Morgunblaðið - 06.02.1997, Page 11

MORGUNBLAÐIÐ
FIMMTUDAGUR 6. FEBRÚAR 1997 11
FRÉTTIR
Mál íslandsbanka og þrotabús útgerðar fyrir Hæstarétti
Deilt um hvort
kvóti sé veðsettur
MÁL þar sem deilt er um hvort
veðsetja þurfi kvóta sérstaklega
eða hvort hann sé veðsettur um
leið og skipið, sem hann fylgir eins
og almennt fylgifé, verður flutt í
Hæstarétti í næstu viku. Deilt er
um hvenær umráðaréttur skips og
kvóta hafi færst frá útgerðarfélagi
til banka sem keypti skipið á nauð-
ungaruppboði en þrír mánuðir liðu
frá því að nauðungarsala fór fram
og þar til Hæstiréttur hafði fjallað
um kæru vegna framkvæmdar
nauðungarsölunnar og úrskurðað
hana löglega.
íslandsbanki er stefnandi í
málinu og telur sig hafa orðið
fyrir tjóni af því að útgerðarfélag-
ið Auðunn hf. í Vestmannaeyjum,
sem nú er gjaldþrota, gekk á
kvóta fiskiskipsins Drangavíkur
með því að halda því til veiða
eftir að skipið hafði verið selt á
nauðungarsölu og eiga í viðskipt-
um með aflamark skipsins fyrr-
greinda þrjá mánuði.
9,5 milljóna
króna bætur
í héraðsdómi var þrotabú út-
gerðarfélagsins dæmt til að greiða
bankanum 9,5 m.kr., en það var
talið markaðsvirði mismunarins á
úthlutuðu aflamarki frá 1. septem-
ber 1994 og aflamarksstöðu skips-
ins þann 22. nóvember sama ár
þegar bankinn fékk skipið afhent.
Bankinn byggir mál sitt á því
Undanþágur frá
samræmdum prófum
Skýra
ekki ein-
kunnamun
HJÁ Rannsóknastofnun upp-
eldis- og menntamála telja
menn undanþágur frá töku
samræmdra prófa ekki skýra
þann mikla einkunnamun
sem er á milli einstakra skóla
og landshluta.
Finnbogi Gunnarsson, um-
sjónarmaður samræmdra
prófa hjá Rannsóknastofnun
uppeldis- og menntamála,
segir þó að vissulega séu ekki
allir skólar með jafn hátt hlut-
fall nemenda með undan-
þágu. „En þegar við skoðum
þetta á landsvísu og milli
fræðsluumdæma þá er mjög
lítill munur á hlutfallinu. I
Reykjavík fengu á síðasta ári
2% nemenda í 10. bekk und-
anþágu frá próftöku og 1,9%
á landsbyggðinni, þannig að
sá munur er vart marktækur.
Þar sem þetta hlutfall var
lægst var það 1,3% og hæst
var það 3,6%,“ segir Finn-
bogi.
Á síðasta ári fengu alls 86
nemendur undanþágu frá því
að taka samræmt próf í
stærðfræði, 91 fékk undan-
þágu frá íslenskuprófi, 107
frá enskuprófi og flestir
fengu undanþágu frá dönsku-
prófinu, alls 152 nemendur.
Finnbogi segir þetta svipað
hlutfall og undanfarin ár og
vísar því alfarið á bug að það
skekki heildarmyndina.
Héraðsdómur
dæmdi bankanum
9,5 milljónir
króna í bætur
að þar sem aflahlutdeild skips
(varanlegur kvóti) fylgi skipi við
eigendaskipti hafi aflahlutdeild
Drangavíkur flust yfir til bankans
við nauðungarsöluna.
Hún fór fram 28. júlí 1994,
áður en aflamark fiskveiðiársins
1994/1995 lá fyrir, en bankinn
telur að aflamarkið hafi verið
innifalið í aflahlutdeildinni. Með
því að gera skipið út eftir sölu
þess á nauðungaruppboði og
ganga á aflaheimildir hafi þau
réttindi sem bankinn öðlaðist með
kaupum á skipinu verið skert enda
telur bankinn að aflahlutdeild og
aflamark sé óbein eignarréttindi
og eftir nauðungaruppboðið hafi
öðrum en bankanum ekki verið
heimilt að ráðstafa þeim réttind-
um.
