Morgunblaðið - 20.01.1990, Page 18

18
MORGUNBLAÐIÐ LAUGARDAGUR 20. JANUAR 1990
Fjárhagsáætlun Reykjavíkur:
520 milljónir til bygg-
ingar ráðhússins
REYKJAVÍKURBORG mun verja 520 milljónum króna til smíði
ráðhúss á þessu ári, samkvæmt frumvarpi að Qárhagsáætlun
borgarinnar, sem kynnt var í borgarstjórn á fímmtudaginn. Davíð
Oddsson, borgarstjóri, segir að framkvæmdir við það hafí gengið
mjög vel og fjárhags- og tímaáætlanir staðist vel.
í umræðum um fjárhagsáætl-
unina sagði borgarstjóri, að miðað
við útkomuspá ársins 1989, hefði
470 milljónum króna þá verið
varið til smíði ráðhússins. Sam-
kvæmt frumvarpi til fjárhagsá-
ætlunar fyrir árið 1990 yrði 520
milljónum varið til verksins. Hann
sagði, að í mars yrði byijað að
setja glugga í húsið og því verki
og glerjun yrði lokið í á komandi
sumri. Þá yrði einnig gengið frá
álklæddum þökum og þakköntum
á húsinu. Nú væri unnið að samn-
ingi við ístak um framhald á
rekstri vinnustaðarins og umsjón
með undirverktökum við næstu
verkþætti, sem værú múrverk inn-
andyra og allar iagnir.
Borgarstjóri sagði að í vor yrði
girðingin kringum vinnusvæðið
fjarlægt að sunnan og austan og
auk þess mestur hluti uppfylling-
arinnar innarn girðingarinnar. Á
næsta ári yrði síðan gengið frá
lóð hússins og brúnni yfir að Iðnó.
Davíð Qddsson, borgarstjóri:
Ríkið skuldar borginni
1,7 milljarð króna
SKULDIR ríkissjóðs við Reykjavíkurborg vegna stofnkostnaðar
nema nú samtals 1.710 milljónum króna. Þar vega skuldir vegna
þjóðvega i þéttbýli þyngst, en þær eru 955 milljónir króna. Þetta
kom fram í framsöguræðu Davíðs Oddssonar, borgarsljóra, við
fyrri umræðu um fjárhagsáætlun Reykjavíkurborgar í borgar-
stjórn á fímmtudaginn.
Borgarstjóri sagði, að skuldir
ríkissjóðs við borgarsjóð skiptust
þannig, að 955 milljónir væru
vegna þjóðvega í þéttbýli, 355
milljónir vegna heilsugæslustöðva
og Grensásdeildar Borgarspítala,
235 milljónir vegna grunnskóla,
88 milljónir vegna íþróttamann-
virkja og 77 milljónir vegna
bamaheimila. Þessar tölur væru
miðaðar við vísitölu byggingar-
kostnaðar um áramótin en ekki
hefði verið tekið tillit til þess, að
rúmmetraverð vísitöluhúss hefði
hækkað um ríflega 24,5% umfram
vísitölu byggingarkostnaðar frá
árinu 1982.
Tæpar 600 milljónir til
Nesjavallaveitu í ár
HITAVEITA Reykjavíkur mun vetja 565 milljónum króna til Nesja-
vallaveitu í ár. 323 milljónum verður varið til dreifikerfis Hitavei-
tunnar og framkvæmda við dælustöðvar og 296 milljónum til
byggingar vetrargarðs og útsýnishúss á Oskjuhlíð.
Við umræður um fjárhagsáætl-
un Reykjavíkurborgar á fundi
borgarstjórnar á fimmtudaginn
sagði Davíð Oddsson, borgar-
stjóri, að áætlað væri að veija
1.184 milljónum króna ,til fram-
kvæmda á vegum Hitaveitu
Reykjavíkur í ár. Þar af eiga 565
milljónir að fara í Nesjavallaveitu,
323 milljónir til aukningar dreifi-
kerfis og framkvæmda við dælu-
stöðvar og 296 milljónir til bygg-
ingar vetrargarðs og útsýnishúss
á Óskjuhlíð.
Borgarstjóri sagði að 1. áfanga
Nesjavallavirkjunar yrði lokið á
árinu og reiknað væri með gang-
setningu í ágúst. Þar með ykist
afl Hitaveitunnar um 100 megaw-
ött, en flutningsgeta leiðslunnar
til Reykjavíkur yrði 350 til 400
megawött. Hann sagði að virkjun-
in væri ein allra stærsta fram-
kvæmd á öllu landinu á undanf-
örnum árum og athyglisvert væri,
að hún væri unnin án þess að til
hennar væri tekið nokkurt langt-
ímalán. Aðeins rúmu ári eftir að
virkjunin yrði fullbúin yrði hún
skuldlaus.
