Morgunblaðið - 11.09.1991, Blaðsíða 24
24
MORGUNBLAÐIÐ MIÐVIKUDAGUR 11. SEPTEMBER 1991
Piparinn ’91
Landsmót piparsveina
og -meyja í Sjallanum
PIPARINN ’91, landsmót piparsveina og -meyja verður haldið í Sjallan-
um á Akureyri dagana 13. og 14. september næstkomandi. Piparsvein-
ar hittast nú í þriðja sinn á fagnaði, en stúlkurnar, sem kosið hafa
að kalla sig piparmyntur, oma saman í fyrsta sinn.
Piparmyntur munu koma sama á
föstudagskvöldi, 13. september og
piparsveinar á laugardagskvöld.
Dagskráin hefst með fordrykk og
piparkökum og síðan er þar til gerð-
um piparorðum nælt í þátttakendur.
Fjölmörg dagskráratriði verða í boði
á milli þess sem réttir eru bornir
fram. Hápunkturinn er kosning pip-
armyntu og piparsveins ársins.
Það eru þau Gunnar Páll Gunnars-
son og Hólmfríður Sigurðardóttir
sem annast hafa undirbúning vegna
mótsins og munu sjá um framkvæmd
þess í samvinnu við Sjallann. Til-
gangur þessa móts er að lífga upp
á skemmtanalífið og segja þau
Gunnar Páll og Hólmfríður að langt
í frá megi líta á þessa skemmtun
sem hjúskaparmiðlun. „Það er alls
Mývatnssveit:
Haustíð kom
sem hendi
væri veifað
Björk, Mývatnssveit.
SEGJA MÁ að skjótt skipist veð-
ur í lofti. Hér í Mývatnssveit var
15-20 stiga hiti um síðustu helgi
og fengu gangnamenn afbragðs-
veður. Á sunnudag var réttað í
báðum réttum, en þá fór að rigna
og jafnframt kólnaði síðdegis.
Þegar litið var út á mánudags-
morgun mátti sjá fjöll með hvítan
fald. Þann dag gekk á_ með slyddu-
éljum hér í sveitinni. Á þriðjudags-
morgun voru fjöllin hvít niður að
rótum og sums staðar jafnvel grátt
niður í byggð og hitinn aðeins 1-2
stig. Þegar leið á daginn var þó
ekki snjó að sjá nema til ijalla.
Mörgum finnst nú að við séum
óþarflega fljótt minnt á nálægð
. haustsins eftir eitt hið blíðasta og
besta gróðursumar sem menn minn-
ast um áratuga skeið.
- Kristján
ekki svo að það fólk sem hittist á
Piparnum ætii sér endilega að vera
piparsveinar- eða meyjar alla ævi,
en með þessu móti gefst fólki tæki-
færi á að skemmta sér saman og
njóta þess besta á meðan piparárin
vara.“
Umhverfis-
nefnd fund-
ar á Akureyri
UMHVERFISNEFND Alþingis
mun funda á Akureyri miðviku-
dag og fimmtudag, 11. og 12.
september.
Fundurinn er liður í því starfi
nefndarinnar að kynnast betur
málum landsbyggðarinnar með því
að halda fundi utan Reykjavíkur
eftir því sem aðstæður leyfa.
Á fundinum verður sérstaklega
fjallað um náttúrufræðistofnanir og
í því sambandi verður Náttúrufræð-
istofnun Norðurlands skoðuð. Einn-
ig mun nefndin ræða um starfs-
leyfi vegna álvers á Keilisnesi og
um fyrirhugaða Fljótsdalslínu.
Morgunblaðið/Rúnar Þór
Torgið breytir um svip
MIKLAR framkvæmdir standa
nú yfir á Ráðhústorgi á Akur-
eyri. Verið er að helluleggja
torgið, en þessi aðgerð mun
gjörbreyta svip miðbæjarins.
Akureyrarbær bauð út vinnu
við hellulögn og snjóbræðslu í
fyrsta áfanga Ráðhústorgs. Þijú
tilboð bárust í verkið. Lægst var
tilboð Vélaleigu Friðriks Bjarna-
sonar, 4.883.720 krónur. Næst-
hæst var tilboð Garðverks sf.,
6.540.500 krónur, en hæsta boðið
kom frá Garðtækni/Garðprýði,
8.169.500 krónur. Áætlun tækni-
deildar og Verkfræðiskrifstofu
Norðurlands hljóðaði upp á
7.833.000 krónur.
