Morgunblaðið - 17.08.1994, Page 40

V í K I N G
LOTT#
alltaf á
^ MiövikudögTLiin
MORGUNBLAÐIÐ, KRINGLAN 1 103 REYKJAVÍK
SÍMI 691100, SÍMBRÉF 691181, PÓSTHÓLF 3040 / AKUREYRI: HAFNARSTRÆTl 85
MIÐVIKUDAGUR 17. ÁGÚST 1994
VERÐ í LAUSASÖLU 125 KR. MEÐ VSK
A áttunda
hundrað
skjálftar
NÝR LEIRHVER hefur mynd-
ast á hverasvæðinu í miðbæ
Hveragerðis í jarðhræringun-
um síðustu vikur. Snarpasti
kippur hrinunnar, sem staðið
hefur frá því í byrjun mánaðar-
ins, mældist í gær, rúmlega 4
stig á Richter-kvarða. Klukkan
19 í gærkvöldi höfðu mælst um
700 skjálftar á svæðinu á sólar-
hringnum.
Að sögn Ragnars Stefánsson-
ar, jarðskjálftafræðings hjá
Veðurstofunni, urðu tveir
snarpir skjálftar á sautjánda
tímanum í gær á svipuðum slóð-
um og fyrr, 5-7 kílómetrum
norð-norðaustur af Hveragerði.
Mældust þeir um 3,4 og rúmlega
4 stig á Richter-kvarða. Ragnar
segir að fjöldi smærri skjálfta
hafi fylgt í kjölfarið, sá stærsti
tæp 3 stig á Richter. Ragnar
telur ekki hættu á eldsumbrot-
um þrátt fyrir að skjálftarnir
færist nú í aukana dag frá degi.
Hverasvæðið tekur
breytingum
Nýr leirhver hefur verið að
myndast í jarðhræringunum
undanfarið á hverasvæðinu í
Hveragerði. Tómas Tómasson,
næsti nágranni við hvera-
svæðið, fór að verða var við
hljóð sem hann kannaðist ekki
við, einskonar tíst, fyrir um
tveimur vikum. Þegar hann
athugaði málið sá hann að nýr
leirhver hafði myndast á
suðurhluta svæðisins og hefur
hann stækkað með degi
hveijum. Hverinn er u.þ.b.
metri í þvermál, skvettir mjög
úr sér og kallar Tómas hann
■'Sóða. Hann segir að tistið sem
hann heyrði fyrst sé nú orðið
að hvæsi. Tómas, er til hægri
en Arni Svavarsson,
starfsmaður Hveragerðisbæjar
er með honum á myndinni.
Morgunblaðið/Aldís Hafsteinsdóttir
Yarðskipið Óðinn fer óvopnað til Barentshafs
Ráðherra bað um að
byssan yrði fjarlægð
RÍKISSTJÓRNIN ákvað í gær að senda varðskipið Óðin til aðstoðar ís-
lenzkum togurum í Barentshafi. Óðinn fer óvopnaður og segist Þorsteinn
Pálsson sjávarútvegsráðherra hafa beðið um að fallbyssa varðskipsins
yrði tekin niður til þess að ekki færi milli mála að ekki væri ætlazt til að
það tæki þátt í neinum átökum. Norsk stjórnvöld segjast engu að síður
hissa á ákvörðun ríkisstjórnarinnar og líta á hana sem opinberan stuðn-
ing við veiðar íslenzkra togara í Smugunni og á Svalbarðasvæðinu.
Þorsteinn sagði í samtali við
Morgunblaðið í gær að ákvörðun
ríkisstjórnarinnar væri ótengd deil-
unni um fiskveiðiréttindi í Barents-
hafi; tilgangur þess að senda varð-
skip væri að aðstoða íslenzka sjó-
menn. Hvað fiskveiðideiluna varðar,
sagðist Þorsteinn hins vegar ekki
bjartsýnn á að niðurstaða næðist í
samningum. „Ég hefði talið æski-
legast að þjóðimar gerðu út um
þetta í samningum. Eins og málið
stendur í dag sé ég hins vegar enga
möguleika á samningum. í ljósi
þess held ég að það verði óumflýjan-
legt að hefja fljótlega undirbúning
að því að leggja málið fyrir Alþjóða-
dómstólinn,“ sagði Þorsteinn.
