Morgunblaðið - 07.05.1989, Blaðsíða 31
MORGUNBLAÐIÐ MINNINGAR SUNNUDAGUR 7. MAÍ 1989
C 31
Minning:
Björn Þórarins-
son íKílakoti
Bjöm í Kílakoti er fallinn frá.
Síðast þegar ég sá hann vorum við
fyrir norðan þeirra erinda að fylgja
frænda og vini, Þórarni Þórarins-
syni í Skúlagarði, síðasta spölinn.
Þau spor voru honum erfið. Og nú
er hann sjálfur horfinn úr heimi.
Það er bjart yfir minningu hans.
Bjöm fæddist í Kílakoti í Keldu-
hverfi hinn 30. mars 1905, sonur
hjónanna Ingveldar Bjömsdóttur
bónda á Þóroddsstöðum í Ölfusi og
síðar á Litla-Hálsi í Grafningi Odds-
sonar og Þórarins skáldbónda
Sveinssonar bónda á Víkingavatni
Grímssonar. Kona Gríms var Hólm-
fríður dóttir Sveins Guðmundssonar
hreppstjóra á Hallbjarnarstöðum,
en hún var alsystir Bjargar ömmu
Jóns Sveinssonar, Nonna, og
Guðnýjar móður Kristjáns Fjalla-
skálds.
Bjöm varð gagnfræðingur frá
Akureyri 1924 og stóð hugur hans
til mennta, en ástæður vom þannig
heima í Kílakoti, að hann kaus að
hverfa heim. Hann var skólastjóri
barnaskólans í Kelduneshreppi til
1932, er hann tók við búi af föður
sínum. Hann fluttist til Reykjavíkur
1966 og hóf störf við skattstofuna
þar. Björn gegndi mörgum trúnað-
arstörfum í heimasveit sinni. Átti
lengi sæti í hreppsnefnd, var vara-
oddviti um 19* ára skeið og oddviti
1961-1962, lengi fjallaskilastjóri,
formaður skólanefndar og formaður
sóknamefndar og í stjórnum Ung-
mennafélags Keldhverfinga,
íþróttasambands Norður-Þingey-
inga og Ungmennasambands Norð-
ur-Þingeyinga. Síðast en ekki síst
var hann formaður bygginganefnd-
ar félagsheimilisins og bamaskól-
ans í Skúlagarði og var framganga
hans í því máli mjög rómuð, enda
átti þessi framkvæmd hug hans
allan.
Björn kvæntist 1944 Guðrúnu
Ásbjörnsdóttur bifreiðastjóra í
Reykjavík Guðmundssonar og
Guðríðar ísaksdóttur og var það
mikið hamingjuspor. Þau hjón voru
samhent í störfum sínum og góð
heim að sækja. Jörðin í Kílakoti var
ekki fallin til stórbúskapar, en þau
sátu hana vel og bættu að þeirra
tíma hætti. Þau áttu barnaláni að
fagna. Elst er Ingveldur, sem starf-
ar við sýsluskrifstofuna á Blöndu-
ósi. Þórarinn er bifvélavirki í
Reykjavík, kvæntur Jennýju Stef-
ánsdóttur hárgreiðslukonu og Ás-
bjöm heildsali í Reykjavík, kvæntur
Kolbrúnu Ólöfu Harðardóttur.
Bamabörnin em átta.
Þegar kjördæmaskipaninni var
breytt 1959 var Björn beðinn að
taka 5. sæti á lista Sjálfstæðis-
flokksins í Norðurlandskjördæmi
eystra og var sú ósk almenn meðal
stuðningsmanna listans. Það kom
þegar í ljós, að þetta var vel ráðið.
Bjöm var sjálfkjörinn oddviti Sjálf-
stæðismanna í Norður-Þingeyjar-
sýslu, gagnfróður um þjóðmál og
rökfastur í málflutningi, fastur fyr-
ir, en þó hógvær og gæddur ríkri
kímnigáfu. Hann lét andstæðinga
sína njóta sannmælis, en fór sínu
fram, þótt hann væri í miklum
pólitískum minnihluta í heimasveit
sinni og sýslu. Hann sat tvívegis á
Alþingi stuttan tíma og vann m.a.
að rafvæðingu sveitar sinnar. Björn
átti vináttu og virðingu samherja
sinna í Sjálfstæðisflokknum.
Mikil og góð vinátta var milli
frændanna afa míns Benedikts
Sveinssonar og Þórarins í Kílakoti
og naut ég þess í samskiptum
mínum við Bjöm. Hann var drengur
góður, frændmargur og mikill fjöl-
skyldumaður. Hann var glöggur og
skemmtilegur, einatt gamansamur,
margfróður um menn og málefni
og sögu byggðarlags síns.