Ákveðið var að ganga til samn-
inga við lægstbjóðanda, en tilboð-
ið nemur rúmlega 62% af kostn-
aðaráætlun. Vinna við hellulögn-
ina og snjóbræðsluna er hafin og
eins og sjá má á mynd, sem ljós-
myndari Morgunblaðsins tók þar
í gær, breytir torgið mjög um
svip. í tengslum við þessar fram-
kvæmdir verða gerðar nokkrar
breytingar á umferð um og við
torgið og mun þá létta þeim um-
ferðarhnútum sem þar skapast
iðulega.
Launþegar eiga ekki að vera
afgangsstærð í samningum
segir Björn Snæbjörnsson, varaformaður Einingar á Akureyri
Undirbúningur samninga hefur
staðið yfir hjá Verkalýðsfélaginu
Einingu frá því snemma í vor.
Megináherslur í kröfum félagsins
eru jöfnun á tekjum og lífskjörum
launafólks. Björn Snæbjörnsson,
varaformaður Einingar, telur að
samningar á þessu hausti verði
erfiðir og það sé alvarleg stefna
að launafólk sé haft sem afgangs-
stærð þegar kökunni er skipt.
Björn sagði í samtali við Morgun-
blaðið að byrjað hefði verið snemma
að undirbúa komandi kjarasamn-
inga. Síðastliðið vor hefði verið
Ný ferðaskrifstofa á Akureyri
NOKKRIR hagsmunaaðilar á Ak-
ureyri hafa að undanförnu unnið
að því í tengslum við Atvinnumála-
nefnd að stofna öfluga ferðaþjón-
ustu á Akureyri. Fyrir liggur vilja-
yfirlýsing fimm aðila til að stofna
hlutafélag um að starfrækja nýja
ferðaskrifstofu, sem aðallega ann-
ist þjónustu við ferðamenn sem
koma til Akureyrar.
Jón Gauti Jónsson, starfsmaður
Atvinnumálanefndar Akureyrarbæj-
ar, sagði að hér væri að komast til
framkvæmda mál sem ætti að baki
margra ára umræðu, að koma á fót
á Akureyri öflugri móttökuskrifstofu
ferðamanna. í mars og apríi í vor
hefði verið stofnað til vinnuhóps til
að kanna sem flesta fleti á þessu
máli. Stefnt hefði verið að því að
virkja hagsmunaaðila í ferðamálum
til að leggja í sameiginlegan sjóð
Jóhannsbikarinn
1991
Opið öldungamót í golfi fyrir 50 ára og eldri
verður haldið á Jaðarsvelli, Akureyri, laugar-
daginn 14. september nk. og hefst kl. 10.00.
Skráning í golfskálanum í síma 22974 eða í
síma 23752 (Stefán) og skal henni lokið fyrir
föstudag 13. sept. kl. 20.00.
Nú skemmta þeir gömlu sér!
Mótanefnd.
hvort tveggja reynslu og fjármuni
og nú stæði fyrir dyrum að þeir efndu
til hlutafélags um að starfrækja hér
öfluga ferðaskrifstofu. Á þessu stigi
málsins lægi fyrir viljayfirlýsing hlut-
aðeigandi aðila þannig að lokafrá-
gangur málsins væri enn eftir.
Að þessari nýju ferðaskrifstofu
munu standa Ferðaskrifstofan
Nonni, KEA, Höldur, Flugfélag
Norðurlands og Sérleyfisbifreiðir
Akureyrar, en fleiri aðilar gætu kom-
ið til þessa samstarfs. Nýja férða-
skrifstofan mun meðal annars tengj-
ast beinum flugferðum milli Akur-
eyrar og annarra landa, en Ferða-
skrifstofan Nonni hefur einmitt
starfað sérstaklega að þeim málum.
Jón Gauti sagði að smæð fyrir-
tækja í ferðamálum hefði lengi háð
starfi þeirra. Til þess að geta staðið
fyrir þeirri kynningu og þeim auglýs-
ingum sem nauðsynlegar væru, svo
dæmi væri tekið, þyrfti töluvert fé.
