið.
Vigfús Jónsson
Landeigendafélag Laxár og
Mývatns er félagsskapur land-
eigenda á þessu svæði og sinnir
því verkefni fyrst og fremst að
vernda sérstæða og dýrmæta
náttúru í sinni upphaflegu
mynd, eftir því sem við verður
komið. Auðvitað verðum við að
lífa í landinu, en við getum eigi
að síður umgengizt náttúru þess
með fullri varúð. Við höfum ðll,
börn þessa lands, skyldur við
náttúru þess.
VÍð erumSRRl
að hætta!
Frábært úrval af nýjum galleríplakötum, meö og án álramma.
Yfir
300
gerðir og stærðir af ál- tré- og smellirömmum.
OPIÐ: mánud. — fimmtud. 9—18.
föstud. 9—19.
laugard. 10—17.
sunnud. 13—17.
Myndin
Dalshrauni 13.
Hafn. sími 54171.