Morgunblaðið - 15.04.1993, Qupperneq 18

18
MORGUNBLAÐIÐ FIMMTUDAGUR 15. APRÍL 1993
Aprílgöbb
ekkert
fyndin
OPINBERT dagblað í Kína seg-
ir að aprílgöbb fjölmiðla séu
hættulegur, vestrænn siður er
hafi það markmið að dreifa
ósannindum og blekkingum.
Göbbin hefðu „mjög slæm
áhrif“ að sögn Guangming,
helsta menntamannadagblaðs-
ins í Peking, þau gætu auk
þess eyðilagt orðstír viðkom-
andi ijölmiðils. Blaðið lagði
áherslu á nauðsyn þess að
halda fast í hefðbundna, kín-
verska hátíðisdaga sem hefðu
„djúpa, innri merkingu". Ýmsir
kínverskir íjölmiðlar tóku þátt
í glensinu 1. apríl sl. en hefðin
er löngu orðin alþjóðleg.
Vill losna við
Rútskoj
BORÍS Jeltsín Rússlandsforseti
gaf í skyn í gær að hann myndi
ef til vill reyna að þvinga Alex-
ander Rútskoj varaforseta til
afsagnar. Varaforsetinn hefur
verið andvígur stefnu Jeltsíns
í mörgum atriðum í meira en
ár. Jeltsín sagðist myndu skýra
Rútskoj frá ákvörðun sinni aug-
liti til auglitis ef af yrði.
Sósíalistar
öflugir
AÐEINS um 40% spænskra
kjósenda eru á því að sósíalista-
flokkur Felipe Gonzales forsæt-
isráðherra muni sigra í þing-
kosningunum sem boðaðar
hafa verið í júní. Fyrir mánuði
spáðu 62% sósíalistum sigri.
Verkfalli
aflýst
SAMNINGAR hafa tekist milli
grænlensku landstjórnarinnar
og SIK, samtaka launafólks,
og verður því ekkert af boðuðu
allsheijarverkfalli. Alls fá um
9.000 launþegar kaup sam-
kvæmt samningum SIK og var
samið um 3,8% kauphækkun,
Covent Garden
í endumýjun
STJÓRNENDUR hins fræga
breska óperuhúss, Covent
Garden, vörðu í gær áætlanir
um að lagfæra og endumýja
húsakynnin fyrir sem svarar
nær 15 milljörðum króna. „Það
er ekki hægt að vera með hag-
kvæman og að öðru leyti góðan
rekstur í þessu 19. aldar húsi
sem við unnum svo mjög en
er orðið mjög lasburða," sagði
Jeremy Isaacs forstjóri.
A-Evrópu-
menn kvarta
RÁÐAMENN í Austur-Evrópu-
ríkjum kvarta nú sáran undan
því að Evrópubandalagið og
Austurríki banni innflutning á
kjöti frá löndunum. Þetta sé í
reynd ekki gert vegna sjúk-
dómahættu eins og í veðri sé
látið vaka heldur sé um inn-
flutningstakmarkanir til vernd-
ar eigin framleiðslu að ræða.
Nunnur yfir-
gefi klaustur
JÓHANNES Páll II páfí hefur
beðið nunnur að yfirgefa um-
deilt klaustur í Póllandi en vera
nunnanna hefur vakið reiði
gyðinga er telja klaustrið van-
helgun við staðinn. Klaustrið
er í Auschwitz þar sem nasistar
reistu einhveijar illræmdustu
útrýmingarbúðir sínar.
ítalskir fjölmiðlar um Andreotti, fyrrverandi forsætisráðherra
Fórnarlömbin
MYND af Aldo Moro, sem var tekin þegar hann var í haldi hjá
Rauðu herdeildunum. Hann fannst síðar myrtur. Carlo Alberto
Dalla Chiesa, sem stjórnaði baráttunni gegn mafíunni. Hann var
myrtur í Palermo 1982. ,
••
Orlagaríkur fundur
ANDREOTTI kemur á fund þingnefndarinnar í Sapienza-höllinni.