íslandsbanki stefndi vegna
þessa bæði þrotabúi Auðuns hf.
og stjórnarmönnum þess persónu-
lega.
Fylgi aðeins við
frjálsa sölu
Af hálfu útgerðarfélagsins og
stjórnarmanna krafðist Brynjar
Níelsson lögmaður sýknu á þeirri
forsendu að aflahlutdeild Dranga-
víkur hafi ekki fylgt skipinu við
nauðungarsöluna og að bankinn
hafi ekki átt veð í kvótanum.
Ákvæði laga um stjórn fiskveiða
um að aflahlutdeild fylgi skipi við
eigendaskipti þess eigi aðeins við
þegar um frjálsa sölu er að ræða.
Jafnvel þótt talið verði að afla-
heimildirnar hafi fylgt skipinu við
nauðungarsöluna hafi meiri kvóti
verið fluttur til skipsins en frá
því í kvótaviðskiptum á tímabil-
inu.
Þá hafi dómstólar á sínum tíma
kveðið á um að útgerðarfélagið
hefði umráð skipsins meðan
ágreiningur vegna uppboðsins
væri fyrir dómi, synjun sýslu-
manns við lögbannskröfu bankans
hafi ekki verið borin undir dóm-
stóla eins og heimilt hafi verið og
sjávarútvegsráðuneyti hafi stað-
fest þá ákvörðun Fiskistofu að
hafna kröfu bankans um að koma
í veg fyrir flutning aflamarks frá
skipinu.
I niðurstöðum Þorgeirs I. Njáls-
sonar héraðsdómara við Héraðs-
dóm Suðurlands, sem dæmdi í
málinu í febrúar á síðasta ári, seg-
ir að aflahlutdeild Drangavíkur
hafi ekki verið skilin frá skipinu
þegar nauðungarsala á því fór
fram. Að svo komnu máli hafi
ákvæði laga um stjórn fiskveiða
og tveggja þágildandi reglugera
staðið í vegi fyrir því að Auðunn
hf. hefði heimild til ráðstöfunar á
aflahlutdeild skipsins.
Þrotabúið bótaskylt,
stjórnarmenn ekki
Þá leggur héraðsdómarinn þann
skilning í fyrrgreint ákvæði 2.
mgr. 11. gr. laga um stjórn fisk-
veiða að eignarréttur að aflahlut-
deild Drangvíkur hafi í öllu falli
við samþykkt tilboðs bankans 15.
ágúst 1994 flust yfir til bankans
enda hafí krafa útgerðarfélagsins
um ógildingu nauðungarsölunnar
ekki náð fram að ganga.
Eftir að bankinn var orðinn eig-
andi aflahlutdeildar skipsins hafi
aflamark sem skipinu var úthlutað
á grundvelli aflahlutdeildarinnar
sætt skerðingu vegna aðgerða út-
gerðarfélagsins Auðuns. Þótt
opinberir aðilar hafi léð atbeina
sinn til þeirrar ráðstöfunar hafi
skerðingin allt að einu verið á
áhættu og ábyrgð útgerðaraðilans
og því sé Áuðunn bótaskyldur
gagnvart bankanum. Bótaábyrgð
var því felld á þrotabúið en stjórn-
armennirnir sýknaðir.
Báðir aðilar málsins áfrýjuðu
því til Hæstaréttar, þar sem málið
verður flutt á mánudag. Þrotabúið
krefst sýknu en bankinn áfrýjaði
sýknudómi yfir stjórnarmönnun-
um.
Andlát
JÓN RAGNAR
ÞORSTEINSSON
JÓN Ragnar Þor-
steinsson héraðsdóm-
ari á Selfossi er látinn,
54 ára að aldri. Hann
varð bráðkvaddur síð-
astliðinn mánudag.
Jón Ragnar fæddist
22. ágúst 1942 á
ísafirði. Foreldrar hans
voru Þorsteinn Sveins-
son hdl., bæjarstjóri á
ísafírði og síðar skrif-
stofustjóri hjá húsa-
meistara ríkisins í
Reykjavík, og Þórunn
Sveinsdóttir húsfreyja
á ísafirði og í Reykja-
vík.
