Morgunblaðið - 08.08.1992, Blaðsíða 28

MICROSOFT. einar j.
WlNDOWSi skúlasonhf
MORGUNBLADW, AÐALSTRÆTÍ 6, 101 REYKJA VÍK
SIMI 691100, SÍMBRÉF 691181, PÓSTHÚLF ÍSSB / AKUREYRI: HAFNARSTRÆTl 85
LAUGARDAGUR 8. ÁGÚST 1992
VERÐ í LAUSASÖLU 110 KR.
Hagkaup kaupir
helming í Bónus
Verslunarkeðjumar með um 30% hlut í matvöruverslun á landinu
að sögn forsvarsmanna fyrirtækjanna. Kaupverð ekki gefið upp
HAGKAUP hefur keypt helmingshlut í Bónusverslununum og taka
kaupin einnig til tveggja 10-11 verslana sem Bónus hefur átt aðild að.
Verslanakeðjurnar sameiginlega eru með um 30% hlutdeild í matvöru-
versluninni á landsvísu og rúmlega 35% hlutdeild á suðvesturhorninu,
að sögn forsvarsmanna fyrirtælqanna. Þeir segja að fyrirtækin verði
áfram rekin sjálfstætt að öllu leyti og i samkeppni hvert við annað.
Kaupverðið er trúnaðarmál og fæst ekki gefið upp.
Sigurður Gísli Pálmason, stjóm-
arformaður Hagkaups, og Jóhannes
'Jónsson í Bónus, sögðu í samtali við
Morgunblaðið að kaupin væru gerð
til þess að styrkja stöðu beggja fyrir-
tækjanna og búa þau undir hugsan-
lega samkeppni erlendis frá með til-
komu Evrópsks efnahagssvæðis.
Með sameiginlegum innkaupum fyr-
irtækjanna sé hægt að ná fram
stærðarhagkvæmni sem geri mögu-
legt að lækka vöruverð, sem muni
koma neytendum til góða.
Aðspurðir neita þeir því að kaupin
hafi verið gerð vegna þess að sam-
keppnin hafi verið að verða þeim
ofviða. Fyrirtækin gangi til þessa
samstarfs á grundvelli styrkleika
síns. Þetta sé sama þróun og eigi sér
stað alls staðar í Evrópu. Þar sé
verslunarkeðjum að fækka og þær
séu að stækka til að standast fyrirsjá-
anlega aukna samkeppni. Að auki
samrýmist reksturinn vel þar sem
Hagkaup, Bónus og 10-11 verslan-
imar bjóði fólki upp á þijá máta til
þess að versla á. Bónus leggi höfuðá-
herslu á lágt vömverð, Hagkaup á
meira vömúrval, þjónustu og lengri
opnunartíma og 10-11 upp á lengst-
an opnunartíma fyrir fólk sem vill
versla þegar því henti. Þessi þijú
verslunarform geti þrifist vel hlið við
hlið og veitt hvert öðm aðhald, þar
sem þau verði öll rekin sjálfstætt.
Hins vegar geti fyrirtækin gert inn-
kaup sameiginlega þegar það henti.
Þau geti í miklu ríkara mæli keypt
beint af framleiðendum erlendis og
hér og það muni skila sér í betri
kjömm. Ef þeir standi sig ekki í
samkeppninni muni hún sjá til þess
að nýir aðilar komi fram.
„Við göngum til þessa samstarfs
í upphafi með blendnum huga. Við
höfum verið í hörkusamkeppni. Það
er búið að vera virkilega gaman og
við vonum að við verðum í hörkusam-
keppni og það verði áfram gaman.
Það er ekkert gaman í verslun ef
kúnninn er ekki ánægður," sögðu
þeir ennfremur.
Sjá nánar á miðopnu bls. 14-15.
Samstarfsmenn
Jóhannes Jónsson í Bónus og Sigurður Gísli Pálmason í Hagkaup;
Morgunblaðið/Kristinn
fyrir framan bíl frá Bónus
SVAMLAÐ í SUNDLA UGINNI
Morgunblaðið/Bjami
Aukin samkeppni í laxveiðiheiminum
Island allt að
þrefalt dýrara
VERÐHÆKKANIR laxveiðileyfa hérlendis sem byggðust upp á níunda
áratugnum fengu staðist vegna lítillar samkeppni frá öðrum löndum,
að sögn Michaels Fitzgerald, forsljóra Bandarísku ferðaskrifstofunnar
Fishing Frontiers, sem hefur selt veiðiferðir til íslands í 22 ár. Nú sé
hins vegar svo komið, að útlendingum finnist verðið hér of hátt, og
muni ekki koma fyrr en það stendur til bóta. „Mér þykir vænt um
Island og fer þangað á hveiju sumri til að veiða,“ sagði hann. „En það
er Uóst að landeigendur verða að taka tillit til efnahags- og markaðsað-
stæðna svo við megum sjá breytingu til batnaðar."
Að mati Fitzgeralds er samkeppn-
in frá hinum nýju laxveiðisvæðum á
Kólaskaga einna varhugaverðust.
Þar væri mun ódýrara að veiða, auk
þess sem veiði væri meiri og fiskarn-
ir stærri. í sama streng tekur George
Steveson, annar forstjóra Kola Salm-
on Ltd. í London. Hann segir að á
Bretlandi hafi ísland á sér dulúðleg-
an blæ sem laxveiðiland, og þar sé
einungis stórlöxum með auraráð
kleift að stunda veiðimennsku.
