Morgunblaðið - 05.05.1991, Side 13

MORGUNBLAÐIÐ SUNNUDAGUR 5. MAÍ 1991
C 13
Það voru ráðgerðar 15 sýningar,
en þær eru nú orðnar eitthvað á
annað hundraðið og ekkert sýnilegt
iát á. íslendingar ættu að kannast
við formið: Afturhvarf til fortíðar,
lög 7. áratugarins. NRK gerði síðan
þátt með okkur og í framhaldi af
honum vorum við beðin um að flytja
norska framlagið í söngvakeppninni
og vorum meira að segja höfð í ráð-
um um val lagsins. Norskir voru
næstum hættir við að vera með í
ár, því lögin sem bárust þóttu ekki
nógu bitastæð og þrautalendingin
var að velja lag og flytjendur eftir
bestu samvisku.
En þetta hefur ekki mælst jafn-
vel fyrir á öllum bæjum og margir
eru hundfúlir."
Brúnaþungur brandarakarl
Það er barið að dyrum og Eiríkur
beðinn á syngjandi Guðbrands-
dælsku, að haska sér í búningadeild-
ina til að velja sér sviðsskrúða. Á
leiðinni staðfestist sagan um að
ýmsir séu súrir í bragði yfir júró-
visjóninu, þegar við mætum aftur
yfujúrónum, spaugaranum og háð-
fuglinum Jan Teigen. Hann er þung-
ur á brún og svipurinn hefur ekkert
me'ð grín og glens að gera, en minnir
sterklega á þrumuský í Dofrafjöll-
um, seint í febrúar. Eiríkur glottir
í laumi og fræðir mig á því að höf-
undur lagsins heiti Dag Kolsrud og
sé fyrrverandi hljómborðsmaður og
hjálparkokkur þeirra frægu AHA-
sveina. Við fetum okkur á milli fat-
asláa, sem á hanga þúsundir spjara
og nú gefst fágætt tækifæri að
spyija Eirík Hauksson spjörunum
Á rosabullum til Rómar
Eiríkur Hauksson rekur nú augun
í kúrekastígvél ein mikil og játar
fyrir búningahönnuðinum að hafa
aldrei í slíkt skótau komið. Hann
tekur fumlausa ákvörðun um að á
þessum stígvélum fari hann suður
til Rómaborgar og hefði Rómarför-
um fyrri tíma trúlega þótt fengur í
jafn vönduðum fótabúnaði og ekki
að efa að páfi hefði orðið langleitur
og jafnvel boðið skókaup fyrir synd-
akvittunina. Næst er það síðan förð-
unarráðuneytið þar sem hinn norski
hluti kvartettsins gengst undir hefð-
bundna hár- og andlitsmeðferð. Það
er létt yfir mannskapnum og
ábyrgðarlausar athugasemdir um
búninga og almennt útlit meðlima
eru á hraðbergi.
Textahöfundurinn er á svæðinu,
sköllóttur jakkafatamaður með
húmorinn á réttu róli. Textinn er
raulaður og orðum hnikað til, til að
auka á sönghæfni lagsins, sem heit-
ir því rammnorska nafni Mrs.
Thompson. Fávísum íslendingi er
skýrt frá því að upphaflegi textinn
sé á ensku, en það flökrar samt að
manninum að svona nafngift yrði
varla liðin á íslandi án að minnsta
kosti eins símtals í Þjóðarsálina. En
þetta eru nú hin stóru útlönd.
Heavy metal-ljúfmenni
Nú birtist Hanne Krogh með
rennblautt hárið. Hún fer ekki dult
með að hún er ánægð með íslenska
hevímetal-manninn, bæði sem
söngvara og félaga og segir að Ei-
ríki verði ekki hleypt frá Noregi í
bráð. Hún játar að vera orðin laumu-
Víkingurinn í klössun
m
Eiríkur með Hönnu Krogh og höfundinum Degi.
úr, í orðanna fyllstu merkingu.
Hafði maðurínn einhveijar efa-
semdir um þátttökuna?
„Já, heilmiklar," segir Eiríkur og
snarast úr buxunum og jafnskjótt í
aðrar. „Ég notaði gömlu góðu að-
ferðina, lagðist undir feld í 2 daga
og nætur og það sama gerði Hanne.
