Morgunblaðið - 18.09.1991, Side 44

UNIX
FRAMTÍÐARINNAR
HEITIR:
IBM AIX
MIÐVIKUDAGUR 18. SEPTEMBER 1991
VERÐ I LAUSASOLU 100 KR.
Seiðarannsóknir Hafrannsóknastofnunar:
Lélegxir árgangur
þorsks 6. árið í röð
Mikið af loðnuseiðum út af Norðurlandi
NIÐURSTAÐA seiðarannsókna Hafrannsóknastofnunar í ágúst bend-
ir til að þorskárgangurinn 1991 verði hinn sjötti í röð lélegra ár-
ganga. Hins vegar mældist mikið af loðnuseiðum sem eru útbreidd,
sérstaklega fyrir Norðurlandi. Rannsókn á fjölda og útbreiðslu fisk-
seiða fór fram á tveimur rannsóknaskipum í ágúst og var gerð út
af Vestur-, Norður- og Austurlandi og við Austur-Grænland og í
Grænlandshafi. Mjög lítið reyndist vera af þorskseiðum og hefur
fjöldi þeirra ekki mælst jafn lítill í ágústmánuði áður.
Jakob Jakobsson forstjóri Haf-
rannsóknastofnunar segir að
niðurstöðumar gefi nokkuð
ákveðna vísbendingu um að ár-
gangur þorsks í ár sé lélegur. „Við
notum ekki niðurstöður úr seiða-
Fyrirtæki Ólafs Laufdal:
Almennar kröfur
304 millj. króna
ALMENNUM kröfum að upphæð
rúmar 304 milljónir kr. var lýst í
fjögur gjaldþrota fyrirtæki i eigu
Olafs Laufdal og fjölskyldu hans.
Forgangskröfur eru 24,7 milljón-
ir króna. Launa-, orlofs- og lífey-
risiðgjaldakröfur nema tæpum 36
milljónum króna. Bústjóri þrota-
bús Veitingahússins Álfabakka 8
hf. leggur til að skiptastjóra verði
falið að vekja athygli ríkissak-
sóknara á meintum brotum
stjórnarmanna í þrotabúi félags-
ins á hegningarlögum og lögum
um hlutafélög.
í skýrslu bústjóra, Rúnars Mog-
^ensen hæstaréttarlögmanns, segir
að vegna sameiginlegra ábyrgða fé-
laganna hafi verið óhjákvæmilegt
að þau yrðu öll gefin upp til gjald-
þrotaskipta á sama tíma. Meðal
stærstu kröfuhafa í bú hvers annars
eru þannig þrotabú Ólafs Laufdal
hf. og þrotabú Veitingahússins Póst-
hússtræti 11 hf., þrotabú Veitinga-
hússins Álfabakka 8 hf. og þrotabú
Veitingahússins Ármúla 5 hf., sem
öll voru í eigu Ólafs Laufdal og fjöl-
skyldu hans. Alls nema þessar kröf-
ur 97,8 milljónum króna.
Aðrir stórir kröfuhafar eru Bún-
aðarbanki íslands með rúmar 28
milljónir kr. og Gjaldheimtan í
Reykjavík með tæpar 6 milljónir
kr., en alls var lýst 334 kröfum í
þrotabúin.
talningu við framreikninga á stærð
stofnsins og bíðum því frekari upp-
lýsinga," sagði Jakob.
Leitarskipin fundu einkum
þorskseiði á grunnslóð norðanlands
en annars staðar varð þeirra aðeins
vart í mjög smáum stíl. Einnig
fannst lítið af ýsuseiðum, aðallega
út af vestanverðu Norðuriandi og
Vestfjörðum, sem bendir einnig til
lélegs árgangs að mati fískifræð-
inga. í ýsustofninum eru þó tveir
góðir árgangar nú í uppvexti, frá
1989 og 1990.
Mikið mældist af loðnuseiðum í
leiðangrinum og eru þau útbreidd.
Langmest var af þeim út af
Norðurlandi en einnig var talsvert
rek loðnuseiða um Dohrnbanka til
Grænlands. Var stærð þeirra í
meðallagi. „Það er mjög góður
efniviður í stóran loðnuárgang en
aðstæður í sjónum hafa mikil áhrif
á uppvöxt stofnsins og því er of
snemmt að segja til um hvað úr
honum verður,“ sagði Jakob.
Mjög mikið var af karfaseiðum
í Grænlandshafi og við Austur-
Grænland sem er meiri fjöldi en
sést hefur frá árinu 1973. Þá
fannst mikið af sandsílum og meira
en oft áður en sandsílin eru mikil-
væg fæða ýmissa nytjastofna.
Morgunblaðið/Þorkell
Rafmagnsstaur verður kross
Brotinn rafmagnsstaur, sem lá á jörðinni neðan við Meðferðarstöðina
á Vogi í Grafarvogi, var í gær fluttur yfir á lóð væntanlegrar kirkju
í Grafarvoginum. Að sögn Vigfúsar Þórs Árnasonar sóknarprests,
er þetta stór steinsteyptur staur sem sagaður hefur verið til og mun
standa um ókomna tíð sem kross við kirkjuna.
Byggðastofnun segir Atvinnutryggingasjóð vera gjaldþrota:
1,4 milljarða ríkisframlag
nauðsynlegt á næsta ári.
Vaxtamunur sjóðsins neikvæður í framtíðinni
Sérviðræð-
ur að hefjast
UNDIRBÚNINGUR fyrir
sérviðræður sérsambanda og
félaga _ innan Alþýðusam-
bands íslands er nú víðast
hvar á lokastigi vegna sér-
mála í kröfugerð hvers fé-
lags.
