Morgunblaðið - 22.07.1998, Blaðsíða 13

MORGUNBLAÐIÐ
MIÐVIKUDAGUR 22. JÚLÍ 1998 13
LANDIÐ
MEÐAL sýningaratriða á mótinu var þetta íslenska par sem var uppá-
búið að fornum sið og daman ríðandi í söðli.
Morgunblaðið/Aðalheiður
FULLTRÚAR hverrar þátttökuþjóðar undir fánaborg.
Aljóðlegt hestaíþróttamót unglinga á Hellu
Fulltrúar ellefu þjóða
á æskulýðsmóti
Hella - Þriðja æskulýðsmóti ung-
linga í hestaíþróttum lauk á Gadd-
staðaflötum á Hellu á sunnudag en
það hefur ekki áður verið haldið á ís-
landi. Að mótinu stóð FEIF, alþjóða-
samband eigenda íslenskra hesta.
Sjötíu og tveir unglingar frá ellefu
löndum dvöldu á Hellu í eina viku við
æfingar og keppni í blíðskaparveðri.
Að sögn Rósmarie Þorleifsdóttur,
formanns. æskulýðsnefndar Lands-
sambands hestamanna, hafa áður
verið haldin æskulýðsmót unglinga,
árið 1995 í Lúxemborg og 1996 í
Seljord í Noregi. Nú sé komin hefð
á að halda mótin annað hvert ár, til
skiptis við heimsleikana. Það hafi
verið að frumkvæði L.H. að halda
mótið í ár hér á landi í beinu fram-
haldi af Landsmóti hestamanna
sem er nýlokið. Þátttakendur komu
að þessu sinni frá ellefu löndum, allt
frá einum þátttakanda frá Kanada
upp í ellefu frá Þýskalandi og ís-
landi. Auk þess komu keppendur
frá Austurríki, Belgíu, Danmörku,
Bretlandi, Hollandi, Noregi, Svíþjóð
og Sviss. Með hópnum komu fimm
erlendir dómarar og þrír leiðbein-
endur, liðsstjórar, starfsfólk og að-
standendur unglinganna, auk ís-
lenska starfsfólksins, þannig að íbú-
um á Hellu fjölgaði vel á annað
hundraðið þessa vikuna.
Á mánudag mættu keppendur til
leiks og drógu um hesta, en næstu
þrjá daga fór fram kennsla hjá
þjálfurum, ásamt afþreyingu ýmiss
konar. Haldið var þjóðakvöld, farið í
skoðunarferð í Þórsmörk og á
Njáluslóðir, grillað og dansað. Á
fóstudag var mótið formlega sett og
keppni hafin. Um kvöldið fengu
gestirnir að sjá úrvalsgæðinga fara
á kostum undir stjórn íslenskra
meistaraknapa auk fleiri atriða. Á
laugardag var keppni fram haldið
en úrslit mótsins réðust eftir hádegi
á sunnudag. Að loknum verðlauna-
afhendingum var mótinu slitið með
virðulegri lokaathöfn.
Keppt á lánshestum
„Það sem er svo sérstakt við
þetta mót, er að þátttakendur voru
auðvitað ekki að keppa á sínum
hestum, þannig að það var töluverð
vinna hjá okkur að útvega lánshesta
og reiðtygi handa öllum erlendu
keppendunum, en þeir íslensku
voru að sjálfsögðu með sína hesta í
keppninni. Sunnlenskir og borg-
firskir hestamenn brugðust vel við
og gerðu þetta mögulegt með því að
lána hross sín og reiðtygi. Þetta er
búin að vera sérlega ánægjuleg
vika, þar sem hlutirnir hafa gengið
vel, en langflestir hafa verið hér í
sjálfboðavinnu. Krakkarnir eru
hæstánægðir og veðrið hefur leikið
við okkur,“ sagði Rósmarie að lok-
um.
FRÁ setningarathöfn mótsins, keppendur riðu inn á völlinn á eftir fánabera.
Nýr golfskáli
við Grænanes
Norðfirði - Golfklúbbur Norðfjarð-
ar stendur fyrir framkvæmdum við
byggingu nýs golfskála við golfvöll-
inn á bökkum Norðfjarðarár, við
Grænanes.
Nýi golfskálinn er 108 fm límtrés-
hús og er reiknað með að fram-
kvæmdum að utan ljúki í sumar.
Dundað verður við innivinnu í vet-
ur, eins og klúbbfélagar orða það.
Meðlimir í Golfklúbbi Norðfjarð-
ar eru um 60 og starfsemin er
blómleg.
Garðveisla á Egilsstöðum
Morgunblaðið/Ragnheiður
VEISLUSTAÐURINN Café Nielsen. Hulda Víðisdóttir syngur á
svölum uppi.
ÞRÁTT fyrir kuldann, sem verið hefur á Egilsstöðum í sumar, er
hægt að prúðbúast og njóta lífsins úti við.
Egilsstöðum - Það var annað
sumarið í röð sem félagar úr
Myndlistarfélagi Fljótsdalshér-
aðs og Garðyrkjufélagi Fljóts-
dalshéraðs efndu til garðveislu á
verönd Café Nielsen á Egilsstöð-
um sl. laugardag.
Dagurinn heilsaði að vísu með
hryssingskulda og trekki, enda
ekki enn komið sumar á Héraði
þótt komið sé langt fram í júlí.
En Héraðsbúar kalla nú ekki allt
ömmu sína, klæddust sínu fínasta
pússi og settu meira að segja upp
sumarhattana og fjölmenntu.
Innandyra var boðið upp á mynd-
listarsýningu sem ber heitið
Blóm er líf II, og eru verkin öll
eftir meðlimi Myndlistarfélags-
ins, tileinkuð öllu áhugafólki um
garðyrkju. Mun hún standa út
júlímánuð.
Utandyra voru hins vegar
boðnar til sölu plöntur úr görðum
félaga úr Garðyrkjufélaginu, og
hafa eflaust margir einmitt fund-
ið þar plöntuna sem þá vantaði í
eitt hornið í garðinum. Þá var
boðið upp á skemnit idagskrá og
var mættur hópur hæfileikafólks
af Héraði til að skemmta með
söng, hljóðfæraslætti og ljóða-
lestri. í lokin var síðan dregið í
happdrætti sem félögin stóðu að
sameiginlega og voru vinningar
myndverk eftir félaga í Myndlist-
arfélaginu og plöntur í garðinn.
Þess má geta að fráfarandi
bæjarstjóri Ilelgi Halldórsson
dró í því happdrætti og var það
hans síðasta embættisverk sem
slíkur.
Morgunblaðið/Ágúst
NÝI golfskálinn á bökkum Norðljarðarár.
Dráttarbeisli
Eigum fyrirliggjandi á lager dráttarbeisli frá Bosal
á flestar gerðir bifreiða. Vönduð vara á góðu verði.