Morgunblaðið - 05.07.1997, Page 4

4 LAUGARDAGUR 5. JÚLÍ 1997
FRETTIR
MORGUNBLAÐIÐ
VEIST þú
UM BETRA KEX?
%trórK mest selda kex á íslandi
Samráðsnefnd
um vinnutíma
Komist að
sameigin-
legri nið-
urstöðu
SAMRÁÐSNEFND aðila vinnu-
markaðarins um skipulag vinnutíma
komst í gær að sameiginlegri niður-
stöðu en nefndinni hafði m.a. verið
falið að kanna hvort samningstilboð
samninganefndar ríkisins til Félags
íslenskra náttúrufræðinga (FIN)
stæðist ákvæði vinnutímatilskipunar
ESB og samning aðila vinnumarkað-
arins um vinnutíma frá í janúar.
Sambærilegt ákvæði er að fínna
í nýgerðum samningi Félags _ ís-
lenskra hjúkrunarfræðinga (FÍH).
ASl og BSRB töldu mjög vafasamt
að samningstilboðið rúmaðist innan
ramma vinnutímatilskipunarinnar. í
niðurstöðu nefndarinnar segir m.a.
að öll frávik frá ákvæðum um lág-
markshvíid séu aðeins heimil í alger-
um undante'kningartilvikum.
í niðurstöðu sinni um erindi FÍN
mælir nefndin með að „valinn verði
hinn almennari texti kjarasamninga
um þetta efni“, eins og það er orð-
að. Ari Skúlason, framkvæmdastjóri
ASÍ, segir þetta þýða að farin verði
sama leið og ASI hafi gert í samn-
ingum en ekki sú leið sem hjúkrunar-
fræðingar fóru í sínum samningi.
Óþarft að gera breytingar
Gunnar Bjömsson, formaður SNR,
segir of mikið sagt að um samkomu-
lag hafi verið að ræða en samráðs-
nefndin hafí komist að niðurstöðu
um hvaða vinnulag væri eðlilegt að
hafa í þessum málum. „Menn voru
sammála um að reyna að taka upp
það vinnulag að reynt verði fyrirfram
að kortleggja hvaða tilvik gætu kom-
ið upp og bregðast við með þeim
hætti að vinnufýrirkomulagi yrði
breytt til að koma í veg fyrir að
menn lendi í þeirri aðstöðu að fara
út fyrir þessi mörk,“ sagði hann.
Aðspurður sagði hann að engin
ástæða væri til að gera breytingar
á texta kjarasamnings Félags ísl.
hjúrunarfræðinga í kjölfar þessa en
við framkvæmd hans yrði höfð hlið-
sjón af þessari niðurstöðu.
í niðurstöðu nefndarinnar, sem
undirrituð er af öllum fulltrúum sem
sæti áttu í nefndinni, segir m.a.: „í
þeim sértæku undantekningartilvik-
um, þar sem aðstæður eru með þeim
hætti að um er að ræða tilvik sem
telst force majure eða fellur undir
b-lið 13. greinar vinnutímasamn-
ingsins, og ekki verður með nokkru
móti hjá því komist að fresta hvíld
starfsmanns, umfram það sem heim-
ilt er skv. a-lið 13. greinar, ber að
viðhafa eftirfarandi vinnulag: Tilvik-
ið skal skilgreint, þ.m.t. til hverra
það nái og leita skal ráða til að leysa
starfsmann af við þau störf sem um
ræðir eins fljótt og því verður við
komið, leysist ekki tilvikið.“
Morgunblaðið/Golli
KRISTIAN Ryggefjord leggst að bryggju í Friðarhöfn í gær með 700 tonn af loðnu.
Hagnaður
Akoplast
13,5 millj.
GÍSLI Bragi Hjartarson, bæjarfull-
trúi Alþýðuflokksins, hefur tekið við
stjórnarformennsku í Akoplasti hf. á
Akureyri af syni sínum Alfreð Gísla-
syni. Eins og komið hefur fram er
Alfreð að flytja til Þýskalands ásamt
fjöiskyldu sinni og taka við þjálfun
þýska handknattleiksliðsins Hameln.
