Morgunblaðið - 05.06.1996, Page 22

22 MIÐVIKUDAGUR 5. JÚNÍ 1996
LISTIR
MEIMNTUIM
MORGUNBLAÐIÐ
Morgunblaðið/Halldór
HREINN Friðfinnsson ásamt verki sínu í Galleríi Sólon íslandus.
Bylgju-
hreyfingar
skapa
óbeinan
skyldleika
hlutanna
HREINN Friðfinnsson mynd-
listarmaður er með innsetningu
í Galleríi Sólon íslandus. Sýn-
ingin er framlag Sólons til
Listahátíðar í ár. í kynningu
segir að Hreinn sé af mörgum
talinn helsti fulltrúi ljóðrænnar
hugmyndalistar á íslandi. „Ég
vinn yfirleitt dálítið spontant
með sambland hluta og tilbún-
inga,“ sagði Hreinn þegar
blaðamaður Morgunblaðsins
hitti hann að máli. Á sýningunni
eru teikningar á pappír hengd-
ar á vegginn og í sitthvorum
enda salarins eru viftur sem
láta blöðin blakta. Á veggnum
er fjarvíddar-blýantsteikning af
rými sem opnast í allar áttir
með stigum og göngum. „Ég vel
þessa mynd því hún er opin og
ég vil kalla hana skoðun á
rými.“ Hreinn notar þá hluti
sem salnum fylgja og dregur
þá inn í verkið. Til dæmis er
stór flygill í salnum notaður og
tengist verkinu lauslega að sögn
Hreins. „Hlutirnir hafa óbeinan
skyldleika en eru ekki í þráð-
beinu rökrænu samhengi.
Bylgjuform flygilsins kemur
fram í bylgjulaga línuteikningu
á pappírnum sem sýnir kúrfu
sem fer upp og niður og bylgju-
hreyfingarnar sem vifturnar
skapa hafa til dæmis tengingu
í bylgjur tónanna sem koma úr
píanói.“
Hreinn er búsettur í Amster-
dam og hefur mikið að gera við
sýningarhald. Á þessu ári hafa
þegar verið þijár einkasýningar
og ein sýning verður í haust.
Hann segir þetta hæfilegt magn
en einnig tekur hann þátt í sam-
sýningum þessu til viðbótar.
Verk hans hafa verið sýnd í
mörgum helstu nútímalistasöfn-
um í Evrópu og hann hefur frá
því árið 1990 sýnt verk sín
reglulega á Islandi.
Sýningin er opin alla daga frá
kl. 11 - 20 og stendur til 30. júní.
Seiðandi sírenusöngur
TÓNLIST
Langholtskirkja
KÓRTÓNLEIKAR
Utanfarartónleikar Kvennakórs
Reylgavíkur. M.a. frumflutt Salve
Regina eftir Hjálmar H. Ragnarsson.
Sigrún Hjálmtýsdóttir sópran; Svana
Víkingsdóttir og Aðalheiður Þor-
steinsdóttir, píanó. Stjóraandi; Mar-
grét Pálmadóttir. Langholtskirkju,
sunnudaginn 2. júní kl. 16.
KVENNAKÓR Reykjavíkur er á
förum til Róms og fleiri höfuðbóla
á Ítalíaló með fjölbreyttu söngva-
vali meðferðis, eins og fram kemur
af veglegri litprentaðri tónleikaskrá
kórsins. Má því eftir öllu að dæma
síðan búast við holskeflu ítala hing-
að í haust - ef ekki upptendraðir
af ljósum lokkum og seiðandi sír-
enusöng, þá að minnsta kosti af
logandi fallegu sólarlagspanóram-
anu utan á tónleikaskránni, einni
girnilegustu breiðtjaldsserenöðu í
litum af höfuðborginni og Faxafló-
anum sem undirritaður minnist að
hafa séð.
Þrátt fyrir Listahátíð var góð
‘Banana
Biddu um Banana Boat
sólbrúnkufestandi
Alter Sun el )iú vill lesta sólbrúnkuna lil mánaða um leið eg {iú
nærir húðina með Aloe Vera, E-vitam.. kollageni oj lanólíni.