Morgunblaðið/Golli
Reykjavíkurmaraþonið undirbúið
REYKJAVÍKURMARAÞONIÐ er á sunnudag og
er undirbúningur þess í fullum gangi. Starfsmenn
voru í gær að mála örvar á götur borgarinnar
til þess að leiðbeina hlaupurunum, en auk fjölda
íslendinga, sem tekur þátt í hlaupinu, koma um
200 útlendingar til þátttöku í því.
Fjármálaráðherra um að sjúkrahúsin fari fram úr fjárlagaheimildum
Sjúkrahúsin verða sjálf
að leysa fjárhagsvandann
FRIÐRIK Sophusson, fjármálaráðherra, segir að
sjúkrahúsin verði að leysa fjárhagsvanda sinn
sjálf. Þau fái ekki aukafjárveitingu úr ríkissjóði.
Utlit er fyrir að 630 milljóna króna viðbótarfram-
lög þurfi til sjúkrahúsanna í Reykjavík ef afkoma
þeirra í árslok á að verða í jafnvægi, samkvæmt
áætlunum yfirstjórna sjúkrahúsanna.
Fram kemur í skýrslu Ríkisendurskoðunar um
framkvæmd fjárlaga á fyrri helmingi þessa árs
að helstu skýringar á fjárvöntuninni eru aukin
útgjöld vegna kjarasamninga, kostnaðarauki um-
-fram áætlun vegna bráðavakta auk þess sem sér-
tekjur hafi verið ofáætlaðar.
Fá ekki aukafjárveitingu
„Fjármála- og heilbrigðisráðuneytið tóku sam-
eiginlega ákvörðun um það fyrir nokkrum vikum
að sjúkrahúsin yrðu að leysa úr þessum vanda
sjálf. Við munum að vísu taka tillit til vanda
Landakotsspitala. En það stendur ekki til að Borg-
arspítali og Ríkisspítalar fái aukafjárveitingu í
ár. Spítalamir verða að taka á þessu sjálfir. Ég
get ekki séð betur en Ríkisspítalamir geti það á
yfirstandandi ári, en Borgarspítalinn þarf sjálf-
sagt að ná hallanum niður á einum til tveimur
árum,“ sagði Friðrik.
Friðrik sagði að framlag til Landakotsspítala
hefði verið vanáætlað þar sem áform um breyting-
ar á rekstri spítalans hefðu ekki náð fram að
ganga. Hann sagðist gera ráð fyrir að Landakot
fái 100 milljón króna aukafjáiveitingu.
Kallar á forgangsröðun
Jóhannes Pálmason, forstjóri Borgarspítalans,
sagði að fjárhagsvandi Borgarspítalans stafaði
af því að sjúklingum spítalans hefði fjölgað um-
fram áætlanir á sama tíma og dregið hefði úr
fjárveitingum til hans. Hann sagði að sjúklingar
leiti eftir þjónustu spítalans allan sólarhringinn
og stjórnendur spítalans geti ekki vísað þeim frá.
„Það er Ijóst að það er ekki hægt að leysa vand-
ann nema með tvennum hætti. Annars vegar að
leiðrétta fjárveitingar og viðurkenna að fólk verð-
ur veikt og þarf á hjálp að halda og að sú hjálp
kostar peninga. Hins vegar er hægt að draga úr
þjónustunni, m.ö.o. að forgangsraða í heilbrigðis-
þjónustunni. En við teljum það ekki hlutverk
stjórnenda Borgarspítalans, frekar en annarra
heilbrigðisstofnana, að taka stefnumarkandi
ákvarðanir um forgangsröðun," sagði Jóhannes.
