Morgunblaðið - 29.08.1999, Qupperneq 20

MORGUNBLAÐIÐ
20 B SUNNUDAGUR 29. ÁGÚST 1999
/-----------------------------
Pitt og Norton í
• Bardagaklúbbnum
Pitt og Norton í hlutverkum sínum í mynd Finchers.
Nafnlausa kynslóðin
Regnvot stræti
David Fincher hlaut sitt kvik-
myndalega uppeldi við gerð aug-
lýsinga og tónlistarmyndbanda og
þótti ansi lunkinn á sínu sviði.
AHann gerði m.a. auglýsingar fyrir Tveir ágætir saman: Pitt og Norton.
Nike og rokkmyndbönd fyrii- The
Rolling Stones áður en framleið-
andinn og leikstjórinn Walter Hill fékk hann til þess að leikstýra fyrir sig þriðju „Alien“-
myndinni. Fincher gerði ágæta framhaldsmynd þótt ekki væri hún betri en myndir Ridley
Scotts og James Camerons sem komu á undan henni. Stíliseringin benti mjög sterklega til
uppruna Finchers í auglýsingunum og komu þau áhrif jafnvel enn betur í ljós í næstu mynd
hans, fjöldamorðingjatryllinum „Seven“ eða Höfuðsyndunum sjö. Þar lék Brad Pitt einnig
fyrir Fincher ásamt Morgan Freeman (er hann besti kvikmyndaleikari samtímans?) og
reyndist tryllirinn firnagóður, myrkur og drungalegur og gersamlega miskunnarlaus. Tryllir-
inn gekk skrefi lengra en aðrir svipaðir hvað útlistun á skelfilegum morðum varðaði auk þess
sem endalokin voru ekki beint samkvæmt Hollywood-línunni.
Næsta mynd Finchers, Leikurinn eða „The Game“, með Michael Douglas var svipað
drungalegur og myrkur sálfræðilegur tryllir hlaðinn ofsóknarkennd og samsærislegu and-
•^rúmslofti. I henni reyndist endirinn að vísu vera algerlega samkvæmt Hollywood-línunni og
skemmdi talsvert fyrir annars ágætri mynd.
Þeir sem séð hafa þessar fyrri myndir leikstjórans vita hverju þeir geta átt von á í „Fight
Club“, dimmum og regnvotum strætum, varla nokkrum sólargeisla og sögu sem bæði er
vægðarlaus og spennandi.
„Ég held ekki að nokkur annar af okkar kynslóð hefði getað gert þessa mynd,“ hefur
Premiere eftir Edward Norton. „Fincher er eini leikstjórinn sem þekkir alla þætti kvik-
myndagerðarinnar frá hinu smæsta til hins stærsta. Ég held að hann ...“ „... taki við af St-
anley Kubrick", bætir Brad Pitt við. „Fræðingarnir hafa eflaust einhverja aðra skoðun á því
^en þetta er það sem ég held.“
„Fight Club“ er aðeins sjötta
bíómyndin sem Edward Norton
leikur í en hann er einn af efnilegri
kvikmyndaleikurum Bandaríkj-
anna af sinni kynslóð. Hann vakti
strax mikla athygli með sinni
fyrstu mynd þegar hann lék fanga
grunaðan um morð á móti lögfræð-
ingnum Richard Gere í lagatryllin-
um „Primal Fear“. Norton var út-
nefndur til Oskarsins fyrir bestan
leik í aukahlutverki og þremur ár-
um síðar hlaut hann útnefningu til
Óskarsins fyrir aðalhlutverkið í
„American History X“, annars
heldur misheppnaðri mynd um arf-
gengi kynþáttafordóma. Norton
hefur leikið fyrir ýmsa höfðingja
kvikmyndanna á stuttum ferli og
nægir að nefna þar á meðal Milos
Forman og Woody Allen.
Brad Pitt hefur átt á brattann
að sækja að undanförnu þótt ekki
hafi það veruleg áhrif á kaupkröf-
ur hans; hann fær ekki undir 20
milljónum dollara fyrir mynd
þessa dagana. Hann hætti námi í
Missouri-háskóla og hélt til kvik-
myndaborgarinnar Los Angeles og
hreppti lítið hlutverk sem hann
gjörnýtti í svolítið geggjaðri mynd
sem hét Thelma og Louise. Síðan
þá hefur hann orðið eitt af kyn-
táknunum í Hollywood. Tvær síð-
ustu myndir hans eru Sjö ár í Tí-
bet, sem var alltof löng og hrein-
lega leiðinleg, og „Meet Joe
Black“, sem þjáðist nokkuð af því
sama. Hvorugri myndinni vegnaði
vel í miðasölunni, sem er eini gildi
mælikvarðinn á gæðum mynda í
Hollywood, og því er sagt að hann
þurfi á mynd sem hlýtur góða að-
sókn að halda til þess að lappa upp
á ferilinn. „Miðað við hvað við
borgum honum
fyrir að vera í þess-
ari mynd,“ er haft
eftir Éincher, „þarf
hann alls ekki á
neinni aðsóknar-
mynd að halda.“
Og síðar segir
hann: „Það besta
við Brad Pitt er að
maður veit aldrei
hvar maður hefur
hann. Hann er óút-
reiknanlegur.
