Morgunblaðið - 05.06.1996, Qupperneq 8

8 MIÐVIKUDAGUR 5. JÚNÍ 1996
MORGUNBLAÐIÐ

FRETTIR
Hafrannsóknastofnun leggur til aukningu á þorskkvóta
GHuMO'
i i
ÉG er raeð smá gjöf til þín sem Jakob fann í sjónum . . .
Vörugjaldi og virð-
isaukaskatti breytt
LÖGUM um vörugjald hefur verið
breytt og einnig lögum um virðis-
aukaskatt, þannig að einungis
verða endurgreidd 60% af virðis-
aukaskatti vegna vinnu við íbúðar-
húsnæði.
Þetta er gert til að fjármagna
breytingar á vörugjöldum sem gerð-
ar eru vegna athugasemda Eftirlits-
stofnunar EFTA. Breytingarnar
miða að því að samræma gjaldfrest
og gjaldstofn innfluttra og inn-
lendra vara. Einnig eru vörugjöld
felld niður á ýmsum byggingavör-
um, svo sem málningu, einangrun-
arefni og lagnaefni.
Alþingi samþykkti breytingar á
þessum lögum á mánudagskvöld.
Þingmenn Alþýðuflokks og Kristín
Halldórsdóttir Kvennalista sam-
þykktu breytingar á vörugjaldalög-
unum ásamt þingmönnum stjórnar-
flokkanna en aðrir stjórnarand-
stæðingar sátu hjá. Stjórnarand-
staðan sat hins vegar öll hjá við
breytingar á virðisaukaskattslögun-
um.
Alþingi samþykkti ýmis fleiri lög
á mánudagskvöld, svo sem breyt-
ingu á lögum um Innheimtustofnun
sveitarfélaga sem gerir ráð fyrir
heimild til að semja um meðlags-
skuldir einstaklinga. Um 10.700
meðlagsgreiðendur skulda nú með-
lag, alls um 5,5 milljarða króna eða
rúma hálfa milljón að meðaltali á
mann.
Eitt þingmannafrumvarp varð að
lögum á mánudagskvöld. Það var
frá Margréti Frímannsdóttur og
gerir ráð fyrir því að nota megi
þann hluta af áfengisgjaldi, sem
notaður er til forvarna gegn áfeng-
isneyslu, einnig til forvarna gegn
annarri fíkniefnaneyslu.
Margvíslegt efni afgreiddra þingsályktunartillagna
Iþróttir kvenna og
steinsteypa á vegum
FJÖLDI þingsályktunartillagna frá
þingmönnum var afgreiddur á Al-
þingi á mánudagskvöld. Flestum var
vísað til ríkisstjórnarinnar en nokkr-
ar voru samþykktar með breyting-
um.
Eina tiliagan sem samþykkt var
óbreytt var frá Bryndísi Hlöðvers-
dóttur Alþýðubandalagi og fleiri
þingmönnum um að stofnuð verði
nefnd um stefnumótun í íþróttum
stúlkna og kvenna, og eflingu slíkra
íþrótta í samráði við Iþróttasam-
band íslands og Ungmennasamband
íslands.
Samþykkt var lítillega breytt til-
laga frá Tómasi Inga Olrich Sjálf-
stæðisflokki og fleiri þingmönnum
um að gripið verði til ráðstafana til
að efla rannsóknir í ferðaþjónustu,
tryggja grundvöll stefnumótunar og
langtímaáætlana í atvinnugreininni
pg stuðla að jafnvægi í fjárfestingu.
í því skyni verði stofnuð staða rann-
sóknarfulltrúa við skrifstofu Ferða-
málaráðs íslands á Akureyri.