Jón Ragnar lauk stúdentsprófi
frá Menntaskólanum á Laugarvatni
1964 og lögfræðiprófi frá Háskóla
íslands 1971. Þá um haustið gerð-
ist hann fulltrúi hjá bæjarfógetan-
um í Vestmannaeyjum og varð aðal-
fulltrúi 1974. Hann var skipaður
héraðsdómari í Vest-
mannaeyjum 1982 og
gegndi því embætti til
ársins 1992 að hann
varð héraðsdómari við
Héraðsdóm Suður-
lands á Seifossi. Settur
bæjarfógeti í Vest-
mannaeyjum var hann
á árunum 1985-1987.
Jón Ragnar var um
tíma formaður Sam-
kórs Vestmannaeyja og
Kórs Landakirkju og
sat um árabil í stjórn
Norræna félagsins í
Eyjum. Hann átti sæti
í almannavamanefnd og í yfirkjör-
stjórn Vestmannaeyja við bæjar-
stjórnarkosningar frá 1974 til 1986.
Eftirlifandi eiginkona Jóns Ragn-
ars er Sigrún Anna Bogadóttir,
snyrti- og fótaaðgerðafræðingur.
Þau eiga tvær dætur og tvö barna-
börn.
Morgunblaðið/RAX
SOGSLÍNA eitt liggur í gegnum byggðina í Mosfellsbæ en íbúasam-
tökin í Mosfellsdal hafa m.a. farið fram á að hún verði tekin niður.
Nesjavallalína um Mosfellsdal
„Viljum ekki
vera aðveitubær
fyrir borg-ina“
GUÐNY Halldórsdóttir íbúi í Mos-
fellsdal og formaður veitu- og um-
hverfisnefndar bæjarstjórnar í
Mosfellsbæ segir að íbúar Mosfells-
dals hafi engan áhuga á að vera
einhvers konar aðveitubær fyrir
Reykjavík og vísar þar til þeirra
ummæla Ingibjargar Sólrúnar
Gísladóttur borgarstjóra að ekki
komi til greina að leggja alla fyrir-
hugaða Nesjavallalínu í jörðu, eins
og íbúasamtök í Mosfellsdal hafa
farið fram á.
Guðný segir að fólk flytji til
Mosfellsdals til að njóta útivistar á
Mosfellsheiði en það sé ekki hægt
þegar þéttriðið net rafmagnslína
blasi við. Aðspurð um þá umsögn
Þorgeirs Einarssonar yfirverkfræð-
ings verkfræðideildar Rafmagns-
veitu Reykjavíkur að það sé u.þ.b
tvöfalt dýrara að leggja jarðstreng
en loftlínu, segir hún að það hljóti
að kosta eitthvað að ganga vel um
náttúruna.
Þegar borinn er saman rekstrar-
kostnaður jarðstrengs og loftlínu
segir Þorgeir Einarsson að m.a.
þurfi að huga að kostnaði við eftir-
lit og bilanir.
„Eftirlit með jarðstrengjum er
eðlilega mun umfangsminna en við
loftlínur, því eftirlit með jarð-
strengjum takmarkast við það að
fylgst sé með endabúnaði þeirra,
en rekstur loftlína krefst reglu-
bundinnar skoðunar og eftirlits.
Rafmagnsveitan hefur ekki
reynslutölur til að styðjast við til
að meta kostnað við eftirlit og fyrir-
byggjandi viðhald loftlína en tölur
annarra orkufyrirtækja gefa til
kynna að hann sé árlega vel innan
við 0,5% af stofnkostnaði," segir
hann.
Viðgerð á jarðstreng mun
dýrari en á loftlínu
Þá segir Þorgeir að bilanir á loft-
línu geti verið algengari en á jarð-
streng, en með skilvirku eftirlits-
kerfi og vandaðri hönnun má lág-
marka þá hættu. En hins vegar sé
viðgerð á jarðstreng margfalt dýr-
ari en á loftlínu og taki auk þess
lengri tíma.
Verð: 1.995,-
Áður:^4<495^
Tegund:2524
Stærðir: 36-41
Litur: Brúnir
Kvenkuldaskór
með vatnsvörn
Póstsendum samdægurs
loppskórinn
Veltusundi við Ingólfstorg
sími: 552 1212