Á von á talsverðum árangri
„Við höfum rætt við forsvarsmenn þeirra
sjúkrahúsa sem hafa átt í erfiðleikum og ég reikna
fastlega með því að þau geti náð talsverðum
árangri á seinni helmingi ársins. Að vísu verður
ekki hægt að hafa öll sjúkrahúsin hallalaus en ég
á von á því að t.d. Ríkisspítalarnir verði nálægt
fjárlagaáætlun þegar upp verður staðið," sagði
SighvaturBjörgvinsson. Hann kvaðst þó telja að
Borgarspítalinn myndi eiga einna erfiðast með
að halda sig innan fjárheimilda.
Samkvæmt fjárlögum var ráðgert að draga
saman rekstrarútgjöld sjúkrahúsanna frá síðasta
ári um 668 milljónir kr., úr 10.071 milljónum kr.
í 9.403 milljónir kr.
Norðmenn ræða við Rússa
Jan Henry T. Olsen, sjávarút-
vegsráðherra Norðmanna, gagn-
rýndi veiðar Islendinga í Smugunni
á úthafsveiðiráðstefnu Sameinuðu
þjóðanna í New York. Olsen hitti
jafnframt rússnesku sendinefndina
til að ræða frekari sameiginlegar
aðgerðir Norðmanna og Rússa til
að stöðva Smuguveiðarnar. Norskir
sendimenn á ráðstefnunni segja ís-
lendinga hafa breytt stefnu sinni í
hafréttarmálum, en utanríkisráðu-
neytið íslenzka vísar því á bug.
■ SvalbarðamáIið/4
Samningaleið/20
Tillaga lögð fram
í Háskólaráði
Háskóli ís-
lands verði
reyklaus
LÖGÐ verður fram tillaga á háskóla-
ráðsfundi á morgun, fimmtudag,
þess efnis að frá og með upphafi
skólaársins 1994 til 1995 verði reyk-
ingar bannaðar á almennum svæð-
um, í kennslurýmum og kaffistofum
Háskóla íslands. Tillagan er borin
fram af Andra Má Þórarinssyni, há-
skólaráðsfulltrúa Vöku, félags lýð-
ræðissinnaðra stúdenta, og Brynhildi
Þórarinsdóttur, háskólaráðsfulltrúa
Röskvu, samtaka félagshyggjufólks.
Starfsfólk og nemendur við skólann
eru samtals í kringum sex þúsund
þannig að um er að ræða einn
stærsta vinnustað landsins.
Tillagan var fyrst borin fram á
fundi í júní en þá var afgreiðslu henn-
ar frestað. Bæði Andri og Brynhildur
segjast ekki eiga von á öðru en að
tillagan verði samþykkt og segja að
undirtektir á síðasta háskólaráðsfundi
hafi verið mjög jákvæðar. „Þessi mál
hafa ekki verið í nógu góðum farvegi
í Háskólanum, í sumum byggingijni
hefur þetta verið mjög bagalegt,"
segir Andri. Einu reykingamar sem
verða leyfðar samkvæmt tillögunni
eru inni í einkaherbergjum starfs-
manna að því tilskildu að það trufli
ekki aðra, sem þangað þurfa að leita.
----------» ♦ ♦----
Þorvaldur
með þrennu
ÞORVALDUR Örlygsson skoraði
þijú mörk fyrir íslenska landsliðið í
vináttulandsleik í knattspyrnu gegn
Eistlendingum á Akureyri í gær-
kvöldi. ísland sigraði 4:0 og gerði
Þorvaldur mörkin þijú í fyrri hálf-
leik, en fjórða markið gerði Þórður
Guðjónsson.
„Hvar er betra að fá landsleik en
á Akureyri?" sagði Þorvaldur er
Morgunblaðið _ ræddi við hann að
leikslokum. „Ég hef alltaf kunnað
vel við mig á þessum velli,“ sagði
Akureyringurinn markheppni, sem
er fjórði landsliðsmaðurinn í sögunni
til að skora þrennu í landsleik í knatt-
spyrnu.
■ Þorvaldur með þijú / C1