□ Sérhannaðar Banana Boat bamasólvarnir 115, #29, #30
og 5(X. Krem, úði, þykkur salvi og stiffi.
□ Banana Boat naeringarkrem Brún-án sótar m/sólvöm #8.
□ Hraðgraeðandi Banana Boat varasalvi steyptur úr Aloe Vera
m/sólv. #21, E-vítamín m/sólvörn #30; kirstubérjum, vatns-
melónum, blönduðum ávöxtum m/sólv. #15. Bragðgóðir.
o Hvers vegna að borga 1200 kr. fyrir kvartlítra af Aloe geli
þegar þú getur fengið sama magn at 99,7% hreinu Banana
Boat Aloe Vera geli á 700 kr ? Eða tvöfalt meira magn af
Banana Boat Aloe Vera geli á 1000 kr, Án spírulínu, til-
búinna lyktarefna eða annarra ertandi ofnaemisvalda.
Biddu um Banana Boat í sólbaðsstofum, apótekum, snyrtiv,
verslunum og öllum heilsubúðum utan Reykjavíkur. Banana
Boat E-gel fæst líka hjá Samlökum psoriasis- og exem-
sjúklinga.
Heilsuval - Barónsstíg 20 ff 562 6275
mæting í Langholtskirkju, og eftir-
vænting í lofti. Kórinn hóf dag-
skrána á verkum úr flokki B af
alls sex, þ.e. erlendri kirkjutónlist,
og verður að virða það undirrituð-
um til vorkunnar, ef eitthvað kynni
að hafa skolazt til, því ferðapró-
grammið innihélt yfir 100 atriði,
og voru þau 19 þeirra sem hér
voru flutt kynnt munnlega við
kirkjuhljómburð sem skilar mæltu
máli miðlungi vel. Hefði sérprentuð
söngskrá fyrir þessa sunnudags-
tónleika vissulega getað komið í
góðar þarfir, en vafalaust hefur
undirbúningserill kórkvenna verið
ærinn að undanförnu.
Mér kom nokkuð á óvart, hvað
kirkjutónlistin hljómaði döpur og
jafnvel þreytuleg hjá hressasta
kvennakór suðvesturhornsins. Til
sanns vegar má færa, að andleg
tónlist einkennist oftar af öðru en
gáska, þó að undantekningar séu
frá því, ekki bara í gosplum, heldur
einnig hjá Bach, en dömurnar virt-
ust að þessu sinni einhvern veginn
svo niðurdregnar, að maður fór að
hugleiða, hvort áiagið hafí verið
of mikið að undanförnu, eða þá
hvort klassíska kirkjumúsíkin sé í
svona litlu uppáhaldi hjá þeim.
Vonandi tekst að laða fram meiri
innlifun suður á landinu langa og
mjóa.
Drunginn sem lá yfir Ave maris
stella úr Piae Cantiones var ekki
horfinn, þegar kom að frumflutn-
ingi á Salve Regina eftir Hjálmar
H. Ragnarsson. Verkið var fremur
hefðbundið í tónamáli, byggði
fremur á laglínuferli en hljómaklös-
um og hefði mátt syngja með meiri
spennu og hreinni inntónun (eink-
um í byijun), þó að tónskáldið hafi
kosið að hylia himnadrottninguna
með íhugulii ró fremur en út-
hverfri gleði.
Sigrún Hjálmtýsdóttir átti stóran
þátt í þessum tónleikum og söng
ágætan einsöng í Laudate Domin-
um K339 og Et incarnatus est úr
C-dúr messu Mozarts. Þó var eins
og hún næði sér ekki alveg á strik
fyrr en í Panis Angelicus eftir Cés-
ar Franck og Ave María eftir
Kaldalóns, er kallaði fram mikið
lófatak, að ekki sé talað um „Aug-
un þín og augun mín“, er var sung-
ið af mikilli innlifun (ef það er þá
rétta heitið; íslenzk ljóðskáld hafa
löngum haft tilhneigingu til að velja
afurðum sínum einstaklega óeftir-
minnileg nöfn eins og „Minning",
„Kveðja", „Vorvindur“ o.s.frv., sem
enginn notar í daglegu tali.