Sex daga veiði í einni af betri ís-
lensku ánum kostar um 400 þúsund
krónur. Sjö dagar í Kanada, þar sem
jafnvel er meiri veiðivon og fiskarnir
stærri, kosta um 120 þúsund krón-
ur. Á Kólaskaga hófst veiði að ein-
hverju marki í fyrra og hitteðfyrra,
en þangað má komast í sæmilega á
fyrir 200 þúsund krónur, og er þá
flug frá og til London innifalið. Bestu
ámar á Kólaskaga kosta hins vegar
um 350 þúsund krónur, samkvæmt
upplýsingum frá viðmælendum
Morgunblaðsins.
I sunnudagsblaði Morgunblaðsins
verður nánar fjallað um þessi mál.
Fimm
útköll á
4 tímum
Sigurður Líndal telur lagagrein um framsal valds bijóta í bága við stjórnarskrána
Nefnd um fiskveiðislj órnun
lmfi álitsgerðina til hliðsjónar
- segir Davíð Oddsson forsætisráðherra
DAVÍÐ Oddsson forsætisráðherra segir eðlilegt að nefnd um endur-
skoðun laga um stjórnun fiskveiða taki til sérstakrar athugunar álits-
gerð Sigurðar Líndal lagaprófessors við endurskoðun laganna. Sig-
urður telur að 3. grein laga um stjórnun fiskveiða, um að ráðherra
sé framselt vald til að ákvarða um þann heildarafla sem veiða má,
bijóti í bága við 69. grein íslensku stjórnarskrárinnar.
" Davíð Oddsson segir að álit Sig-
*urðar Líndal sé mjög afgerandi
varðandi það að framsal valds með
þeim hætti sem þama hafí verið
gert bijóti í bága við 69. grein
stjórnarskrárinnar. „Ríkisstjómin
ræddi þetta í gær. Það er ljóst að
það er verið með nefndarstarfi að
undirbúa endurskoðun á núverandi
lögum um stjóm fiskveiða. Það er
eðlilegt að þetta atriði komi sérstak-
lega til athugunar þar og frekari
lögfræðilegrar skoðunar," sagði
Davíð.
Þorsteinn Pálsson sjávarútvegs-
ráðherra segir það nýtt að fræði-
menn túlki þetta ákvæði stjórnar-
skrárinnar svo þröngt. Hann segir
það mikið íhugunarefni hvar mörk
um framsal á valdi til ráðuneyta
eigi að liggja. „Ef hins vegar þetta
yrði almennt talin rétt túlkun sýnist
mér í fljótu bragði að hún myndi
hafa mjög víðtæk áhrif á alla stjórn-
sýslu. Mér sýnist að það yrði mjög
erfitt að koma við markvissri vemd-
un og stjórn á nýtingu fiskistofn-
anna,“ sagði Þorsteinn.
Álitsgerðin var samin að beiðni
Kristins Péturssonar, stjórnarfor-
manns í Félagi um nýja sjávarút-
vegsstefnu. Kristinn sagði að hann
hefði margsinnis varað við því opin-
berlega að 3. grein laga um stjórn
fiskveiða bryti í bága við stjórnar-
skrána. „Nú er tækifærið, það er
verið að endurskoða lögin og á þeim
em margir og ljótir gallar. Lögin
voru afgreidd með hrossakaupum
og hroðvirkni og það er skylda allra
aðila sem era að endurskoða lögin
að ríghalda ekki í einhveija ímynd-
aða hagsmuni heldur að semja
vandaða löggjöf með almennum
leikreglum þar sem jafnréttisreglan
og grundvallarmannréttindi eru í
heiðri höfð,“ sagði Kristinn.
Jónas Haraldsson lögfræðingur
Landssambands íslenskra útvegs-
manna segir að hann telji að álit
Sigurðar Líndals eigi ekki við rök
að styðjast. Jónas kveðst álíta að
með 3. greininni sé ekki verið að
skerða atvinnuréttindi. Auk þess
bendir Jónas á að löng hefð sé fyr-
ir því að Alþingi veiti framkvæmda-
valdinu heimildir með lögum, sam-
bærilegar við það sem kveðið er á
um í 3. greininni.
Sjá ennfremur á miðopnu.
SLÖKKVILIÐIÐ í Reykjavík
átti erilsaman dag í gær,
föstudaginn 7. ágúst. Fimm
útköll komu síðdegis en ekk-
ert þeirra reyndist alvarlegt.
Slökkviliðið í Reykjavík var
fyrst kallað út um hálftvöleytið
vegna þess að maður hafði fest
sig í færibandi við Stangarhyl.
Þegar Slökkviliðið kom á stað-
inn var búið að losa manninn.
Um klukkan tvö komu tvö
útköll, annað vegna elds í skúr
við Skúlagötu 40B og hitt
vegna elds í þaki Hólabrekku-
kóla en þegar slökkviliðsmenn
mætu á þessa staði var búið
að slökkva báða eldana.
Fjórða útkallið kom tuttugu
mínútur fyrir fjögur. Þá var
tilkynnt um bensín sem hafði
lekið niður við söluturninn
Staldrið og hreinsuðu slökkvi-
liðsmenn það upp. Fimmta út-
kallið kom síðan rétt fyrir séx
en þá hafði kviknað í netadræs-
um sem skildar höfðu verið eft-
ir í gröfukjafti við Sörlaskjól
og slökktu slökkviliðsmenn í
þeim.