Morgunblaðið - 10.11.1989, Blaðsíða 18

I
18
MORGUNBLAÐIÐ FÖSTUDAGUR 10. NÓVEMBER 1989
H
Knut Ödegaard, nýkjörinn formaður Listvinafélags Hallgrímskirkju:
Vil víkka starfssvið félagsins
KNUT Ödegaard, skáld og fyrrverandi forstjóri Norræna hússins
var nýlega kjörinn formaður Listvinafélags Hallgrímskirkju og tók
hann við formennsku af dr. Þór Jakobssyni, veðurfræðingi. I sam-
tali við Morgunblaðið sagði hinn nýi formaður að sín framtíðarsýn
væri sú að félagið yrði leiðandi og stefnumarkandi í virku lista- og
menningarlífi íslensku þjóðkirkjunnar. Eðlilegt væri að Hallgríms-
kirkja sem þjóðarhelgidómur gæti unnið með öðrum lista-, menning-
ar- og menntastofnunum að vettvangi þar sem kirkjan og menning-
arlífið almennt mætast.
Listvinafélag Hallgrímskirkju
var stofnað 1982 og var fyrsti for-
maður þess herra Sigurbjörn Ein-
arsson biskup. Tilgangur félagsins
er að efla listalíf við Hallgríms-
kirkju, sem samboðið sé hinni veg-
legu landskirkju og hlutverki henn-
ar. Markmiðum sínum hyggst fé-
lagið ná með því að styrkja flutning
fagurra lista við helgihald kirkjunn-
ar, gangast fyrir reglubundnu list-
alífi á sviði tónlistar, bókmennta,
myndlistar, leiklistar og fleiri. Hef-
ur félagið staðið fyrir dagskrám á
öllum þessum sviðum.
Að sögn Knuts nær starfsemi
félagsins langt út fyrir Hallgríms-
kirkjusókn og e.r stefnt að enn
víðtækara starfssviði. „í ýmsum
nágrannalöndum okkar eru starf-
andi svokallaðar kirkjuakademíur;
vettvangur þar sem kirkja, list,
menning, heimspeki og vísindi
koma saman til umræðu á mál-
þingum, fyrirlestrum og í listvið-
burðum. Ég sé fyrir mér þá miklu
framtíðarsýn að Listvinafélagið
víkki út sitt starfssvið, þannig að
það yrði eins konar „forum“ eða
miðstöð listiðkunar í kirkjunni.
Listvinafélagið hefur meðal ann-
ars staðið fyrir kirkjulistahátíðum
í Hallgrímskirkju, sem haldnar eru
annað hvert ár; þau ár sem ekki
er listahátíð. Á síðustu kirkjulista-
hátíð var meðal annars flutt tón-
verkið Elía eftir Mendelsohn, undir
stjórn Harðar Áskelssonar, þá voru
fluttir þrír einþáttungar eftir dr.
Jakob Jónsson og sýning á verkum
Karólínu Eiríksdóttur var sett upp
í anddyri Hallgrímskirkju. „Ég hef
áhuga á að þróa frekar þessa stór-
kostlegu hátíð og auka tengslin við
kirkjuakademíur og sambærilegar
stofnanir erlendis."
Einnig sagði formaður Listvina-
félagsins að menn biðu í ofvæni
eftir því að hið nýja orgel Hall-
grímskirkju kæmi til landsins; til-
koma þess byði upp á stórkostlega
möguleika, enda væri hér um að
ræða eitt af bestu hljóðfærum á
Norðurlöndum.
Listvinafélagið starfar í nánum
tengslum við sóknarnefnd
Hallgrímskirkju og sitja formaður
sóknamefndar og prestar stjómar-
Morgunblaðið/Júlíus
Knut Ödegaard, formaður List-
vinafélags Hallgrímskirkju.
fundi félagsins. Aðrir stjórnarmenn
em: Hörður Áskelsson, organisti
Hallgrímskirkju, sem er fram-
kvæmdastjóri félagsins, Guðrún
Ásmundsdóttir, leikari, dr. Hjalti
Hugason, dósent, Málfríður Finn-
bogadóttir, gjaldkeri, dr. Ólafur
Kvaran, listfræðingur og Snorri
Sveinn Friðriksson, myndlistarmað-
ur. Meðlimir Listvinafélagsins eru
nú á annað hundrað og stendur það
öllum opið.
