Morgunblaðið - 28.04.1993, Blaðsíða 1

56 SIÐUR B/C
94.tbl. 81. árg. MIÐVIKUDAGUR 28. APRÍL 1993 Prentsmiðja Morgunblaðsins
Rannsókn vegna meintra mafíutengsla
Þingnefnd vill að
Andreotti verði
sviptur þinghelgi
Róm. Reuter.
NEFND ítalskra öldungadeildarþingmanna ákvað í gær að
mæla með því að Giulio Andreotti, fyrrverandi forsætisráð-
herra, yrði sviptur þinghelgi til að unnt yrði að ákæra hann
fyrir samstarf við mafíuna. Andreotti sagði um niðurstöðuna
að hún væri árangur „ótrúlegs samsæris" og hét að sanna
sakleysi sitt. Búist var við, að Carlo Azeglio Ciampi, sem
falin hefur verið sljórnarmyndun á Italíu, legði fram ráðherra-
lista sinn innan sólarhrings.
Andreotti
Þingnefndin
samþykkti að
leggja til, að
Andreotti yrði
sviptur þinghelgi
með 11 atkvæð-
um en 11 fulltrú-
ar kristilegra
demókrata,
flokksbræðra
Andreottis, sátu
hjá og einn var á
móti. Málið verð-
ur nú tekið fyrir í öldungadeild-
inni, sem er skipuð 325 mönnum,
og komist hún að sömu niðurstöðu
verður unnt að ákæra Andreotti.
„Ótrúlegt samsæri“
Andreotti segir í yfírlýsingu
sem hann birti í gær að hann ótt-
ist ekki sannleikann og muni gera
allt til að afhjúpa „þetta ótrúlega
samsæri“ en ásakanirnar gegn
honum um samvinnu við mafíuna
eru byggðar á framburði mafíósa
sem hafa snúist gegn fyrrverandi
glæpafélögum sínum. Talið er að
tekið geti nokkur ár að fá niður-
stöðu verði höfðað mál gegn
Andreotti. í málaferlum gegn Sal-
vatore „Tóto“ Riina, sem talinn
er æðsti mafíuforingi landsins,
verður stuðst við sams konar vitn-
isburð fyrrverandi félaga glæpa-
samtakanna.
Segni vill ekki í sljórn
Ciampi, fyrrverandi seðla-
bankastjóri, sem falið hefur verið
að mynda 52. ríkisstjórnina á ítal-
íu eftir stríð, vonast til að geta
lagt fram ráðherralistann í dag en
í gær varð hann fyrir nokkru áfalli
þegar Mario Segni, sem verið hef-
ur framarlega í baráttunni gegn
spillingu, neitaði að taka við ráð-
herraembætti. Að öðru leyti er
búist við, að Giuliano Amato, fráf-
arandi forsætisráðherra, verði ut-
anríkisráðherra og Beniamino
Andreatta fjárlagaráðherra verði
fjármálaráðherra. Ciampi hefur
rætt beint við þá, sem hann hefur
áhuga á, en ekki við stjórnmála-
flokkana.
Hamstrað í Serbíu
Reuter
SERBAR í borginni Ursac fylla tunnu með bensíni er þeir keyptu á
svartamarkaði í borginni sem er við rúmensku landamærin. Samein-
uðu þjóðirnar hafa samþykkt hert viðskiptabann á Serbíu og Svart-
fjallaland og má búast við að nágrannaþjóðirnar verði byijaðar að
framfylgja því eftir nokkra daga. Búlgarar og fleiri þjóðir segjast
tapa milljörðum dollara á því að taka þátt í refsiaðgerðunum.
Rússlandsf orseti
Þingi veitt
enn eitt
tækifæri
Moskvu. Reuter.
SERGEJ Sakhraj, aðstoðar-
forsætisráðherra og náinn
aðstoðarmaður Borísar Jelts-
íns, Rússlandsforseta, sagði í
gær að forsetinn hygðist gefa
fulltrúaþinginu eitt tækifæri
til viðbótar til að eiga við sig
samstarf. I þjóðaratkvæða-
greiðslu um helgina hlaut
Jeltsín stuðning 58% þeirra
sem greiddu atkvæði.
Sakhraj sagði niðurstöður at-
kvæðagreiðslunnar veita forset-
anum umboð til að knýja fram
breytingar á stjórnarskránni.
Tillögurnar yrðu kynntar lýð-
veldum og héruðum Rússlands
og hlytu þær samþykki þar yrðu
þær loks lagðar fyrir fulltrúa-
þingið. „Málamiðlun kemur til
greina en einungis á grundvelli
niðurstaðna þjóðaratkvæða-
greiðslunnar."
