Morgunblaðið - 19.10.1985, Side 23

MORGUNBLAÐID, LAUGARDAGUR19. OKTÓBER1985
23
Þýskaland:
Handtekinn fyrir
morð á Jótlandi
Thisted. Danmörku. 15. októher. AP.
DANSKA lögreglan segir að 49 ára
gamall þýskur sölumaður, sem
grunaður er um morð á 34 ára gam-
alli þýskri hárgreiðslukonu á Jót-
landi seinnipartinn í ágúst, sé í haldi
hjá þýsku lögreglunni. Líkamsleifar
konunnar fundust í tveimur stöðu-
vötnum á Jótlandi í byrjun septem-
ber.
Danska lögreglan telur að parið
hafi verið saman i sumarleyfi á
Jótlandi seinnipartinn í ágúst, þar
sem það leigði meðal annars tvö
sumarhús. Fundist hefur í runna
nálægt öðru húsana póstávísun
með nafni konunnar, en hún sást
síðast í Brúnsvík, heimabæ sínum,
skömmu áður en atburðurinn átti
sér stað. Þá sagðist hún vera að
fara í sumarfrí.
Hinn grunaði neitar enn sem
komið er öllum sakargiftum, en
verður í varðhaldi næstu tvær vik-
ur meðan málið er til frekari
rannsóknar.
Assad forseti Sýrlands. Amin Gemayel
Líbanon:
Viðræður milli
Gemayel og Assad
Beirút, I.íbanon, 18. október. AP.
BARDAGAR voru í Líbanon í dag
milli skæruliða kristinna manna og
múhameðstrúarmanna og lést einn
borgari og þrír særðust. Atökin urðu
aðeins fáum klukkustundum áður
en fundur Amin Gemayel, forseta
Líbanon og Hafez Assad, forseta
Sýrlands átti að hefjast í Damascus,
en þaö er níundi fundur þeirra frá
því Gemayel tók við forsetaembætt-
inu í Líbanon á árinu 1982 eftir
innrás ísraelsmanna í landið.
Búist er við að viðræður for-
setanna snúist einkum um nýgert
vopnahlé í Líbanon milli stríðandi
fylkinga þar í landi, en Sýrlending-
ar áttu frumkvæði að því að tókst
að koma á vopnahléi. Gemeyel fer
frá Sýrlandi á morgun til Banda-
ríkjanna, þar sem hann mun
ávarpa Allsherjarþing Sameinuðu
þjóðanna á mánudag.
Kommunistaflokkur Líbanon
hefur lýst á hendur sér ábyrgðinni
af sjálfsmorðsárás á útvarpsstöð
kristinna manna í gærmorgun, þar
sem að minnsta kosti fimm manns
létu lífið. Forsvarsmenn útvarps-
stöðvarinnar hafa ákveðið að
halda áfram rekstri hennar þrátt
fyrir sprengjuárásina.
Hondúras:
Deilt um hjálpargögn
Wa.shington, 18. okióber. AP.
UPPREISNARMENN í Nicaragua
og embættismenn í Honduras deila
um hvað orðið hafi af farmi af birgð-
um til uppreisnarmanna, sem sendur
var frá Bandaríkjunum með flugi 10.
október síðastliðinn. Uppreisnar-
menn segjast hafa fengið birgðirnar
í hendur, en fulltrúar í Honduras
segjast hafa stöðvað sendinguna og
verði hún endursend til Bandaríkj-
anna, þar sem ekki hafi verið rætt
við stjórn Honduras áður en birgðirn-
ar voru sendar af stað.
Verðmæti birgðanna nemur
nokkur hundruð þúsundum Banda-
ríkjadala og er þetta fyrsti hluti
27 milljón dollara aðstoðar við
uppreisnarmenn, sem berjast gegn
stjórninni í Nicaragua frá stöðvum
sínum í Hondúras. Bandarikjaþing
samþykkti að veita þessa aðstoð í
sumar og felst hún í fötum, mat-
vælum og hjálpargögnum, en ekki
er um hernaðaraðstoð að ræða.
Vínhneykslið í Austurríki:
60 manns ákærðir
Krcnu, Austurríki, 17. október. AP.
HINN fyrsti af fjölmörgum sem
ákærðir hafa verið í sambandi við
vínhneykslið í Austurríki, hefur ver-
ið dæmdur fyrir svik og brot á lög-
gjöf um framleiðslu víns. Dæmdi
héraðsdómur hann í 15 mánaða skil-
orðsbundið fangelsi.
Vínsalinn Otto Hotzy hafði ját-
að að hafa hlandað kpmískum ofn-
um sýrópi í 40 þúsund lítra af
hvítvíni og 7 þúsund lítra af rauð-
víni. Afbrot Hotzy er minniháttar
samanborið við afbrot sextíu ann-
arra sem ákærðir hafa verið í
sambandi við vínhneykslið, er
stórskaðaði vínútflutning Austur-
ríkis síðastliðið sumar.
Rýmingarsala
20—40% afsláttur
Vegna flutnings seljum viö nú síðustu sýningareldhúsin
ásamt skápum í ganga og fleira með góðum afslætti.
Þetta er síðasta tækifærið til þess aö gera kjarakaup.
Greiðslukjör
Athugið: Ódýru fataskáparnir eru nú fyrirliggjandi.
Opið nk. laugardag
til kl. 16.00. 1 JtU.
Skeifan 8 Reykjavík
Sími 82011
ALFROFILAR
OG TENGISTYKKI
Álsamsetningarkerfið frá systBÍTl StaíldBX býður upp á
marga möguleika og hentar t.d. í
INNRÉTTINGAR AFGREIÐSLUBORÐ
HILLUR ÚTSTILLINGAR o.fl.
Önnumst sérsmíði eða sögum niður eftir máli.
■j ? i
Sidumula 32. Smn 38000