í ættboganum frá Kílakoti er
sterk, listræn æð. Sveinn listmálari
var bróðir Björns og Þórarinn faðir
þeirra hafði glöggt skáldauga, þótt
hann hefði ekki aðstæður eða metn-
að til þess að þroska þá gáfu eins
og verðugt var. Björn gaf út ljóð-
mæli hans og stökur í tveim bind-
um, Að heiman, og er þar margt
vel kveðið, af ýmsum toga, gaman
og alvara. Þar er m.a. að finna
stöku, sem Þórarinn orti skömmu
fyrir andlát sitt:
Bráðum kveð ég bæ og hörg,
bjartan flýg í geyminn.
Eg á orðið ekki mörg
erindi við heiminn.
Björn í Kílakoti lést sl. laugar-
dag, 29. apríl, 84 ára að aldri.
Hann átti að baki farsælt ævistarf
og hafði verið hamingjusamur í ein-
kalífi, en „er falls ván at fornu tré“
eins og frændi hans einn hafði við
orð, aldraður orðinn, skömmu fyrir
andlát sitt. Samt sem áður er sökn-
uðurinn sár þeim sem næstir
standa. Þessar línur eiga að flytja
Guðrúnu, bömunum og barnabörn-
unum, flölskyldunni allri, samúðar-
kveðjur okkar hjóna. Guð blessi
minningu Bjöms Þórarinssonar.
Halldór Blöndal
Utför hans verður frá Fossvogs-
kirkju kl. 15 á morgun, mánudaginn
8. maí.
Minning:
Stefanía S. Guðlaugs-
dóttir, Grindavík
Fædd24. júní 1921
Dáin 22. apríl 1989
Hinn 22. apríl lést í Borgarspítal-
anum Stefanía S. Guðlaugsdóttir
frá Grindavík, frænka mín og vin-
kona. Það kom okkur skyldmönnum
hennar mjög á óvart þegar við frétt-
um að Stebba vinkona mín væri
dáin.
Þær em svo margar hinar
ógleymanlegu minningar sem ég á
um Stebbu. Ég minnist þess þegar
ég átti heima í Danmörku, þá kom
hún oft til mín í heimsókn, hún var
alltaf svo kát og hress, hún var líka
svo hjálpleg og góð í sér. Það verð-
ur ekki eins létt fyrir mig að koma
til Grindavíkur eins og áður að geta
ekki komið við hjá Stebbu og feng-
ið kaffisopa. Við áttum líka góðar
stundir saman þegar ég átti heima
í Grindavík og við unnum saman á
vertíð. Ég sakna hennar mjög mik-
ið. Ég veit að svo er um fleiri. Það
er stórt skarð höggvið í fjölskyldu-
hópinn. Þetta skarð verður aldrei
fyllt, en minningin sem ijölskyldan
á um hina hjartahlýju móður verður
sem haldreipi sem eiginmaðurinn,
börnin, barnabörnin og tengdabörn-
in munu eiga og gefa þeim styrk í
sorginni.
Eg og fjölskylda mín vottum eig-
inmanni hennar og bömum okkar
innilegustu samúðarkveðjur.
Far þú í friði,
friður Guðs þig blessi,
hafðu þökk fyrir allt og alit.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
Kveðja frá vinkonu,
Kristín Ellý Egilsdóttir.
Elsku amma okkar, Stefanía S.
Guðlaugsdóttir, Túngötu 1,
Grindavík, lést 22. apríl sl. eftir
stutt veikindi. Við viljum minnast
hennar með nokkrum orðum. Þar
sem hún hafði alltaf verið svo
hraust, er erfitt að skilja að hún
er ekki á meðal okkar lengur. Við
munum alltaf geyma í minningu
okkar þær ánægjustundir þegar við
fómm til hennar og fengum heitar
pönnukökur og kleinur. Nú verða
jólaboðin hjá ömmu okkar sem við
hlökkuðum alltaf svo til ekki fleiri
því að hún gerði þau ógleymanleg
fyrir okkur. Nú er amma horfin
yfir móðuna miklu, söknuður okkar
er mikill.
Elsku afi, okkur finnst við hafa
misst mikið, en missir þinn er þó
sárastur. Því biðjum við Guð að
styrkja þig. Blessuð sé minning
ömmu okkar, sem við kveðjum nú
með söknuði.
Ég veit þú heim ert horfín nú
og hafín þrautir yfir,
svo mæt og góð, svo trygg og trú,
svo tállaus, falslaus reyndist þú,
ég veit þú látin lifír.
