Morgunblaðið - 29.10.1992, Síða 28

MORQUNBLAÐIÐ FIMMTUDAGUR 29. OKTOBER 1992
AKUREYRI
Morgunblaðið/Rúnar Þór
Gróðursett í frosti og nepju
Það hefur sjálfsagt oft viðrað betur á þá sem eru að gróðursetja,
en gerði í gær þegar félagarnir Ari Gunnar og Jón Hrói voru að
gróðursetja reyniplöntur á svæði austan Hlíðarbrautar. Nýhafinn
vetur minnti á sig með frosti og nepju, en þeir létu það ekki á sig
fá, drengirnir, enda er ætlunin að gróðursetja um 140 reyniplöntur
á þessum stað nú í haust og því eins gott að vera við öllu búinn.
Stefnir í að skráðir atvinnuleysisdagar verði 15 þúsund á þessu ári
Iðja, félag verksmiðjufólks
Fækkað um 300 heil störf í fram-
leiðsluiðnaði á tæpum fimm árum
Á TÆPUM fimm árum hefur
fækkað um 300 heil störf í fram-
leiðsluiðnaði á Akureyri. Frá því
í janúar árið 1987 hefur félags-
mönnum í Iðju, félagi verk-
smiðjufólks á Akureyri, fækkað
um 289 virka félaga, en áætlað
er að sú fækkun jafngildi 213
heilum störfum í iðnaði. Hjá Iðju
hefur verið tekið saman yfirlit
yfir fjölda atvinnulausra á tæp-
lega 12 ára tímabili og virðist
allt benda til þess að í ár verið
skráðir um 15 þúsund atvinnu-
leysisdaga hjá félagsmönnum
Iðju, sem er það mesta á þessu
tímabili.
Frá því í janúar árið 1987 og þar
til nú má ætla að fækkað hafi um
300 störf í framleiðsluiðnaði á Ak-
ureyri og sagði Kristín Hjálmars-
dóttir formaður Iðju að mikil um-
skipti hefðu orðið á. Á árunum fyr-
ir 1987 hefði gróska verið í ýmsum
greinum framleiðsluiðnaðar í bæn-
um, m.a. fataiðnaði, en síðan hefði
mjög sigið á ógæfuhliðina. Við sam-
runa_ Iðnaðardeildar Sambandsins
og Álafoss hefði starfsfólki verið
fækkað mikið, þá hefði starfsemi
saumastofunnar Heklu verið lögð
niður og eins mokkaskinnssauma-
stofa. „Þessu er ekki lokið, það er
enn nánast stöðugt verið að draga
saman og fækka starfsfólki og það
á eftir að bætast við,“ sagði Kristín.
Um 300 manns eru nú á atvinnu-
leysisská á Akureyri og stefnir allt
í að þeim muni fjölga upp í um 350
fyrir áramót, að sögn Kristínar
verði ekkert að gert. „Þetta er það
svartasta sem við höfum séð. Vissu-
lega var dapurt ástand hér á árun-
um 1968-’69, en þá höfðu menn
tækifæri til að flýja til Norðurland-
Dömukvöld
Þórs í Hamri
DÖMUKVÖLD Þórs verður hald-
ið í félagsheimilinu Hamri við
Skarðshlíð næstkomandi laugar-
dagskvöld, 31. október, og hefst
það kl. 19.00.
Tekið verður á móti gestum með
hænustéli kl. 19, en borðhald hefst
klukkustund síðar eða kl. 20.
Veislustjóri verður Sunna Borg.
Gestum gefst kostur á að reyna
sönghæfileika sína, en Inga Sæland
mætir með karaoke-vél og Félag
hárgreiðslu- og hárskerameistara
sýnir það nýjasta á sviði hár-
greiðslu og þá verður tískusýning
og margt fleira á dagskránni.
Miðapantanir verða í Hamri frá
kl. 16 til 23 þessa viku, en síðustu
forvöð til að tryggja sér miða er á
föstudag, 30. október.
(Fréttatilkynníng)
anna eins og margir gerðu. Sú staða
er ekki fyrir hendi nú og það er
ekkert nýtt í burðarliðnum. Mér
heyrist á mínu fólki að því finnist
ástandið verra nú en var á þessum
árum,“ sagði Kristín.