Akoplast er í eigu Upphafs ehf.
og Plastprents í Reykjavík og eiga
félögin 50% hlut hvort. Að sögn
Daníels Árnasonar, framkvæmda-
stjóra, hefur reksturinn gengið vel
og skilaði fýrirtækið 13,5 milljóna
króna hagnaði á síðasta ári.
Jóhann Oddgeirsson og Eyþór Jós-
epsson sitja í stjórn Akoplasts fyrir
hönd Upphafs og þeir Eysteinn
Helgason og Gylfi Þór Magnússon
fyrir Plastprent en Gísli Bragi er
oddamaður í stjórn.
N orska loðnuskipið Kristian Ryggefjord kyrrsett í Vestmannaeyjum
Skipsljórínn faldi
veiðidagbókina í brúnni
Loðnuskipið Kristian Ryggefjord frá
Hammerfest var kyrrsett í Vestmannaeyjum
í gær. Guðjón Guðmundsson var á Friðar-
höfn og fylgdist með framvindu málsins.
NORSKA ioðnuskipið Kristian
Ryggefjord frá Hammerfest var
kyrrsett í Vestmannaeyjum í gær
og skipsskjöl og haffærniskírteini
gerð upptæk. Landað var úr skipinu
um 700 tonnum af loðnu sem
Vinnslustöðin í Vestmannaeyjum
hafði keypt.
Skipstjórinn hafði tilkynnt að um
400 tonn aflans hefðu fengist í lög-
sögu Jan Mayen en afgangurinn í
íslenskri lögsögu. Landhelgisgæslan
telur sig hafa upplýsingar um að
enginn afli hafi verið um borð í skip-
inu er það hóf veiðar innan íslensku
lögsögunnar.
Fjöldi manns var samankominn á
Friðarhöfn þegar Kristian Rygge-
fjord lagði að bryggju við Vinnslu-
stöðina. Var auðséð að mál þetta
vakti mikla athygli í Vestmannaeyj-
um. Magni Oskarsson skipherra
Landhelgisgæslunnar, tollverðir og
Georg Lárusson sýslumaður í Vest-
mannaeyjum fóru strax um borð í
skipið ásamt túlki. Þar dvöldust þeir
í rúmlega tvær klukkustundir.
Skömmu eftir að yfirvaldið fór um
borð í skipið var tölvufræðingur
kallaður til sem fór inn í tölvu þess
í Ieit að gögnum.
Samkvæmt heimildum Morgun-
blaðsins framvísaði skipstjórinn öll-
um veiðidagbókunum. Þótti greini-
legt að ein þeirra hefði nýlega verið
færð. Var því hótað að gerð yrði leit
í skipinu að dagbók sem talið var
að vantaði og gæti sú leit tekið
marga daga eða vikur. Afhenti skip-
stjórinn þá réttu veiðidagbókina sem
hann hafði falið í skipinu.
Líklega réttað í Eyjum
á morgun
Georg Lárusson, sýslumaður í
Vestmannaeyjum, sagði að gerð hefði
verið rannsókn á veiðidagbók og leið-
arbók og hefði sú rannsókn leitt til
þess að skjöl skipsins voru gerð upp-
tæk. Sýslumaður kvaðst hafa metið
aðstæður þannig að rétt væri að
kyrrsetja skipið og voru því mælibréf
og haffæmiskírteini íjarlægð.
Eiginleg lögreglurannsókn hófst
þó ekki fyrr en skýrsla skipherra
Landhelgisgæslunnar lá fyrir í gær-
kvöldi. Sýslumaðurinn hefur fengið
tvo menn frá ríkislögreglustjóraemb-
ættinu til þess að aðstoða við rann-
sóknina. Einnig hafði hann samband
við Héraðsdóm Suðurlands og lýstu
dómarar við réttinn sig reiðubúna
GEORG Lárusson, sýslumaður í Vestmannaeyjum, brá sér út
fyrir til þess að hringja meðan rannsókn fór fram í brúnni.
til þess að koma til Vestmannaeyja
í dag ef ákveðið verður að rétta í
málinu.