Þjóðleikhúsið:
Lítið fj ölskyldufyrir-
tæki frumsýnt
ÞJÓÐLEIKHÚSIÐ frumsýnir í kvöld gamanleikinn Lítið fjölskyldu-
fyrirtæki eftir Bretann Alan Ayckbourn í þýðingu Árna Ibsen. Til
að færa verkið nær íslenskum áhorfendum hefúr Þjóðleikhúsið stað-
fært leikinn og fer atburðarásin fram í umhverfí sem við þekkjum
öll, segir í fréttatilkynningu frá Þjóðleikhúsinu.
Söguhetja leiksins er Borgar
Jónsson, framagjarn framkvæmda-
stjóri á fimmtugsaldri sem hefur
tekið við stjórn húsgagnafyrirtækis
sem tengdafaðir hans stofnaði fyrir
fimmtíu árum. Borgar er heiðarleg-
ur með eindæmum og krefst þess
að samstarfsmenn hans séu það
líka. En ekki er allt sem sýnist.
Spillingin Ieynist í hverju horni og
þegar miskunnarlaus einkaspæjari
er kominn í spilið fer hulan að lyft-
ast af dularfullum innviðum fyrir-
tækisins.
Fjórtán leikarar koma fram í
sýningunni. Arnar Jónsson fer með
aðalhlutverkið, Borgar Jónsson
framkvæmdastjóra; Lilja Guðrún
Þorvaldsdóttir leikur Lillu eigin-
konu hans; Jóhann Sigurðarson
leikur Berg bróður hans og Lilja
Þórisdóttir Önnu Lísu, konu Bergs.
(Úr fréttatilkynningu)
Lilja Þórisdóttir og Sigurður Sigurjónsson í hlutverkum sínum í
Lítið fjölskyldufyrirtæki sem frumsýnt verður í Þjóðleikhúsinu í
kvöld.
Ljósmynd Grímur Bjamason
Ráðstefiia
Alþjóðleg
samvinna
háskóla
Utanríkisnefhd Stúdentaráðs
Háskóla Islands gengst fyrir
ráðstefiiu um alþjóðlega sam-
vinnu háskóla. Ráðstefnan
verður haldin laugardaginn 11.
nóvember klukkan 14 í stofú
101 í Lögbergi.
„í kjölfar samræmingar í
ríkjum Evrópubandalagsins er
hætt við að íslendingar og önnur
ríki utan bandalagsins verði utan-
veltu á hinum ýmsu sviðum. Þetta
gildir ekki síst í menntamálum,
en þar hafa ríki Evrópubandalags-
ins gert sáttmála um aukið sam-
starf sín á milli. Til að koma til
móts við þessa þróun hefur Norð-
urlandaráð m.a. sett á laggirnar
áætlun um samstarf á milli há-
skóla og Norðurlandanna,“ segir
í fréttatilkynningu.
Utanríkisnefnd Stúdentaráðs
telur nauðsynlegt að kynna það
sem er á döfinnni á sviði alþjóð-
legrar samvinnu, þar sem það
snertir verulega hagsmuni stúd-
enta. Sífellt fleiri íslendingar fara
í nárri erlendis og því er mikilvægt
að fylgjast með þróun mennta-
mála á alþjóðavettvangi.
Jónas Fr. Jónsson, formaður
Stúdentaráðs, mun setja ráðstefn-
una, en fyrirlesarar eru: Sigmund-
ur Guðbjarnason, rektor Háskóla
íslands, Stefán Stefánsson,
menntamálaráðuneytinu, Þóra
Magnúsdóttir, alþjóðasamskipta-
nefnd Háskóla Islands og Jón
Baldvin Hannibalsson, utanríkis-
ráðherra. Að loknum framsöguer-
indum verða umræður og fyrir-
spurnir undir stjórn Ásdisar Höllu
Bragadóttur, formanns utanríkis-
nefndar Stúdentaráðs.
