Morgunblaðið - 17.11.2000, Qupperneq 2

2 FÖSTUDAGUR 17. NÓVEMBER 2000
MORGUNBLAÐJÐ
FRÉTTIR
Uppsögn
vagnstjóra
var dæmd
ólögmæt
HÆSTIRÉTTUR hefur dæmt
Reykjavíkurborg og Strætisvagna
Reykjavíkur til að greiða fyrrver-
andi vagnstjóra hjá SVR 900 þúsund
krónur í bætur vegna ólögmætrar
uppsagnar.
Vagnstjóranum var sagt upp
störfum hjá SVR með þriggja mán-
aða uppsagnarfresti í ágúst 1997.
Hæstiréttur bendir á að forstöðu-
mönnum SVR hafi borið að fara að
reglum stjórnsýslulaga við ákvörðun
um að segja vagnstjóranum upp
störfum og hafi ákvörðunin orðið að
byggjast á málefnalegum sjónarmið-
um. I uppsagnarbréfinu hafi ekki
verið getið ástæðna uppsagnarinnar,
en að beiðni mannsins var gerð grein
fyrir þeim í bréfi SVR í september
1997. Kom þar fram að ástæða upp-
sagnarinnar var sú að vagnstjórinn
hafði eitt sinn sleppt því að aka tæp-
lega helming þeirrar leiðar, sem
honum bar að aka, og hafði hann
ekki svarað kalli varðstjóra sem
reyndi að hafa samband við hann. Þá
var þess getið að í september 1996
hefði vagnstjórinn fengið áminningu
fyrir að virða ekki tímasetningar í
akstri, auk þess sem hann hefði feng-
ið tiltal vegna ýmissa atriða í starfi.
Var vagnstjórinn boðaður á fund for-
stjóra SVR, en áður en hann fékk
fundarboðið hafði hann tilkynnt
veikindi. Var honum ekki gefinn
kostur á öðrum fundi, heldur sent
uppsagnarbréfið samdægurs.
Brotið gegn andmælarétti
Hæstiréttur segir að með þessu
hafi verið brotið gegn rannsóknar-
reglu og andmælarétti stjómsýslu-
laga og hafi uppsögnin því verið
ólögmæt. SVR og Reykjavíkurborg
séu skaðabótaskyld gagnvart vagn-
stjóranum vegna þessa og var þeim
gert að greiða honum bætur fyrir
fjártjón við launamissi, 900 þúsund
krónur, með vöxtum frá apríl 1999.
--------------------
Hægt mið-
ar í kenn-
aradeilunni
HÆGT hefur miðað í samningavið-
ræðum Félags framhaldsskólakenn-
ara og samninganefndar ríkisins.
Deiluaðilar áttu fund hjá ríkis-
sáttasemjara í gær og er annar fund-
ur boðaður í dag. Samningsaðilar eru
sammála um að breyta framsetningu
launatöflu og endurskilgreina störf
inn í ramma og flokka á sambærileg-
an hátt og tíðkast hjá mörgum félög-
um annarra ríkisstarfsmanna. Um-
ræða á fundum síðustu daga hefur
ekki síst snúist um hvernig mætti
þróa nýtt launakerfi fyrir kennara.
Samninganefnd ríkisins hefur
ekki lagt fram nýjar tillögur til
lausnar deilunni frá því hún lagði
fram tillögur 3. nóvember. Deilu-
aðilar hafa þó skipst á hugmyndum
um ýmsa þætti málsins.
Ráðherra leggur til breytingar á lögum um tekju- og eignarskatt
Frestun á skattlagningu sölu-
hagnaðar hlutabréfa afnumin
HEIMILD til frestunar á skattlagningu sölu-
hagnaðar hlutabréfa verður afnumin skv. frum-
varpi til laga um breytingu á lögum um tekju-
skatt og eignarskatt sem fjármálaráðherra hefur
lagt fram á Alþingi. Jafnframt verður allur sölu-
hagnaður einstaklinga af hlutabréfum skattlagð-
ur með 10% án takmörkunar, eins og gildir um
aðrar fjármagnstekjur. Er þetta gert þar sem
lagabreytingar sem gerðar voru 1996 hafa aðeins
að hluta til náð tilgangi sínum um eflingu ís-
lensks atvinnulífs með aukinni þátttöku almenn-
ings, að því er fram kemur í greinargerð. Fjár-
magn hafi í reynd leitað frekar úr landi í stað
þess að skila sér inn í íslensk atvinnufyrirtæki
eins og til stóð.
í greinargerð með frumvarpinu er rifjað upp
að með lagabreytingum sem gerðar voru 1996
hafi verið samþykkt að heimila frestun
skattlagningar á söluhagnaði hlutabréfa hjá ein-
staklingum um tvenn áramót.
Ennfremur er rakið að samkvæmt núgildandi
lögum er söluhagnaður einstakhnga af hlutabréf-
um umfram 3,2 milljónir króna og 6,4 milljónir
hjá hjónum skattlagður eins og hverjar aðrar
tekjur ef heimildir skv. 7. mgr. 17. gr. laga eru
ekki nýttar. Kaupi einstaklingur hins vegar önn-
ur hlutabréf í stað hinna seldu innan tveggja ára
færist söluhagnaðurinn til lækkunar á kaupverði
nýju bréfanna. Skattur á aðrar fjármagnstekjur
er aftur á móti 10% án takmörkunar.