Samþykkt var tillaga frá Guð-
mundi Hallvarðssyni og Guðjóni
Guðmundssyni Sjálfstæðisflokki um
að breyta merkingum þilfarsskipa
þannig að slík skip verði merkt með
kallmerki skipsins til viðbótar öðrum
merkingum. Tillaga frá Margréti
Frímannsdóttur Alþýðubandalagi
og fleiri þingmönnum um að skipa
nefnd til að kanna á hvern hátt
fatlaðir geti notið sumarleyfa, tóm-
stunda, lista og menningarlífs á
sama hátt og aðrir var samþykkt
með þeirri breytingu að félagsmála-
ráðherra verði falið að annast þessa
könnun.
Loks var samþykkt, nokkuð
breytt, tillaga frá Gísla S. Einars-
syni Alþýðuflokki og fleiri þing-
mönnum um notkun steinsteypu við
slitlagsgerð. Samþykkt var að fela
samgönguráðherra að Iáta kanna
möguleika á aukinni notkun stein-
steypu til slitlagsgerðar á vegum
þar sem álagsumferð er mikil og við
flugvallagerð.
Trúnaðarsamband
Vísað var til ríkisstjórnarinnar
tillögu frá Astu R. Jóhannesdóttur
Þjóðvaka, og fleiri þingmönnum um
að endurskoðuð verði lagaákvæði
um vernd trúnaðarsambands ijöl-
miðlamanna og heimildarmanna
þeirra, einkum ákvæði í lögum um
meðferð opinberra mála. Vísað var
til þess að dómsmálaráðherra hafi
þegar falið réttarfarsnefnd að fram-
kvæma heildarendurskoðun á lög-
um um meðferð opinberra mála og
var lagt til að þetta mál verði tekið
til sérstakrar skoðunar í því sam-
bandi.
Einnig var vísað til ríkisstjórnar
tillögu frá Ástu R. um að sam-
gönguráðherra verði falið að skipa
nefnd til að fella áherslu á græna
ferðamennsku inn í stefnumótun í
ferðamálum.
island - rafrænasta greiðslukortalandið
95% kortavið-
skipta hér á
landi rafræn
ISLAND á góða mögu-
leika á því að verða
fyrsta seðlalausa þjóð-
félagið en í dag fara um
70% allra smásöluviðskípta
fram rneð greiðslukortum.
Þá er ísland jafnframt kom-
ið lengst á veg með að koma
greiðslukortaviðskiptum
sínum á rafrænt form, en
um 95% allra greiðslukorta-
viðskipta hér á landi fara
nú fram með þessum hætti.
Einar S. Einarsson,
framkvæmdastjóri VISA
ísland, segir að nú sé verið
að skoða möguleikann á
útgáfu sérstaks myntkorts
hér á landi. Kort þetta er
með innbyggðan örgjörva
sem hýsir upplýsingar um
hve innistæða kortsins sé
há hveiju sinni. Kortið er
fyrst og fremst hugsað til
að greiða ýmsar smærri upphæðir
vegna smávarnings t.d. í söluturn-
um ofl.
Einar segir að útgáfa slíks korts
myndi loka hringnum í þeirri við-
leitni að gera Island að seðlalausu
þjóðfélagi, enda velti viðskipti af
þessu tagi um 20-30 milljörðum
króna árlega hér á landi. „Þetta
er hins vegar spurning um hvern-
ig viðskiptalífið og almenningur
myndi taka þessum myntkortum.
Við ætlum að prófa viðbrögð í
því sambandi með því að láta alla
sem fara á Olympíuleikana í Atl-
anta, sem eru um 30 keppendur
og fararstjórar, og alla þá sem
fara á Ólympíuleika fatlaðra og
um 20 lögregluþjóna sem fara til
Atlanta til öryggisgæslu fá svona
myntkort með 50 dollara hleðslu,
sem þeir geta þá notað til þess
að greiða fyrir ýmislegt smáræði,
til þess að sjá hvernig þessi kort
mælast fyrir.
Síðan erum við einnig að skoða
rekstrargrundvöllinn fyrir slík
kort. Annars staðar þar sem þessi
kort hafa verið markaðssett hefur
verið farið eins að og með hefð-
bundin greiðslukort. Reiknað er
með því að korthafi greiði ákveðið
árgjald ef um endurhlaðanleg kort
er að ræða og að auki greiði sölu-
aðilarnir þjónustugjald, enda fylg-
ir því mikið hagræði fyrir verslan-
ir og kaupmenn."