Þriðja áfanga Folda-
skóla lokið í ár
FRAMKVÆMDUM við þriðja áfanga Foldaskóla í Grafarvogi á
að ljúka i ár og byrjað verður á smíði Hamraskóla. Samkvæmt
frumvarpi að fjárhagsáætlun Reykjavíkurborgar árið 1990 verður
alls varið 237,5 milljónum króna til framkvæmda við skólabygg-
inga í Grafarvogi.
Áætlað er að 110 milljónum
króna verði varið til þess að ljúka
þriðja áfanga Foldaskóla og byija
á tengibyggingu milli húsanna
þriggja, sem þar eru risin. Jafn-
framt er fyrirhugað að veija 37,5
milljónum til frágangs á skólalóð-
inni.
í vor er gert ráð fyrir að byijað
verði á smíði Hamraskóla og er
miðað við að til þess verði varið
65 milljónum á þessu ári. Þá verð-
ur varið 25 milljónum króna til
hönnunar og byijunarfram-
kvæmda við íþróttahús Húsa-
skóla, samkvæmt frumvarpi að
fjárhagsáætlun borgarinnar.
Amadeus tölvumiðstöðin í Miinchen séð úr lofti. Þaðan verður stýrt umfangsmiklu upplýsinga- og bókun-
arkerfí flugfélaga og annarra greina ferðaþjónustu og tengingu við slík kerfí í öðrum heimshlutum.
Flugleiðir hf:
Bókunarkerfíð tengist
stærsta tölvukerfi Evrópu
Á NÆSTU dögum mun bókunar-
kerfi Flugleiða hf. og um leið 20
innlendra ferðaskrifstofa tengjast
stærsta tölvukerfi Evrópu, Amad-
eus kerfinu. Síðastliðinn fimmtu-
dag var tölvumiðstöð kerfisins
vígð í Miinchen í Vestur-Þýska-
landi. Kerfíð starfar núna frá
miðstöð bandaríska tölvukerfisins
System One í Miami í Florida, en
starfsemi þess verður flutt til
Miinchen í lok þessa árs. Þá teng-
ist það um Ieið bókunar- og upp-
lýsingakerfúm hótela, bílaleiga,
jámbrauta, langferðabíla og
hverskyns ferðaþjónustu annarri,
að sögn Einars Sigurðssonar
blaðafulltrúa Flugleiða.
Nú þegar er kerfið tengt við um
80 þúsund tölvuskjái, þar af 42
þúsund hjá notendum Amadeus
kerfisins í Evrópu og 36 þúsund
hjá notendum System One í Banda-
ríkjunum. Síðar verður samtenging-
in mun víðtækari, þegar Amadeus
kerfið tengist Abacus kerfinu í
Asíu og öðrum sambærilegum bók-
unarkerfum í öðrum heimshlutum.
Islenskar ferðaskrifstofur geta nú
bókað ferðir í gegn um kerfið beint
í bókunarkerfum 30 flugfélaga.
Einar Sigurðsson segir að flugfé-
lögunum, sem nota kerfið, fjölgi
stöðugt, til dæmis hafi þeim fjölgað
um fimm frá áramótum.
Sigurður Helgason forstjóri
Flugleiða segir að miklar breytingar
séu framundan í evrópskum flug-
málum, öll flugfélög álfunnar séu
að koma inn í Amadeussamstarfið
eða annað sambærilegt. Hann segir
að Flugleiðir tengist beint í gegn
um þetta kerfi ferðaskrifstofum um
alla Evrópu og þær hafi því í gegn
um tölvskjái sína aðgang að upplýs-
ingum um alla þjónustu Flugleiða.
Hann segir að reynslan af slíku
í TILEFNI þess að rúmlega fimm
ár eru Iiðin frá upphafi samstarfs
Orðabókar Háskólans og IBM á
íslandi verður haldin ráðstefiia
24. janúar nk. um þýðingar á
íslensku sem ber yfirskriftina
„Þýðingar á tölvuöld". Ráðstefh-
án fer fram í AKOGES-salnum í
Sigtúni 3, en í því húsi er þýðinga-
stöð Orðabókarinnar.