Með Móður minni í kví kví kvaddi
Kvennakórinn að mestu sorg og
sút. Lagið (úts. Jón Ásgeirsson) er
að vísu engin sæludilla, en mann-
skapurinn var alltjent orðinn heitur
og hreinn. Hrífandi var heyra sópr-
anyfirraddirnar tísta lengst uppi
undir lokin, og hefði verið enn
áhrifameira að halda þeim þar að-
eins lengur.
Hið litla en frumlega verk Þor-
keis Sigurbjörnssonar, „Konur“ við
ljóð Jóns úr Vör, var og meðverk-
andi til að lyfta kvennakórskonum
upp úr doðanum, enda kankvíst og
kímið. Það var þó ekki fyrr en Sig-
rún Hjálmtýsdóttir gaf sig svartri
sveiflu á vald í forsöngshlutverki
gospellagsins All my trials, að kór-
inn náði að rífa sig almennilega
upp. Tilþrif Diddúar og kórs voru
sérlega glæsileg í hinum vel útsetta
blússálmi Sometimes I feel like a
motherless child, og kom manni í
hug, hversu fágætt það er að heyra
þelljósar óperusöngkonur syngja
með sveiflu - enda þótt þessi reynd-
ist svolítið spör á bláum nótum.
Vinsældalistinn tók nú við; Climb
every mountain úr Söngvaseiði
Rodgers og Hammersteins, Lippen
schweigen-valsinn úr Kátu ekkj-
unni (sem dofnaði nokkuð við
óþarflegt rúbató í píanóundirleik),
Kór sígaunakvennanna tindilfættu
úr La Travíata (svo er mætti sjón-
varpsauglýsinga fyrir að þakka, að
hann mun í seinni tíð betur þekkt-
ur sem ,,Dömubindakórinn“) og í
uppklöppun guðspjöllungurinn Oh,
happy dayi, þar sem þær Sigrún
og Margrét hættu sér út á þá hálu
braut að skiptast á „framúrkö]lum“
af fíngrum fram að hætti svartra
forsöngvara og komust - næstum
því - upp með það.
Andrúmsloftið var nú orðið fun-
heitt, og eftir dynjandi undirtektum
að dæma mátti álykta, að þó að
annað brygðist, ætti a.m.k. þessi
deild kirkjutónlistar að tryggja
Kvennakór Reykjavíkur undir dríf-
andi stjórn Margrétar Pálmadóttur
hlýlegar viðtökur sunnan Alpafjalla
í heimalandi söngsins.
Ríkarður Ö. Pálsson
Stöðurveitingar
prófessora
velkjast í kerfinu
EKKI hefur enn verið tekin
ákvörðun um hverjir hljóta stöður
fimm rannsóknarprófessora við
Háskóla íslands, sem auglýstar
voru síðastliðið haust. Umsóknar-
frestur rann út 1. október 1995.
Að sögn Davíðs Oddssonar forsæt-
isráðherra er verið að vinna í
málinu.
Nefnd sem skipuð var til að
velja úr 50 umsækjendum skilaði
áliti sínu í febrúar. Þaðan fór
málið í menntamálráðuneytið, sem
vann að drögum að samningi, sem
gera átti við prófessorana þegar
þeir hefðu verið valdir. „Mennta-
málaráðherra sagði sig frá málinu
vegna vanhæfi, þ.e. tengsia við
ákveðinn umsækjanda og því fór
málið til forsætisráðherra. Mér
finnst orðið tímabært að fá niður-
stöðu í málið,“ sagði Sigmundur
Guðbjarnarson prófessor. „Það
snýr ekki einungis að háskólanum
heldur að 50 umsækjendum sem
velflestir koma utan háskólans,
þar af nokkrir eriendis. Drátturinn
er því orðinn mjög mikill og baga-
legur.“
Stöðurnar sem um er að ræða
eru í hugvísindum, félagsvísind-
um, heilbrigðisvísindum, raunvís-
indum og verkfræði. I þær verður
að jafnaði ráðið til fimm ára og
má við sérstakar aðstæður fram-
lengja ráðningartíma um tvö ár.