(Steinn Sigurðsson)
Bamaböm
t
Innilegar þakkir til þeirra sem sýndu okkur samúð og vinarhug
við andlát og útför
JÓNS LARSSOIMAR,
Útstekk, Helgustaðahreppi.
Sjöfn Gunnarsdóttir
og systkini hins látna.
Lokað
þriðjudaginn 9. maí vegna jarðarfarar HERMANNS
JÓNSSONAR.
Rekstrarvörur,
Draghálsi 14-16.
t
Ástkær sonur okkar og bróðir,
AXEL ARIMAR ÞORGILSSON,
Brekkubyggð 20,
Garðabæ,
verður jarðsunginn frá Dómkirkjunni í Reykjavík þriðjudaginn 9.
maí kl. 15.00.
Þorgils Axelsson,
Guðrún Helgadóttir,
Helga Rakel Þorgilsdóttir,
Þorgils Rafn Þorgilsson.
t
Hjartkær móðir okkar, amma, langamma og sambýliskona mín,
STEINUNN PÁLSDÓTTIR
frá Hofi f Öræfum,
Laugarásvegi 5,
lést á uppstigningardag. Kistulagning fer fram í Fossvogskapellu
mánudaginn 8. maí kl. 14.00.
Sigrún Halidórsdóttir,
Aðalheiður Björnsdóttir,
Dóra, Bára, Sigrún og Steinar Sigurbjörnsbörn,
Steinunn, Herþrúður, Anna og Guörún Ólafsdætur,
Haraldur Jónsson.
t
Hjartkær eiginmaður minn, faðir, tengdafaðir, afi og bróðir,
ÓLAFUR HAUKUR ÓLAFSSON
læknir,
verður jarðsunginn frá Dómkirkjunni þriðjudaginn 9. maí kl. 13.30.
Ásdfs Kristjánsdóttir,
Ólafur Haukur Ólafsson, Sigurbjörg Gröndal,
Einar Benedikt Ólafsson, Eva Haettner Ólafsson,
Ásdfs Katrfn Ólafsdóttir, Pál O. Borgen,
Sigríður Edda Ólafsdóttir, Magnús Jón Sigurðsson,
Kristján Már Ólafsson,
Sigrfður Ólafsdóttir
og barnabörn.
Eiginmaður minn,
BJÖRN ÞÓRARINSSON
frá Kflakoti,
Framnesvegi 61,
verður jarðsunginn frá Fossvogskirkju mánudaginn 8. maí kl.
15.00.
Fyrir hönd barna, tengdabarna og barnabarna,
Guðrún Ásbjörnsdóttir.
t
Útför eiginmanns míns, sonar, föður, tengdaföður og afa,
HERMANNS JÓNSSONAR
frá Sæbóli, Aðalvfk,
til heimilis f Bleikargróf 5,
fer fram frá Bústaðakirkju þriðjudaginn 9. maí kl. 13.30.
Helga I. Hermannsdóttir,
Jón S. Hermannsson,
Sigrfður B. Hermannsdóttir,
Finnbjörn A. Hermannsson,
Hermann Þ. Hermannsson,
Oddur Þ. Hermannsson,
Þórunn Finnbjarnardóttir,
Jón Sigfús Hermannsson,
Jakob H. Guðmundsson,
Sigrún Siggeirsdóttir,
Kristján Einarsson,
Oddný A. Óskarsdóttir,
Elfn H. Gústafsdóttir,
Þóra Þórarinsdóttir
og barnabörn.
t
Hjartans þakkir fyrir auðsýnda samúð og hlýhug við fráfall
mannsins míns,
GUÐMUNDAR GUÐLAUGSSONAR.
Borghildur Pétursdóttir.
t
Innilegar þakkir færum við öllum þeim, sem sýndu okkur samúð
og vináttu við andlát og útför bróður okkar og mágs,
SVERRIS KRISTINS SVERRISSONAR
fyrrv. skólastjóra Iðnskóla Akraness.
Guðlaug Sverrisdóttir,
Gunnlaug Sverrisdóttir, Sigurður Þ. Gústafsson.
Innilegar þakkir fyrir auðsýnda samúð og vinarhug við andlát og
útför
KRISTJÁNS KRISTJÁNSSONAR,
Mávahlfð 1.
Elfn Guðmundsdóttir,
Erlingur Kristjánsson, Anna Sigurðardóttir,
Sigrún Kristjánsdóttir, Haukur Halldórsson,
Kristján G. Kristjánsson, Guðrún Kristinsdóttir
og barnabörn.