Morgunblaðið - 22.07.1999, Blaðsíða 14

14 FIMMTUDAGUR 22. JÚLÍ 1999
MORGUNBLAÐIÐ
HÖFUDBORGARSVÆÐID
blíðu
Morgunblaðið/Árni Sæberg
Nauthólsvík
KRAKKAR á námskeiðum
siglingaklúbbsins í Siglu-
nesi brugðu á leik í blíð-
viðrinu sem gladdi íbúa
höfuðborgarsvæðisins í
gær. Börnin nýttu blíðuna
til að róa kajökum, kanó-
um og árabátum.
Boðið er upp á heils-
dagsnámskeið fyrir börn
á aldrinum átta til tólf
ára í Siglunesi. Fyrir há-
degi er lögð áhersla á
leiki, útivist og stuttar
ferðir innan borgarinnar,
en eftir hádegi eru sigl-
ingar aðalviðfangsefni
krakkanna.
Að sögn Benedikts Inga
Tómassonar, leiðbeinanda
á námskeiðunum, er mikil
áhersla lögð á að dagskrá
þeirra sé fjölbreytt og
skemmtileg og öllum líði
vel. Hann segir námskeið-
in hafa notið mikilla vin-
sælda í sumar og færri
komist að en vilji.
í Siglunesi eru einnig
haldin framhaldsnámskeið
fyrir tólf til fimmtán ára
unglinga. Þar er meginá-
herslan lögð á siglingar á
seglbátum.
Benedikt bendir á að á
fimmtudögum frá klukk-
an fimm til tíu að kvöldi
sé hægt að leigja báta í
Siglunesi. „Þetta er tilval-
in leið fyrir alla íjölskyld-
una til að eiga ánægjulega
samverustund við sjávar-
siðuna í sumarfríinu,"
sagði hann.
Foldasafn, útibil Borgarbókasafnsins í Grafarvogi, býður upp á fjölbreytta þjónustu og er opið í allt sumar
!]

FJÖLMÖRG blöð og tímarit liggja frammi á setustofu bókasafnsins.
Vel búið bókasafn
Grafarvogur
ÞÓTT Grafarvogskirkja sé
enn hálfköruð er bókasafnið
í kirkjunni fullbúið. Folda-
safn var opnað í desember
1996. Það er á tveimur hæð-
um, bjart og rúmgott. Fólk
á öllum aldri, leikskólaböm
jafnt sem ellilífeyrisþegar,
sækir safnið. Margir koma
oft, tylla sér niður í setu-
stofu safnsins og lesa tíma-
rit og blöð. Aðsóknin mætti
þó vera meiri, að sögn Unu
Svane, sem stýrir Folda-
safni.
Útibú Borgarbókasafns-
ins sérhæfa sig á mismun-
andi sviðum, safnið í Gerðu-
bergi er til að mynda tónlist-
arsafn. Foldasafn hefur lagt
sig eftir að eiga gott safn
rita um ættfræði og marg-
víslega handavinnu. Að auki
er reynt að fylgjast vel með
útgáfu nýrra tölvubóka.
„Við leggjum talsverða
áherslu á að ná í ættfræðirit
fyrir grúskara," sagði Una.
Hún segir marga sýna rit-
unum áhuga, til dæmis sé al-
gengt að grunnskólabörn
spyrji um ættfræðibækur
sér til gamans og fróðleiks.
Una segir handavinnu-
bækurnar líka njóta mikilla
vinsælda. Safnið á fjölda
bóka um ýmsar tegundir
handavinnu, s.s. bútasaum
og útskurð í tré. Þess eru
dæmi að fólk komi um lang-
an veg til að fá þær bækur
lánaðar.
Góð aðstaða
A neðri hæð bókasafnsins
er notaleg setustofa. Þar
býðst fólki kaffisopi og gott
næði til lesturs. Foldasafn
býr yfir fjölbreyttu úivali ís-
Morgunblaðið/Árni Sæberg
UNA Svane, deildarstjóri hjá Borgarbókasafninu, í
húsakynnum Foldasafns.
. ///.

lenskra og erlendra tímarita
sem njóta mikilla vinsælda
meðal gesta safnsins.
Sérútbúin lesaðstaða er á
Foldasafni og gestir safns-
ins geta unnið við tölvur í
sérstöku tölvuveri. „Aðstað-
an er hugsuð fyrir fólk frá
framhaldsskólaaldri og
eldra. Fólk þarf að vera
sjálfbjarga í tölvuverinu,
það er þar á eigin vegum,“
sagði Una. Hún kvað miklar
kröfur gerðar til góðrar um-
gengni á staðnum.
Margt sem
kemur á óvart
Auk bóka og tímarita er
gott úrval hljóðbóka og
myndbanda á Foldasafni.
Hægt er að fá skáldsögur,
ævisögur og sagnfræðirit á
snældu, svo fátt eitt sé
nefnt. Einnig má fá hljóð-
bækur á erlendum tungu-
málum á safninu. „Þær eru
mjög vinsælar fyrii- sam-
ræmdu prófin," sagði Una.
Stai’fsmenn Foldasafns
hafa í hyggju að kynna
börnum í Grafarvogi safnið
á kerfisbundinn hátt. I vor
sóttu leikskólaböm safnið
heim. „Það er gaman að sjá
að þau draga foreldra sína
með sér á safnið," sagði
Una. Hún segir líka algengt
að foreldrar komi og biðji
um bækur sem þeir lásu í
uppvextinum handa börnum
sínum.
Una hvetur Grafarvogs-
búa til að kynna sér það sem
safnið hefur upp á að bjóða.
„Það mun örugglega margt
koma þeim á óvart,“ sagði
hún að lokum.