En við slógum til og hættum varla
við neitt úr þessu. Við lítum á þetta
sem gott tækifæri til að vinna Just
4 fun sess hér í Noregi og kannski
víðar. Ef hinsvegar „illa“ fer (í
gæsalöppum), snúum við okkur
hvert að sínum verkefnum, eins og
upphaflega var ráð fyrir gert. Satt
best að segja hef ég litlar áhyggjur
af júróvisjónþátttöku Norðmanna í
ár, ég er hér með einvalaliði og er
ekki einu sinni Norðmaður!
þungarokksaðdáandi eftir að ís-
lenski barnakennarinn útskýrði þol-
inmóður fyrir henni launhelgar
kynngi og krafts þungamálmsstefn-
unnar og sér hafi þótt merkilegt að
kynnast þungarokkaranum, prúð-
menninu og tveggja barna fjöl-
skylduföðurnum í einum og sama
Eiríknum.
En nú vil ég vita hvernig þetta
Noregsævintýri litlu íslensku kjarn-
afjölskyldunnar byrjaði?
„Þetta byijaði nú þannig að þeir
í Artch fengu mig til Iiðs við sig.
Ég fékk að auki vinnu sem forfalla-
kennari og konan mín á barnaheim-
ili, þannig að mynstrið var nokkuð
dæmigert að þungarokkinu undan-
skildu. Síðan hefur eitt tekið við af
öðru, en í dag lifi ég eingöngu af
tónlistinni og hef komið nokkuð víða
við. Ég söng til dæmis aðalhlutverk-
ið í Vesalingunum heima í Frederik-
stad og hef verið fenginn til að
syngja einsöng með kirkjukórnum.
Á sunnudögum syng ég svo í blús-
hljómsveit svo ég kvarta ekki yfir
tilbreytingarleysinu. Okkur líður vel
hér og hyggjum ekki á heimferð í
bili. Það er gott að búa í Frederik-
stad og Osló freistar okkar ekki
ennþá, að minnsta kosti.“
Þú fellur ekki inn í hina stöðluðu
ímynd rokkarans.
„Nei, ég vil fá að vera ég sjálfur
á mínum eigin forsendum og er
ekki tilbúinn að selja mig fyrir ein-
hveija ímynd. Ég syng þungarokk
af því að ég fíla þungarokk. Punkt-
ur. Ekki.þar fyrir að sögur af lí-
ferni rokkara eru oft stórlega ýktar
og jafnvel tómur uppspuni. Kiss og
Whitesnake, sem komu til íslands
og var boðið í partí, drukku varla
stakan víndropa og reyktu þaðan
af síður. Félagar mínir í Artch halda
fast í ýmsar norskar heilsubótar-
hefðir, en auðvitað eru rokkarar
misjafnir eins og allir aðrir.
Fluga á vegg
Það líður að upptöku og eftir að
hafa svarið þess dýran eið að segja
ekki nokkrum lifandi manni næstu
4 daga frá því sem heyrist og gerist
í upptökusalnum, er tíðindamanni
Morgunblaðsins leyft, einum blaða-
snápa, að fylgjast með. Ýmsir
norskir blaðamenn hefðu vafalítið
gefið uppáhaldsbírópennann sinn
fyrir að fá að vera flugur á veggn-
um, en svona er lífið, eins og segir
í gömlu sænsku dægurlagi. í dag
er flugan íslensk. í einu horni upp-
tökusalarins er 12 manna hljóm-
sveit með alvæpni að undirbúa að-
förina að Frú Thompson, með höf-
undinn Dag við flygilinn. Blásara-
sveitin gefur frá sér rokur og greini-
legt er á öliu að menn hyggjast
vanda til verksins. Tæknimenn og
'konur rása til og frá með tól og
tæki í fanginu og smám saman
kemst regla á óregluna. Það á að
byija á upptöku lagasyrpu úr Bítla-
tímasýningu Just 4 fun og brátt
hljómar Mamas og Papas-bálkur, í
bland við annað eldra góðmeti: „All
the leaves are brown/and the sky
is grey ...“
Það er með þessi lög eins og súr-
meti, þau skemmast ekki við
geymslu og þola flutning. Þeir Eirík-
ur og Jan Groth knýja 12 strengja
gítara, meyjarnar rugga sér mjúk-
lega í lendunum og það liggur í
eyrum uppi að hér fer samstilltur
flokkur góðra söngvara. Syrpunni
er rennt í gegn nokkrum sinnum
og nú er komið að alvöru lífsins:
Popplaginu um hvunndagshetjuna
hana Mrs. Thompson. Nú spá menn
og spekúlera í ergi og gríð og rýna
í útsendinguna, hvort eitthvað megi
færa til betri vegar og batnaðar.