Guðmundur Þ. Jónsson, for-
maður Landsambands iðnverka-
fólks, segir að óskað verði eftir
viðræðufundi við viðsemjendur
í næstu viku. Á vettvangi
Verkamannasambands íslands
er nú unnið að því að ljúka kröf-
ugerð næstkomandi mánudag,
að sögn Snæs Karlssonar, for-
manns fiskvinnsludeildar sam-
bandsins. Er búist við að við-
ræðufundir hefjist hjá mörgum
félögum í næstu viku.
Undirbúningsnefnd ASÍ
vegna kjarasamninganna ákvað
í síðustu viku að viðræður land-
sambanda og sérsambanda færu
fram um sérmál þeirra áður en
rætt yrði um sameiginleg mál.
BYGGÐASTOFNUN segir að atvinnutryggingadeild stofnunarinnar
vegna skuldbindinga Atvinnutryggingasjóðs þurfi 1.415 milljóna
króna framlag á næsta ári, svo hún geti staðið í skilum með greiðsl-
ur af lánum. Eðlilegast sé að þetta fjármagn komi sem framlag þar
sem deildin sé nú gjaldþrota og því ekki lánshæf. Þá telur Byggða-
stofnun, að vaxtamunur atvinnutryggingadeildar verði neikvæður í
framtíðinni, þannig að tap ríkisins vegna útlána Atvinnutrygginga-
sjóðs útflutningsgreinanna verði meira en þær 1.760 milljónir, sem
Ríkisendurskoðun áætlaði í nýlegri skýrslu.
skrifaðar á
Þetta kemur fram í greinargerð,
sem Guðmundur Maimquist for-
stjóri Byggðastofnunar, fyrir hönd
stjórnar stofnunarinnar, hefur sent
forsætisráðherra um skýrslu Ríkis-
endurskoðunar. Þar kemur einnig
fram, að yfir 50 mál séu í uppboðs-
meðferð vegna vanskila á lánum
úr Atvinnutryggingasjóði. „Því
miður hefur umtal í þjóðfélaginu
torveldað innheimtu þessara lána
og virðist svo sem einhveijir standi
í þeirri trú að ekki eigi að inn-
heimta þau,“ segir orðrétt í grein-
argerðinni.
Friðrik Sophusson starfandi for-
sætisráðherra sagði við Morgun-
blaðið, að þessi greinargerð stað-
festi þau gífurlegu vandræði sem
ríkið stæði frammi fyrir vegna
þessara sjóða. „Þetta staðfestir að
svokallaðar björgunaraðgerðir
fyrrverandi ríkisstjórnar voru
reikning þeirrar
næstu,“ sagði Friðrik. Hann sagði
að engin ákvörðun hefði verið tek-
in um framlag til atvinnutrygg-
ingadeildar í fjárlagafrumvarpi
fyrir næsta ár, en þessi mál yrðu
til umræðu á næstunni.
Byggðastofnun telur ekki útlit
fyrir að hlutafjárdeild stofnunar-
innar þurfi framlag af fjárlögum
á næstu árum vegna skuldbindinga
sinna. Byggðastofnun hefur falið
Landsbréfum hf. að meta verð-
mæti hlutafjár í eigu Hlutafjár-
sjóðs en í greinargerð forstjórans
kemur fram, að sjóðurinn hafi selt
hlutafé í einu fyrirtæki og ávaxti
nú söluverðið í verðbréfum. Þá
hafi tilboð borist í hlutafé í nokkr-
um félögum og ljóst að gengi bréfa
hafi hækkað í sumum tilvikum.
Atvinnutryggingasjóður og
Hlutafjársjóður voru stofnaðir af
síðustu ríkisstjórn árin 1988-9 til
að reyna að leysa fjárhagsvanda í
útflutningsgreinum. Byggðastofn-
un hefur nú verið falið að inn-
heimta lán Atvinnutryggingasjóðs
og sjá um hlutafé í eigu Hlutafjár-
sjóðs, og eru báðir sjóðimir að
forminu til deildir í Byggðastofn-
un. Guðmundur Malmquist tekur
sérstaklega fram greinargerð um
fjárhag Byggðastofnunar, að staða
og horfur sjóðanna tveggja komi
fjárhag Byggðastofnunar ekki við.
Ríkissjóður sé ábyrgur fyrir
sjóðunum en þeir séu hvor. um sig
fjárhagslega sjálfstæðir.
Verð á saltfiski
sjaldan hærra
„VERÐ á saltfiski hefur sjaldan eða aldrei verið eins hátt og núna og
við sjáum fram á nokkuð góða tíma fram að áramótum," segir Magn-
ús Gunnarsson framkvæmdastjóri Sölusambands islenskra fiskfram-
leiðenda. Þrátt fyrir þetta háa afurðaverð telja Samtök fiskvinnslu-
stöðva saltfiskvinnsluna rekna með 8,8% halla vegna mikillar hækkun-
ar á hráefnisverði og greiðslna í Verðjöfnunarsjóð.
Magnús Gunnarsson upplýsir að
mikil eftirspurn sé til dæmis eftir
ufsa, löngu og keilu og verð á þess-
um tegundum hafí hækkað verulega
að undanfömu. „Við erum búnir að
selja saltfísk fyrir 7-8 milljarða
króna í ár en allt síðastliðið ár seld-
um við saltfisk fyrir um 12 milljarða
króna. Birgðir í markaðslöndunum
eru frekar litlar og framboðið er
ekki mjög mikið annars staðar frá.
Vertíðin í Kanada hefur alveg brugð-
ist og þess vegna erum við nokkuð
bjartsýnir á að afskipanir geti orðið
mjög hraðar á næstu vikum,“ bætir
Magnús við.
Sjá nánar í Úr verinu bls. Bl.