Morgunblaðið - 27.06.1990, Síða 7

MORGUNBLAÐIÐ MIÐVIKUDAGUR 27. JUNI 1990
7
Aður voru ge it-
ur á sérhverjum
bæ í sveitinni
Rætt við Ragnar
Guðmundsson,
bónda á Nýhóli á
Hólsfjöllum
„ÞEGAR ég var krakki voru geit-
ur á hverjum bæ hérna í sveit-
inni. Nú er mér sagt að ég sé
eini bóndinn á landinu sem
mjólkar geitur,“ segir Ragnar
Guðmundsson einbúi á Nýhóli á
Hólsfjöllum. Morgunblaðsmenn
stöldruðu við hjá Ragnari á leið
um Hólssand í liðinni viku. Geit-
urnar fjórar og tveir kiðlingar
voru á beit norðan við fjárhúsin
neðan við bæinn. Þær tóku
„gibbagibb" bónda fagnandi þeg-
ar hann kom gangandi og stöng-
uðu gáskafúllar gestina þegar
þeir báru sig að við að klappa
þeim. Geitur eru einnig á
Grímsstöðum og hópurinn nokk-
uð stærri, en ekki nytjaðar.
Gestum er að sjálfsögðu boðið
upp á kaffi og meðlæti. Nýstár-
legust er þó geitamjólkin úr
ísskápnum. Taka verður undir þau
orð Ragnars að erfitt gæti reynst
að greina milli þessarar mjólkur og
kúamjólkur af spena.
„Um 1970 hætti ég að vera með
kýr og fékk mér geitur, af því að
það er miklu minna umstang," seg-
ir Ragnar sem búið hefur ein-
samall á Nýhóli í.fjórtán ár.
„Ég er hreinræktaður pipar-
sveinn,“ segir Ragnar Guð-
mundsson sem kveðst aldrei
kvíða einverunni á Nýhóli.
„Þegar mest var hafði ég sex
geitur. Þá bjó ég einnig til osta og
skyr úr mjólkinni, en því er ég
hættur. Lengi vel hélt ég að ostur-
inn væri misheppnaður hjá mér því
hann var svo holóttur. Síðar sagði
mér maður sem komið hafði til
Grikklands og smakkað þar geita-
ost að svona ætti hann að vera,“
segir Ragnar.
Meðan kiðlingarnir eru á spena
mjólkar Ragnar ekki geiturnar
nema endrum og eins. Hann segist
Ragnar Guðmundsson með geitahópinn. Kiðlingurinn brá á leik.
Morgunblaðið/Ámi Sæberg
hafa fellt hafurinn í vor en fái ann-
an lánaðan hjá bóndanum á
Grímsstöðum í haust þegar á þarf
að halda. Raunar eru geiturnar á
báðum bæjum upprunalega frá
Fjallalækjarseli í Þistilfirði. „Það
er því miður ekki hægt að fá óskylt
til að bæta stofninn og það er mik-
ill galli,“ segir Ragnar.
Hann segir erfitt að hafa geiturn-
ar á görðum á vetrum. Þá séu þær
snakillar, ein geitanna seilist til
forystu og haldi hinum frá heyinu.
Því er brugðið á það ráð að setja
niður lokur svo að myndist hólf
fyrir skepnurnar við garðana.
Hólsijöllin eru líklega ein ein-
angraðasta sveit landsins og lung-
ann úr vetrinum aðeins fært á
snjóbíl og vélsleða á bæina. Ekki
lætur Ragnar einveruna á sig fá.
„Ég er hreinræktaður piparsveinn,"
segir hann, aðspurður hvort hann
hafi aldrei hugsað sér að kvænast.
Kveðst aldrei kvíða einverunni, né
sakna félagsskapar. „Það er alltaf
nóg af verkefnum, í einhverju að
snúast,“ segir Ragnar Guðmunds-
son bóndi á Nýhóli.
Húsavík:
Lélegri vertíð lokið
Húsavík.
NÚ ER lokið eindæma lélegri
grásleppuvertíð við Skjálfanda
sem oft er eitt af bestu veiði-
svæðum á landinu.
Nú veiddu menn aðeins upp í
fyrirframgerða samninga og voru
innlagðar hjá Fiskiðjusamlagi
Húsavíkur tæpar 200 tunnur en
undanfarin ár hefur þar verið salt-
að í um 400-500 tunnur.
Segja má að óáran tveggja
síðustu ára sé liðin því við hver
vertíðarlok undanfarin ár hafa
verið töluverðar birgðir af óseld-
um hrognum. Nú eru birgðirnar
engar og vart hægt að sinna eftir-
spurn í vertíðarlok en eftirspurnin
jókst þá kaupendur sáu hvert
horfði svo söluhorfur fyrir næsta
ár eru frekar hagstæðar.
— Fréttaritari
Iþróttahátíð I.S.I.
28. júní -1. júlí
Opnunarathöfn
Á morgun hefst Íþróttahátíð Í.S.Í..
✓
Iþróttahátíðin er stærsti íþróttaviðburður ársins.
Opnunarathöfn Íþróttahátíðar hefst kl. 20:00 á Laugardalsvelli.
Komdu og sjáðu íþróttahreyfinguna á Islandi 1990.
Glæsileg sýningaratridi! Okeypis adgangur
s *
Iþróttasamband Islands