Morgunblaðið - 22.07.1998, Side 36

36 MIÐVIKUDAGUR 22. JÚLÍ 1998
MORGUNBLAÐIÐ
BÍAÐtR HANPLB66IRUI
' S'ÖMV ERMINNI
Tommi og Jenni
Ljóska
Smáfólk
Erum við að Og við biðj- Þá það, það er þín Voff. Hefurðu einhvern tím-
fara að hringja í um hann að hugmynd ... þú ann talað f sfma áður?
Mikka Mús? senda okkur eðalvagn... talar við hann.
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Bið á heilsugæslu-
stöð til skammar
Frá Rafni Heiðari Ingólfssyni:
MIG langar til að leggja orð í belg
hvað varðar þær aðstæður sem því
fólki sem þarf að leita til Heilsu-
gæslustöðvarinnar í Hafnarfírði er
boðið upp á.
Eg varð fyrir því óláni að fá
slæmt tak í bakið og þurfti því illu
heilli að leita til læknis. Pegar á
heilsugæslustöðina kom komst ég
að því að aðeins einn læknir var á
vakt og löng bið. Ég mátti hafa það
að bíða í tvær klukkustundir og
fjörutíu og fímm mínútur áður en ég
svo mikið sem fékk samband við
lækninn.
Ég heyrði á tali fólksins í kring-
um mig, að allir voru sammála um
að full ástæða væri til að endur-
skoða þessa nýju sparnaðarstefnu
heilbrigðisyfirvalda, að hafa aðeins
einn lækni á því tímabili þegar
neyðarmóttaka á að fara fram.
Neyðarmóttaka er frá 17 til 20 alla
virka daga eða alls þrír tímar, það
þykir mikið að borga 1.100 krónur
fyrir að komast á vaktina en þá er
það miðað við að komast að strax en
ekki bíða næstum alla vaktina eins
og komið hefur fram.
Ég vissi til að kona sem beið
þarna með mér fór heim, fékk sér
að borða og gaf börnunum sínum í
leiðinni, þvoði upp og kom svo aftur
á heilsugæsluna og var, þegar ég
komst inn, búin að bíða í 30 mínútur
í viðbót og átti eftir að bíða enn
lengur þegar ég gekk út. Við sem
þama biðum máttum þakka guði
fyrir að ekki var um meiriháttar
meiðsl að ræða þannig að það þyrfti
að sauma einhvem eða þá að útkall
út í bæ kæmi, því að þá hefðum við,
sem höfðum setið þarna næstum
alla vaktina, fengið að dúsa enn
lengur. Því að sami læknirinn á að
sinna öllum tilfellum sem upp koma,
á vaktinni og líka úti í bæ.
Mér finnst að það séu takmörk
fyrir öllu og það getur varla verið
neinum til góðs að hafa svona stefnu
í heilbrigðismálum. Þetta er allt of
mikið vinnuálag á einn lækni og
þjónustan við sjúklingana er til há-
borinnar skammar, þetta þarf virki-
lega að endurskoða. Ef litið er á
þjóðfélagslegan sparnað, sem ætti
að vera grundvallarforsendan fyrir
þessari manneklu í læknastéttinni á
heilsugæslustöðvunum, þá er hægt
að reikna það út að ef við segjum að
á landinu bíði á hverjum virkum
degi 250 manns að meðaltali einn
tíma (sem er vægt áætlað sam-
kvæmt minni reynslu) geri það
1.250 vinnustundir á viku eða 65.000
vinnustundir á ári. Þama glatast
framlegð og fólkið fær lægri laun
sem því nemur og því gríðarlegt tap
fyrir þjóðfélagið í heild.
Þarna er svo sannarlega verið að
spara aurinn og henda krónunni.
RAFN HEIÐAR INGÓLFSSON,
Hraunbrún 44, Hafnarfirði.
Sérstaða Heilsu;
stofnunar NLFÍ
Frá Unni Þormóðsdóttur og
Þresti Jóni Sigurðssyni:
HEILSUSTOFNUN NLFÍ er að
mörgu leyti frábrugðin öðrum
sjúkrastofnunum. Hér er sérstök
nudd- og baðdeild starfrækt, þá er
nær eingöngu boðið upp á græn-
metisfæði. Heilbrigðisyfirvöld og
fagfólk innan heilbrigðisgeirans
gera sér flest fulla grein fyrir mikil-
vægi holls mataræðis ásamt gildi
hitameðferðar og sjúkranudds.
. Margvísleg meðferðarform eru í
boði innan nudd- og baðdeildar, en
sérstaða Heilsustofnunar felst að
miklu leyti í þeim aðferðum sem
þar er beitt. Þar ber fyrst að nefna
sjúkranudd, sem er vaxandi þáttur
í heilbrigðiskerfi þjóðarinnar. Hér
eru starfandi sjö sjúkranuddarar
sem allir hafa hlotið löggildingu frá
heilbrigðisráðuneytinu, en til að
hljóta löggildingu er krafist
þriggja ára náms á háskólastigi
sem einungis er kennt við erlenda
sérskóla.
Á deildinni eru einnig hin ein-
stæðu leirböð sem svo margir
þekkja, en leirinn í þeim er sóttur í
íslenska náttúru, hann meðhöndlað-
ur og blandaður á sérstakan lífræn-
an hátt. Leirinn er hitaður í
38-39°C, en í honum liggur fólk í 15
mínútur og fer svo í góða slökun á
eftir. Það hefur sýnt sig að leirinn
er frábær hitameðferð auk þess að
hafa góð áhrif á ýmiskonar húð-
vandamál.
Heilsuböð eru jafnframt hluti af
starfsemi deildarinnar. Um er að
ræða margvíslegar tegundir ilmol-
íubaða sem blönduð eru eftir því
hvað við á, t.d. kvefbað, slökunar-
bað, gigtarbað, greninálabað og
kamillubað svo eitthvað sé nefnt.
HNLFÍ hefur frá stofnun nær
eingöngu verið með grænmetisfæði
á boðstólum. Á stofnuninni er rekin
gróðrarstöð þar sem grænmeti er
ræktað á lífrænan hátt. Framleiðsla
stöðvarinnar sér mötuneytinu að
hluta til fyrir hráefni til matseldar.
Náttúrulækningar njóta síauk-
inna vinsælda á meðal almennings
og fagfólks innan heilbrigðiskerfis-
ins, jafnt innan lands sem utan. ís-
lendingar hafa þó verið fremur sein-
ir að tileinka sér þær „óhefð-
bundnu“ en viðurkenndu aðferðir
sem aðrar þjóðir hafa tekið opnum
öi-mum. Hæfileg samsetning nátt-
úrulækninga og hefðbundinna að-
ferða, þar sem hin vestrænu lækna-
vísindi eru höfð að leiðarljósi, er að
okkar áliti vænlegust til árangurs.
UNNUR ÞORMÓÐSDÓTTIR,
hjúkrunarfræðingur á HNLFÍ,
ÞRÓSTUR JÓN SIGURÐSSON;
formaður SNFI
yfirmaður göngudeildar HNLFÍ.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.