í samantekt á greiddum atvinnu-
leysisbótum hjá Iðju frá árinu 1981
kemur fram að til septemberloka á
þessu ári voru skráðir atvinnuleys-
isdagar 11.676 og stefnir allt í að
þeir verði um 15 þúsund í árslok,
sem er það mesta sem skráð hefur
verið áþessu 12 áratímabili. Minnst
var atvinnuleysið árið 1984 þegar
skráðir voru 3.315 atvinnuleysis-
dagar hjá félaginu, en á síðustu
tveimur árum hafa atvinnuleysis-
dagar meðal félagsmanna farið yfir
12 þúsund.
Freyvangsleikhúsið
Kabarettinn Qua? Ups!
sýndur um helgina
Ytri-Tjörnum.
FÉLAGAR í Freyvangsleikhús-
inu hafa undanfarnar vikur sam-
ið og æft upp sinn árleg kaba-
rett, sem að þessu sinni ber nafn-
ið; Qua? Úps!
Alls taka um 30 manns þátt í
sýningunni, en sýnt verður um helg-
ina í Freyvangi, bæði föstudags-
og laugardagkvöld. Á föstudags-
sýningunni verður boðið upp á
kaffíhlaðborð, en dansleikur verður
að lokinni sýningu á laugardags-
kvöldið.
Venjan hefur verið sú að gera
góðlátlegt grín að íbúum sveitarinn-
ar í hinum árlegu kabarettum, sem
og ýmsum þeim atburðum sem upp
hafa komið í daglega lífinu.
Mikil gróska hefur verið í Frey-
vangsleikhúsinu á undanförnum
misserum, og er skemmst að minn-
ast uppfærslu félagsins á rokkóper-
unni, Jesus Christ Superstar, eða
Messíasi Mannssyni sem sýnd var
alls 27 sinnum og ávallt fyrir fullu
húsi.
Benjamín
Fyrirhugaðar miklar úrbætur í fráveitumálum
Allt frárennsli verður grófhreinsað
og því veitt um 600 metra út í sjó
Lögn lögð meðfram strandlengjunni og byggðar dælustöðvar á nokkrum stöðum
minnst við Pollinn," sagði Gunnar.
Frumkostnaðaráætlun við fram-
kvæmdirnar eru um 750 milljónir
króna og þá er áætlað að kostnaður
við rekstur, viðhald og orkukaup
verði um 65 milljónir króna á ári.
Hversum stórum hluta frárennslis
verður hleypt um yfírföllin hefur
enn ekki verið ákveðið, en það skipt-
ir afar miklu máli um endanlegan
kostnað að sögn Gunnars. Hann
sagði að einn liður þessa máls væri
að reyna að draga úr vatnsnotkun
stærstu fyrirtækja bæjarins, en
hann nefndi sem dæmi að hjá Út-
gerðarfélagi Akureyringa væri
vatnsnotkunin á við 5.000 manna
íbúabyggð.
Lagt er til að verkinu verði skipt
í áfanga, en fyrsta markmiðið er
að bæta ástandið í Pollinum og því
verður fyrsta skrefið að fjarlægja
frárennsíi frá sjúkrahúsinu þaðan,
en síðan er ætlunin að fikra sig
smám saman norður á bóginn og
hefja framkvæmdir á Oddeyrar-
tanga og í þriðja áfanga verður
farið frá Glerá og í Sandgerðisbót.
Þá þarf að leggja lögn frá Krossa-
nesi og suður í Bótina, en fimmti
áfangi er bygging aðalútrásar og
loks er sjötti og síðasti áfangi verks-
ins, sem er bygging mannvirkis til
grófhreinsunar.
Á aðallögninni verða fjórar dælu-
stöðvar, við Höepfner, miðbæ, Odd-
eyrartanga og Krossanes auk dælu-
stöðvar við aðalútrásina. Á nokkr-
um stöðum sem liggja sjávarmegin
við aðallögn þarf að dæla frá ein-
stökum stöðum upp í aðallögnina,
auk þess sem frárennsli frá FSA
verður dælt í lögn í Þórunnarstræti
sem nú fer til sjávar við ósa Glerár.
þannig að öll föst efni sitja eftir.
