Morgunblaðið - 27.10.1985, Side 12

12 B
MORGUNBLAÐIÐ, SUNNUDAGUR 27. OKTÓBER1985
FIÐLUBALL
MR1%9
Margir straumar leika um unga fólkið sem fer í mennta-
skóla landsins. Gjörðir nemenda endurspegla lífið, vonir og
hugmyndir um lífið og söguna. Nemendur eru að mótast,
velja braut í lífinu og kynnast.
Haustið 1969. Miklir ólgutímar í hugum ungs fólks Bob
Dylan. Bítlarnir að leysast upp, eða hvað? Island var á
mörkunum, fæðingarhríðir nútímans voru á næstu grösum.
Allir höfðu sína drauma. í MR komu nokkrir ungir menn
saman yndir forystu Geirs Waage og Jóns Gröndal og ákveð-
ið var að reyna að halda svonefnt fiðluball. Nokkurs konar
gullin draum, litla innsýn í draumaheim Loðvíks fjórtánda.
Kenna öllum sem vildu að dansa menúett og aðra hefðar-
dansa. Ákveðið var að reyna þetta og auglýst var Fiðluball
og ókeypis danskennsla þannig að allt yrði nú í bezta lagi.
Hljómsveit Jans Moravek lék fyrir dansi. Móttökustjórarnir við dyrnar,
Valdimar og Billó.
Texti: Friðrik Ásmundsson Brekkan
Myndir: A. Magnússson
Rektor Einar Magnússon ásamt eiginkonu sinni hylltur á 70 ára afmælinu.
Arnór Egilsson pantar dans hjá Dagnýju Emils-
dóttur. Skráð í dansbókina.
Danskennsla var haldin á sal
Menntaskólans og var hún vel
skipulögð og undir góðri stjórn
þeirra Geirs Waage og Jóns
Gröndal. Undirritaður sótti tvær
kennslustundir hjá þeim heiðurs-
mönnum og varð það að nægja.
Áhugi minn á menúett og síðkjól-
um var enda í lágmarki á þessum
tíma. Sé eftir því nú að hafa ekki
haldið út í dansnámskeiðinu. Hefði
ef til vill fengið aðalhlutverkið í
Amadeus hefði ég verið góður
menúettnemandi.
Stóra stundin rann upp. í kring-
um þann fyrsta desember árið 1969
var kveikt á kristalsljósakrónum
á sal MR og embættismenn fiðlu-
ballsins settu sig í stellingar. Geir
Waage hlaut nafnbótina „Fiðlu-
ballskanzlari" og stýrði hann
starfsliði sínu, dyravörðum, nafna-
kallara, stallara, þjónustuliði,
dansstjórum og hljómsveit af
mikilli röggsemi. Gestir streymdu
inn í anddyri MR, gestabók lá
frammi, blásaratríó lék í anddyri.
Borðalagðir starfsmenn ballsins
með silkihanzka og satínhatta
leiddu frúrnar í silkikjólunum inn.
Á fyrstu hæð var hárgreiðslustofa
sett upp fyrir dömurnar. Þegar
upp á aðra hæð var komið tók við
kallari sem hrópaði nöfn gesta
þeirra er gengu í salinn. Til nánari
áherzlu sló kallarinn staf einum
heilmiklum í gólfið um leið og
nöfnin voru sögð. Allt var þetta
eins og hjá Loðvík fjórtánda og
ekki laust við að maður hafi séð
anda hans bregða fyrir öðru
hverju.
Kennzlustofum var breytt í
borðsali og bornar fram léttar
veitingar undir stjórn Kjartans
Gunnarssonar, sem var starfs-
mannastjóri ballsins. Þá hófst hin
hátíðlega stund á sal. Ballið var
sett. Davíð Oddsson Inspector
Scholae setti samkomuna, Geir,
„Fiðluballskanzlari" sagði nokkur
orð. Skólakórinn söng undir stjórn
hins unga tónlistarmanns Atla
Heimis Sveinssonar sem þá var
nýkominn heim úr námi. Jón
Gröndal tók til máls og ásamt
öðrum ræðumönnum hylltu þeir
Rektor MR, Einar Magnússon, en
hann átti einmitt 70 ára afmæli
þetta kvöld. Var það hátíðleg stund
og söguleg. Þá lék hljómsveit Jans
Moravek nokkur lög og ballið hófst
fyrir alvöru.
Menn hneigðu sig og heilsuðu
hefðardömunum og óskuðu eftir
að skrifa nöfn sín sín í dansbók,
sem hver kona hafði við belti. Lítil
gyllt bók ásamt penna. Dansinn
dunaði frameftir öllu og skemmtu
menn sér hið bezta. Undirritaður
hafði mestan hugann við hið sögu-
lega gildi þessa atburðar og fór
mikill tími í myndatökur og skipu-
lag en það verð ég að segja að ég
er viss um að þeir sem tóku þátt
( þessu fiðluballi muna það alla
tíð. Ég hef víða ferðast og átt því
láni að fagna að sjá ýmsar glæsi-
samkomur en þessi samkoma á sal
Menntaskólans í Reykjavík árið
1969 er ein af þeim eftirminni-
legustu.
Þjónustulið ásamt yfirþjóninum Kjartani Gunnarssyni.