Undanfarin ár hefur Orðabók
Háskólans unnið að umfangsmikl-
um þýðingum tölvuforrita og tölvu-
bóka fyrir IBM á íslandi. Alls verða
tölvukerfi í Bandaríkjunum sýni,
að ekkert f lugfélag geti staðið utan
þeirra, þau flugfélög sem orðið
hafi ofan á í samkeppninni þar séu
þau sem eiga öflugustu tölvudreifi-
kerfin.
Amadeus kerfið er sameign flug-
félaga í Evrópu og eru Flugleiðir
hluthafar í kerfinu. Bandaríska
System One kerfið er í eigu f lugfé-
laganna Continental, Eastern og
Texas Air.
fluttir níu fyrirlestrar á ráðstefn-
unni þar sem fjallað verður um
bókmenntaþýðingar, biblíuþýðing-
ar, orðabókaþýðingar, íðorðaþýð-
ingar, þýðingar forrita, vélrænar
þýðingar, leiðbeiningar um þýðing-
ar og þýðingastarf IBM í alþjóðlegu
samhengi. Ymsir kunnir fræðimenn
og þýðendur verða meðal fyrirles-
ara á ráðstefnunni sem ætluð er
þýðendum; kennurum, fjölmiðla-
mönnum, tölvunotendum og öðru
áhugafólki.
Árið 1985 tóku IBM og Orðabók-
in höndum saman um það að þýða
notendaforrit, hugbúnað og hand-
bækur til tölvunotenda á íslensku.
Starfsemi þýðingastöðvarinnar
verður kynnt á ráðstefnunni.
(Úr fréttatilkynningu)
Óláfur Ásgeirsson sagn-
fræðingur látinn
Ráðstefna Orðabókar Háskólans og IBM:
Þýðingar á tölvuöld
ÓLAFUR Ásgeirsson sagnfiræð-
ingur og garðyrkjumaður lést í
Landspítalanum 16. janúar
síðastliðinn, 33 ára að aldri.
Ólafur Ásgeirsson fæddist 5.
september 1956 í Reykjavík, sonur
hjónanna Ásgeirs Olsen og Unnar
Olafsdóttur.
Ólafur lauk námi frá Garðyrkju-
skóla ríkisins í Hveragerði árið
1976 og stúdentsprófi frá Mennta-
skólanum við Hamrahlíð árið 1981.
Hann lauk B.A.-námi í sagnfræði
árið 1984, og cand.mag. prófi í
þeirri grein vorið 1988, og þá um
haustið flutti hann með fjölskyldu
sinni til Edinborgar, þar sem hann
hugði á frekara nám og sagnfræði-
rannsóknir.
Ólafur st'arfaði að garðyrkju og
rak fyrirtæki á því sviði í Reykjavík
samhliða háskólanámi. Hann átti
um tínía sæti í ritstjórn sagnfræð-
itímaritanna Sagna, sem sagn-
fræðinemar við Háskóla íslands
standa að, og Nýrrar sögu, sem
Sögufélag gefur út. Eftir hann
liggja greinar í blöðum og tímarit-
um um þjóðfélagsmál og sögu ís-
lendinga á tuttugustu öld, en viða-
Ólafur Ásgeirsson
mesta verk hans var sagnfræðiritið
„Iðnbylting hugarfarsins. Átök um
atvinnuþróun áíslandi 1900-1940“,
sem Menningarsjóður gaf út 1988.
Ólafur lætur eftir sig eiginkonu,
Ragnheiði Guðjónsdóttur fóstru, og
tvö börn.
Fyrirlestur um
hæftiispróf
PIERRE Pelanne, deildarstjóri
prófdeildar Sameinuðu þjóðanna
heldur fyrirlestur um hæfnispróf
fyrir umsækjendur um störf hjá
Sameinuðu þjóðunum í dag, laug-
ardaginn 20. janúar, kl. 14.00 í
stofú 101 í Lögbergi Háskóla ís-
lands.
Hæfnispróf verður haldið í
Reykjavík dagana 10.—11. maí nk.
Það er haldið í samvinnu við íslensk
stjórnvöld og er þetta í fyrsta skipti
sem slíkt próf er haldið fyrir íslend-
inga. Prófað verður í stjórnun, hag-
fræði, tölvufræði og fjölmiðlun/útg-
áfustarfsemi. Umsækjendur um
þátttöku í prófinu skulu vera
íslenskir ríkisborgarar og fæddir
eftir 1. janúar 1958. Þeir skulu
hafa lokið háskólaprófi og hafa
annað hvort tveggja ára starfs-
reynslu eða framhaldsmenntun á
háskólastigi. Einnig er krafist góðr-
ar þekkingar á ensku eða frönsku,
segir í fréttatilkynningu frá ut-
anríkisráðuneytinu.