Morgunblaðið - 31.12.1998, Síða 70

70 FIMMTUDAGUR 31. DESEMBER 1998
MORGUNBLAÐIÐ
Dýraglens
Hundalíf
Smáfólk
Já, herra... þetta virðast vera
mistök... við komum til að fá
hundaleyfi, og þeir gáfu honum
tímabundið ökuleyfi...
Held ég að hann gæti
staðist ökupróf?
„Grein 203: Stefnuljósið skal
sett á áður en ökutækið kemur
að gatnamótum."
Ja, maður skal aldrei
segja aldrei...
BRÉF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Fegurðin
og sjónin
Frá Guðmundi Viggóssyni:
NÚ STENDUR yfir hátíð
ljóss og friðar og framundan
eru áramótin með allri sinni
gleði. Ljósadýrð flugelda á
skammdegishimni lætur fáa
ósnortna. En stutt getur verið
milli gleði og sorgar. Það hef-
ur nánast verið árlegur við-
burður hér á landi að einhverj-
ir hafi orðið fyrir alvarlegum
augnslysum um áramótin.
Augnlæknar hafa löngum bent
á þá hættu sem sjóninni getur
stáfað af skoteldum. Rann-
sóknir sýna að það eru drengir
á aldrinum 10-12 ára, sem eru
í langmestri hættu. Það er
skylda okkar sem eldri erum
að uppfræða böm okkar um
þá hættu sem röng meðferð
skotelda getur haft í fór með
sér. Það er ekki gaman að
þurfa að horfa upp á barn sitt missa
sjón á auga. Augnabliks óvarkámi
og óvitaskapur getur breytt lífi
bams ævilangt. Með einföldum ráð-
um má koma í veg fyrir langflest
þessara slysa. Förum því eftir leið-
beiningum framleiðenda. Notum
ætíð trygga undirstöðu undir flug-
eldana. Notum hanska og hlífðar-
gleraugu. Blindrafélagið hefur síð-
astliðin ár sent heilum árgangi ung-
linga hlífðargleraugu að gjöf og
með því hvatt til slysavama. Það
vill ekki að félagsmönnum sínum
fjölgi að óþörfu og undir það taka
augnlæknar.
Fylgjumst með hvað börn okkar
aðhafast þessa dagana. Heillarík
áramót og megum við njóta fegurð-
ar og gleði um ókomin ár.
GUÐMUNDUR VIGGÓSSON,
augnlæknir, yfirlæknir
Sjónstöðvai- íslands.
Áreiðanleiki
Biblíunnar
Frá Rúnari Kristjánssyni:
GUÐMUNDUR Rafn Geirdal hef-
ur um nokkurt skeið ritað talsvert
um andleg mál í Morgunblaðið.
Hann ræðir mikið um það hvað
maðurinn sé orðinn „þróaður" á
okkar dögum og vegna þess sé eðli-
leg framvinda að segja skilið við
allt sem hann kallar gamaldags og
úrelt í nútímanum. Eitt af því sem
þessi afar lærði maður virðist telja
gamaldags og úr takti við tímann
er Biblían og það sem hún stendur
fyrir - kristin trú og lífsskoðun.
Það er ekki neitt nýtt að ráðist sé
að kristninni og jafnvel einmitt
með þessum hætti. Það hafa marg-
ir gert á undan Guðmundi Rafni og
það er meira en líklegt að margir
muni iðka þann sið löngu eftir að
hann með allt sitt vit er horfinn af
sviðinu og þá sennilega hættur að
þróast. Það hefur margur lyft
merki Celsusar í gegnum aldimar
en kristindómurinn lifir samt og
mun lifa alla slíka.
Allt tal Guðmundar Rafns virðist
mér bera keim af nýaldarstefn-
unni, þar sem gengið er út frá því
að maðurinn sé einfær um að frelsa
sjálfan sig. Hann þurfi bara að þró-
ast ofurlítið meira og þá sé þetta
komið. Ef til vill væri fróðlegt fyrir
menn að kynnast því í nærmynd
hversu langt komnir menn eins og
Guðmundur Rafn séu í því að
frelsa sjálfa sig frá vandamálum
þessa heims!
Fyrir nokkru skrifaði Guðmund-
ur grein í Mbl. undir yfirskriftinni
„Oáreiðanleiki Biblíunnar" og í
henni fór hann að mestu troðnar
slóðir vantrúarmanna allra alda.
Ég ætla ekki að eltast við þann
heilaspuna í sjálfu sér, en þó vil ég
nefna nokkuð til andsvara. Ég tel
Biblíuna hiklaust Orð Guðs og sú
andlega næring sem fæst af því að
lesa hana með opnum huga er
hrein sálarblessun. Sú er líka
reynsla milljóna manna og kvenna
um allan heim og þess vegna verð-
ur Biblían áfram sem hingað til
Bók bókanna og ljós fyrir þá sem
ljós vilja sjá. Það sem frá Guði
kemur er áreiðanlegt.
Það er einlæg von mín að Guð-
mundur Rafn Geirdal verði ekki
svo „þróaður" alla sína daga, að
hann fari þar af leiðandi á mis við
þá blessun sem Biblían getur sann-
arlega gefið inn í líf manna. Þá á ég
við, inn í líf manna sem viðurkenna
í auðmýkt hjartans að þeir þurfi á
náð Guðs að halda í öllu lífi sínu.
Slík afstaða til guðdómsins er
grundvallarforsenda þess að réttur
skilningur á eðli Orðsins geti vakn-
að í hjarta mannsins og orðið hon-
um sáluhjálp til frambúðar. Hvað
stoðar það manninn að dýrka „þró-
un“ sem færir hann stöðugt lengra
frá Guði sínum!
RÚNAR KRISTJÁNSSON,
Bogabraut 21, Skagaströnd.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að Iútandi.