Margt er líkt með skyldum
Eftir drykklanga hríð varpar hóp-
úrinn öndinni og kastar mæðinni.
Fram er borinn svaladiykkurinn
Solo (frmb. Súlú) og nú vaknar
spurningin um muninn á íslenskri
og norskri rokktónlist.
„Gæðin finnast mér áþekk. Nor-
egur er auðvitað stærra þjóðfélag
og pláss fyrir fleiri á markaðnum.
Hér eru meiri peningar í spiiinu og
metsöluplata á íslandi næði varla
slöku meðallagi, ef við gleymum
höfðatöluviðmiðuninni smástund.
Oslóbúar eru fyrirferðarmiklir í
bransanum hér, eins og Reykvíking-
ar heima, en til dæmis Þrándheimur
hefur sterka rokkhefð svipað og
Keflavík." Eiríkur teygar Súlúið
stórum: „Ég kann vel við mig í
norska tónlistarheiminum og eftir
þetta ævintýri verða sjálfsagt ekki
margir hér í landi, sem vita ekki
að það er til íslendingur sem heitir
Eiríkur Hauksson. Það er margt
skemmtilegt í deiglunni og fram-
undan.
Pásan er búin og Norðmenn og
Islendingar spretta á fætur. Nú á
að ráðast í sjálfa upptökuna.
Hvað heldur Eiríkur Hauksson
svo um brautargengi Frú Thompson
suður í Róm?
Og Eiríkur glottir við tönn: „Best
að segja sem minnst, en hver veit
nema Island og Noregur vinni sam-
anlagt!“
fomhjólp
Samhjálparsamkoma
verður í Fíladelfíukirkjunni í dag kl. 1 6.30.
Fjölbreytt dagskrá aó vanda. Mikill söngur
og margir vitnisburðir. Samhjálparkórinn tekur
lagið. Söngtríóið „Beiskar jurtir" syngur.
Stjórnandi: Oli Agústsson.
Allir hjartanlega velkomnir.
Samhjálp.
TIL SÖLU Á MIÐJARÐARHAFE
Jeanneau, Sun-Dream 29,6“ 9m.
3 ára seglskúta, skráð á íslandi. Er í Port
Grimaud á frönsku Rivierunni. 2 káetur
og borðstofa. Mjög vel tækjum búin.
Til sölu 50% eða 2x 25% eignarhlutur.
Upplýsingar í síma 91-611406.
Hvítasunnukappreiðar
Fáks 1991
Auglýsing um skráningu
Mótið (ei fram 16. til 20. mai 1991.
Skráningargjald verður kr. 3.000,- í allar greinar fullorð-
inna en kr. 1.000,- í barna- og unglingaflokkum.
Skráningargjald í kappreiðar kr. 2.000,-
Skráningargjald greiðist við skráningu.
Tekið verður við skráningu í eftirtaldar greinar:
A flokk gæðinga
B flokk gæðinga
Unglingaflokk 13 til 15 ára
Barnaflokk 12 ára og yngri
Tölt
150 metra skeið
Verðlaunafé: 1. kr. 20.000,-
2. kr. 10.000,-
250 metra skeið
Verðlaunafé: 1. kr. 40.000,-
2. kr. 20.000,-
250 metra stökk
Verðlaunafé: 1. kr. 10.000,-
2. kr. 5.000,-
350 metra stökk
Verðlaunafé: 1. kr. 20.000,-
2. kr. 10.000,-
800 metra stökk
Verðlaunafé: 1. kr. 40.000,-
2. kr. 20.000,-
300 metra brokk
Verðlaunafé: 1. kr. 10.000,-
2. kr. 5.000,-
Tekið verður við skráningu frá 2. til 10. maí á skrif-
stofu Fáks milli kl. 13.00 og 18.00 virka daga. Dregið
verður um keppnisröð föstudaginn 10. maí kl. 20.00.
Félagið áskilur sér rétt til að fella niður þær greinar
sem næg þátttaka fæst ekki í.
Hestamannafélagið Fákur.
Mótanefnd.