Morgunblaðið - 05.09.1986, Side 19
MORGUNBLAÐIÐ, FÖSTUDAGUR 5. SEPTEMBER 1986
19
V estmannaeyjar:
„Nú á maður
engan bát“
Vestmannaeyjum.
„Sjóbúðartar4
— segir Ingvar Gíslason alþingismað-
ur um ummæli Steingríms Hermanns-
sonar á þingi SUF
„ÉG VERÐ að líta á þessi ummæli Steingríms eins og hvert
annað sjóbúðartal, en sjóbúðartal er ein tegund af meinleysis-
fyndni, sem góðkunningjar bregða fyrir sig í sínum hóp.
Alþingismenn iðka þessa tegund af vinahótum sín í milli til að
lífga upp á hversdagsleikann, og ekkert sérstakt um það að
segja,“ sagði Ingvar Gíslason alþingismaður þegar Morgun-
blaðið leitaði eftir skoðun hans á því áliti Steingríms Hermanns-
sonar forsætisráðherra að Ingvar hefði ákveðið að bjóða sig
ekki aftur fram til þings vegna hvatningar frá ungum framsókn-
armönnum um endurnýjun þingflokksins.
Eins og fram kom hér í blaðinu
á miðvikudaginn lét Steingrímur
Hermannsson ummæli í þessa
veru falla á nýafstöðnu þingi
Sambands ungra framsóknar-
manna í Eyjafírði skömmu eftir
að Ingvar Gíslason hafði skýrt frá
ákvörðun sinni um að fara ekki í
framboð á ný.
„Steingrímur veit vel að sú
ákvörðun mín að gefa ekki kost
á mér til framboðs að nýju er
ekki tekin af neinni skyndingu og
fyrir því eru þær orsakir einar sem
Morgunblaðið hefur skýrt skil-
merkilega frá í fréttum sínum,
að ég hef lengi verið ákveðinn að
sitja ekki á þingi lengur en 25-26
ár. Mig langar hreinlega til að
skipta um starf eftir þessu mörgu
ár á Alþingi. Ég hef ákveðið að
láta undan þeirri löngun minni og
getur varla talist tiltökumál,"
sagði Ingvar Gíslason.
NC A skömmu tima hefur þremur fiskibátum úr Vestmannaeyjum
verið sökkt i skipakirkjugarð Eyjaflotans skammt utan og vestan
við Eiðið. Allt voru þetta gömul skip sem eftir langa og góða þjón-
ustu og eftir að hafa borið mörg tonnin að landi, voru dæmd i
úreldingu. Þau fóru í sína hinstu för úr Vestmannaeyjahöfn bundin
aftani annað fiskiskip og liggja nú á sjávarbotninum samsiða mörg-
um öðrum fiskiskipum sem hlotið hafa sömu örlög á undangengnum
árum.
Fyrir hálfum mánuði var það
Emma VE. 219 sem kvaddi með
virktum. Þessi 59 lesta trébátur,
sem áður hét Isleifur II. og var
smíðaður í Danmörku 1949, hafði
lokið fengsælli starfsæfi. Lúin og
hálfstrípuð fylgdi Emma í kjölfar
sér yngra fleys út á milli garða og
sem leið lá að skipakirkjugarðinum
utan við Eiðið. Þar máttu eigend-
umir, Kristján Oskarsson og Arnór
Páll Valdimarsson, horfa a eftir
bátnum hverfa í hafið. Þegar sjór-
inn hafði umlukið Emmu og haldið
var aftur heim til hafnar að “útför"
lokinni, stóð Kristján skipstjóri við
borðstokkinn, starði út yfír hafflöt-
inn og sagði stundarhátt: „Hver
andskotinn, nú á maður engan bát.“
Sömu örlög og Emman hlutu
einnig tveir aðrir þekktir bátar úr
fiskiskipaflota Eyjanna. Kristbjörg
VE. 70, 109 lesta stálbátur sem
byggður var í Noregi 1960 og Þór-
ir VE. 16, 68 lesta trébátur sem
smíðaður var í Danmörku 1946.
Þessi skip fengu einnig fyrir
skömmu hvíld í þeirri sömu votu
gröf sem Emman.
En þó svo að Kristján Oskarsson
eigi nú engan bát þarf það ekki að
vara lengi. Hann og félagi hans
Arnór Páll eru hugumstórir at-
hafnamenn í útgerðinni og eru
þegar komnir með hugann við nýtt
skip. Þeir eru að láta smíða 23
metra langan og 7 metra breiðan
frambyggðan bát í Póllandi og ætla
að nota ýmsan nýtilegan tækjabún-
að úr gömlu góðu Emmunni í nýja
bátinn. Aætlað kaupverð er rúm-
lega 40 milljónir króna.
Eigendur Kristbjargar hafa þeg-
ar fengið nýtt skip í hennar stað,
Sigurfara VE. 138, nýlegt skip frá
Svíþjóð. Matthías Ingibergsson út-
gerðarmaður Þóris er nú í vanga-
veltum um kaup á nýjum bát. Vonir
standa því til að ekki minnki flotinn
við þennan gleypugang skipakirkju-
garðsins uppá síðkastið, ekki
megum við Eyjabúar við því.
-hkj.
Norræna húsið:
Wolfgang Plagge
Okkur þótti mjög
huggulegt að eiga frí
á laugardögum í sumar
V
heldur píanótónleika
LAUGARDAGINN 6. september
kl. 17 heldur norski píanóleikar-
inn Wolfgang Plagge tónleika i
Norræna húsinu. A efnisskránni
eru verk eftir Bach, Scarlatti,
Beethoven, Grieg, Harald Sæ-
verud og Plagge sjálfan.
í fréttatilkynningu frá Norræna
húsinu segir:
„Wolfgang Plagge er fæddur í
Osló 1960 og var eitt af undraböm-
um tónlistarheimsins á sínum tíma.
Hann hóf píanónám sex ára gam-
all og tólf ára hélt hann fyrstu
opinberu tónleikana í hátíðasal há-
skólans í Osló. Kennarar hans voru
R. Riefling og H.H. Bratlie. Árin
1980—83 nam hann við tónlistar-
háskólann í Hamborg hjá Evgenij
Korolov og hélt hann marga tón-
leika í Þýskalandi á þeim árum. Þá
hefur hann haldið tónleika víðar í
Evrópu, bæði sem einleikari og með
kammersveitum og unnið til verð-
launa í mörgum alþjóðlegum tón-
listarkeppnum. Wolfgang Plagge
Woltgang Plagge
er einnig mjög hæfur orgelleikari
og hefur haldið orgeltónleika. Jafn-
framt fæst hann við tónsmíðar og
leikur eigið verk á tónleikunum í
Norræna húsinu."
l)kkur þykir líka ánægjulegt að vera komin aftur til starfa
í búðirnar okkar, en frá og með morgundeginum
verða allar SS-búðirnar opnar frá
kl. 9.00 til 13.00
á laugardögum — í allan vetur.
SS-búðirnar eru í Austurveri, Glæsibæ, Hafnarstræti,
við Hlemm og á Akranesi.
Við hlökkum til að sjá þig.
G0TT FÓLK / SÍA