„Það ræðst af niðurstöðum rann-
sóknarinnar hvort tekin verður
ákvörðun um að ákæra skipstjórann.
Ef ákært er reikna ég með því að
réttarhöld fari fram á morgun [í
dag] fyrir Héraðsdómi Suðurlands í
Vestmannaeyjum," sagði Georg.
Höfðu samið við tvö norsk skip
Sighvatur Bjarnason, fram-
kvæmdastjóri Vinnslustöðvarinnar
hf. í Vestmannaeyjum, sagði að
framferði norska skipstjórans kæmi
sér í opna skjöldu. Hann sagði að
ekki væri hægt að veija gjörðir hans.
Y firburðasigur
á NM í brids
ÍSLENDINGAR unnu yfirburða-
sigur á Norðurlandamóti brids-
manna 25 ára og yngri sem lauk
í Þórshöfn í Færeyjum í gær-
kvöldi. Þetta er fyrsti Norður-
landameistaratitill íslendinga í
þessum aldursflokki.
íslenska liðið endaði með 196
stig, en Danir, sem voru í 2.
sæti, hlutu 175 stig. Svíar hlutu
bronsverðlaun með 162 stig, þá
komu Norðmenn með 125 stig,
Færeyingar með 117 og Finnar
ráku lestina með 115 stig.
Spiluð var tvöföld umferð og
hlaut íslenska liðið flest stig bæðj
í fyrri hlutanum og þeim síðari. í
gær gerði liðið jafntefli við Dani,
15-15, og vann Finna í lokaleikn-
um, 21-9.
íslensku Norðurlandameistar-
arnir heita Magnús E. Magnússon,
Sigurbjöm Haraldsson, Stefán Jó-
hannsson og Steinar Jónsson en
fyrirliði var Jónas P. Erlingsson.
Að gömlum góðum sið færði hann
þó áhöfn norska skipsins tertu með
áletrun sem bauð hana velkomna
og myndir af íslenska og norska
fánanum.
Vinnslustöðin hefur áður átt við-
skipti við útgerð skipsins og landaði
það t.a.m. tvisvar hjá Vinnslustöð-
inni á síðustu loðnuvertíð. Fyrirtæk-
ið hafði gert samning um að tvö
norsk loðnuskip, Kristian Rygge-
fjord og annað til, lönduðu öllum
sínum loðnukvóta hjá Vinnslustöð-
inni í sumar. Sagði Sighvatur að
þessi viðskipti skiptu fyrirtækið tals-
verðu máli í upphafi loðnuvertíðar
þegar lítið magn af loðnu berst alla
jafna til Vestmannaeyja. Norðmenn
hefðu að auki skilað mun betra hrá-
efni en íslensku loðnuskipin fyrir
sama hráefnisverð enda skip þeirra
búin kælitönkum. Taldi Sighvatur
óvíst nú hvort nokkuð yrði af frek-
ari viðskiptum. Kvóti Kristian Ryg-
geflord er 3.500 tonn en búast má
við að veiðileyfi skipsins verði aftur-
kallað ef sekt skipstjórans verður
sönnuð í þessu máli.
Skipstjóri vildi ekki tjá sig
Skipstjórinn, Einar Evröy, vildi
ekki tjá sig um málið. Bjornar Han-
sen, bátsmaður frá Tromso, sagði
hins vegar að hér hefði verið misskiln-
ingur á ferðinni. „Við erum ekki van-
ir því að lögreglan taki á móti okkar
á bryggjunni og við fengum allan
aflann í íslensku lögsögunni. Það
hlýtur að hafa verið fyrir misskilning
að tilkynnt var að hluti aflans hefði
fengist við Jan Mayen. Það er samt
gott að koma til íslands og við ætlum
bara að landa hérna,“ sagði Hansen.
í
í
>

I
t
I
l
i
i
I
I
t
i