Kom hann í brynvörðum bíl og varð að ryðja honum braut í gegn-
um fréttamannaskarann, sem beið hans. I hægri hendi hefur hann
100 síðna vamarskjal, sem hann ætlaði að lesa upp úr.
Lét hann myrða Aldo
Moro og Dalla Chiesa?
Fyrrverandi mafíósi segir Andreotti hafa átt fundi með „gnðföður“ mafíunnar
Róm. Reuter.
LÖGMAÐUR Giulio Andreottis, fyrrverandi forsætisráðherra Ítalíu,
vísaði í gær á bug ásökunum um, að skjólstæðingur sinn hefði skip-
að fyrir um morðin á Aldo Moro, fyrrverandi forsætisráðherra, og
mafíuandstæðingnum Carlo Alberto Dalla Chiesa. Koma ásakanirn-
ar fram í vitnisburði tveggja fyrrverandi mafíuforingja í Bandaríkj-
unum. Nefnd skipuð samþingsmönnum Andreottis í öldungadeild-
inni hóf í gær að ræða um þá kröfu dómara á Sikiley, að Andre-
otti verði sviptur þinghelgi.
„Ég heyri nú, að skjólstæðingur
minn sé sakaður um að hafa fyrir-
skipað morðið á Dalla Chiesa,
blaðamanninum Mimo Pecorelli og
jafnvel á Aldo Moro. Þetta er hrein-
asta svívirða," sagði Odoardo Asc-
ari, lögfræðingur Andreottis, í við-
tali við ítalska ríkisútvarpið en Gio-
vanni Pellegrino, formaður þing-
nefndarinnar, sem rannsakar mál
Andreottis, kvaðst vona, að hann
afsalaði sér sjálfur þinghelgi til að
unnt yrði að skera úr málinu fyrir
rétti.
„Pólitískur guðfaðir“
Andreotti, sem hefur gegnt for-
sætisráðherraembættinu sjö sinn-
um, segir ásakanimar vera hefnd
mafiunnar vegna þess, að hann
hafi barist gegn henni alla tíð.
Nokkrir fyrrverandi mafíósar, sem
leyst hafa frá skjóðunni, segja hins
vegar, að hann hafí verið pólitískur
guðfaðir mafíunnar eða Cosa
Nostra „frá 1978 að minnsta kosti
og örugglega til 1992“. Þá hafa
nýjar upplýsingar frá tveimur mafí-
ósum í Bandaríkjunum verið kynnt-
ar þingnefndinni og eru þær sagðar
enn alvarlegri en áður hefur komið
fram. Að því er segir í ítölskum
fjölmiðlum munu þær verða til að
vekja upp aftur nokkur kunnustu
morðmál á Ítalíu eftir stríð, þar á
meðal morðin á Aldo Moro, sem
liðsmenn Rauðu herdeildanna
rændu og myrtu 1978, og morðið
á Dalla Chiesa hershöfðingja, sem
mafían myrti 1982.
í ítalska ríkissjónvarpinu hefur
komið fram, að Tommaso Buscetta,
sem vitnað hefur gegn fyrrverandi
félögum sínum í mafíunni og er
annar mafíósanna í Bandaríkjun-
um, fullyrði, að Andreotti hafí skip-
að mafíunni að drepa Dalla Chiesa
en hann var sendur til Paiermo á
Sikiley til að stjórna baráttunni
gegn glæpasamtökunum eftir að
hafa lagt Rauðu herdeildirnar að
velli. Blaðamaðurinn Pecorelli var
myrtur á götu í Róm 1979 þegar
Andreotti var forsætisráðherra en
hann starfaði fyrir fréttastofu, sem
var í tengslum við helsta andstæð-
ing Andreottis innan leyniþjón-
ustunnar, Vito heitinn Micheli hers-
höfðingja. Notaði Micheli sér
fréttastofuna til að leka út ýmsum
ríkisleyndarmálum.
Vissu um Gladio?