Með því að stofna öflugt félag með
sterkum fjárhagsgrundvelli ætti að
vera unnt að kynna þessa ferðaþjón-
ustu á kraftmikinn og árangursríkan
hátt. Hann sagði að einhvern veginn
virtist hafa vantað ákveðinn frum-
kvöðul til að stýra öflugri ferðaþjón-
ustu á Akureyri. Vonir stæðu til
þess að hinni nýju ferðaskrifstofu á
Akureyri mætti takast að byggja upp
fjölþætta og góða þjónustu fyrir ferð-
afólk, hvaðan sem það kæmi.
kannað álit fólks á því hvaða stefnu
félagið skyldi taka. Stofnaðir hefðu
verið starfshópar og haldnir fundir
í öllum deildum félagsins og í kjöl-
far þess hefðu verið sett fram
ákveðin markmið, sem send hefðu
verið Verkamannasambandinu og
fleiri aðilum. Ástandið í þjóðmálum
undanfarið hefði þróast þannig að
menn hefðu nokkuð haldið að sér
höndum og ekki talið ráðlegt að
setja meira á blað fyrr en línur
skýrðust þar. Þessi umræddu meg-
inmarkmið væru á hinn bóginn
nokkuð almenns eðlis og fælu um-
fram allt í sér kröfu um jöfnun á
tekjum og lífskjörum og leiðir til
að nálgast það mark.
Spurður um hugmyndir að lág-
markslaunum kvað Björn óvarlegt
og aldrei til bóta á þessu stigi mála
að nefna tölur eða ákveðnar upp-
hæðir um lágmarkslaun. Aðalatrið-
ið væri að ná sem bestum samning-
um fyrir verst launaða fólkið,
tryggja kaupmátt þess og auka
hann. Ýmsar hliðarráðstafanir, aðr-
ar aðgerðir en að auka krónufjöld-
ann í launaumslaginu, hefðu und-
anfarið komið sér best fyrir þá sem
lægst hafa launin. Meginspurningin
væri ekki sú hversu margar krónur
færu í umslagið heldur hve mikið
væri hægt að kaupa fyrir það sem
í umslaginu væri.
Björn Snæbjörnsson sagði ljóst
að þjóðarsáttarsamningarnir marg-
umræddu hefðu að mörgu leyti tek-
ist vel, einkum framan af, fram
undir vorið. Þeir hefðu skilað
ákveðnum árangri. Hins vegar hefði
nú ýmislegt brugðist, einkum
bankavaldið og svo ríkisvaldið, sem
færi fram með því að auka álögur
á fólkið. Það væri ljóst að það
gæti ekki gengið að auka fyrst álög-
ur og ætla svo að semja um ein-
hvern stöðugleika þar sem fólk
fengi ekkert bætt það sem á það
hefði verið lagt. Vissulega væri
umræðugrundvöllur um stöðugleika
fyrir hendi en það gæti aldrei orðið
með því móti að annar aðilinn fengi
það sem hann vildi og hinn fengi
ekki neitt.
Bjöm taldi mikilvægt að Alþýðu-
sambandið hefði yfirstjórn á kom-
andi samningum. Samstaða og
heildarsamtök væru án efa sterkust
gegn atvinnurekendum og ríkis-
valdi. Sérmál ýmissa sérsambanda
þyrfti vissulega að ræða á vegum
þeirra sjálfra, en heildarpakkinn
væri best kominn hjá Alþýðusam-
bandinu sjálfu.
Björn sagði ennfremur að á síð-
asta ári hefði verið mikill uppgang-
ur og gróði hjá mörgum fyrirtækj-
um vegna þess meðal annars að
fjármagnskostnaður hefði minnkað
og stöðugleiki aukist. Nú væri ann-
að upp á teningnum. Fjármagns-
kostnaðurinn væri á uppleið og í
kjölfar þess trúlega verra gengi
fyrirtækja. Hins vegar teldi hann
engin rök fyrir því að launþegar
væru afgangsstærð, sem fengi
skammtað það sem eftir væri, ef
eitthvað væri eftir, þegar allir aðrir
væru búnir að hirða sitt, bankar,
ríkið og fleiri aðilar. Það væri ekki
óeðlilegt að snúa dæminu við og
láta launþega fyrst fá launin og
skipta kökunni síðan milli hinna.
Hann sagðist ekki þekkja nokkurt
dæmi þess að fyrirtæki hefði farið
á hausinn vegna mikils launakostn-
aðar. Það væru aðrar ástæður sem
yllu ef rekstur gengi illa.
Björn sagði að samningar væru
lausir nú 15. september. Framund-
an væri erfiður tími. Það væri ör-
uggt mál að samningar á þessu
háusti yrðu erfiðir.