Morgunblaðið - 12.09.1986, Blaðsíða 11

MORGUNBLAÐIÐ, FÖSTUDAGUR 12. SEPTEMBER 1986
B 11
1 1/2 kíló kjúklingur úrbeinaður og skorinn
í bita
1-2 laukar
olífuolía
Þegar þessi uppskrift er annarsvegar og
fólk vill kannski ekki hafa réttinn mjög bragð-
sterkan þá má auka kjötskammtinn og
jafnvel setja aðeins meira af jógúrti en getið
er um.
Öllu kryddi er blandað saman við jógúrtið
og kjúklingabitarnir þaktir vel með krydd-
blöndunni og geymdir á köldum stað yfir
nótt.
Þegar matreiða á svo réttinn er laukur tekinn
og rifinn niöur i lauf. Laufin eru sett í eld-
fast mót og smurð með olíu. Þá eru kjúkl-
ingabitarnir lagðir ofan á lauklaufin og þetta
grillað í ofni á meðalhita í um það bil 25 til
30 mínútur eða fimmtán mínútur á hvorri
hlið.
Kjúklingabitunum má svo snúa við þegar
endarnir eru orðnir örlítið svartir og eru svo
tilbúnir þegar þeir eru orðnir dálitið dökkir
þeim megin.
Með þessu ber ég fram brauð sem kall-
ast Naan, kalt agúrkusalat og hrísgrjón.
Naan-brauð
Það er hægt að búa til Naan-brauð á
margan hátt en þessi uppskrift er frekar
einföld og bragðast vel.
1 tsk sykur
1 tsk þurrger
150 ml volgt vatn
200 gr hveiti
1 tsk lint smjör
1 tsk salt
50 gr ósaltað smjör
1 tsk sesame-fræ ( má sleppa ef vill)
Sykur og ger er sett í bolla með volgu
vatni og blandað vel þangað til að gerið er
uppleyst. Hveiti er sett i skál og smjör hrært
saman við, salti og gerblöndu bætt í með
höndunum. Þetta er geymt í skálinni í 1 '/2
tíma eða þangað til að uppskriftin hefur tvö-
faldast. Þá er deigið hnoðað í nokkrar
mínútur. Deigið er mótað í bollur og síðan
flatt út í nokkurskonar flatkökur sem eru um
það bil einn sentimetri á þykkt. Kökurnar
eru svo settar á smurða pönnu inn í mjög
heitan ofn í sjö til tiu mínútur og þeim snúið
tvisvar sinnum og smurðar smjöri i hvert
sinn og að lokum er sesame-fræjum stráð
yfir.
Brauðinu er að lokum pakkað í álpappir
eftir bökun til að það haldi hita sínum. Þá
er einnig gott að setja ofninn á grill síðustu
mínúturnar til að dekkja brauðið.
Kalt agúrkusalat
Ein til tvær skrældar og niðursneiddar agúrk-
ur (gott að gera hvort tveggja meö osta-
skera)
Smávegis coriander krydd
2 msk sítrónusafi
1/2 tsk salt
1 tsk sykur
Coriander, sítrónusafa, salti og sykri
blandað saman.
Agúrkusneiðum er raöaö á disk og þær
kældar í eina klukkustund. Áður en þær eru
bornar fram er kryddblöndunni hellt yfir.
Texti/GRG
g held að það megi kalla mig
tækifærissinna þegar matartil-
búningur er annarsvegar því ég
tek skorpur og elda þá það sem
ég held upp á hverju sinni.
Stundum hefur ítölsk matreiðsla
verið efst á vinsældalistanum og það má
kannski segja að hún sé ofarlega ennþá,
kjúklingaréttir, pottréttir . . . en svo vill til
að núna á indversk matreiðsla upp á pall-
borðið."
Það er Ástríöur Jónsdóttir gestur þáttarins
í dag sem hér átti orðiö, en hún ætlar að
gefa lesendum blaðsins uppskrift að Ijúf-
fengum en auðveldum indverskum rétti.
„Það eru orðin nokkuð mörg ár síðan ég
fór að prófa mig áfram í matreiðslu svona
að gamni mínu, en það var ekki fyrr en ég
fór að búa upp á eigin spýtur erlendis að
eitthvað reyndi á matartilbúninginn. Þá var
enginn til að leita til ef eitthvað bar útaf
þannig að það var ekkert um annað að ræða
en prófa bara og æfa sig. í Boston þar sem
ég var búsett voru bókabúðirnar opnar
lengst verslana þannig að þegar fariö var í
kvöldgöngu endaði ég oft í slíkri verslun og
eyddi oft tímanum þar sem matreiðslubæk-
urnar var að finna. Þá fletti ég alla jafna
allskyns matreiðslubókum og svo datt mér
kannski í hug að prófa eitthvað af því sem
ég hafði lesið og bæta við, draga úr eða
sleppa einhverju úr uppskriftinni. Þar sem
ég var líka vön fiski héðan að heiman og
oft erfitt að verða sér úti um góðan ferskan
fisk úti þá þurfti ég að láta ímyndunaraflið
ráða ef ég aetlaði ekki alltaf að vera að borða
það sama. í Boston er mikið um mjög góða
veitingastaöi, ítalska, indverska, kínverska
og svo framegis og iðulega fékk ég þar hug-
myndir að nýjum réttum til að prófa.
Það má kannski segja að í upphafi hafi
það eiginlega verið maðurinn minn sem kom
mér á bragðið með indverska rétti. Slíkur
matur er mjög sérstakur en frekar auðveldur
í tilbúningi og hægt að hafa hann bæði mjög
sterkan og svo er líka hægt að milda hann
eftir smekk. Oft er brauð borðað með réttun-
um og það hreinsar munninn ef um sterkan
mat er að ræða. Réttirnir eru ákaflega mis-
munandi eftir því frá hvaða hlutum Indlands
þeir koma og þessi uppskrift sem ég ætla
að gefa lesendum kemur frá norðurhluta
landsins.
Hún er auðveld en það þarf að undirbúa
réttinn daginn áður en hann á að borðast.
Þá má líka geta þess að sum þessara krydda
sem eru notuð í indverskan mat er einungis
hægt að fá í versluninni Manilla. Annars
finnst mér úrval hráefna bara nokkuð gott
og það fer sífellt batnandi," segir Ástríður,
aðspurð hvað henni finnist um úrvalið al-
mennt. „Það sem kannski pirrar mig mest
er að ekki skuli vera hægt að kaupa annaö
en frosinn kjúkling. Ég hef verið að furða
mig á því að kjúklingabændur og kaupmenn
skuli ekki fyrir löngu vera búnir að semja
um að hafa til sölu þídda kjúklinga því oft
er það ekki fyrr en seinni part dags að mað-
ur ákveður hvað hafa skal í matinn og á þá
eftir að affrysta kjúkling ef hann verður fyrir
valinu . . .
„Tikka“-kjúklingur
1 tsk engifer
1 tsk hvítlaukur
11/2 tsk coriander
1 tsk ostakúmen (cumin)
1 tsk chílepipar
4 msk jógúrt
1 tsk salt
2 msk sítrónusafi
örfáir dropar rauður matarlitur
1 tsk tómatmauk
Morgunblaðið/Emilía