Gunnar sagði hugmyndina að
leggja lögn meðfram strandlengj-
unni eða sem næst henni og að
væntanlegum útrásarstað sem
verður norðan smábátahafnarinnar
í Sandgerðisbót. Þar verður skólp-
inu veitt út á 40 metra dýpi um
600 metrum frá landi. „Það er
óheyrilega dýrt að byggja full-
komna hreinsistöð, svo að leita varð
AÆTLAÐ er að á næstu árum verði miklar úrbætur gerðar í frá-
veitumálum á Akureyri, sem samkvæmt frumkostnaðaráætlun er
gert ráð fyrir að kosti um 750 milljónir króna. Samkvæmt áætlun-
inni verður lögð lögn meðfrain allri strandlengjunni að útrásarstað
skammt norðan Sandgerðisbótar þar sem allt frárennsli verður gróf-
hreinsað og því síðan veitt út á 40 metra dýpi um 600 metra frá
landi. Þá er gert ráð fyrir að byggðar verði nokkrar dælistöðvar
við aðallögnina, en fyrsta skrefið í áætluninni er að bæta ástandið
í Pollinum.
Gunnar Jóhannesson verkfræð-
ingur hjá Akureyrarbæ, sem um-
sjón hefur haft með þessum málum
fyrir hönd bæjarins sagði að fyrir
nokkru hafí verið ákveðið að gera
áætlun um úrbætur í fráveitumál-
um á Akureyri og fyrir Iiggi nú
skýrsla sem unnin var af verkfræði-
stofunni A.R. Reinertsen í Þránd-
heimi í Noregi, en hún hefur sér-
hæft sig í þessum málum. Megin-
markmiðin voru m.a. að minnka
mengun á strandsvæðum, fækka
útrásum með sniðlögnum og velja
útrásarstað þannig að hámarksnýt-
ing náist á viðtaka. I skýrslunni er
gert ráð fyrir tveimur möguleikum
og að sögn Gunnar hefur verið lagt
til að annar þeirra verði valinn.
Báðir byggja þeir á því að um gróf-
hreinsun skólps verði að ræða.
Til grundvallar skýrslu Norð-
mannanna liggja m.a. straummæl-
ingar og mengunarrannsóknir innst
í Eyjafírði sem verkfræðistofan
Vatnaskil í Reykjavík notaði síðan
til að setja upp reiknilíkan af
straurnum svo hægt væri að velja
útrásarstað, sem uppfyllti kröfur
mengunarvarnarreglugerðar. Eftir
að skýrsla Vatnaskila lá fyrir varð
niðurstaðan sú, að sögn Gunnars,
að ekki væri ástæða til annarrar
hreinsunar á skólpi en grófhreins-
unar, þ.e. að allt skólp fer í gegnum
sigti áður en því er hleypt í sjóinn
náttúrulegri lausna, en hreinsunar-
hæfileiki sjávar er mikill, þar drep-
ast bakteríur tiltölulega fljótt,“
sagði Gunnar.
Ekki er ætlunin að dæla öllu því
vatni sem i fráveitukerfið kemur
alla þessa leið. I stórrigningum og
hlákum þegar vatnsmagn er hvað
mest verður hluta vatnsins veitt
framhjá dælulögnum og beint út í
sjó, þar sem ekki er fjárhagslega
gerlegt að byggja lagnakerfið á
þann hátt að það getið tekið þessa
örfáu, en geysistóru toppa, en að
sögn Gunnars eru áhrif þess á
mengun við ströndina þó nánast
engin. „Með þessum aðgerðum
verður unnt að uppfylla kröfur
mengunarvarnareglugerðar og
mengun á strandsvæðinu hér við
bæinn verður nánast engin og allra
Morgunblaðið/Rúnar Þór
Lögð verður lögn meðfram allri strandlengjunni við Akureyri að
útrásarstað við Sandgerðisbót þar sem allt frárennsli verður gróf-
hreinsað og því veitt út á 40 metra dýpi um 600 metra út í sjó.
Myndin er tekin við útrásarstaðinn skammt norðan við Sandgerðis-
bótina.
(^jjjjj Hótel
^Harpa
Nýr gistivalkostur
áAkureyri
Auk hagstæðsgistiverðs, njóta
gestir okkar afsláttar á veitingahús-
unum Bautanum og Smiðjunni.
Fastagestum, fyrirtækjum og hóp-
um er veittur sérafsláttur.
Hótel Harpa
Góð gisting á hóflegu verði
íhjarta bæjarins.
Sími 96-11400
Ath. að Hótel Harpa er ekki í símaskránni.