Bók um Árna
í Hólminum
MEÐAL útgáfubóka Æskunnar
er bók um æviþætti Árna Helga-
sonar, fyrrum sýsluskrifara og
póstmeistara í Stykkishólmi og
fréttaritara Morgunblaðsins á
staðnum. Eðvarð Ingólfsson
skráir.
í kynningu útgefanda segir m.a.:
„Árni er sérstæð persóna og engum
líkur í bókstaflegri merkingu. Þeir
sem líta hann augum í fyrsta sinn
gleyma honum ekki eftir það. Hann
er einn af þeim sem alltaf eru að
koma á óvart
með skemmti-
legum tilsvörum,,
kveðskap og
söng — en samt
er alvaran stutt
undan.
I bókinni
bregður Árni
upp mynd af
umhverfi sínu og
samferðamönn-
um — en hann hefur kynnst þeim
flölda fólks um ævina að ótrúlegt
er — og lýsir dvöl sinni á Eskifírði
og í Stykkishólmi. Árni er þjóð-
sagnapersóna í lifanda lífi. Að hve
miklu leyti sögurnar um hann eru
sannar skýrist í bókinni."
Árni Helgason
Bandalag íslenskra leikfélaga:
Margar frumsýningar hjá
áhugaleikfélögunum
BANDALAG íslenskra leikfélaga
heldur næstkomandi laugardag
upp á „Bandalagsdaginn" annað
árið 1 röð. Áhugaleikfélögin sem
að bandalaginu standa eru 87 tals-
ins og á síðasta ári veitti mennta-
málaráðuneytið styrki til 58 verk-
efiia hjá samtals 46 félögum.
Fyrsta frumsýning ársins var hjá
Leikfélagi Hornafjarðar 27. október
síðastliðinn en þá frumsýndi félagið
tvo einþáttunga í leikstjórn Oktavíu
Stefánsdóttur, „Já herra forstjóri"
og „Afleiðing“. Leikfélag Hafnar-
íjarðar frumsýndi „Leitin að síðasta
brandaranum" eftir Valgeir Skag-
fjörð 3. nóvember. 10. nóvember
frumsýnir Leikfélag Keflavíkur
söngleikinn Gretti eftir Egil Ólafs-
son, Ólaf Hauk Símonarson og Þór-
arin Eldjárn í leikstjórn Eddu Þórar-
insdóttur.
Litli leikklúbburinn á ísafirði
frumsýnir 11. nóvember þrjá breska
einþáttunga en þeir eru „15 mínútna
Hamlett" eftir Tom Stoppard og tveir
einþáttungar eftir Michael Green,
„Hórkarlinn" og „Streuth eða
Krimmi“. Þýðandi allra þáttanna er
Guðjón Ólafsson og Árni Blandon
leikstýrir.
Leikfélag Kópavogs er langt kom-
ið með að æfa tryllinn „Blúndur og
blásýra" og Leikfélag Selfoss er með
frumsýningu á næsta leiti. Verkefni
þeirra er „Sálmurinn um blómið"
eftir Þórberg Þórðarson í leikgerð
Jóns Hjartarsonar sem einnig leik-
stýrir.
Bókaútgáfa Máls og menningar:
Skáldsögur eftir Thor og Einar
Kárason og ljóð eftir Stefán Hörð
Bók um landhelgismálið eftir Lúðvík Jósepsson
MEÐAL jólabóka frá Máli og menningu eru ljóðabókin Yfir heiðan
morgun eftir Stefán Hörð Grímsson og skáldsögumar Náttvíg, eftir
Thor Vilhjálmsson og Fyrirheitna landið, eftir Einar Kárason, en alls
koma út á vegum bókaútgáfúnnar yfir þijátíu bækur.
Fjórar íslenskar ljóðabækur eru
meðal útgáfubókanna, Yfir heiðan
morgun, eftir Stefán Hörð Grímsson,
Án fjaðra, eftir Sigfús Bjartmarsson,
Nú eru aðrir tímar, eftir Ingibjörgu
Haraldsdóttur og Tvö tungl, eftir
Gyrði Elíasson.
