Morgunblaðið - 27.03.1988, Blaðsíða 34

34 B
MORGUNBLAÐIÐ, SUNNUDAGUR 27.MARZ 1988
LiðsmaAur Rauðu herdeildanna, Antonio Giustini, liggur í valnum eftir misheppnað rán í Róm.
Hryðjuverkamanna leitað í Þýzkalandi: Ný alda framundan?
Höfuðpaurarnir í Action Directe (Rouiilan, Cipriani, Aubron, Menigon): Mótmælasvelti fékk litla samúð.
LOGNIÐ Á UNDAN STORMINUM?
Hrydjuverkum vinstrihópa I
Vestur-Evrópu hefur fækkað.
Á Ítalíu hafa þrír af leiðtogum
Rauðu herdeildanna — Brígati
Rosse — lýst þeirri skoðun
sinni að hreyfingin sé dauð.
Helztu leiðtogar Action
Directe í Frakklandi hafa verið
dæmdir. Minna fer fyrir
hryðjuverkamönnum í
Vestur-Þýzkalandi en áður og
svipaða sögu er að segja í
fleiri Vestur-Evrópulöndum.
ótt ekkert lát virðist á
hryðjuverkum þjóðem-
issinnaðra Baska og
liðsmanna Irska lýð-
veldishersins (IRA)
hafa þær hreyfingar einnig orðið
fyrir áfollum. Samt draga margir í
efa að sögu hryðjuverka evrópskra
vinstrihópa sé að fullu lokið og ótt-
ast að ný alda hryðjuverka kunni
að ríða yfir áður en langt um líður
— að þótt nú sé allt með tiltölulega
kyrrum kjörum sé það aðeins log-
nið á undan storminum.
í lok janúar handtók lögreglan í
Róm Antonio Fosso úr Rauðu her-
deildunum skammt frá heimili leið-
toga Kristilega demókrataflokks-
ins, Ciriaco De Mita. A honum
fannst minnisbók með upplýsingum
um ferðir stjómmáiamannsins.
Lögreglan er sannfærð um að
Fosso, sem hefur verið á flótta síðan
1983, hafí unnið að undirbúningi
árásar á De Mita. í bókinni var einn-
ig að finna upplýsingar um ná-
kvæmt eftirlit, sem hryðjuverka-
menn höfðu haft með byggingum
og götum í einu úthverfi Rómar,
þar sem margir stjómmálamenn,
rannsóknardómarar og herforingjar
búa.
Lögreglumenn og sérfræðingar í
hryðjuverkum óttuðust að leifar
Rauðu herdeildanna mundu láta til
skarar skríða 16. marz, réttum 10
árum eftir ránið á Aldo Moro, for-
sætisráðherra kristilegra demó-
krata, sem var myrtur 54 dögum
eftir að honum var rænt. Undirbún-
ingur árásarinnar á De Mita virtist
langt kominn, en lögreglunni tókst
ekki að hafa hendur í hári fleiri
manna úr árásarflokknum, sem var
skipaður a.m.k. 25 mönnum.
Náðunarherförð
Ekki dró til tíðinda 16. marz.
Viku síðar komu þrír lífstíðarfangar
úr Rauðu herdeildunum, Renato
Curcio, stofnandi þeirra, Barbara
Balzerani og Mario Moretti, sem
stjómaði morðinu og ráninu á Moro,
fram í sjónvarpsviðtali og sögðu að
„sögulegar og pólitískar forsend-
ur“, sem hefðu leitt til stofnunar
Rauðu herdeildanna, hefðu breytzt
og „hin vopnaða barátta" hefði ver-
ið brotin á bak aftur. Þau báðu
ítölsku þjóðina að skilja ástæðurnar
á bak við hina miklu ofbeldisöldu
áranna 1977-1980, þegar 17 vom
myrtir, mörgum öðmm var rænt
og enn fleiri urðu fyrir skotárásum,
og hvöttu til þess að hryðjuverka-
menn yrðu leystir úr haldi og náðað-
ir.
Viðbúnaðurvið
róttarhöldunum gegn Action
D/recfe:Stálgirðing og vopn
Þótt Rauðu herdeildunum tækist
að myrða Giorgieri hershöfðingja,
yfirmann eldflauga- og geimferða-
stofnunar Italíu, í marz í fyrra hef-
ur verulega dregið úr áhrifum
þeirra síðan aðallögreglan, Pubblica
Securezza, var endurskipulögð frá
grunni og hún hóf miskunnarlausa
herferð gegn hryðjuverkamönnum
1982. Nokkur víðtæk réttarhöld
hafa farið fram og hundruðum
helztu leiðtoga Rauðu herdeildanna
hefur verið varpað í fangelsi.
Nokkrum hefur verið sleppt, en um
800 eru enn í haldi.
Síðustu réttarhöldin gegn Rauðu
herdeildunum hófust fyrir 20 mán-
uðum í hinu rammgerða Rebibba-
fangelsi í Róm. í síðasta mánuði
kröfðust sækjendur þess að 29 sak-
borningar af 150 alls yrðu dæmdir
í ævilangt fangelsi og aðrir sak-
borningar í tveggja til 30 ára fang-
elsi. Átta hinna ákærðu eru sakaðir
um að hafa tekið þátt í morðinu
og ráninu á Moro. í fyrri réttar-
höldum voru 32 fundnir sekir um
að hafa tekið þátt í morðinu á
Moro, en ný sönnunargögn komu
fram vegna þess að margir hryðju-
verkamenn voru handteknir eða
hlupust undan merkjum og ný rétt-
arhöld voru fyrirskipuð.
Krafan um náðun hryðjuverka-
manna sýnir að andrúmsloftið á
Ítalíu hefur gerbreytzt síðan Rauðu
herdeildirnar óðu uppi. Öflug bar-
átta fyrir því að fá henni fram-
gengt, II Perdonismo, virðist njóta
talsverðs stuðnings, jafnvel meðal
forystumanna í flokki Moros. Marg-
ir útlagar úr Rauðu herdeildunum
eru vissir um að þingið samþykki
einhvers konar sakaruppgjöf til að
stuðla að „sáttum“ og hyggjast
snúa heim. Nú þegar hafa um 300
hryðjuverkamenn verið látnir lausir
og 40 hryðjuverkamenn, sem hafa
afneitað hryðjuverkum (pentiti)
þurfa ekki að vera innan fangelsis-
múranna nema um nætur og fá 45
daga orlof á ári.
Sigur í Frakklandi
í Frakklandi hafa félagar úr hin-
um fámennu byltingarsamtökum
Action Directe verið dæmdir, 20
árum eftir hinar miklu stúdenta-
óeirðir, sem leiddu til stofnunar
margra hryðjuverkasamtaka marx-
ista í Evrópu. Fjórir helztu leiðtogar
Action Directe, Joelle Aubron,
Nathalie Menigon, Jean-Marc
Roullon og Georges Cipriani, hlutu
10 ára fangelsi ásamt fjórum öðrum
sakborningum, en 11 vægari dóma.
Margra vikna mótmælasvelti, sem