Konstantín Zoblín, talsmaður
Rúslans Khasbúlatovs, forseta
fulltrúaþingsins, sagði í samtali
við Morgunblaðið í gær að hann
teldi hverfandi líkur á að þingið
myndi geta sætt sig við tillögur
Jeltsíns. Sagði hann áform for-
setans eiga betur við í banana-
lýðveldi en Rússlandi.
Sjá frétt á bls. 21.
Owen lávarður segír lofthernað ekki munu nægja í Bosníu
Bandaríkin leggi fram
landher gegn Serbum
París, Brussel, Belgrad Moskvu, Washington, Karachi. Reuter, The Daily Telegraph.
OWEN lávarður, sáttasemjari Evrópubandalagsins í styijöldinni
í Bosníu, segir að þótt Bandaríkjamenn hæfu loftárásir á stöðvar
Serba í landinu myndi það ekki duga til að binda enda á átökin.
I viðtali við franska dagblaðið Liberation sagði Owen að loftárás-
ir myndu heldur ekki geta tryggt flutninga hjálpargagna til þurf-
andi fólks; Bandaríkin yrðu einnig að senda landher á vettvang.
Díana prinsessa fjallar um lystarstol á ráðstefnu um matarvenjur
„Dulin örvænt-
ing“ í bamæsku
London. The Daily Telcgrapli.
DÍANA prinsessa, sem er skilin að borði og sæng
við Karl, ríkisarfa Breta, flutti í gær ræðu um
lystarstol og rakti það til „dulinnar örvæntingar"
og þeirra erfiðleika unglingsins, sem geta fylgt
því að verða fullorðinn. Kom þetta fram á ráð-
stefnu um óhollar matarvenjur.
Því hefur verið haldið fram, að Díana hafi þjáðst
af lystarstoli allan þriðja áratug ævi sinnar. Ræddi
Díana um sjúkdóminn af augljósri þekkingu og sagði,
að hann mætti oft rekja til lítillar sjálfsvirðingar ög
jafnvel andúðar unglinga á sjálfum sér. í ræðu sinni
sagði Díana einnig, að glíman við „óbærilegar aðstæð-
ur“ gæti átt sinn þátt í sjúkdómnum en haft var eft-
ir breskum sjónvarpsfréttamanni í gær, að Iíklega
féllu þau ummæli lítt í kramið hjá Karli prins.
Reuter
Harðánægð
DÍANA prinsessa veifar aðdáendum sínum í gær.
Owen telur að léttvopnaðir frið-
argæsluhermenn Breta, Frakka
og fleiri þjóða á jörðu niðri gætu
orðið illa úti vegna loftárásanna.
Heimildarmenn í Bosníu telja
hættu á að Serbar muni hefna sín
á friðargæsluliðum ef til loftárása
komi.
Formaður hermálanefndar Atl-
antshafsbandalagsins (NATO), Sir
Richard Vincent marskálkur, var
ómyrkur í máli í gær. „Ég er full-
ur efasemda og tel það skynsam-
legt. . . Vilduð þið gera svo vel
að segja okkur hvaða markmiði
þið viljið að við náum? Hervald er
aðferð en ekki markmið í sjálfu
sér,“ sagði hann á blaðamanna-
fundi eftir að fundi forseta herráða
aðildarríkjanna lauk í Brussel. Um
þessa afstöðu sagði Sir Richard
hafa ríkt algera einingu á fundin-
um.
Borís Jeltsín Rússlandsforseti
sagði í yfirlýsingu í gær að Rúss-
land myndi ekki vernda þá sem
streittust á móti vilja umheimsins.
Var þessum orðum beint til Bos-
níu-Serba er neita að undirrita
friðarsamkomulag um skiptingu
landsins milli múslima, Króata og
Serba. Forsetinn mælti þó ekki
með hernaðaríhlutun en hann hef-
ur reynt að koma til móts við sjón-
armið rússneskra þjóðernissinna
er vilja styðja Serba sem lengi
voru skjólstæðingar Rússa, eru
sömu trúar og mjög tengdir þeim
menningarlega. Talsmaður þjóð-
ernissinna hótaði í gær NATO-
borgurum í Rússlandi öllu illu ef
ráðist yrði á Serba.
Múslimar vilja vopn
Haris Silajdzic, utanríkisráð-
herra Bosníustjórnar, þar sem
múslimar eru mest ráðandi, ávarp-
aði ráðstefnu íslamskra ríkja í
Pakistan í gær. Hann hvatti þjóðir
heims til þess að brjóta vopnasölu-
bann á Bosníu svo að múslimar
gætu varist Serbum er fá vopn frá
þjóðbræðrum sínum handan
landamæranna.
Bosníu-Serbar gerðu í gær árás-
ir á múslimabyggðir við borgina
Bihac í vesturhluta landsins og
tóku þrjú þorp. Yfirstjórn hers
Bosníu-Serba sagði árásina verk
vopnaðra flokka sem hún hefði
engin völd yfír.