Kristín Ómarsdóttir hefur sent frá
sér smásögurnar í ferðalagi hjá þér
og eftir Sjón kemur sagan Engill,
pípuhattur og jarðarbér.
Önnur íslensk skáldverk eru Sög-
ur, sem hefur að geyma allar smá-
sögur Halldórs Stefánssonar, Djöfla-
eyjan, þar sem allar eyjabækur Ein-
ars Kárasonar, þar með talin nýja
skáldsagan, eru saman í einni bók,
Glímuskjálfti sem er ljóðasafn Dags
frá 1958 til 1988, bækur Thors Vil-
hjálmssonar, Fljótt fljótt sagði fugl-
inn, Folda og Grámosin glóir í kilju-
formi og Páls saga eftir Ölaf Jóhann
Sigurðsson.
Tvær ævisögur eru á boðstólnum
en þær eru Sandgreifarnir, bemsku-
minningar úr Eyjum, eftir Björn Th.
Bjömsson, og Brynjólfur Bjarnason,
pólitísk áevisaga, eftir Einar Ólafs-
son.
Aðrar íslenskar bækur em íslensk
orðsifjabók, eftir Ásgeir Blöndal
Magnússon, Kjölfar kríunnar, ferða-
saga eftir Þorbjörn Magnússon og
Unni Þóra Jökulsdóttur, Landhelgis-
málið í 40 ár - það sem gerðist bak
við tjöldin - , eftir Lúðvík Jósepsson,
íslensk ritsnilld, sem Guðmundur A.
Thorsson ritstýrir og ljósmyndabókin
Innan garðs, eftir Þórarinn Ó. Þórar-
insson og Einar Kárason.
Þá koma út skáldsögumar Börn
Arbats, eftir A. Rybakov í þýðingu
Ingibjargar Haraldsdóttur, Þögla
herbergið, eftir H. Wassmo í þýðingu
Hannesar Sigfússonar og Eva Luna,
eftir Isabellu Allende í þýðingu Tóm-
asar R. Einarssonar.
Nokkrar handbækur í nýrri ritröð
undir heitinu Betra líf koma út fyrir
þessi jól. Þær heita: Fyrirburar - bók
fyrir fbreldra, eftir Kitchen o.fl, Fit-
usnautt fæði, eftir Margréti E. Jóns-
dóttur, Listin að elska, eftir Erich
Fromm, Útbrunnin - Farðu betur
með þig! Hollusta og hreyfing, eftir
Bronsberg og Vestlund.
World paper fylgir Heimsmynd
TÍMARITIÐ Heimsmynd hefúr
náð samningum við alþjóðlegu
útgáfuna World Paper og fylgir
íslensk útgáfa þess nýjasta tölu-
blaði Heimsmyndar. World Pap-
er, sem hefur höfúðstöðvar í
Boston, íjallar um alþjóðleg mál-
efiii og sérfræðingar frá öllum
heimshornum skrifa í blaðið.
World Paper kemur út mánaðar-
lega og birtist samtímis í rúm-
lega 20 tímaritum víða um heim.
Heildarupplag blaðsins er rúm
milljón eintök. í þessu fyrsta tölu-
blaði World Paper á Islandi er
fjallað um þriðju heimstyrjöldina
sem er háð gegn nátturunni.
Herdís Þorgeirsdóttir, ritstjóri
Heimsmyndar, sagði að hér væri
um tímamóta útgáfu að ræða.
„Heimsmynd er tímarit á heims-
mælikvarða enda hefði ekki hvaða
blað sem er fengið World Paper.
Forráðamenn útgáfunar fóru vand-
lega yfir blaðið og hrifust af því
hve glæsilegt og fjölbreytt það
væri,“ sagði Herdís. Hún bætti því
við að World Paper væri viðbót við
Heimsmynd en efnistök blaðsins
væru öbreytt og tímaritið er nú
rúmlega 130 blaðsíður að stærð.