ítalskir fjölmiðlar segja, að Peco-
relli og Dalla Chiesa hafi verið
myrtir vegna þess, að þeir hefðu
haft undir höndum afrit með upp-
lýsingum, sem Aldo Moro lét liðs-
menn Rauðu herdeildanna fá, um
leynilega hersveit, sem átti að ræna
völdum á Ítalíu kæmust kommún-
istar til valda þar í kjölfar kosn-
inga. Andreotti sjálfur skýrði frá
tilvist þessa leynihers, sem kallaður
var „Gladio“, 1990 en þá var Ber-
línarmúrinn fallinn og engin hætta
talin stafa af kommúnistum lengur.
Leituðu ráða hjá. Andreotti
ítölsku blöðin segja og hafa eft-
ir Buscetta, að Andreotti hafi verið
„stjórnmálamaðurinn, sem mafían
leitaði til áður en hún afréð morð
á háttsettum mönnum". Hinn
„bandaríski" mafíósinn, Francesco
Marino Mannoia, heldur því fram,
að Andreotti hafi tvisvar sinnum
átt fund með „guðföður“ mafíunn-
ar, Don Stefano Bontade, í annað
sinnið 1979 þegar hann var forsæt-
isráðherra.
Andreotti, sem er öldungadeild-
arþingmaður fyrir lífstíð og nýtur
þar með þinghelgi, segir, að engar
sannanir séu gegn sér og ásakan-
irnar eingöngu byggðar á fleipri
dæmdra glæpamanna. Ef nefndin
snýst hins vegar gegn honum mun
mál hans verða tekið fyrir í öld-
ungadeildinni allri, sem er skipuð
326 mönnum, og þá verður skorið
úr um hvort hann verður sviptur
þinghelginni. Ef nefndin snýst á
sveif með honum getur ekkert orð-
ið af lögsókn.
Réttarhöld hefjast yfir valdaræningjunum tólf í Moskvuborg
Vefengja vald-
svið dómstóla
Moskvu. Reuter.
RÉTTARHÖLD hófust í gær yfir tólf af valdamestu mönnum Sovétríkj-
anna fyrrverandi, en þeir hafa verið ákærðir fyrir valdaránstilraunina
misheppnuðu í Moskvu í ágúst árið 1991. Réttarhöldunum var frestað
hálfri klukkustund fyrr en ráðgert var eftir að einn hinna ákærðu,
Alexander Tízjakov, 67 ára, veiktist skyndilega.
Herdómstóll innan hæstaréttar
Rússlands fjallar um ákærumar á
hendur fyrrverandi varaforseta, for-
sætisráðherra, þingforseta, varnar-
málaráðherra og átta öðrum hátt-
settum embættismönnum Sovétríkj-
anna sem eru sakaðir um „föður-
landssvik". Herdómstóll fjallar um
málið vegna þess að fyrrverandi
vamarmálaráðherra Sovétríkjanna,
Dmítríj Jazov, og fyrrverandi yfír-
maður landhersins, Valentín Varenn-
íkov, eru á meðal hinna ákærðu.
Tólfmenningamir eiga yfír höfði sér
dauðadóm eða 15 ára fangelsisvist
verði þeir fundnir sekir.
„Þessir menn hafa engan rétt til
að dæma okkur,“ sagði Anatolíj
Lúkjanov, fyrrverandi forseti Æðsta
ráðs Sovétríkjanna, brosandi og sig-
urviss við um 100 kommúnista og
þjóðernissinna sem söfnuðust saman
fyrir utan dómhúsið.
Veijandi Lúkjanovs hélt því fram
við réttarhöldin að rússneskur dóm-
stóil gæti ekki fjallað um málið þar
sem Rússland væri ekki formlegur
arftaki Sovétríkjanna fyrrverandi.
„Annaðhvort verða öll fyrrverandi
lýðveldi Sovétríkjanna að stofna sér-
stakan dómstól til að fjalla um málið
eða að fela einhveijum ákveðnum
dómstóli að gera það.“
Sakaðir um föðurlandssvik
GENNADÍJ Janajev, fyrrverandi varaforseti Sovétríkjanna (t.v.), geng-
ur inn í réttarsal í Moskvu þar sem fjallað er um misheppnaða valda-
ránstilraun hans og ellefu annarra fyrrverandi embættismanna Sovét-
ríkjanna. Tólfmenningarnir eru sakaðir um „föðurlandssvik".