— Hversu útbreidd eru rafræn
viðskipti orðin hér á iandi í sam-
anburði við önnur lönd.
„í dag eru um 6.500 afgreiðslu-
staðir hér á landi þar sem greiða
má með rafrænum hætti,“ segir
Einar. „Þetta samsvarar um 2.400
sölustöðum á hverja 100 _________
þúsund íbúa en land á
borð við Frakkland er
með 400 rafræna sölu-
staði á hverja 100 þús-
und íbúa. Til viðbótar
þessu eru önnur rafræn viðskipti
hjá okkur í dag sem eru boð-
greiðslur og raðgreiðslur."
— Hvenær mun íslendingum
verða boðið upp á myntkort?
„Ég ímynda mér að það geti
orðið innan tveggja ára en við
erum að skoða möguleikann á
útgáfu þessara korta nú og ekki
hefur verið tekin nein ákvörðun
um útgáfu þeirra hér á landi. Það
eru hins vegar fleiri möguleikar
en bara myntkortin því sú þróun
er einnig framundan að það komi
örgjörvi í öll greiðslukort. Það
verður hins vegar dýr breyting
sem kallar á öðru vísi búnað en er
Einar S. Einarsson
► Einar S. Einarsson er fram-
kvæmdasljóri VISA Islands -
Greiðslumiðlunar hf. Hann er
fæddur á ísafirði árið 1938.
Hann lauk Samvinnuskólaprófi
árið 1958 og stundaði að því
loknu framhaldsnám í Bret-
landi. Hann var aðalbókari
Samvinnubankans frá 1963-
1983 er hann tók við núverandi
starfi. Þá hefur hann einnig
gegnt stöðu forseta Skáksam-
bands íslánds auk fleiri félags-
starfa og er hann nú svæðisfor-
seti FIDE á Norðurlöndum.
Einar er kvæntur Svölu S.
Jónsdóttur og eiga þau þrjú
uppkomin börn.
Útgáfa mynt-
korta könnuð
hérá landi
í verslunum um allan heim í dag.
Segulröndin verður því áfram í
greiðslukortum um sinn.
Þá býður örgjörvinn einnig upp
á þann möguleika að hægt verði
að nota eitt og sama kortið sem
kreditkort, debetkort og myntkort
og þarf notandinn því aðeins að
tilgreina hvaða greiðsluform hann
kjósi,“ segir Einar.
— Hvernig líður kortaviðskipt-
um á alnetinu?
„Þar er enn verið að kljást við
ýmis öryggisatriði en það er út-
breiddur misskilningur að því fylgi
engin áhætta að setja greiðslu-
kortanúmer sitt inn á alnetið. Eg
vil enn vara menn við því að gera
það enda fara þau í gegnum ótal
miðlara á leiðinni og þetta er því
eins og að rétta kort sitt í gegnum
hendur 10 manna sem allir geta
_________ nálgast númerið."
Hann segir að VISA
og Mastercard vinni nú
að gerð staðla um þessi
viðskipti og þar eigi enn
eftir að hnýta ýmsa
hnúta. Þessari vinnu ætti þó að
vera lokið innan 9 mánaða. Þá
hafi VISA ísland vottað öryggi-
skerfi tveggja fyrirtækja hér á
landi, Netkaupa og Heimakringl-
unnar, enda séu kortanúmerin
rugluð í flutningi þar.
Einar segir að kortafyrirtækin
sjái fram á mikla blómatíma þegar
að þau viðskipti verða komin í
gang, enda séu allir sammála um
það að greiðslukortin verði
greiðslumiðill alnetsins. Þá geti
myntkortin gefið nýja möguleika
í viðskiptum á netinu, enda sé oft
verið að kaupa þar fyrir lágar
upphæðir.