Morgunblaðið - 09.06.1996, Blaðsíða 32

32 B SUNNUDAGUR 9. JÚNÍ 1996
MORGUNBLAÐIÐ
Brúðkaupsleikur Morgunblaðsins
Fara til
Parísar og
á Hótel
Búðir
ÞAÐ voru margir sem að þessu
sinni tóku þátt í brúðkaupsleik
Morgunblaðsins sem birtist í blað-
aukanum Brúðkaup - í blíðu og
stríðu þann 26. maí síðastliðinn.
Júlíus Þór Gunnarsson og Guðrún
Júlíusdóttir, sem gifta sig í Lang-
holtskirkju 6. júlí næstkomandi,
hrepptu þriggja daga ferð til París-
ar eða London með Úrvali-Útsýn
og síðan voru það Hallgerður Jóns-
dóttir og Óskar Friðrik Jónsson sem
gifta sig 10. ágúst í Dómkirkjunni
sem fengu tvær nætur á Hótel
Búðum, veislukvöldverð við kerta-
ljós og siglingu eða hestaferð um
nágrennið.
Hann í atvinnumennsku
í handbolta
Þar sem Guðrún og Júlíus höfðu
ekki gert ráð fyrir því að komast í
brúðkaupsferð voru þau að vonum
ánægð þegar þau voru dregin út í
þessum leik Morgunblaðsins. „Við
megum velja um París eða London
og ætlum að fara til Parísar enda
borgin svo rómantísk,“ segir Guð-
rún. Hún starfar sem viðskipta-
fræðingur hjá íslensku óperunni en
Júlíus er hagfræðingur og starfar
hjá Skattstofu Hafnarfjarðar.
Reyndar eru þau mörgum kunn úr
íþróttum, Júlíus hefur verið í hand-
boltanum lengi og er á leiðinni til
Þýskalands sem atvinnumaður í
handbolta. Guðrún, sem er marg-
faldur íslandsmeistari i badminton,
ætlar að reyna fyrir sér á þýskri
grund í þeirri íþróttagrein.
Fjölmennt brúðkaup
Það verða margir í brúðkaupinu,
þau buðu um 220 gestum. „Það er
hefð fyrir því að bjóða öllu liðinu
þegar einhver úr því giftir sig,“
segir Júlíus sem er í meistaraflokki
í handknattleik. Sömu sögu er að
segja af brúðinni sem býður mörg-
um sem leikið hafa með henni bad-
minton um árin.
Þau sendu inn seðil í leikinn um
leið og þau voru að keyra út boðs-
kortin í brúðkaupið. „Þegar við vor-
Morgunblaðið/Þorkell
FRÁ afhendingu verðlaunanna. Frá vinstri eru foreldrar Óskars, Jón Valdimar Sævaldsson og Fann-
ey Jónsdóttir, að taka við verðlaunum Óskars Friðriks Jónssonar og Hallgerðar Jónsdóttur, en þau
hlutu í verðlaun tvær nætur á Hótel Búðum. Við hljð þeirra eru verðandi brúðhjón Guðrún Júlíus-
dóttir og Júlíus Þór Gunnarsson, sem hlutu ferð með Úrvali-Útsýn í þrjár nætur til Parísar eða London.
um búin að keyra öll boðskortin á
sinn stað enduðum við laust eftir
miðnætti hjá Morgunblaðshúsinu."
Ætla í brúðkaupsferð
um landið
Hjónaefnin Hallgerður Jónsdóttir
og Óskar Friðrik Jónsson, sem unnu
rómantíska ferð á Snæfellsnesið,
búa í Portúgal. Það voru foreldrar
brúðgumans, þau Jón Valdimar
Sævaldsson og Fanney Jónsdóttir,
sem sendu inn seðil fyrir brúðhjón-
in. „Þetta kom sér vel. Hallgerður
og Óskar koma til landsins til að
láta gifta sig og skíra frumburðinn
í ágúst og ætluðu einmitt i fram-
haldi að fara í brúðkaupsferð um
landið. Að fá þessa rómantísku
daga á Hótel Búðum kom þeim því
skemmtilega á óvart,“ segja Fanney
og Jón Valdimar sem tóku við vinn-
ingnum fyrir þeirra hönd.
Búa í Portúgal
Brúðkaupið verður í Dómkirkj-
unni og þar verður margt um mann-
inn eða um tvö hundruð gestir.
Veislan verður síðan haldin á Hótel
Borg.
Óskar og Hallgerður hafa verið
búsett í Portúgal í nokkur ár en
þau eru með skóframleiðslu þar í
landi. „Fyrirtækið heitir Eurowalk
og þar starfa þau bæði en eru auk
þess með fólk í vinnu. Fyrirtækið
er með sólaframleiðslu en kaupir
einnig skófatnað af öðrum og sel-
ur. Þau eru með nokkur vörumerki
og selja aðallega skó til Bretlands,
Norðurlandanna, Þýskalands og að
undanförnu einnig til Bandaríkj-
anna.“
Jón Valdimar og Fanney segja
að í haust ætli brúðhjónin verðandi
síðan að flytjast til London en þar
eru þau með stærstu söluskrifstof-
una sína.
Látum skóna ganga aftur
Rauði kross íslands í samvinnu við Steinar Waage og Sorpu
tekur á móti skóm á öllum gámastöðvum Sorpu á
höfuðborgarsvæðinu á næstunni.
Jafnframt taka deildir
Rauða kross Islands
um allt land á-móti
skóm í söfnunina.
Skórnir verða sendir til
íbúanna í Pamir fjöllum
í Tadsjikistan.
Allar nánari upplýsingar eru veittar hjá Rauða krossi íslands
í síma 562 6722 og hjá deildum hans.
RAUÐI KROSS ÍSLANDS
A plús, auglýsingastofa ehf.