Kannski gerir hann
hluti á hvíta tjald-
inu sem falla fólki
ekki í geð; kannski
gerir hann hluti
sem fólki finnst að
eigi einstaklega vel
við hann. En hann
á aldrei eftir að
verða einn af þess-
um náungum sem þú gengur að sem sjálfsögðum hlut.
Hann á aldrei eftir að segja, hvað vill fólk sjá mig
gera?“
Höfundur bókarinnar „Fight Cluc“ heitir Chuck
Palahniuk. Hann er 37 ára gamall og skrifaði bókina á
þremur mánuðum eins og áður sagði eftir að hafa sótt
rithöfundanámskeið og notaði sex vini sína sem persón-
ur í sögunni. Síðan þá hefur hann hætt að starfa sem
bifvélavirki og snúið sér að skrifum eingöngu. Önnur
saga eftir hann heitir „Survivor" og hefur 20th Century
Fox hana til skoðunar og sú þriðja og nýjasta kemur út
á næstunni.
Lesendur spyrja hann oft að því hvort til séu bar-
dagaklúbbar eins og hann lýsir í sögunni en hann segist
ekki vita um neina, allt sé þetta skáldskapur. Þó hefur
hann heyrt orðróm um slíka starfsemi í New Jersey og
London. „Ef þörfin væri ekki fyrir hendi, myndi fólk
ekki gera þetta,“ er haft eftir honum. „Og fremur vildi
ég að það berði hvert á öðru en að það gengi inn á
næsta MaeDonalds-stað með afsagaða haglabyssu í
höndunum."
Óútreiknanlegur; Brad Pitt
Bardagaklúbburinn
eða „Fight Club“ er saga um
unga menn sem standa fyrir
ólöglegum hnefaleikum í kjöllurum
vínveitingahúsa. Hún er byggð á
fyrstu skáldsögu bifvélavirkjans
Chuck Palahniuk. Hann skrifaði
söguna á þremur mánuðum og
vakti athygli leikstjórans Finchers
sem þekktur er fyrir myndirnar
„Seven“ og „The Game“. Aðalper-
sónur „Fight Club“ eru tvær.
Norton leikur mann sem lokið hef-
ur háskólanámi og er í góðri vinnu
en finnur sig engan veginn í tilver-
unni. Pitt leikur stjórnleysingja
sem hann hittir og saman stofna
þeir bardagaklúbbinn er leiðir
brátt til samfélagslegs óróa og í
kringum hann safnast fylgjenda-
hópur, sem snoðklippir sig og kall-
ar sig Geimapana.
David Fincher er athyglisverður bandarískur
leikstjóri sem sendir frá sér nýja mynd á ár-
inu er heitir Bardagaklúbburinn eða „Fight
Club“ og er með Brad Pitt og Edward Norton
í aðalhlutverkum. Arnaldur Indriðason skoð-
aði hvers slags mynd er um að ræða.
Bókin er mjög myrk samtíma-
lýsing og uppfull af setningum eins
og; þetta er þitt líf og þú færist
nær dauða þínum með hverri
klukkustundinni. Eða; við erum
> miðbörnin í sögu tuttugustu aldar,
alin upp á sjónvarpi og fengin til
þess að trúa því að einn daginn
verðum við milljónamæringar og
kvikmyndastjörnur og rokkstjörn-
ur en það gerist aldrei. Og; undir
og bakvið og innan í öllu því sem
ég tók sem sjálfsögðum hlut hefur
vaxið einhver hryllingur. „Það var
svo margt sem sögumaður bókar-
innar sagði sem ég hafði hugsað
með sjálfum mér en aldrei sagt
neinum,“ hefur bandaríska kvik-
, myndatímaritið Premiere eftir
y leikstjóranum Fincher. „Karlmenn
í dag vita ekki hvernig þeir eiga að
haga sér. Það eru hvergi neinar
leiðbeiningar um hvernig lifa beri
lífinu. Á ég að gráta? Á ég að
brjóta eitthvað?"
„Það er ákveðinn uppreisnar-
andi í myndinni sem endurspeglar
viðhorf minnar kynslóðar," segir
Norton af sama tilefni, en hann
stendur á þrítugu. „Við erum köll-
uð nafnlausa kynslóðin eða X kyn-
slóðin og því fylgir neikvæði. Það
er ekki aðeins að við finnum fyrir
tilgangsleysi heldur erum við upp-
full af efahyggju. Við finnum kald-
hæðnina og örvæntinguna og jafn-
^vel lamandi áhrifin sem liggja að
baki upplýsinga- og tækniþjóðfé-
laginu. Við erum miklu mun upp-
lýstari og miklu fyrr en foreldrar
okkar nokkurntímann voru.“
Brad Pitt, sem er 35 ára, tekur í
sama streng. „Ég ólst upp við allar
þessar stofnanir, skóla og kirkju-
starf og klúbba margs konar, en
fann mig aldrei í þeirri tilveru og
skildi ekki þá sem fögnuðu samfé-
laginu eins og það er.“
Helena Bonham Carter og Edward Norton í „Fight CIub“.