Ný meistaranámslína í matvælafræði
Ahersla á rekstur
ogfullvinnslu
SKÓLAÁRIÐ 1996-97 verður hægt
að hefja meistaranám í Háskóla
íslands með aðaláherslu á rekstur
matvælafyrirtækja og fullvinnslu
matvæla. Verður námið sett upp í
samvinnu við verkfræðideild og við-
skipta- og hagfræðideild háskólans.
„Um er að ræða tveggja ára nám,
þar sem kennt verður á námskeið-
um á öðru árinu en á hinu verður
um yöld verkefni að ræða innan
verkfræðideildar, raunvísindadeild-
ar og viðskipta- og hagfræðideild-
ar. Við erum að nýta okkur þau
námskeið sem fyrir eru innan skól-
ans í stað þess að kosta okkar eig-
in,“ sagði Ágústa Guðmundsdóttur,
prófessors í matvæla- og efnafræði.
Breyttar áherslur
Haustið 1995 var gerð sú breyt-
ing að matvælafræðiskor var gerð
að sjálfstæðri einingu innan raun-
vísindadeildar, en áður var hún
kennd innan efnafræðiskorar. Við
þær skipulagsbreytingar var námið
endurskoðað og fært til samræmis
við þróun greinarinnar á alþjóða-
vettvangi. „Aukin áhersla er nú
lögð á fullvinnslu matvæla, vöru-
þróun og gæðastjórnun. í samvinnu
við greinar í heilbrigðisfræðum hef-
ur einnig verið sett upp sérstök
námslína fyrir þá sem hafa aðallega
áhuga á næringarfræði," sagði
Ágústa.
í næsta mánuði munu fyrstu
matvælafræðingarnir útskrifast frá
matvælafræðiskor, en alls munu um
20 matvælafræðingar, þar af
nokkrir meistaranemar, útskrifast
á árinu. Er það nánast þreföldun
miðað við það sem algengt hefur
verið undanfarin ár.
Að sögn Ágústu eru atvinnu-
möguleikar matvælafræðinga góðir
og hefur verið mikil eftirspurn eftir
þeim á vinnumarkaðnum. „Svo virð-
ist sem menn séu í auknum mæli
að gera sér grein fyrir hversu víða
er hægt að nota fólk með þessa
menntun,“ sagði hún.
Ný tímarit
• Glæður, fagtímarit Félags ís-
lenskra sérkennara, er komið út.
í ritinu er að finna fjölda greina
um margvísleg málefni sem snerta
skólastarf. Meginþema blaðsins að
þessu sinni er flutningur á rekstri
grunnskóla til sveitarfélaga og er
m.a. rætt við Björn Bjarnason
menntamálaráðherra. Auk þess
eru nokkrir aðilar spurðir álits á
áhrifum yfirfærslunnar á þjónustu
við böm með sérþafir. Af öðrum
greinum i blaðinu má m.a. nefna
umfjöllun um dysleksíu eftir
Steinunni Torfadóttur, sam-
skipti nemenda og kennara eftir
Kristínu Aðalsteinsdóttur, frá-
sögn þriggja sálfræðinema af til-
raun sem þeir gerðu á sjónminni
heyrandi og heymarlausra ungl-
inga og frásögn Þóru Bjarkar
Jónsdóttur af ráðstefnu um notk-
un tölva við kennslu nemenda með
lestrar- og skriftarerfiðleika.
Tímaritið Glæður kemur út
tvisvar á ári ogerm.a. dreift í
leik-, grunn- og framhaldsskóla
og að auki til einstakra áskrif-
enda. Askrift kostar 900 kr. á ári
og fer sala blaðsins fram ísíma
562 4080.