Hvatning til að íjárfesta í félögum
erlendis fremur en hér á landi
„Ýmislegt bendir til þess að þeir sem hafa
hagnast vel á sölu hlutabréfa á undanförnum ár-
um hafi í vaxandi mæli nýtt sér umrædda frest-
unarheimild. Þá virðast sífellt fleiri telja að hag-
stæðara sé að ávaxta það fé í hlutafélögum, sem
eru annars staðar en á íslandi, vegna hagstæðari
skattareglna og í ýmsum tilvikum í skjóli banka-
leyndar. Leiða má líkur að því að í mörgum til-
vikum falli skattlagningin jafnvel niður vegna
skorts á upplýsingum,“ segir í greinargerðinni.
„Þetta tvennt, frestun skattgreiðslna og hag-
stætt skattaumhverfi, eru án efa helstu ástæður
þess að stærri fjárfestar hafa kosið að stofna
eigin hlutafélög erlendis. Þannig má halda því
fram að í gildandi lögum felist ákveðin hvatning
fyrir einstaklinga til þess að fjárfesta í félögum
erlendis fremur en hér á landi,“ segir ennfrem-
ur.
íslenskir fjárfestar hafi því getað takmarkað
skatta sína með því að greiða sér arð frá hinu er-
lenda félagi sem er skattlagður með 10% skatti
hér á landi. Þetta sé gert þar sem hagstæðara er
að fá fjármagnstekjur í formi arðs en söluhagn-
aðar þegar fjárhæðirnar eru orðnar háar. Af öllu
þessu megi aftur á móti álykta að lögin hafi að-
eins að hluta til náð tilgangi sínum. Því sé rétt
að afnema frestunarheimildina.
Skipstjórn-
armenn
boða verk-
fall 23. nóv.
SKIPSTJÓRAR og stýrimenn á
kaupskipum samþykktu á félags-
fundi í gær að boða verkfall á kaup-
skipum frá og með fimmtudeginum
23. nóvember. Tillaga þess efnis var
samþykkt samhljóða með 36 atkvæð-
um. Kokkar og brytar, sem boðað
höfðu verkfall nk. mánudag, til-
kynntu í gær að þeir ætluðu að fresta
boðuðu verkfalli til 23. nóvember.
Boðað verkfall skipstjórnarmanna
nær til 98 manna sem starfa á kaup-
skipum, olíuflutningaskipum og ferj-
unum Herjólfi og Grímseyjarferj-
unni. í tilkynningu frá ríkissátta-
semjara segir að félögin þrjú, þ.e.
Félag matreiðslumanna, sem er í
Matvís, og Félag bryta og Félag
skipstjómarmanna, sem eru í FFSI,
hafi samþykkt að mynda sameigin-
lega viðræðunefnd við Samtök at-
vinnulífsins.
Fundur var í kjaradeilunni í gær
hjá ríkissáttasemjara og sagði Níels
S. Olgeirsson, formaður Matvíss, að
þetta hefði verið góður fundur og
báðir aðilar væru sammála um að
ganga í það að semja. Annar samn-
ingafundur yrði haldinn í dag.
Samtök atvinnulífsins hafa sett
fram efasemdir um að eðlilega hafi
verið staðið að boðun verkfalls bryta
og kokka. Níels sagði að vinnuveit-
endur hefðu óskað eftir að þeir frest-
uðu verkfalli í þrjá daga og kvaðst
telja að í því fælist að þeir viður-
kenndu verkfallsboðunina.
Komi til verkfalls stöðvast fyrstu
skip Eimskipafélagsins mánudaginn
27. nóvember. Skip Samskipa koma
til landsins 28. nóvember og stöðvast
þá hafi deilan ekki verið leyst. Herj-
ólfur og Grímseyj arferj an stöðvast
aftur á móti strax 23. nóvember.
Morgunblaðið/Jim Smart
Boeing 757-þota Flugleiða lenti á Reykjavikurflugvclli vegna þess að ófært var vegna veðurs í Keflavík.
Boeing 757
lenti í
Reykjavík
BOEING 757-þota Flugleiða
þurfti að lenda á Reykjavíkur-
flugvelli siðdegis í gær vegna
þess að ekki var hægt að lenda í
Keflavík vegna ófærðar.
Flugvélin var að koma frá
Frankfurt í Þýskalandi með rúm-
lega 100 farþega. íslensku far-
þegunum, um 40 talsins, var boðið
að stíga frá borði í Reykjavík og
þar fengu þeir farangur sinn af-
hentan en hluti farþeganna var á
leið til Bandaríkjanna. Skömmu
eftir að vólin lenti í Reykjavík var
Keflavíkurflugvöllur orðinn fær
og flaug vélin með erlendu far-
þegana þangað svo að þeir gætu
skipt um vél.
Morgunblaðið/Jim Smart
íslensku farþegamir komu við í litlu fríhöfninni á Reykjavíkurflugvelli.
Sjaldgæft er að svo stórar vélar
lenti á Reykjavíkurflugvelli en
ekki einsdæmi. Þannig segir Guð-
jón Arngrímsson, blaðafulltrúi
Flugleiða, að Boeing 757-vél á
heimleið frá Halifax hafi lent þar
í fyrravetur af sömu ástæðum og
vélin í gær.
mm Sé ð í dag
BÍÓBLAÐIÐ
Á FÖSTUDÖGUIi
Fylgstu
með
nýjustu
fréttum
www.mbl.ls